الرمش الأرشيف - غرام اماراتي

علن فدا روحك والرمش ؟؟؟ 2024.

#poem_558d79e909de5 td { font-family: Simplified Arabic; font-size: medium; font-weight: bold; }

ياالله …. على شبت النار والرقيب اسهيل	……… على نسيم الهوى ومقابل احبابك
وفنجال قهوة ….زايد به الهيل	…….. ومعطر الدوش تهدي به اعصابك
سوالف…. وضحكات … بتالي الليل	…….. تنسى به الدنيا واظن من جابك
وارتكي … وراعي … بخلك حيل	…… إليا شفته يسولف وبمكحولته صابك
وإن غض طرفه … وابتسم تشوف الويل	……. من زود الحيا مايقوى يلدها… بك
زايد الحيا حسنه ولايبيلها تعليل	……. ياسعد من هو وليفه واللي حظابك
زيد الحطب ….. تراني دخيل	……. دخيل الله ثم الطيب اللي زهابك
علني فدا روحك والرمش الكحيل	…….. وفديت ياخل ربعك ومن جابك
لاتزيد همي وخل الامل لو قليل	……….. يازين … لاتقطع حبل الرجا بك
مايهون دمعي تشوفه يسيل	……….. ادري حنون …. وهم حبي غدابك
ارسل لي الشوق وبدله تبديل	……….. الهم اللي تزيده في غيابك

احزااااااان
كلمااااااات جميله
الله يعطيك العاااااافيه

صح لسانك اخي احزاااااااااااااااان
قصيده جميله وفي منته القمه
يعطيك العافيه اخي احزاااااااان

الحب هو:عشق,حنان,محبة,مشاعر,سهر…………….وفي الأخير….حزن ووداع((لكل حكاية حب نهاية))
فهل نهايتنا سعيدة ام حزينة؟
ــــــــــــــــــــــــــــــــــــــــــــ
************************************************** ************************************************** **********

سيدتي احزان

همساتك جميله

نقشتي روعه وجمال حرفك في اروع الصور

فكان التميز لها عنوانا

والنور لها بريقا

تحياتي لك

[all1=66FFFF]زيــد الحـطـب ….. تـرانـي دخـيـل
……. دخيل الله ثم الطيـب اللـي زهابـك
علنـي فـدا روحـك والرمـش الكحـيـل
…….. وفديت ياخل ربعـك ومـن جابـك
لاتزيـد همـي وخـل الامـل لـو قلـيـل
……….. يازين … لاتقطع حبل الرجا بـك
مايـهـون دمـعـي تشـوفـه يـسـيـل
صح لسانك خيتو احزان كلمات في منتهى الروعه والجمال
لاتحرمينا جديدك
اخوك
عاشق الاهاات؟[/all1]

تعافيتي شهود
الاجمل حظورك اختي

اختك احزان

تسلم اخوي نديم الجرح
و تعافيت من طيبك

اختك احزان

احـــزان

مـوهبـة اشهـد بهـا

بهـا نسمـة الصحـراء

واصـالة ســاكنيهـا

فخـر العـرب واصـالتهـم

||||||||||||||||||||||||||||||||||||||||||||||

اتمنــى ان ارى المـزيــد

مـن منابـت الخـزامى

في انتظــارك

وفقكي الله

[all1=CC9966].. صح لسانكـ والله ..

.. على هذا الهمس ..

.. وتلكـ العذوبه ..

.. ويعطيكـ العافيه والله ..

.. تحياتي لكـ ..[/all1]

حياك الله اخوي السجين
ومشكور على مرورك من طيبك

اختك احزان

رواية حسبي على الرمش وين الرمش ودانا للكاتبة : نوف 2024.

السلام عليييكم والرررححممة
هذي طبعا رواية بنت عمي الجمييلة نووف وحبيت انششرها لكم
ويارب تعجبكم وهي للحين مواصلة في كتابتها

البارت (1)

فاطمة بغضب مسكت يدها : ياويلج من سواد ليلج اذا جفتج تعدين عتبة البيت
غرور ببكاء : تكفين يا خالتي انا لازم اروح اختي مريضة بالمستشفى ومالها حد
فاطمة بقوة رمتها : مايصير تروحين مكان بدون امر ريلج
غرور بصراخ : ليش ريلي يهتم فيني علشان ياخذني حق اختي .. تكفين خالتي اذا تبين انتي وديني
فاطمة بعصبية : اووف غرور لا تعورين راسي اذا جاء ناصر خله يتصرف وياج
غرور بترجي وهي تقعد على ريولها جدام فاطمة : تكفين خالتي لا تسوين فيني جذي انا لازم اروح تحتاج لي مالها حد غيري
فاطمة شوي شوي بدت ترضخ بس لا ماراح تخالف اوامر ولدها وحيدها : لا يا غرور لا تحاولين بدون رضى ناصر ماكو طلعة
غرور ببكاء وهي تطالعها بعيونها البريئة المملوءة بالدموع : الله يخليج يا خالتي بس هالمرة .. بعدين هو مسافر ماراح يرجع الا عقب يومين .. بس يوم واحد صدقيني
فاطمة كسرت خاطرها ووقفت على ريولها : يلا قومي على ريولج ولبسي عباتج وتعالي وامرنا لله انطرج مع السواق
غرور بعفوية وبفرحة راحت حضنتها بقوة وباستها على راسها : الله يخليج لي ولا يحرمني منج يا احلى خالة بالدنيا بالكووون كلله
فاطمة ما قدرت تكتم ضحكتها اكثر : ههههههههه يحليلج يا غرور .. ماراح تتغيرين مثل امج الله يرحمها
غرور ابتسمت لها ابتسامة واسعة وراحت تركض بسرعه وهي تسابق الريح مثل ما يقولون .. خذت عبايتها وشيلتها ولبستهم بسرعه وطلعت لها صندل ونزلت تحت وشافت خالتها فاطمة لابسة عبايتها الي على الراس وقاعده تلبس الغشوة .. التفتت لها وبضحكة : ماشاء الله عليج بسرعه
غرور بضحكة : اي خالتي لاني حدي حدي خايفة على نور
فاطمة طالعت ساعتها : ترا الحين الساعه 7 مابنقعد الا ساعة وحده علشان ما نتأخر
غرور تنهدت بقوة : اووف يا خالتي المهم اجوفها واتطمن عليها واطمنها على نفسي
فاطمة كانت بتتكلم لولا الباب الي انفتح .. التفتوا اهمه الثنتين وانصدموا بالشخص الي دخل عليهم .. طاحت الشنطة من يد غرور من الخوف ونفس الشي فاطمة بطلت عيونها على وسعهم ما تخيلت انها راح تجوفه والحين بعد .. رفع عيونه لهم وهو مستغرب نظراتهم وخصوصا لبسهم
فاطمة بخوف : ماقلت بترجع عقب يومين يمه
ناصر فصخ شماغه وقطاه على الكنب الجريبة وقعد عليها وهو يحاول ان يسترخي شوي ويرتاح : اي قلت بس خلصت شغل ورجعت بسرعه .. وبعد ما سكت شوي التفت لهم : ليش لا بسين عبايات ؟
فاطمة بلعت ريجها من الخوف مو عارفة شتقول ولا شتبرر بالضبط وغرور ماكانت اقل منها شوي وتطيح من طولها من الخوف
التفت لهم مرة ثانية وهو رافع حاجبه بطريقة مخيفة بالنسبة لهم : شفيكم ما تردون ؟ يمه ؟
فاطمة بخوف نطقت اخيرا : كنت ماخذة غرور حق اختها .. حدها ك..
ناصر قاطعها بغضب ووقف على ريوله وهو يطالع امه بغضب : يمممه انا شقلت لج ؟ قوليلي بس انا شقلت لج ؟ مو قلت غرور ماتجوف اختها ولا احد من اهلها ؟ مو قلت غرووور ماعندها اهل غيري انا وانتي ؟
فاطمة بارتجاف : بس يمم..
ناصر قاطعها بصرخة : بس … والتفتت لغرور الي لاصقة ظهرها بالحيط من الخوف : وانتي روحي فصخي عباتج ماكو طلعة من هنيه
غرور بخوف : طيب .. الله يخليك ناصر حدي خايفة عليها بس ابي ات..
ناصر بصراخ هزها : غروور انا شقلت ؟ ولا اعييد كلامي ؟
غرور ببكاء : حرام علييك الي تسويه فيني ؟ انا شسويت لك علشان كل هذا ؟ ياااربي انا شسويت بحياتي
ناصر قعد على الكنبة ببرود : قلت روحي فصخي عباتج ونامي وانا لاحقج بعد شوي ابي اتكلم ويا امي
غرور ضربت الارض بريوولها وراحت فوق وهي تصيح من القهر
فاطمة قعدت يمه : ليش ماتخليها تروح والله حرام عليك يا ناصر
ناصر التفت لها وهو عاقد حواجبه : انا شقلت ؟ قلت لاء يعني لا وهي مالها اهل غيري انا وانتي
فاطمة وقفت على ريولها بتمشي بس وقفها صوته .. التفتت له : امر يمه ؟
ناصر : يمه لو سمحتي لا تتصرفين من عندج قبل لا تشاوريني .. يعني لو ماييت جان خذتيها المستشفى حق نور ؟
فاطمة : والله يمه ما كنت ناوية اخذها بس كسرت خاطري .. سامحني هالمرة
ناصر ابتسم ابتسامة جانبية : مسموحة يالغالية
فاطمة ابتسمت : يلا انا بروح انام .. لا تتأخر عليها
ناصر تنهد : طيب
مرت حوالي نص ساعه .. حس على دمه شوي وخذ شماغه وصعد للدور الثاني .. دخل على غرفة النوم وجافها مطفية الليتات .. فتحهم وشافها نايمة على بطنها وحاضنه المخده ومبين من ويهها انها كانت تصيح .. تنهد وقرب صوبها وقعد يمها .. مسح على شعرها بهدوء لين ما حس انها صحت .. بطلت عيونها وانصدمت من وجوده ابتعدت شوي لين ما استعدلت بقعدتها .. كان يطالعها ومات من الضحك على شكلها .. وهي بقهر خذت المخده ورمتها عليه وصرخت فيه : الف مرة قلت لك لا تعتب باب غرفتي
ناصر ببرود رمى شماغه على السرير وفصخ حذائه وانبطحت على السرير وغمض عيونه : سكري الليتات ونامي
غرور بغضب : والله ما انام وانت معاي .. قوم اذلف برع حق غرفتك
ناصر بطل عيونه اليسار لجهتها : عدلي الفاظج معاي لا ارقدج بالعقال
غرور بقهر رمت عليه المخده : حقيييير
ناصر بغضب من حركاتها وهو مزاجه معفن ومعصب حده قرب صوبها ومسكها من شعرها وشدها وهمس باذنها : انتبهي
غرور بقهر عضت يدها : هدني
ناصر مايدري يضحك عليها ولا يعصب منها .. بس كان الضحك اقوى منه : هههههههههههههههههه
غرور بقهر : وايد يضحك .. ليش ؟
ناصر : شنو الي ليش ؟
غرور بقهر : تعرف
ناصر بهدوء : اني ما خليتج تروحين حق اختج ؟
غرور هزت راسها وهي تصيح
ناصر قرب صوبها ومسكها من يدها وشد عليها : لان ماعندج اخت وانا اهلج كلهم
غرور بغضب ابتعدت عنه بقهر : الله ياخذني ان شاء الله ويفكني من هالعيشة
ناصر سكت وهو يشوفها تصيح .. انبطح على السرير : خلاص نامي لا تصيحين
غرور صرخت فيه : مثواي الجنة على صبري عليك
ناصر ابتسم لها : ان شاء الله بس يلا نامي تعبان حدي
غرور قامت طفت الضو ونامت وهي تصيح ..

انتهى البارت

البارت (2)

صباح اليوم الثاني على طاولة الفطور .. الهدوء يعم المكان كالعادة .. ناصر على الراس الطاولة ومن يمينه فاطمة ومن يساره غرور الي كانت تطالع الاكل وما كلت ولا شي من قهرها
فاطمة بعد ما كملت : الحمدالله .. وقامت
ناصر بعد ما كمل : الحمدالله .. التفت عليها : ليش ماتاكلين
غرور بحقد : مالي نفس
ناصر : عن الدلاعة ويلا اكلي ترا بتمرضين والجو بارد
غرور بقهر : على اساس يهمك
ناصر بهدوء مريب : شلون ما يهمني وانتي زوجتي ظ
غرور التفتت له : زوجتك بس جذي صح ؟
ناصر : شنو ؟
غرور :لو انا زوجتك صج ما حرمتني من اختي الي مالي غيرها
ناصر : انا ابيج بس لي .. مابي يكون لج اهل غيري انا اهلج كلهم
غرور وبمجرد ما تسمع هالجملة لا اراديا تصيح : ليش تسوي جذي .. ابي اختي
ناصر دون وعي مسكها من يدها : انا اختج واخوج وحبيبج وزوجج وامج وابوج وكل شي كل شي
غرور بصراخ : مابي !!!!
ناصر : انا احبببج
غرور وقفت على ريولها وطاحت الكرسي وكانت بتطيح بس يده كانت اسرع .. وقفها على ريولها بهدوء وهمس لها : اسم الله عليج
غرور طقته على صدره عشان يبتعد عنها : ياليتني متكسرة ومفتكة من هالحياة
ناصر : قعدي اكلي عن الدلاعة
غرور بصراخ : ماااابي غصصب هوو ؟
ناصر بغضب : اييييه
غرور لفت ويهها عنه .. ماودها ترد او بمعنى ثانية خايفة ترد حتى .. مسك يدها وقعدها على الطاولة .. خذ القفشة وحط فيها الروب .. قربها من شفاتها وهمس لها : فتحي فمج
غرور بعنااد : قل..
كانت بتتكلم بس هو دخل القفشة في حلجها وخلاها تسكت .. طلعها من حلجها وهو ميت من الضحك عليها .. بقهر : حقاااااااااااااااااااااااررررة
ناصر بغضب : عدلي الفاظج للمرة المليون اقولج هالجملة غرور
غرور بقهر : انت تجبرني اقولك هالكلام ياخي تقهرر
ناصر ببرود وقف وخذ تلفونه وطلع وتركها بصدمتها
غرور بصراخ : اوووووووووووووووووووووووووووووووووووووف
دخلت عليها فاطمة وقعدت يمها بالطاولة : شقال لج بعد ؟
غرور بغضب : ياخي ينرفز شنوو هذا يبيني اقعد جذي .. اففففف خالتي مو قاعدهه استحمله
فاطمة برجاء : الله يخليج استحمليه يمه اهوه يحبج بس مادري ليش يتصرف وياج جذي
غرور : هذا مو حب خالتي .. هذا اسمه تملك !!!
فاطمة ابتسمت لها : الله يخليج لا تخلينه .. ادري انج تحبينه بداخلج
غرور : لا كلش لا خالتي الحمدالله اني ما احب واحد مريض مثله
فاطمة : مريض فيج صديقيني .. يحبج ممن يوم ما كنتي صغيرة
غرور : استغفر الله واتوب اليه

انتهى البارت

يلا شرايكم :$ ؟

ليش ناصر يعامل غرورو كيذا فيه سر احسس

بالانتظار

البارت 3

رجع ناصر من الشغل الساعه 4 العصر .. ناصر يملك شركة كبيرة بالمنامة.. ومن اغنى اغنياء البلد .. شافها منبطحه على السرير وتلعب بشعرها .. قعد يمها وهو يفصخ شماغه : كلتي شي ؟
غرور : لا ولا ابي اكل بعد
ناصر التفت لها وهو عاقد حواجبه : اسلوبج هذي ماينفع معاي يا غرور .. واختج ماراح تروحين لها
غرور بدت تصيح : ناصر الله يخليك .. طيب مب لازم اجوفها على الاقل اتطمن عليها
ناصر ببرود : انا بمر وبجوف شحالتها بالضبط وبعدين بخبرج
غرور خذت نفس عميق : ماتجذب علي هاه ؟
ناصر بغضب : شنو اجذب عليج شجايفتني ياهل عمري 4 سنين عشان اجذب عليج
غرور بحرج : اسفة
ناصر بصراخ : سكري المووضوووع
غرور غمضت عيونها من الخوف وهي ترجف : ان.. ان شاء الله
ناصر تنهد : استغفر الله .. قومي سويلي شي يوعان
غرور : نعم ؟
ناصر : اقولج قومي واسلوب العناد ما يفيد معاي لاني اعند
غرور بقهر : انا زوجتك الحين ولا خدامتك ؟ اووف شهالحياة
ناصر بهدوء : لاني قلت لج روحي سويلي شي آكله صرتي خدامتي ؟
غرور بقهر : من نبرة صوتك
ناصر ضحك عليها وعلى غبائها : ان شاء الله .. لو سمحتي يا غرور هانم ممكن تروحين تسويلي شي آكله لاني يوعان ؟
غرور : شنو تبي
ناصر : الي تبينه
غرور : مو اسويلك بيض وتزفني مثل ذيج المرررة
ناصر : هههههههههههههههههههههه ابتعدي عن البيض لو سمحتي
غرور طلعت بدون لا تكلمه ولا شي

غرور : 25 سنة .. مخلصة جامعه ومتزوجة ناصر صارلها شهرين .. تحب الطموح وكانت ناوية تشتغل دكتورة اسنان مع شهادتها الطبية .. عيونها بنية فاتحه وشعرها اسود وطويل وناعم ملامحها ناعمة وطفولية .. وشوي عصبية وطيبة وايد

ناصر : عمري 31 سنة .. رجل اعمال كبير .. شوي غامض وعصبي ويموت في شي اسمه غرور من يوم ما كان صغير .. وسيم عيونه عسلية نسبة لعايلته البدوية الاصل وشعره شوي بني فاتح وكثيف له سكسوكة مزية ملامجه الحاده الرجولية .. طويل وايد وجسمه حلو لا ضعيف ولا معضل .. اسمراني بسمارة تعذب

في بيت ثاني وبعيد شوي ..

ام محمد بصراخ : يلا يا نجود بتتأخرين على جامعتج الساعه 4
نجود من غرفتها وهي تضبط شعرها : دقيقة يومه افف .. خليني اضبط شكلي
ام محمد وهي ترتب الصالة : يلا الله يخليج عن الدلاعة واخوج برع وقاعد يحن
نجود بقهر خذت شنطتها ونزلت : استغفر الله واتوب اليه يعني شالسالفة .. ماغير يحن هالمحمد
ام محمد ابتسمت : تعرفينه وايد عصبي .. خصوصا من لما توفى عمج بوغرور
نجود بحزن : على طاري غرور تعرفون عنها شي ؟ من لما توفى عمي ومرته واهي مختفية
ام محمد بحزن : والله ما يندرى عنها .. سالنا خالتها فاطمة وقالت لنا ما تدري ولا حتى خالتها نعيمة
نجود تنهدت : اففف حدها وحشتني وحدي خايفة عليها
ام محمد : الله يحميها باراضيه .. يلا يلا اخذي لج اي اكل وامشي
نجود بضجر : اووف يمه باكل بالجامعه شنو انا ياهل اخذ معاي اكل
ام محمد : هههههههههههههههه طيب طيب يلا امشي ترا اخوج ازعج الجيران
نجوم باست خد امها : يلا يمه اجوفج على خير
ام محمد بحب : موفقة يالغالية
طلعت نجود وجافته داخل سيارته .. لابس نظارته الشمسية ومسوي شعره سبايكي .. ضحكت عليه وهي تدخل السيارة : صايع ما تتوب
محمد بعصبية : وين كنتي ؟ وين كنتي حشا كل هذا تجهيز وبعدين متى تستحين على ويهج وتلبسين حجاب
نجود بقهر : اووف محمد شفيك اول ما اقتنع فيه راح البسه
محمد حرك سيارته : استغفر الله واتوب اليه بس

نجود : 20 سنة .. اول سنة جامعه .. جميلة لها شوي ملامح من بنت عمها .. عيونها بنية فاتحه وشعرها بني صابغته لرقبتها وقصته فكتوريا وحلوة .. تموت على الثياب والملابس .. طيبة بس فيها غرور شوي

محمد : عمره 28 سنة .. مخلص دراسته بالجامعه .. ولا شغل ولا مشغله بس جذي شهادة .. طويل ومعضل وايد شعره اسود بس موب وايد كثيف وعيونه بنية فاتحه .. اسمراني شوي .. مغرور وعصبي وايد

انتهى البارت

اقتباس:

3 / إغلاق المواضيع :
تُغلق الرواية في حال طلب صاحبـ / ـة الموضوع الأصلي ‘ تأخره ‘ توقفه ‘ تجاوزات في الردود
تُغلق الروايات حين تأخر الكاتبة لـ أكثر من 10 أيام و تُفتح في حال جاهزية الأجزاء و يتم مراسلة المُشرفة أو مراقبة القسم لـ ذلك

تغلق الروايه

((( سود الرمش غاش وجنها ))) 2024.

اخواني واخواتي الاعزاء تواصلا معكم ومع القصيد اهديكم هذه القصيده للشاعر الامير ( سعودبن محمد ). املاً ان تعجبكم

#poem_558d78de77224 td { font-family: Simplified Arabic; font-size: x-large; font-weight: bold; }

((( سود الرمش غاش وجنها ))) غرام

يازين قولها كذا تنسف الراس

تذبح بجيدٍ فيه رمعٍ من الماس غرام

له لفتةٍ خطرٍ على الروح منها

هيفا غرايب زينها يفتن الناس غرام

من شافها بالعين ما صد عنها

تاهت بوجداني وقلبي والاحساس غرام

واقفت بغالي الروح بأرخص ثمنها

أحب قاع به قدم رجلها داس غرام

حيث الوطن في الكون عندي وطنها

جوهر نظر عيني كتبته بقرطاس غرام

أكتب بدمع العين للي محنها

تحياتي للجميع / ماعاد بدري غرام

ماعاد بدري

غرام

كم هو جميل ذوقــك الراقي…

سلمت من كل عوق…

نقل مميـــــز لشاعر متمكن ورائــع أخــــي

لا عدمناك

غرام

اخوي الغااالي

ماعاد بدري

ما طلع لي شي؟؟؟؟

لكن انه متاكده اختيار موفق دامه منك

ربي يعطيك الف عافية على هالنقل الرائع

دائما تبهرنا بجديدك..

مع تحياتي لك

تسلمين ويسلم لك كل غالي اختي العزيزه ( عــــذوب ) اشكر لك مرورك بالقصيده مما اضاف لها رونقاً وجمالاً.
كما اجزل لك الشكر على الاطراء السخي الذي منحتيني اياه . فهو وسام اعتز به .
مشرفتنا الغاليه تقبلي خالص احترامي وتقديري لشخصك الكريم .
اخوك / ماعاد بدري

[glow1=33CCFF]

تسلم أخوي العزيز / ما عاد بدري ..

على هالذوق الراقي ..

نقلت قصيدة رائعه بكلماتها و حروفها …

لشاعر أروع …

الله يعطيييييك العاااافيه ..

ودمت بود،،

[img]http://www.**********************/free/aldou7sari/91.gif[/img]

[/glow1]

اختي العزيزه ( ســ الأحزان ــــر ) اشكر لك مرورك بالقصيده والاطراء السخي بردك مع العلم لا اعلم ما المشكله بعدم ظهورها لديك . عموماً اعدت تنزيلها من جديد لعل وعسى ان تبان لديك مع العلم جاء رد من الاخت ( عذوب )رداً على القصيده .قبل تعديلي لها فهي الان موجوده .
تقبلي خالص احترامي وتقديري
ماعاد بدري

الله يسلم عمرك اختي العزيزه ( القلب المحطم ) اشكر لك مرورك بالقصيده وردك الجميل عليها هذا من لطفك وذوقك .
تقبلي خالص احترامي وتقديري
ماعاد بدري

لاتكحلين الرمش مكحول خلقه زين الطبيعه مايبي زود تجميل 2024.

صباحكم ورد

بنوته سمعت ان جارتهم بتسيرعليهم هي و ولدها حمودي الأطخم

قامت استشورت القذله وطقت المكياج

ورسمت الكحله وجلست بكل برائه

يوم دخل حمودي وشاف العيون اصقعته الشمس

اقصد انبهر من الي شافه وهو اللي يقول فيها :

لاتكحلين الرمش مكحول خلقه .. زين الطبيعه مايبي زود تجميل

عاد البنيه ماصدقت على الله احد يمدحها خربت البرستيج
وتشققت من الوناااااسه وراح الثقل

.

هههههههههههه ياناااااااااااااااااسووو يافديتهم انا يالبى الزين كله

يسلمووو عالطرح

عساك عالقوه ْْْْْ

يهبلوووووون اللله يخليهم

يسلموووووووو

ههههههههههههههه
خربت البريستيج
على ذي الضحكه

هههههههههههههههههههههههههههههههههههه

روووووووووووووووووعه

يعطيك العافيه

هههههههـــاي

ياحيــاتــي يهبلوون ياحلوهُمـْ

تسلميِيِن عالطرح

وِدِي وجنَائِن وردي

هههههههه

ياالبيه يدننووون

يعطيك العااافيه

هههههههههههههههههههههههههههههههههههه يسلموووووو

هههههههههههههههههههههههه يا حليلهم هههههههههههههههههههههه

يسلمووو

تقبلي مروووري

تحياتي:مون الكثيري

أدعج غنج والرمش ضافي ومكحول 2024.

بسم الله الرحمن الرحيم
أخواني أخواتي بعدالتحيه والتقديروالودوالأحترام
أعرض على انظاركم هذا النص المتواضع,مع إطلالة عام جديدنص جديد يرتقي بتعليقكم ويلبس حلل الجمال بمروركم أحبتي الكرام
آمل ان يحوزعلى رضاكم وأستحسانكم
النص:
الليل طــــال وهــــــاجس الفـــكرمشـغول
والصبـــــح بانت نجمـــته وأنت غــــايب

وأصبحت أنا ياناعس الطرف معـلـــــول
ومن الشــــــقا كثرت علي المصــــــايب

خليتني مــــرتاب والجســـــم مســـــلول
وراسي من الروعـــــات يازين شـــايب

وش الــــذي بعدالعـــــــذابين باقــــــول
هـــذي هي الدنيادروس وعجـــــــــايب

لاحــــول من فرقى المحبين لاحــــــول
لاجنــــدلاقــــــــوه ولامن من كتـــــايب

لاصــــف لاضــــابط ولارتبتي صـــــول
جنــدي ضعيف لرمش عينيك هـــــــايب

ياأدعج غنج والرمش ضافي ومكحول
صوبتني بين الضــــلوع الحــــــــدايب

ماهــــــوب ذامرضي ولاهوب معقـول
أنك تخليني من العـــــــام عــــــــــايب

هاذي ثمـــــــــان سنين حولاًبعدحــول
والنقص بــــــان ولاتفـيدالطبــــــــايب

لعبت فيني لعبت العـروض والطــــول
ومن حبـــــكم مـانيب يـــــا….. تــايب

بقلمي
لاتبخلواعلي بردودكم وآرائكم
أخـــــــــــــــــوكم
د.محمد

لاصــــف لاضــــابط ولارتبتي صـــــول
جنــدي ضعيف لرمش عينك هـــــــايب

ياأدعج غنج والرمش ضافي ومكحول
صوبتني بين الضــــلوع الحــــــــدايب

صح لسانك واعتلا شانك

صراحه امتعتني بهذه القصيده

ابيات من ذهب

تسلم اخوي على ذوقك الرفيع

بانتظار جديدك بكل شوق فلا تبخل علينا

تحياتي

مسلم

وعن حرفك لن نتوب
الشاعر القدير د/ محمد
ونص اعيته الأزمنه وارهقته الأيآم
فصدح بك الشوق وهتفت بك المشاعر
حتى خلق من وحي الجمال نص يفوق الجمال بعينه
ابدعت جداً
~

اقتباس:

المشاركة الأساسية كتبها د/محمد