انفتح الباب وخافت أكثر
بس أرتاحت يوم شافت سلطان ركضت له وهي تضمه : ليه تركتني لحالي ليه
سلطان : اهدي ريم اهدي خلاص هذا انا هنا
ريم : والله اني كنت بناديك
سلطان : اوووش خلاص انا اسف ياالريم اني فهمتك غلط
ريم : مسموح ياسلطان
ودخلوا غرفتهم وناموا بعد تعب السفر
.
.
بعد أسبوعين
كولامبور
الساعه 4 عصرا
سلطان :ريم يلا قومي بنسافر لسلانجور
ريم : همممممم سلطان خلني أانام
سلطان بخبث : تبين أسبحك ؟؟
ريم بحيا : لآ لآ خلاص قمت
سلطان :ناس ماتجي الا بالعين الحمرا
ضحكت وراحت
ابتسم ويناظر لزولها الله يحفظك ويخليكك لي
بعد ساعه
ريم : سلطان يلا انا جاهزه
سلطان : حتى انا
ريم :خذيت كل اشيائك ؟
سلطان:ايه
وقطع عليهم صوت جوال سلطان
…: هلا بالعريس
سلطان: هلا بولد العم
…:شخبارك وشخبار مرتك ؟
سلطان : كلنا بخير شخبارك يابندر وشخبار أخوانك ؟
بندر : كلنا بخير ويسلمون عليك خصوصا يوسف
سلطان : الله يسلمه ما معنى اني زعلان عليكم
بندر:افا وش مزعلك
سلطان : ليه ماحظرتوا عرسي ماحظر منكم الا طلال بسس
بندر : تعرف الظروف وانت ادرى فيصل وريم طلاب واختباراتهم وانا موظف اتصالات ودوامي طويل
سلطان :الله بالعون
بندر سمع همس ريم وتقول له لانتاخر مابقى شي على الرحله : يلا ياسلطان توصي بشي مانيب نطول عليك
سلطان :سلامتك يالغالي ووصل سلامي ليوسف ولد الشرقيه ههههه
بندر:يوصل ..فمان الله
وطلعوا للمطار وبعد الاجرائات
سلطان: ريم تبين كفي والا شي
ريم :خلها بالطياره احسن هنا اخاف ينادون بسرعه
سلطان :على راحتك وعلطول نادوا على رحلتهم
أبتسم سلطان : أحساسك عجيب
ريم : شفت كيف
.
.
ركبوا الطياره
كان فيه ثلاث مقاعد وحده خليجيه ومعها بنت رضيعه عند الشباك وريم في النص وسلطان عند الممر
مرت ربع ساعه ونام سلطان
ريم : وش أسمك ؟
…: أسيل وأنتي ؟
ريم : ريم
أسيل :تشرفنا ياريم .. من وين ؟
ريم : من السعوديه وتحديدا حائل
أسيل : انا سعوديه لكن من الشرقيه
ريم : حيا الله بنات الشرقيه
أسيل : الله يحيك ويبقيك وانتي وش سبب جيتك هنا
ريم : عروس .. وأنتي ؟
أسيل: انا مطلقه وهذي بنتي ولي فتره أدرس بكولامبور وأروح عند أخوي بسلانجور
ريم : آلله يكون بعونكم وترفعين راس اهلك بالشهاده
أسيل : أنتي من أي عائله
ريم : آلـ …..
أسيل : والنعم زوجك ولد عمك والا وش يقرب لك ؟
ريم :ولد زميل أبوي بالعمل عايلته آلـ ….
أنصدمت أسيل : طيب له عم أسمه عبد العزيز ؟
ريم : أيه هم ساكنين بالرياض بس ماشفتهم وولدهم مهندس بالشرقيه
أسيل أنلجم لسانها : الله يرده لهم بالسلامه
ريم وهي مستنكره طبعها : امين
ونبهوا الطاقم ان الهبوط اللحين وربط الاحزمه
ريم : سلطان قوم يلا اللحين الهبوط
سلطان :يلا صحيت
بعد ربع ساعه
هبطوا بمطار سلانجور
وبعد ما اخذوا شناطهم
ريم : طلال له اخو بالشرقيه ؟
سلطان : ايه عمره 27 ومهندس
ريم :اللي كانت بجنبنا ارتبكت يوم سمعت اسم عايلتك
سلطان :يمكن موب علشان العايله يمكن تذكرت شي ضايقها
ريم: الله هو العالم
.
.
بالسعوديه
ببيت ابو صقر
ام صقر وعيونها تدمع : يمه يعني بتولدين هناك ؟
هند : يمه انتي تعرفين زوجي شغله بالرياض وانه ضابط وهو عنده مهمه وتدريب يمكن اكثر من شهر
ام صقر : الله يسهل عليك ويوفقك
هند: لاتكدرين خاطرك يمه وانشاء الله ريم بتجي الاسبوع الجاي والا اللي بعده
ام صقر : ان شاء الله على خير
هند :توصيني بشي يمه من الرياض ؟
ام صقر : سلامتك يبنيتي
هند: فمان الله
ام صقر : الله معك
طلعت هند معها فيصل والخدامه تشيل الشناط
حطوا الاغراض بالسياره ومشوا
بعد 4 ساعات
والظلام يكسي الطريق
باقي على الرياض 150 كيلو
طلال وهو يكلم أخوه فيصل بالجوال : فيصل ما أبي أطول عليك بس خل ريم والا الخدامه تنظف جناحنا و جب عشا بعد ساعه لان حدود الساعه او ساعه ونص اكون عندكم
هند: طلال اذا اللي ببطني بنت وش ودك اسميها ؟
طلال : اذا ولد بسميه عبدالعزيز على اسم ابوي الله يرحمه واذا بنت براحتك
هند :انا كذا ببالي بس اذا بنت بسميها كادي
طلال :حلو هالاسم
هند: والا ببالك اسم ؟
طلال :لا مافيه
هند : انا محتاره بين ثلاث اسماء ريم وكادي وفررر.. وتحول صوتها لصراااخ
طلااااااااااااااااااااال لااااااااااااااااااااااااااااااااااااااااااااااا
.
.
.
.
وأختلط صوتها بألتحام حديد سيارتهم بشاحنه
.
.
.
.
توقعاتكم …
أسيل؟ هل تحمل مفاجئه تخص عائله ابو طلال ؟
طلال وعائلته .. ما مصيرهم ؟
أتمنى البارت يكون أعجبكم وأرآئكم وتشجيعكم يهمني
.gif "Graaam (14)")
.gif "Graaam (262)")
.gif "Graaam (253)")
.gif "Graaam (314)")
