للكاتبة : ضَحِيًة حِبُيًبُيً ..
الجزء الاول ..
راجع لهم راجع لهم .. وربي لادمر حبهم .. مو بس انا قلبي يضيع .. لازم تضيع قلوبهم .. إلي على قلبي جنو .. وتعآونو وتأمرو .. جروح قلبي إلي انزفت .. والله ما اخليها لهم ..
> مهاري .. ليش انا من بين كل البناات إلي جيه يستويلي لييش !! ليش انا بالذات الي انجبر اخذ واحد بالغصب لييش جييه يسوون فيني والله حرااام .. شو ذنبي ؟؟ أني اخر العنقود .. كنت اعتقد ان اخر العنقود يكون مدلل .. بس انا اكثر وحده شقيييت في حياااتي .. آآآه ليش من بد كل خوااتي انا الي جيه حاالي .. ليش ابويه جبرني ااناا مع اني ما سويت شي والله ماسويت شي …. !!!!!
== تيها هنوف ==
هنوف : مهووره .. شوه تسوين برع …
مهاري تبتسم : أتأمل ….
هنوف تزخ ايدها : لا تفكرين حياتي كل شي بيعدي …
مهاري : شوه الي بيعدي شووه … اسكتي عني الله يخليج …. وينها الود ؟ ادق عليها الباب ماكانت تفتح ؟
== تي صوبهم الود ==
الود : انا هوووون … شو كنتي تبين ……
مهاري : مااشي خطفت عند حجرتج فدقييت الباب كنت بيلس وياج ..
== تيهم شهود ==
شهد : ماشاء الله الخواات كلهن برع .. شعندكن ……..
هنوف : شو بيكون عندنا يعني يااااالسااات …
مهاري تنزل راسها : ابوي وين ؟
شهد : مهور ليكون ناويه تردين تفتحين الموضوع ؟ ادخييلج لاء ..
مهاري بصوت عالي : ترا انا الي بنقاااد مش انتي …
الود تيلس حذالها : اتحملي الغاليه .. والله ذيااب ريال والنعم فييه .. لو جفتي في الخطبه كيف كاان والله احسبه بيونسج ..
مهاري : تحسبينه .. لازم بيبن انه ريال اول الايام …
هنوف : لاتتشاائميييين والله كل شي بيكون كشخه …….
نوره تزااعج : هنوووووف ….
هنوف : تعالي نوااري نحن اهنه برررع …….
بو الود مطلق ام الود من 15 سنه .. بسبب خلافات واايده امبينهم .. ومن عقبها اتزوج وحده تقربله .. وهييه نوره … طبعه مزااااااجي بشكل فظييع .. صفاته مش مفهومه !! وهو غاامض واايد .. مرات يعامل عياله واايد زيين ومراات يخسف فيهن !! بالنسبه لـحرمته نوره فهيه ارمله .. وماتيب عياال … وصغييره بس كاانت حرمه قد المسؤؤليه 32 سنه .. خذته لانها عايشه في بيت اختها وما تبا تحمل اختها همها بعد بحكم ان امها وابوها متوفيين .. واايد طيبه وزيينه ويا البناات .. ماكنت مرت ابو وبس .. كانت ربيعتهم .. لدرجه انهم ماكانو حتى يقولون لها خاالوه .. مراات تتغاالس ويااهن بس وايد تحبهن وعسل …..
بالنسبه لام الود … نفس الشي عقب ما طلقها ريلها وحرمها من شووفت العياال .. ياها نصيبها وعرست وعندها عياال بعد .. بذكرهم بعديين …..
الود 24 سنه … اكبر وحده من الخوات … تشتغل في دايره حكوميه … وتسووق .. امم ما برمس عن طبعها وايد وما بخصص بقولكم باختصار .. كل شي بتعرفونه روحكم بعديين … تتبع الود " هنوف " .. هنوف 22 سنه … مخلصه جامعه ويالسه في البيت .. ابوها ما خلاها تشتغل … اما شهد .. تدرس فالتقنيه .. و 20 سنه .. باجلها سنه وبتخلص من التقنيه … اما اخر العنقود … ضحيه العايله .. الي عاشت ويا امها 5 سنين بس وربتها يدتها ويدها .. فهي مهاري … 18 سنه … هذي اخر سنه لها .. ثانويه عامه .. حرمها ابوها من الدراسه … وجبرها تاخذ ذيااب ….
هذا باختصااار شدييد … ان شاء الله كل شي بتعرفونه عقب لاني ماحب افصل وايد >< …
نوره : شو تسوووون اهنه فعزز الحر …
مهاري : نتشمس …
نوره : لا جد ؟
هنوف : ماشي يالسات ويا العرووس …
مهاري نشت : لا تقولين عروس …
وروحت دااخل ……
شهد : زيين جيييه الله يهدييج ..
الود : شو فيج شهد .. لازم مهاري تتأقلم شوه تبينها تشرد الريال .. هيه بتاخذه بتاخذه ..
نوره : والله حاولت ويا ابوكن والله .. كله يشعمني ويصاارخ ويقولي مالي خص …
هنوف : لا تدخلين عمرج .. عن يسوويلج سالفه بعد …
نوره : جييه ماتظهرن تخلنها تخلص اشغالها ؟ ماخلصت زهبتها هيه … وما باجي شي .. الملجه الاسبوع الياي .. والعرس عقبه بشهر … يعني ماعندها وقت …..
الود : ماعليج انا وهنوف مخلصييلها شغلها كله .. ويارينها كمن مره الصبح ويانا … بس بوديها بعد اليوم العصر دبي جان بغت تزييد وتتشرا بعد ..
نوره : هيه ودييها .. ابوج اليوم قالي اقولج اتوديينها …
هنوف : حلفي !!!!!!!!!!!!
نوره : والله !!
هنوف : يلا ودووووه دخيلج خاااااطري اظهر .. والله زهبه مهااري علثه عسبت نظهر …
شهد : هييييه ودوووه يلا …
الود : زييين عاادي عندي انا .. شاورو صاحبه الشور جان رضت …..
ويربعن هنوف و شهد عند حجره مهاري …….
طق طق …….
مهاري : دخلن …..
هنوف : مهوووووووووور
مهاري رافعه حاجبها : شفيج ؟
شهد تيها الصوب الثاني : نبا نظهر …
مهاري : زيين ظهرن !!!
هنوف : امممممممممم مافهمتينا يعني ..
مهاري : ايوااااااا .. لازم انا يعني … عسبت تتعلثن فيه هاا .. ههههه يلا زيين انا روحي خاطري اظهر ..
هنوف :فديييييييييت مهاري انا…….
وتظهر هنوف تسير حجرتها …
شهد ومهاري يتشاركن الغرفه .. وهنوف والود بنفس الغرفه … بحكم ان البيت كبير .. لكن من صغاار تعودن ع بعض ومن كبرن ما غيرن الوضع ……
شهد تكشخ اخر كشخه ……
مهاري : اعنبووووج وين سايره …
شهد : دبي ..
مهاري : بتفزعني لين دبي ؟
شهد : هييه بعد شوه بنسير امرتس مووول …
مهاري حايسه ثمها : عبالي اهنه في راك بس …
شهد : لاااااالا بنسير نشطب ع اخر اشياائج من اهناك ..
مهاري :ماودي والله ….. بس عشانكن …..
وتلبست وتعدلت بعد بخفيييف وظهرن كلهن …..
الود : نووووووره … يا نوره " وتعلي صوتها " نووووره …
نوره تطلع من حجرتهاا : اششش .. توه ابوج رقد …. شوه تبين ؟
الود : ابويه شوه مرقدنه الحيين ..
نوره : ماتعرفين ابوج كل يوم موعد للرقااد …
الود : ما بتين ويانا ..
نوره : لااويين مالي نفس .. قياسي شرات هنوف .. جان حصلتن فستاان زيين حق الملجه اشترن لي .. واانتي قوليلي السعر وانا بردهن لج …
الود : سيري انتحري .. من متى بينا حساب نحن … داام ابويه رقد انزيين ظهري ويانا …
نوره : مافيني والله تعبانه من الصبح ناشه … بيلس الطالع تي في ولا يمكن ارقد لي ساعه ..
الود : خلاص برااحتج … " وتحبها ع خدها " مع السلامه …..
نوره : الله يحفظكن .. اتصليلي طمنيني عنكن كل شوي .. ولا تسرعيين …
الود : ان شاء الله ……
وتركب السياره …….
هنوف : ساااااااعه !!!
الود : ارمس نوره كنت …..
شهد : ما بتي ؟
الود : لا …. وين مهاري ؟
مهاري : بووه !! ورااج …
الود : كلكن اهنه يعني خلااص احررك …..
هنوف : هييييه عطططططططططه …….
شغلن الاف ام وارتبشن اشويه … وصلو امرتس موول .. طبعا االاشياء اهناكوا واايد اسبشل …
خموولها الاغرآآض اهنااك وهييه بس تكتفيي " حلو .. زيين .. "
عقب 5 سااعاات حوااطه فامرتس مول .. هلكو هلااااك … في نص الدرب وهن يمشن …
هنوف : بس بس تعبت والله يلا نرد راااك …..
شهد : ويييين خلينا بعدنا ….
مهاري: لالالا بس ردوووني هلكت والله ……
الود : بنسير الميغا الحين بعد ابااج تتشريين …
مهاري : بسني عااد والله ما خليتو شي … هم روحهم مطرشيلي زهبه شكبرها بس متى بخلص الاغرااض ماريد …
الود : لا تحااولين بنسير يعني بنسير …….
وعلى هالصدعه ساارو الميغا بعد .. وشطبو ع كل شي … حتى مهاري جنها بتهااجر مش بتعرس .. ماخلو شي الا وخذووه لها …..
ع الساعه 10 ونص في الليل وصلن راااك ……….
كل وحده انسدحت ع الغنفه ……..
شهد : وييين نورووه ؟
هنوف : شكلها رااقده … ماتجوفين الليتات امطفيه ….
الود : يعني ماشي عشا !! انا ميته يوووؤؤع …
هنوف : حتى انا والله ميته يووع …
مهاري : انا بسير ارقد …..
الود : لا خلج .. بنسير بنشتري كنتاكي وبنرد …
مهاري: سيرو رواحكم انا ماقدر … خلاص تعبت …
الود : من متى اخلي وحده فيكن في البيت ؟ ياا نطلع كلنا يا محد يطلع …
شهد : يلاا مهااري بسرعه بسرعه ما بنتأخر ……..
يرتها شهود وركبو السيااره …….. هالمره مشغلين قرآآن …….
هنوف : واااااااااااي زحمه موت !!!
الود : ياربي ماقدر اوقف …
شهد : قومي مهاري ننزل …
مهاري : اففففف منج .. يلا شو تبوون ؟
الود : شراااات كل مره …
ونزلن مهاري وشهود يطلبن … كانت شهود متلصقه فمهااري …
> مهاري .. خيبه شعندها متلصقه فييني جييه … آآآي عورت ايدي .. بس ماروم ارمس زحمه اخاف حد ينتبه لي استحي …. اففففففففف منها كسرت ايدي … خوزت مهاري ايدها عنها من غير ما ترمس وتقول شي …
فجاه جاافت حذالها كله شبااب .. اويييه وين سارت شهود … انا شو خلاني اخوز ايدها … وييه هكي الحمدلله .. جاان تزخ ايدها بالقو هالمره …
مهاري : وين سرتي اخاف انا تعرفيني وايد استحي لاتسيرين بعييد …
.. : ان شاء الله ….
> مهاري .. بسم الله !!!!!!!!!!! امنوووو هذااااااا .. واااااااااااي قلبي … مابا ارفع مابا … رفعت راسها وشهقت بالقو يوم جافت رياال …
مهاري : وااااالله سوري والله اتحرا اختيه مانتبهت يعني والله كندورتك سودا جيه شرات عباتها ..
.. : انزين شفيج هدي هدي خلاص ماستوا شي …
مهاري : لا والله ترا ماقصد السموحه والله …
.. : ههه خلاص الغاليه ماحصل شي … بس عايبتج ايدي وايد ؟؟
مهاري : هاااا .. لا أسفه .. " خوزت ايدها "
وطلبت لها ولخواتها وهيه منتبهة انه يطالعها …
> … ’’ وفديتها انا .. وفديت حلاها يااربي .. دلع دلع .. والله برااااءه .. ليش جيه متروعه مني بس الصرااحه ترتووب ""
عقب ما طلبت وخذت الطلبيه .. جافته وراها …
مهاري : السموحه اخويه مره ثانيه ..
.. : افا علييج ..
> " اخويه !!!!! "
وسارت صوب السياره وجافت شهد اهناك … وبصراااخ ..
مهاري : انتي كيييييييف تخليني روحي هااا ؟ كيف تسيرييين …
شهد : هههههه ابا اعودج يالجبااانه …
مهاري : حماااره والله …
الود : خلاص مهاري شفييج ماحصل شي حبيبتي …
مهاري: لا حصل وواايد ….. " شوي وبتصيح "
مهاري واايد تخاف انها تستفرد بحد .. ان كان بنت او ريال … من اول مانولدت وهيه توعي ع مشاكل وضرب وصرااخ وكان ابوها لما يعاقبهم يقفل عليهم الباب روحهم .. وكانت تصاارخ وتيها حاله .. اكثر وحده اتعقدت من هالشي .. لانها من صغيره كانت تتكفخ وتتعاقب … اما الباقي ادلعوو يوم صغاار ….
وخبرتهم السالفه … احترمو مشاعرها وسكتو .. مع ان السالفه اضحك …..
ع الساعه 12 في الليل .. كل واحد سار حجرته عسبت يرقد …….
شهود : مهاري ؟
مهاري وهييه تغطي اللحاف ع ويها : همممممم ؟
شهود : رقدتي ؟
مهاري : شووه تبين هييه رقدت …
شهود : تدريين منو جفت في امارات مول ؟
مهاري تخوز اللحاف وتصد صوبها : امنوه ؟
شهود : احمد !
مهاري تيلس : هااااااا !
شهد : جفت احمد …
مهاري : وجاااافج ؟؟؟
شهد : هييه وسلم عليه انا وهنوف …
مهاري: انزيييين ؟
شهد : مممم ماشي قال شحالج وليش جيه كااشخه .. وليش مش متغشيه .. وانا تميت سااكته .. وعقب قال انهم بيوون يوم الاربعاء .. هنووف قالت له حيااكم وجيه …
مهاري : وكيف بتقولين لابويه ان شاء الله ؟
شهد : هه .. اصلا ابويه يدري .. عمي من زماان مرمس ابويه وقال انهم بيوون .. وابويه ما خبرنا ..
مهاري : زيين خلاص رقدي ..
شهد : مافيني رقاد بظهر الصاله …
مهاري : ………….
شهد : خيبه تبا الفكه ..
مهاري : هييه ابا ارقد …
شهد : انزييييين …
وطلعت من الحجره … متوجهة للتلفون …
> شهد .. لا مابا .. اممممممم .. ماقدر اخاف اقلب الموااجع .. برايه مره وحده ….
طوط …….
.. : الوه ؟
شهد : مم .. مرحبا ؟
.. : آآخ مراحب السآآع …
شهد : عرفتني ؟
.. : كيف ماعرفج وقلبي يزيد دقاته !
شهد : …
.. : وحشتيني يا حماره .. يعني لازم اجوفج عسبت تتصلين ..
شهد : مش بيدي الي نسويه غلط ..
احمد : شوه الغلط ؟؟ يوم اهلنا ما يبونا نرمس بعض بالحلال ..
شهد : بس ما نلجآ للغلط …
احمد : ماعلينا .. شحالج ؟
شهد : بخير وانت ..
احمد : مشتااقلج والله …
شهد : بس احمد ..
احمد : احبج !
شهد : احمد ببند …
احمد : اموووت فيج …
شهد : بس عااااااد …
احمد : شفييج والله متوله عليج … خليني شوي اعبر ..
شهد : زيين بخليك انا …
احمد : هيه بتخليني ومتى بتتصلين ؟ عقب سنه ؟
شهد : ههههه .. بجوفك ان شاء الله هالاسبووع ..
احمد : …..
شهد : يالله شي في الخاطر …
احمد : تحملي ع روحج …
شهد : لاتزعل انزين …
احمد : بآي ..
شهد : لحظـ ……. طوط طوط طوط ……..
شهد : يااااربي يا احمدوووووووه …
ردت اتصلت بس ماشي رد ……..
> احمد .. احين انا مشتااقلها وهيه ولا على بالها … بس بين فتره وفتره تتصل عسبت تاكد لي انها تحبني .. يااربي يا شهدوه والله لو انتي عندي جان قطعتج ماتهونين علي … ولا والله شوه بسوي فييج ..
احمد : هاا !!
شهد : شدعوه عاااد ..
احمد : شوه تبين …
شهد : رضاك …
احمد : وانا فذمتج قد يكون زعلت علييج وياخشمج العود .. يالقزمه ..
شهد : حرام علييك هههههههه
احمد : خلاص حبيبتي سيري رقدي عن ابوج يحس بج .. تعرفيينه دوم ينط في اللحظات الحلوه
شهد : زيين تحمل ع روحك ..
احمد : من عيوني الثنتيين انتي اكثر … شهد ؟؟
شهد : هلاا ..
احمد : يوم بي ابا اكل الكيكه …..
شهد : هههههه من عيووووووني افا علييييييك كيف ماسويها لك واعرف انك تحبها ..
احمد : اترسيه كاااااكاو وانا بيييييلج دبل بس لا تستوين بخيله و تحطين شوي …
شهد : هههه من عيووني ..
احمد : فديت عيونج .. والله احبج واموت فيج …
شهد : ووالله انا بعد احبك …
احمد : ……..
شهد حطت ايدها ع ثمها : باي …..
احمد : صبري …………… !!!
سكرت من الرجفه …… ماكانت تبا تنطقها .. بس مـن قلبها طلعت …..
ساارت ترقد من بعد ماحست روحها خلاص عقب صوته ماتقدر تقااوم شي …… واحمد بعد عقب مارمسها رقد ع طول …….
تبوله
الله يعطيك العافيه
بتمني تكون كآمله
موفقه آن شاء الله
’,
بسم الله
يعطيك العـــآفية
موفقة بـ نقلك إن شـــآء الله
,’
شكل الروايه ماعجبتكم
لها درجه الروايه مو حلوه
يعطيك العافيه
بالتوفيق
..
نوره : هنووووووف …
هنوف : اهنه اهنه … وراااج …
نوره : هاا خلص العشا ؟؟
الود : افا عليج نحن كلنا فالمطبخ وما يخلص هههههه .. بس خلي شهد توري ضو بنحط عوود شوي ..
هنوف : اووووكي انا بسير اقولها ….
نوره : ان شاء الله هالييه فيها خيير ….
الود : لاتتحرين عمي ياي عشان شهد .. هوو وابوي يبون يتنااقشون عشان الشغل .. وابوي عزمهم كلهم عااد ..
نوره : حلفي ؟؟ وانا على بااالي والله شي ثاني. …
اكثر وحده كانت مشتطه شهد … هيه الي متفننه في الاكل .. وسوت له الكيكه الي يحبها .. وماخلت شي ..
عـ الساعه 7 ونص اندق الجرس ….
شهد فالمطبخ : وااااي قلبي انا مازهبت بعدني …
مهاري تضحك : هههههه شفييج عاادي انا بعد بسير ويااج بسبح الحين …
الود : اخ عليكن يلا بسرعه شوه ما بتستقبلونهم يلا بسرعه اجووف ..
مهاري: انزيييييييين ..
وسارن فوق بسرعه كل وحده تكشخ وتسوي شي …….
بو احمد .. اصغر عن بو الود بـكمن سنه .. عندها من العيال .. احمد البجر .. 26 سنه … عشيييق شهد .. يموت فيها وخطبها مررتيين … بس ابوها كل مره يرفض بدون عذر .. ويقول البنت ما تبا .. لكن الكل يعرف ان هو الي مايبا ….. يتبعه .. عزه 24 سنه ربيعه هنوف والود واايد وماالجه وريلها يدرس بررع الدووله تترياه يخلص وبتتزوج ع طوول …. وعقبها راشد .. 19 سنة .. فرفوووش البيت .. واايد نكته وسوالف .. اكثر وااحد شاهد ع قصه حب شهد واحمد …
دخلو كلهم الميلس ماعدا ام احمد سارت تيلس ويا نورره في الصاله …
هنوف : حيااالله من يااانا …
بو احمد : الله يحييج يا بنتي …
هنوف تبوس راس عمها : تو مازاارتنا البركه والله .. ما بغيينا انجوووفكم يعني …
بو احمد : ماعندكم اريوول اتين لين عندنا وتسلمين ع عمج الفقير ….
ودخلتهم الميلس ……..
راشد : اييه جيه ماتسلمين عليه انتي …
هنوف : ههههههههه مرحبا السااااع ..
راشد : مراحب تواا الناس .. وين البرتقاله ؟
وينقعون من الضحك ….
مهاري تدخل الميلس : برتقاله ترفس خشمك يهالويه الخشن …
راشد : يعني عرفتي عمرج المقصووده …
مهاري: هيه اكيد امنوه بيغاار مني كثرك !!!
وتسير صوب عمها تسلم علييه وتبووسه : شحااالك الغالي ويينك مانجوفك …
بو احمد : والله تماام انتي الي مانجوفج .؟ شحالج يالعرووس ..
مهاري حاست ثمها : عروس ! بخيير العروس وايد بخير ….
احمد : ماشاء الله عليج خرييش مستويه …
مهاري : انا خريش ؟ لا ماعيك ها يوم اجوفكم بس ..
يطالعها بنظراات جنه يسالها وينها …
الود : عمي شوه تشرب ؟
بو احمد : أي شي باارد الغاليه ؟ الا ابوج وينه ؟
الود : ابويه يترياك في الميلس الثااني .. تعال بودييك …
وتسير ويا عمها الميلس الثااني ……
احمد : وينها ؟
عزه : اثقل شفييييك …
احمد : ويييينها ؟؟
هنوف : تتلبس …
احمد " ها وقتج الحين عااد تتلبسين .. يعني تبين تحرميني من هالدقاايق .. "
مهاري : اشحاالهم العررب " وتغمز لراشد "
راشد : والله تماام يقولج الشوق واصل اهنه " ويأشر ع قمة راسه "
مهاري: امبين امبين …
احمد يطالعهم : عن السخاااافه الزايده ….
== تدخل شهد ==
شهد : السلام علييكم … " ترفع عينها وتجوف احمد من زود شوقه وقف "
احمد : عليكم السلام والرحمه ……
شهد واحمد تمو دقاايق كل واحد يطالع الثاني ولا واحد فيهم يرمس …..
راشد : ايييه .. بس .. قلنا ابوي وعمي محد بس حشمونا ….
شهد تبتسم : محشوم ولد العم شحالك ؟
راشد يطالع احمد : بخير … وانتي شحالج ؟ " يرمس احمد " : بس ايلس اشفيك طاحن عيونك ..
شهد : بخير. .
احمد : خلني …
وتيلس شهد حذال خواتها ….
احمد يصد لراشد : جيه يلست بعييد ؟
راشد : والله ما سالتها ؟
هنوف سمعت وضحكت : شهد جيه ما تيلسين اهناك ؟
شهد فاجه عينها : وين اهناك استحي ع ويهج …
عزوه : مهور قومي حرام نسير بعييد خل يجوفون بعض لو تجوفين حالت احمد والله بيعور قلبج ..
مهاري: زين عاادي عندي بس تعرفين اخوج رشود غلس شو بيقومه ….
عزوه : رشود تعال شوي …
راشد : آسف تبين انتي تعالي …..
مهاري تغمز له : تعاااااال ..
راشد : ويه شي دش عينج …
هنوف : راشد حس شويه تعااال ويانا … وتسير صوبه تيره من كندوورته …
البنات وايد ماخذات على راشد .. لانه اكثر واحد راابي وياهن .. ويزوورهن دووم .. حتى ابوهم يوم يبن يظهرن وياه يرخصهن …
راشد : والله كندوره يديده بدفنج وخري ايدج …
وسارو كلهم ع اخر الميلس يلسو …
اما شهد بعدها مكانها بعييده عن احمد …..
احمد : بااكلج ؟ جربي تعالي …
شهد منزله راسها …
احمد قاام بيلس حذاالها اطالعته برجفه وفاجه عينها …
احمد : هيه هيه شبلاج .. بيلس عداالج .. ولا بتفجين حلجج بعد …
شهد : احمد عييب …
احمد : عيب اني احبج ؟ عيب اني ابا قربج وانتي ولا شاله في بالج شي …
شهد : انا الي مش شاله في بالي شي ؟
احمد : هيه انتي …
شهد : …
احمد يرفع راسها : وحشتيني .. اصلا حتى وانتي ويااي وااحشتني يالغلسه …
شهد : انا غلسه بعد !!!
احمد : واحلى غلسه في حياتي …
شهد تبتسم : سويت لك الكيكه …
احمد : يالس اغازلج وتقوليلي كيكه ؟ وقته ؟
شهد : هههههههههههههههه
احمد : يعلني ماحرم من هالضريساات الصفر …
شهد : احمد !!!!
احمد : ياعيوونه .. امرريني شو تبيني اسوي ؟ اجتل عمري ؟
شهد : لا لا تسوي شي عن هالرمسه …..
احمد : وين كيكتج يا ام الكيك انتي …
شهد : بسير اييبها ..
احمد : لالا يلسي خلينا من الكيك الحيين خليني ويااج عقب العشا باكلها … ولا بشلها البيت عشان اتلذذ فيها روحي .. لا تييبنها اهنه تعرفينه راشد مفجووع بياكلها كلها …
شهد : ههههههه حرام عليك ..
احمد يقرصها من خدها : لادافعيين عنها ..
شهد : جيه مادافع عنه .. اخير عنك .. دوم يينا …
احمد : انتي تعرفين ليش ما ايي .. مش حلوه فحقي …
سكتت … واحمد ضاج صدره …
شهد : اممم ماكنت اقصد ..
احمد : ماعلييج …
شهد : والله اسفه …
احمد يبتسم لها : ماعليج حبيبتي ادري ماتقصدين بس ضايج من هالوضع مادري متى بيريحوونا ..
شهد : الصبر زيييين …
احمد : فدييتج …
راشد من ورا : اييه مش جنه بسكم ؟
هنوف : هيه بسكم …..
مهاري : حاولت وياهم بس هذيل طفوس مايقرووون ..
عزوه : شهود شبلاج محمره ؟؟
احمد : كنت اغازلها .. هههههههه
ويضحكون …..
هنوف : يلا نشي شهود بنحط العشا ..
راشد : وين بنتعشى ويالشبيبه ؟؟
هنوف : نوره وخالوه " امه " يبون ياكلون فالصاله .. وبتاكل وياهم الود .. و ابويه وعمي فالميلس رواااحهم ونحن اهني …
راشد : داام جي السالفه بدش وياكم المطبخ بساعدكم ..
مهاري : ومنو قال انك ما بتنش ؟ غصبن ع راسك اصلا ً ….
راشد : خوزو شوي خل اكفخها هاي ام لساان عووي …
مهاري : هههههههه يلا لو فيك خير لحقني ..
راشد : ما بلحقج يالياااهل …
مهاري تطلع لسانها : وااااء …
يركض راشد وراها وهيه تربع .. تمو يتراكضون فالصاله ….
ام احمد : رااااااشد .. ياااا ولد اصطلب ….
نوره : ههههههههههههههههههه خليهم ..
مهاري تظهر برع البيت .. وتركض فالحوي وهو وراااها … لين ما وصلت لاخر مكان في البيت .. وراها يدار .. يعني خلاص تحااصرت ….
راشد : هاااااهاااااااي .. وين بتشردين الحييين هااا .. يلا تأسفي …
مهاري : لو تمووووووت لاااااء …
راشد يتجرب منها : والله لامطج من كشتج واخليج تحت ريلي ترا .. يلا تأسفي ..
مهاري بكل خبث تتجرب من حنفيه الماي وتشل البيب وترفعه ع ويهه : هاااا .. بتقول انك تستسلم ولا افجه الحين ؟؟
راشد الي انقلب لونه : هااااا .. والله انج مش حرمه .. لو انت حرمه ما بتستقويين بشي انزيين ..
مهاري : هاهاااااي لاني حرمه ماعرف ادافع عن روحي الا بسلاح ..
راشد : خس الله ويهج .. نزلي نزلي ..
مهاري : قووول تستسلم قبل ؟؟
الجزء الثاني ……………..
راشد : استسلم .. دشي داخل يلا…
نزلت مهاري البيب وضحكت بانتصاااار …….
راشد : ماعلي يا بنت ابوج .. الايام ياايه …
مهاري : روح روووووح عمي 10 صفر ههههههههههههه
راشد : 10 هاا .. ماعليه .. هالعشره بطلعها من عيونج …
ويدخلون دااخل … صدق مهاري تغيرت نفسيتها واايد ..
دشو دااخل جافو العشا زااهب ……..
والكل يالس ع الطاوله يتعشا ….. غسلو ايدهم وشاركوهم الاكل ….
هنوف : ها منو انتصر …
عزوه : ما يبااااالها اكيييد اخويه …
مهاري: عيل استريحي انا المنتصره هههههههه …
راشد : غشاشه سكتي سكتي عني …. " يكلم احمد " ياخي كل عدل شفيك ما بتطير …
شهد تبتسم بحيا ……
هنوف : هههههههههههههههههههههههههههه ..
شهد : احطلك شوربا احمد ؟؟
راشد : شدعوه احمد بس !!! انا ياينكم تراني. ..
عزوه : وانا بعد … ولا ناس وناس …
احمد مبتسم : فديتهم ياربي … لا الغاليه ماريد … لكن لو من ايدج والله لاشربه كله بعد ..
سكتت شهد … افف يا احمد مش جداامهم لاتحرجني جييييه ….
ع هالسوالف .. تعشو ع ضحك وذكريااات وغييره …… ع الساعه 10 ونص دخل بو احمد …
بو احمد : هاا يا عيال خلصتو …
احمد يطالع شهد : لا بعدنا بنحلي ….
بو احمد : لا مايحتااااي يلا بنروح نحن ..
شهد : ليش عمي توا الناس مسوتلكم كيكه انا ….
بو احمد : ما بكسر في خاطرج الغاليه بس والله ورانا شغل باجر انا وابوج من الصبح ..
احمد : احم هاتيها الكيكه بشلها باكلها في الطريج …
شهد تبتسم : ان شاء الله …
وتسير عنهم ………..
مهاري :عااد عمي كرروها الزياااره …..
بو احمد : ان شااء الله .. المره اليايه انتن تعااالن بالمره ما نجوفكن .. " يطالع بوالود " خلهن ييني اباهن ينورن بيتي …
بو الود : براايهن .. مرخصنهن دوم لييتك …
هنوف : عمي خل عزااوي تباات عندنا …..
مهاري: هييييه خلها عمي …..
بو احمد يطالعها : تبين اتميين ..
عزوه : هيييه باجر مرو عليه …
بو الود : البيت بيييتج .. خلها بو احمد في عيونا عزه .. عاد هاي الغاليه …..
بو احمد : برايج فديتج …
راشد : هاا عمي .. ماشاء الله مستوي شباااب ….
بو الود : خل عنك .. الا لوتي انته ……
راشد : افااا .. اسميييه الشياب لسانهم ما ينزخ ….
بو احمد : راااشد !!
بو الود : خله هههههههههه الا راشد ماشره عليه …….
راشد : اكييد ما تشره عليه شرات اسم ابوك انا .. عاد لو انزل عليك لعنه الرويشد ..
وينقعون ضحك علييه …
تدخل شهد .. وعيين احمد ماتفارجها .. الكل لاحظ ارتبااك هالاثنيين …
بالذات لما عطته بيده ودقت اصابعه بصابعها … نزلت راسها وتغير لونها ….
بو احمد : يلا عيل نترخص عنكم …
بو الود : خلاص باجر عيل ان شاء الله نتلاقى لا تتاخر ع الشغل …
بو احمد : ان شاء الله …….
ويسلمون عليه ……
يو قرب احمد بيلس ع عمه … زخه من ايده ….
احمد : امرني عمي …
بو الود : لو خاطرك فيها .. تراني بترياك هالمره … ولا تزعل مني يالغالي …..
احمد من صدمته اطالع شهد وقال : هاا !!
بو الود ضحك : هيه هيه الي سمعته انزين ولا ترا لو تاخرت بزوجها لغيرك …
احمد : لالالا عمي ان شا اااء الله في اقرب فرصه انا عندكم ….
بو الود : هييه جي اباك .. تحمل من اهلك تراك شاال اسم ابووك …
احمد : ان شاء الله عمي … تامرني بشي ..
بو الود : تحمل ع عمرك ….
وتلفت حق شهد .. وتكلم بشفايفه بدون حس " احبج " …
ردت له الكلمه " وانا بعد احبك "
وظهر وهو يرسلها بوسه طايره من غير لحد يجوفه ………
وصلتهم مهاري لين البااب …… كان راشد يتقاارض وياها …
راشد : خوزو عني يالعروس اخيييج انتي شوه بياخذ فيج ريلج .. الا لساان شطوله …
مهاري : وليييييه رشود لازم اتذكرنييه ماصدقت استويت رايقه …
راشد : استويتي راايقه !! وانا طول الوقت على بالي انتي مهره !!
مهاري: اقول سكر سكر الباب ويلا برع لا تي بيتنا مره ثانيه …….
وسكرت الباب بالقو .. سمعت ضحكته بصوت عالي …….
> مهاري .. صدق استااانست اليوم … حتى خوااتي احسبهن كلهن مرتااحات اليوم … والله هالكمن ساعه شو سوت فيينا … شهود بصوب وهنوف بصوب وغير شهود روحها قصه .. هههههههه حالات ……
دخلت الحجرره جاافت شهود طايحه ع السرير ……..
مهاري: شدعووووووووه ياعمي ……
شهد : وربي احلى يوم في حياااااااااااتي ……. احبه احبه ……..
مهاري: خلي عنج هالرمسه .. وين عزوه ؟
شهد : سارت حجره هنوف .. الود بترقد في حجره روحها اليوم … لان هنوف بترقد ويا عزوه ..
مهاري : زيين خليها تي عندنا … سريييرنا شكبره يسد 6 …
شهد : قلتلها .. قالت لا بترقد من وقت ووراها نشه دواام باجر ماتبا تصدع بنا وجي ..
اكتفت مهاري بالسكوت .. دخلت غرفت التبديل وبدلت ثياابها …. وتغسلت وحطت راسها وسااارت في سااااابع نومه ……..
في بيت بو احمد …. الساعه 2 في الليل …
بو احمد : يااالله سهرتوني لين الحين ورايه شغل انا باجر …
راشد : خلك بوووويه .. اتغلا ع امايا شويه .. تلاقيها تغلي نار الحين …
بو احمد : ما بغييت الا العيوز .. الحين تشااخر ..
راشد : افا وتسب امااه !! " يطالع احمد " وانت ساكت له .. امنف عليك ..
هنوف : مهاااااااري نشي .. نشى يلا ماااااااشي وقت لازم تسيرين الصااالون …
مهاري تحجج عينها : شفييج ( وترد تتلحف وتغطي ويهها ) …
هنوف : مهووووووووووور اطاعي الساااااعه كم 12 الظهر !!!!! نشي اليوووم ملجتج .. مااشي وقت .. عقب شوووي بنسير الصااالووون ,,,
مهاري قامت : شووووووه .,. اليوم ملجتي !!! هاااااا !!
هنوف تضحك : هههههه شبلااااااج يالخبله يلا نشي ماشي وقت ……..
صدت صوب الساعه …
< مهاري .. اااااه اليوم ملجتي يا نااااس .. خلااااص كل شي انكتب الحيين .. ياربي الايام شقاايل تركض .. والله حرااام والله حراام .. يعني خلاص !! انتهت حيااتي … اليوم اول يوم عزاايه … مادري بيطول ولا ..
آآآه من قلبي والله ………
قامت تغسلت وتسبحت وصلت الظهر …………
مهاري ترمس الود : صبرو باااكل يوعانه انا ……
الود : مهووور الساعه 1 !!!! ماشي وقت …..
مهاري : شوووه ماشي وقت الله يهدييج بعده وقت وااااايد والله ….
الود : تدريييين شوه انا بودييي هنوف الصالون وبنخلص انا وهييه وعقب بمر باخذج انتي وشهود ..
مهاري : زييييين …..
مهاري ظهرت برع البيت .. جافت العفسه من الخااااطر .. وااال شوه هاا ّ .. !!
نوره : عروس ناشه هالحزه !!
مهاري تبتسم : شوه هالعفسه في الحوش ؟
نوره : مفاآآجاه رااشد ..
مهاري : رااشد . ؟ جيه شوه مسوي ؟
نوره : مسولج كووشه ع كييف كييفج ….. تجنن والله ….. رااوااني كيف شكلها بس ماخبرتج ..
مهاري : والحين بيركبونها !
نوره : هيه ماشي وقت …… وبييبون طااولات وجيه حق المعاازيييم … راشد و احمد متكفليين بكل هاا حلفو ع ابوج ما يسوي شي ……..
مهاري تبتسم : احم …. لازم من غلااتي ……
شهد : مهوووووور انتي اهنه !!!!!
مهاري : شفيج بعد !!!
شهد : متى بتخلصييين حظرتج …..
مهاري: بلاكن مستعيلاات والله شي وقت ..
نوره : هييه شي وقت ماعليه خلوها …
مهاري : يوعااانه انا ……
نوره تزخها من ايدها : تعالي يالعرووووس بنوكلج ………
وتودييها المطبخ ……..
اما شهد يلست فالصاله تحط لها منااكير زيتووني ع لون فستانها ….. واتصلت ع ربيعاتها تأكد عليهن ييوون ….
عـ الساعه 4 العصر ردت الود .. كاانت مخلصه تسريحه ومكيااج هييه و هنوف ..
بالنسبه للصالون الي متعدليين فييه .. توه ييدييد فااتح .. بس فييه موااطناات محترفااات مشهوراات فالاماراات … ينتقلن دوم من مكاان لين مكاان في ارجاء الدوله … عـ حسب الحجز .. و ويااهن لبناانيات حق الشعر .. بس شغلهن فن من الخاااطر ….
نوره : واااااو تخبلن والله ..!!
الود : ههه زيين .. مهاري ويين ؟؟
نوره تزااااعج : مهووووور ..
مهاري : يييت يييت …
لابسه عبااتها وجااهزه .. لحقتها ع طول شهد …….
شهد : ماااااشاء الله جنكن انتن العرااايس ……..
الود : بسكن هذرباان يلا بسرعه .. عندهن شغل في دبي بعد ما يبون يتأخرون …
مهاري: يلا جااهزات نحن ………
== في الصالون ==
سألوها عن لون فستانها وعدلوها تعدييل عراايس عن جد …….
> مهاري .. الحين انا عرووس ؟؟ معقووله ؟؟ جييه مش حاااسه بهالشي ..!! ليش احس ان الامر واايد عاادي ولا جني عرووس … البنات يرتجفن وخايفااات … ليش انا عاادي ؟ يمكن لان حتى ريلي ماعرفه ! ماجد جفته في حيااتي .. ماعرف شي عنه غير انه ذياااب !! ذياب … ااخ يا ذياب .. أي حياه بنعيشها .. والله اني صغييره .. اناا ويييين والعرس ويين ….. الله كريم … الله يصبرني ويعدي كل شي ع خير ….
اللبنانيه : لك اسم الله علييييكي …
مهاري تبتسم : يا سلام خليتوني حووورييه …
اللبنانيه : لك انتي والله حوورييه الله يهنيييكي …
مهاري : تسلميين والله ………
الود تطالع مهاري بغبنه : فديتج والله .. بصرااحه ماعليج كلام ..
مهاري : لاااازم عروس ….
الود : بنتريا شهود باجلها شوي وبتخلص …
مهاري : اوكي ……..
عـ الساعه 7 ونص المغرب ردو البييت بسرعه …… دخلو الباب الوراني لان الناس بدت تييهم …
دخلت هنوف ويا مهاري تساعد في الفستاان ……..
الفستاان اسود مطرز بورود ذهبيه .. وفيها لمعه طااغيه … وع الصدر سلاسل ع شكل عقد لافه ع الرقبه كامله .. والظهر نصه بررع ….. وع الخصر حزاام رفييع مربط ع الطرف بفرااشة ذهبية ….
ااما المكيااج … فكاان اسوود ملكي …. صج صج يوم قالو الاسود عذااب … موسع عيوونها ع الاخر …
في داخل العين جحال ابيض بارز لمعه الحزن فيها … وعـ الاطراف ذهبي باااهت … وبلاشر وردي ملمع … كاانت حوريه من الجمال …………
جافت عمرها فالجااامه : والله اني اخبل تدرون اقرو عليه اخاف ع روحي ههههه …….
شهد : ههههههههههه خقاقه !
وعقب خلووها فالحجره رووحها ……. ظهرو عنها سارو عند المعاازيم ….. كان قلبها يدق بالقوو .. الحين بدت تحس بالخوف … الحين حست ان السالفه جد !!! …
طق طق …….
مهاري : الباب مفتوح ……..
نوره وهيه فاجه نص البااب واتوايج : ادش ؟
مهاري :اكييييد نواااااري ما يبالها ……
نوره : ماااشاء الله عليييييج يا مهور ماخذه الحلا كله …..
مهاري تبتسم : تسلميين …..
نوره : شي في خااطرج صح ؟
مهاري تنزل راسها : ما بتي ؟
نوره ترفع راس مهاري : تعرفين ابوج ما بيرضا ….
مهاري : حتى لو .. انا بنتها !! بنتها اليوم ملجتها كيف ما تبا تجوفني !! اصلا هيه ما ناقشته ولا حاولت ويياااه الله يسامحها … كفايا ماربتني .. ما تبا تجوفني عروس …..
وتنزل دمعه حرقت عينها ……. تمسحها نوره ع طول ………
دخلت الود ………………..
الود : مهره ؟ بلاج ..؟؟ جيه تصيييحين ؟
سكتت مهاري وسكتت نوره ……..
الود عرفت : مهاري .. خلاص .. انتي ما تاقلمتي ؟؟
< مهاري .. عمركم ما بتحسون بشعوري في يوم.. لو شوه ماقلت … يا عالم انا ماعشت في حظن ام !! ماعشت في حظن ابو حنون يعوض غياب امي !!! حتى خوااتي كانو صغار مايهتمون فييني …
انا انحرمت من واايد اشياء وكله اضغط ع روحي واسكت .. كفايا اليوم بنزف ع واحد ماباااااه والله ماااباه …..
مهاري تصيح : ابووويه دخيييلك مابا اعرس ادخيلك ……
بو الود يزخها من شعرها : وليش ماتعرسين هاااا حاطه عينج ع حد ؟؟
مهاري ماسكه ريله : ابووويه ع امنو بحط عيني جيه انا اطلع من البيت ؟؟ اجوف النااااس ؟؟ والله بشتغل شغاااله في البيت بسوي الي تباه بس لاتزوجني ادخيلك …
بو الود يدفرها من ريله : خوووووزي عني بتعرسين ورااااسج فوق ريلج ….
مهاري تصييح وتصارخ : ليش تعذبني ليش شووه سوييت لك عشان تغصبني .. خلني اكمل الثاانويه بس .. والله مابا شي .. عقب الثااااانويه بعرس بس خلني اكمل يبه دخيييلك …..
بو الود : دراسه لاااااااا .. بتعرسين بتعرسين ……. ( يكلم نوره ) خوزوها عني لا اذبحها الحين …..
مهاري :ابوووي تزوجني واااحد اكبر عني بـ 10 سنيييين حرااااام عليييك …
بو الود يعطيها كف : قووووومي عن ويهي …………..
………….
الود تدز مهاري : مهاااااري وينج اكلمج انا …..
مهاري ردت لعالمها : آآآه … خلاص خلاص مابا شي …. خلوني روحي ….
الود : ما بنخليج روحج .. يلاااا عااد عشان خاطر اختج .. مالي خاطر عندج ؟؟ ابتسمي خليينا نجوف الجمال كله ….
ع رغم حرقه القلب ماحبت تتطاول ويا اختها و ابتسمت ……..
الود : هيييه جيه اباااج … ترا ذيااب بيدخل قبلج … متفقيين وياه نحن …… نبا كل شي سبشل … ومميز ..
مهاري تبتسم : مااعليه خيير ……
نوره : اول ما يوصل بنييج انزين ..
مهاري : اووك …..
< مهاري .. راحو عني … يعني بفتكر انا بالحركاات والاشياء الي تسوونها … الله يصبرني .. ان شاء الله ماتهور واعطيه بكس … هههههه تخيلو لوووول …..
…
..
عـ اغنيه مييحد .. دخل ذيااب … وراافع رااسه بكل غرووور … كاانت ندى اخته ويااه … ماسكه ايده وتوديه صوب الكوشه وتيلسسه ….. وكانت تسمي بالرحمن لا ينظرونه بعيين …… وذيااب يمشي ولا يفكر بشي كل همه يووصل بسرعه .. يحس بقلبه بيطلع منه …….. يلس شوي والناس مرتبشه ع الاغااني .. والبناات مستخفااات ع ذيااب …….
ذياب … 27 سنة …. دكتور نفسي …. اسمرااني … طوييل وعرييض واايد ماشاء الله علييه … عليه جماااال .. عيونه كبااار وحيااه مقروونه ومرسومه رسم ع عيينه كاامله …… خشمه سيف وحااد .. و شفايفه متوسطه مترتبه ع ويهه …….. شعره اليين تحت اذنه .. مدرجه بشكل خفيف وكووول …
ذياب يطالع ندي : ابا ماي .. ريجي ناشف …..
ندى تكلمه امها : اميييه .. ذياب عطشاان هاتيله هالماي الي حذالج …….
ام ذيااب تيي صوبه وتعطييه قلاص ماي ويشربه دفعه وحده ………
ذياب : دنوو متى بتي ؟؟ .. بس ماقدر اتحمل انا …
ندى : انزين اصبرر احيين بكلم خواتها بجووف ……….
ذياب يزخ ايدها : تعااااالي وين تخلييني روحي !!!
ندى : شفيييييك ريال شطولك شعرضك وتخاف .. قوم عني ….. " تخوز ايده "
ذياب " بتشوفيين .. مش خاايف .. متوتر … يارب .. الهمني القوه والجراه .. اخاف اطيح جداامها .. واصير انا البنت "
اما ندى سارت عند شهد : مرحبا ؟؟ عطوووونا وييه شوووويه ……
شهد : هلا والله دنووووه … شخبارج ؟ شوووه هالحلا خفي علينا …..
ندى : خلي عنج .. اخويه بيموت متى بتظهروون مهاري؟
شهد : ماعرف والله الحين بسير ارمس الود بقولهم يدخلونها ..
ندى : هيه الله يخليج استعيلي عن يموت اخويه هههه ..
شهد : هههههه خلاص مايهمج …..
يت الود صوبها : شبلااج تطاعيني ؟؟
شهد : دنوه تسال متى بتدش مهاري ……..
== اطفت الليتات =====
الود : الحيين ……
حد منكم شاف في هالدنيا بدر …….. مقبلن يمشي ومن حوله بشر ………
لا اله الا الله …… ع النبي محمد …. يالله صلو عليه ……………
< مهاري .. اااه يالسه امشي ع منصه موتي… امشي اودي روحي ع قبري … ماقادره ارفع راسي ولا قادره اتنفس ولا قادره اسمع شي ……….
كل الي تسويه تمشي وراسها فالارض .. والمصوره محتشره .. تباها تطالع الكام …. وهيه طااف …
نوره : مهااري حيااتي انتي .. رفعي رااسج شوي ..
مهاري صدت يمين اطالعتهم … قدرت ترتااح شوي يوم جافت خواتها يريحونها ويبتسموولها … ابتسمت ببراءه .. وكملت مشيها من غير ما تطالعه … اول ما وصلت جدااه وقف لها … وهيه وقفت مجاابلتنه بس ماتطالعه …
ندى : بوس رااااسها اييييييه …
ذياب باس راسها : مبروك ….
مهاري : ……………
عدلت وقفتها ووقفت حذاله …. كاان اطول عنها بشووي … بس بصراااحه لايقيين ع بعض … صح كل وااحد واارم وفي حاله بس شكلكم اثنيينهم عجييب ………
تمت المصوره تصورهم والناس بدت تسلم عليهم والزغااريط شاله المكان شل …….
ولين الحيين مهاري ما صدت له ……
عقب ماهدا الوضع شوي ويلستهم هنوف …… واخيييرا تكلم ذياب ……..
ذياب : ممم مهره ؟
مهاري : ……
ذياب يمسك ايدها : احم ….
تحس بايدها ترتجف …. قلبها وقف مره وحده ….. ياربي ها سخيف ولا يتساااخف .. حق شوه ميودني شوه يباا …….
ذياب :اكلمج شفيج مسويه طاف حق ريلج .. " يغير نبره صوته " ها اول يوم …..
مهاري واخيرا رفعت راسها " بسم الله الرحمن الرحيم …. هالريال جايفتنه انا ….. وين ويين وييييين ياربي … هييييييييييه مال كنتااااااكي …. طلع ذياااااب … واااااااايه يافشيلتي فشيلاااه ……… "
ذياب مبتسم : مستحيه ؟
مهاري ترد له الابتسامه بس بشكل اخف : ……
ذياب : شبلااج عاادي ..
مهاري بصوت خفيف : يعني انته مش مستحي ….
ذياب " وافديت هالحس " : لا مش مستحي … بس متوتر شوي … كيف استحي من حرمتي ؟
مهاري سكتت ونزلت راسها … اممم حلوو .. لا وشكله سوالف .. بس لا تخاف .. ما بسويلك سالفه ..
ندى تقربت منهم : ياويلي ع الرومنسيه …….
ذياب : أي رومنسيه … ؟ هبلا انتي !
ندى : هههههههههههه الحين استويت هبلا .. استغنيت عن خدمااتي …… ع العموم قومو يلا بتلبسبون الدبل …
ذياب : خلي الدبل تينا شله تتعب " ويصد صوب مهاري وبكل حنيه " العروس ….
هنوف يتهم ……. : افا علييك جني حسيت بك ويبتهم لين عند ريولك هههههه .. شوه تبا اكثر النسيب ..
ذياب متلوم : اسمحيلي الشيخه .. والله امزح ويا ختييه بس ……
مهاري صدت له .. " اونه ذرب ويستحي بعد " ومن حست انه بيصد لها لفت ويها ……
ام ذيااب : الف الف الف مبروووووك يا بنتي …. الزيين ماخذ الزيينه ……
قامو ذياب ومهاري … وطبعا ع كل حركه يسوونها المصوره ماتفوت شي ……..
يابولهم الدبله ….. الحين الوهقه …..
هنوف : مهووور يلااا لبسيه ..
مهاري : مابا مابا .. شوه مايعرف يلبس روحه ….
ذياب منزل راسه ويحيس ثمه : لا ماعرف …..
الود : يالفشيله سمعنا لبسيه يلا بلا فضااااايح ……..
مهاري : شوه ازخ اييييييده استحي انا اخااااف ………
ام ذياب : ذيااب ابويه لبسها الدبله .. اندوك …….. وتعطييه البوكس ….. يطلع منه الخااتم ويشل ايدها الي كانت ماسكه ايد الود … وبكل جراااءه دخل الدبله في ايدها وهو مبتسم ……..
هنوف : جفتي والله السااااالفه عادي . انتي لا تطولين الوقت ولبسيه بسرعه …….
شلت مهاري الدبله بالقوو … وهو سهل عليها المهمه رفع ايده صوبها …. من كثر الارتباك ماتعرف شقاايل تدخل الدبله … جنها تسوي عمليه .. ايدها اليسار زاخه بدايه كم الكندوره .. وايدها اليمين دخلت فيها الدبله بشويش …….
وام ذياب عطته قلاده الماس يلبسها ….. ونفس الشي ماطول السالفه ع طول لبسها ومن اول محاوله سكرره .. شكله متدرب ….
ردو يلسو مره ثاانيه …..
ندى : اعنبوووو ما تصدقون انتو نشو بتشربون العصير وبتقصووون الكيك …..
مهاري تتنهد …
ذياب حس بضييجها وضاج … شفيها هاي . ؟ ليش جي جايفه حالهاا ؟ شو ماكل حلالها انا .. كدرت خااطري الله يسامحها … نحن تونا نقول بسم الله وهيه جي تعااملني …. لا ماعليه البنت صغييره .. ولازم بتستحي وبترتبك ….
ذياب يطالعها وبنظره حااده : تبين انسير داخل ؟ وننهي كل هاا ؟
مهاري بارتباك : هاا ؟ لا عادي …
ذياب : عيل شبلاج عاقده النونه ؟
مهاري نزلت راسها …. ها ليش يكلمني جييه !!!! ماتريا كمن دقيقه وحررج عليه …
الدمعه شوي وبتنزل من عينها بس ارتجفت من لمست ايده ……
ذياب : مضايجه من شي ؟ مضايجه مني ؟؟؟
مهاري بسرعه رفعت راسها وطالعته : لا ….. مش مضايجه منك ……
ذياب ارتااح جزئيا ً : زيين فيج شي ؟
مهاري تبا تعدل الموقف … افففف ماباه ياخذ فكره عني بعد .. ولا ابا ابويه يرد يضربني مابا انضرب لو عرف والله بيذبحني ….. : لا مافيني شي بس مستحيه شوي …..
ذياب مبتسم : شوي وبس ؟؟ كل ها وشوي ؟ زيين زخي ايدي بقوو وبتتعودين علي بسرعه ..
مهاري ابتسمت : لا والله؟
ذياب بكل ثقه : هيه والله ؟؟ جربي … رصي ع ايدي .. ولا قرمشيني بترتااحيين ..
مهاري : آآآي لا حرام بتتعور …….
ذياب بخبث : بتعور ؟ تخافين لا اتعور ؟
نزلت راسها ….. والله حبوب ويدش القلب …… بس اسمحلي بعدني ماتعودت علييك …..
يابولهم العصيير … كل وااحد شرب الثااني ….. ونفس الشي الكيكه …… اكلته بسرعه … ويوم بغا يأكلها قالتله : ماحب الكيك …..
لا ارادي نقع من الضحك ذياب ……. والله مش معاريس .. يهال يلعبون …. شوه ماتحب الكيك هاي تتمصخر علي ولا شوه سالفتها ……..
الود : مهاااااااري كلي … اسمييييج فضااايح ……..
مهاري كلت بالغصب … وبلعتها مره وحده عسبت ماتحس بطعمها …….
اما ذياب ماقادر يمسك نفسه كل مايتذكر يوم تقوله ماتحب الكيك يضحك …… والله حاله … والله ياهل ..
شهد بصوت عالي :تغطن بناات .. ابوي بيدخل ……….
مهاري رفعت راسها وهيه تطالع ابوها يااي صوبها …….. أي مشااعر احس بها ؟؟؟ انت يابويه دمرتني .. والله ضيعتني … ادري قلبك طيب .. .بس واايد ضيعتني واايد …. مع كل الي سويته .. احبك .. والله احبك يابوي ….
بو الود يبوس راسها : مبرووك ………
مهاري مبتسمه وفي عينها الدمعه : الله يبارك في حياتك الغالي …
عمها ورا ابوها : الغااليه الف مبرووووك تستااااهلين الغلا …….. وحظنها بالقو خلاها تطلق العناان .. ومن عقبها سلم ع ذيااب ووصااه ع مهاري وترخص …
بو الود سلم ع ذيااب وتخاشم وياه ………… ورد لمهاري زخ ايدها بقوو .. يحسسها بالراحه والاماان .. جنه يعرف شوه بيستوي .. وكيف حياتها بتكون … شكله واااثق من انها بترتاح وياه ….
كل الي سوته الابتسامه … الخواات ع طول صاحن . يحسون باحساس مهاري الحين كييف ….
جنه ابوها يباركلها ع موتها الجريب .. ع حياتها الي بنتها وابوها هدم كل شي ……… !!
بو الود يكلم ذياب : تجوف عيني يا ذيااب .,.. ترا خواتها كلهن في هالعيين " ياشر ع عينه اليمين " وهييه روحها فهالعيين " ياشر ع اليسار " غلاها كبير واايد .. لا تخيب ظني .. ماشي احس عنك يا ذياب …
< يااااالله يابوييه … تكبرني وتخقني جدااام ريلي …… هه .. أي عيين الي ترمس عنه … بس كلامه قووي واثر فيني واايد ……. واايد …….
< ذياب .. ليش احس الجو متكهرب .؟؟ شوه السالفه … مهره شو علاقتها بابوها ؟؟ مش مطمن ؟ لالا ان شااء الله خيير …….
بو الود : ياا هنوف ….. يا الود … يالله زفوهن خل يرتااحون بسهم من اليلسه …….
هنوف : ان شاء الله ابوويه ……….
الود : يلا مهاري .. يلا ذيااب قومو بتدشون دااخل الميلس ….. عسبت تتصورون هنااك وتتعشون …..
مهاري صدت لذياب وابتسمت …. والابتسامه ريحت ذياب ,,, زخ ايدها ومشو لين الميلس ….
الناس بدت ترووح … والبيت بدا يخلى ………
== في الميلس ==
المصوره معصبه وماسكه مهاري بالقو : بت يوووور هاااند هيير …. " وتحط ايد مهاري ع رقبه الذياب "
مهاري : شوو ازغده يعني ؟ تبيني اذبحه انتي شوه ……..
المصوره : اوه ماي قاااد .. بت اند بلييز بيك وااااايت :@ .,
ذياب ماسك ضحكته : بس بس لاتعصبيبها عن تفرنا برع بيتكم ……..
مهاري واااااايد مستحيه ماقادره .. بس هالعصبيه بلعتها كانت تسوي كل شي بسرعه بسرعه ..
وبعد صووووور وااايد …… احلى صوره كااانت …….
مهاري يوم حااطه راسها ع صدره … وهو حااظن ظهرها ومنزل راسه شوي ع شعرها .. ومبتسم …..
وخلص التصويييير ……….. من بعد ما طلعت عيونهم ……….
شلت المصوره قشاارها ويت الود وشلتها ووطلعوها ………
ندى تتغالس : هااا يلا ذيااب نسير البيت ,.
ذياب يطالعها وساكت …….
ندى تضحك : هههههههههههه اسولف عن تااكلني .. بنرد انا واميه الحين .. يلا شوي شوي بالدرب والف مبروووووك ……….
مهاري مبتسمه : الله يباارك فييج …..
وتظهر عنهم …… وتدش الود مبتسمه …..
الود : شكلنا ما بنخليكم تتهنون الحين … بس سؤال تبون شي ؟؟؟
مهاري وهيه من التعب متجااهله ذياب : هيه عجلو فالعشا بموت يوع ….
ذياب صد لها " فديت اليوعاانه انا " ……..
الود : من عيووووني …. شوي وبخلي الشغاله تييبه ……..
وظهرت …….
الوضع هااادي …..
ذياب : ممم مهاري ؟
مهاري وهيه تلعب بالدبله وماتصد له : هلا ؟ ……
ذياب : ممم ماتبين تقولين شي ؟
مهاري بتردد وارتبااك : لاء ….
ذياب مبتسم ومسك ايدها الهنتيين : زيين بس عطيني ويه شوي ……
مهاري متوتره وايد طالعته نظره وردت نزلت راسها ……
ذياب : شدعوه عااد …
مهاري : ……….
ذياب : ممممم انا ماقدر اقولج شي الحين … بس .. ان شاء لله بسعدج ومابخليج تحتااييين شي .. وانا واايد شارنج وبااغنج ….. واحس اني محسوود عليج ……
مهاري مستحيه : مم شكرا …
ذياب : شحقه تشكريني ؟؟
مهاري : عيل شو اقول ……
ذياب مبتسم : ما تبين تقوليلي شي معيين ؟؟ شي عنج ؟ طبعج او أي شي ….. مممم صح تذكرت … قطعتي الثانويه صح ؟
مهاري طالعته بكل حزن : هييه ….
ذياب : امم انجبرتي ؟؟
مهاري اتوترت : انجبرت ع شوه ؟؟
ذياب : يعني ظروف الملجه وجي خلتج تهديين الدراسه ؟؟ واثرت ؟؟
مهاري " زين انه طلع جذبه روحه " : هييه ..
ذياب : ودج تكملين ؟ او اقصد تعييدين السنه …..
مهاري تتطاالعه بأمل : انت عاادي عندك ؟؟
ذياب : اذا هالشي انتي تبينه .. اكيد عاادي عندي … بالعكس بفتخر فيج لانج طموحه …
مهاري : هيه ودي … بس .. ماعرف ….
ذيااب : مممم ماباجي ع عرسنا غير شهر ! .. واذا ناويه تعييديين لازم تترين لين السنه الياايه .. يمكن الظروف تتغير … يعني في وقت عندج كبير انج تفكرين .. ولاتحاتين تراني مانسى كلامي .. بشعجج ع كل شي تبينه …..
ماا اقدر اوصف شعور مهاري. .. كاااانت واااايد مستااااانسه …… ماصدقت الكلام الي قااااالته …. من فرحتها ماحست برووحها الا وهيييه لاويه علييييه ….
مهاري : مشكوووووووووووور واااايد …….
ذياب استغرب من الحركه ,. بس سكت ……. حسها ع نيااتها وبرئييه وواييد صغييره …. مع ان عمرها 17 المفروض تكون خلاص عارفه كل شي … بس طبعها واايد غرريب وغاامض .. وفيه عفوويه زاايده …
مهاري اول مافجت عينها جافت روحها لاويه عليه ع طووول خازت : سووووري …. والله من فرحتي ماحسيت ….
ذياب مبتسم : ليش سوري ريلج انا .. حلالج عاادي … بكبرج حقي … حركااتج واايد عفويه واحب هالشي فييج …
مهاري : ………..
ذياب: تدرين انج حلوه ؟
مهاري مبتسمه : هيه …
ذياب : ههههههههههههههههههههه …
مهاري مبتسمه : حتى انته حلوو ,,,,,
ذياب رافع حياته : جد ؟
مهاري : هييه حلييو …
ذياب باحباط : حلييو ؟؟ يعني مش مازر عينج .. اصلن البنات يتخبلن عليه يوم يجوفني في مكاان…
مهاري : البنات مش انا .
ذياب : وانتي شوه .؟
مهاري مبتسمه : انا غيير ..
ذياب يقرص خدها بخفيف : اانا اشهد انج غيير ……
يابت البشكاره العشا وحطتلهم اياه ع الطااوله الجريب منهم ……
ماتغيرت وضعييتهم جربو الطاوله اكثر وتمو يالسين حذاال بعض .. بس مش واايد …
ياكلون بشهيه حليلهم صج معاريس ,..,,
ذياب : مهااري …
مهاري تطالعه : هلا …
ذياب : هاتي ايدج شوي ……
مهاري تمد لها ايدها ….
ذياب خذا صبعها وحطه ع الشااي .. " كان دافي مش حار " …
ذياب : شكرا ً ….
مهاري استغربت .. شفيه هالغبي … خذت كلينكس ومسحت صبعها …. وكملت اكل ….
وتمو ساااكتيين واااايد …….
مهاري لما خلصت اكل تسااندت ع الغنقه …
ذياب : اجوفج ارتخييتي ؟؟
مهاري : شبعت الحمدلله …….
ذياب : شوه كلتي انتي عشان تشبعيين .. يلا لا تدلعيين فجي فجي حلجج …
ويلقمها خبزه ممزوره بأكل متفنن فييه …..
بصرااحه عيبتنها اللقمه بس ما قالت …..
رد اكلها مره ثانيه وثالثه ………….
مهاري : بسني تعبت …… هلكت ماقدر اكل ….
ذياب : اخر لقمه ….
مهاري :والله شبعت خلاص …..
ذياب : تردييني ؟؟ تردين ريلج؟
مهاري : ريلج وريلج محد عرس غيري ؟؟
ذياب : هههههههههههههههههههههههههههه .. عفويتج فالرمسه بتذبحني …
مهاري : اخر لقمه ترا …
ذياب مبتسم : ولا تزعلين اخر لقمه …..
كلته وتعمد يدخل صبعه وعضته ……
ذياب يمثل العوار : آآآي ….
مهاري فجت عينها : سوووووري والله ماقصد ….. ااول مره اجوف حد يلقم ويدخل صبعه ..
ذياب :آآي آآي .. انتي بقره ماتعرفين تااكلين …..
مهاري تشهق : انااا بقره الحيين ؟؟
ذياب مطنشنها : آآآي ….. خلاص بسير البيت مشكوره …..
مهاري تمسك ايده المتعوره : والله اسفه .. صبر بييب ثلج …..
ذياب مبتسم : ههههههه من صدقج انتي صدقتييني ؟
مهاري :هييه ….. ليش تجذب انته ؟
ذياب ببراءتها : هييه ….
مهاري خوزت ايده : مااااالت !
ذياب ميت ضحك : هههههههه تدرين اول وحده تقولي مالت ؟؟
مهاري : وايد مغتر بروحك ترااك …
ذياب ومتعمد : ودام متزوج هالقمر كيف ما غتر بروحي ……
صخت مره وحده ..
ذياب : لازم اقفطج يعني عسبت ماتتحرشييين ….
مهاري ابتسمت …..
ذياب يجوف الساعه : واال استوت 1 ماحسيت فالوقت ويااج ……
مهاري تثااوب : انا حسيت …
ذياب يطالعها بهدوء : صدق ؟
مهاري : هييه …
ذياب مبتسم : خلاص عيل ما بثقل اكثرر …
مهاري : زين يوم حسيت ابا ارقد تعبت …
ذياب : لاااه يالدفشه ؟ حد يقول حق ريله جي فيوم الملجه ؟؟ تبين تشرديني ؟
مهاري : اقولك الصدق …..
ذياب مبتسم : وشوه عايبني فيج غير صدقج انا ….
يقووم ثوااني ويرد ييلس : ممم بتترييني ؟ بسير السياره بيب شي وبرجع …
مهاري : بتيب شوه ؟؟
ذياب : بتتريين ولا ؟
مهاري :هييه بتريا ……
ذياب : زين ما بتاخر علييج شوي بس ……
وراح عنها ….. اول ماسار انسدحت ع طول صدق تحس انها ميته تعب ….. غمضت عيينها شوي تريحها ….
………………………………………….. ….
ذيااب بتوتر : مم مهوور ….. .؟؟
مهاري تفج عينها بخفييف ….. : هااه …
يوم جافت ذياب يالس تحت ريلها وينششها تروعت وقامت عدل : سووري ماحسيت بروحي …
ذياب مبتسم : تخبلين وانتي راقده تدرين …
مهاري : لا والله !! رااقبتني …
ذياب : وعندج ماانع ؟؟
مهاري : وين سرت ؟ هذا الي ما بيتاخر …
ذياب :هههههههههه ماتاخرت انتي الي راقده " وبحناان " وانا تام ااطاالعج ….. مم ع العموم " ويعطيها كيس " هذا لج … ومن اليوم وساير أي شي تحتاايينه لا تستحيين … انتي مسؤؤله مني الحيين … ولو تطلبين عيوني ماتغلا علييج …….
مهاري مبتسمه ……
ذياب :والحيين لازم اسير عسبت انتي تريحين وانا اريح بعد ….. تبين شي ؟؟
مهاري : سلامتك .. تحمل ع روحك …….
ذياب يغمز لها : مااعرف اتحمل ع روحي … انتي تحملي مني ……
مهاري : ههههههه .. زيين ماعليه ….
ذياب يبوس راسها : يالله الغاليه .. اجوفج عـ خيير …..
مهاري بحيا : تلاقي الخيير ..
و مشت ويااه لين بررع توصله ……
يوم وصلت عند البااب البرااعي …..
ذياب : هاا هااا ؟؟ وين ناويه ان شاء لله ؟؟ يلا دشي دااخل بس ماتعتبيين هالباب وانتي جييه …
مهاري : زين محد برع .. الفريج رااقد ..
ذياب : لاتزعلييني منج .. حتى ولو ماشي حد غييرج .. ماتظهرين بفستان وين تبين …..
مهاري :زين ما بظهر انا .. بواايج عليك وانته تسير بس ..
ذياب : تحرسيني يعني …..
مهاري مبتسمه : مش حشرتني ريلج وريلج ؟ خلاص ريلي بحرسه …
ذياب بجراءه يتقرب من ويهها : لا جد ؟؟
مهاري تنزل راسه وتدز صدره : بس عااد عن المصااخه .. يلا سير ….
ذياب يضحك : ياويلي ع المستحي ههههه …… يلا الغلا دشي .. انا الي اخاف عليج حتى من حوشكم .. يلا ..
مهاري : زيين .. تصبح ع خير ……
ذياب : وانتي من اهله …….
ودشت عنه دااخل … وهو لما جافها مشت وجريب بتوصل الباب ,, رووح بعد …….
والاحلي ما فيها
مهاري
عجبتني براءتها
سي يو وانتظر القادم
القصة يعطيك العافية وتسلم ايديك
ويسلموووووووووووووو
