حبيت انزل روايتي الاولى هنا و اشوف رايكم فيها و اتمنى تعجبكم ..
– مو مصرح نقلها لمنتدى ثاني من غير ذكر اسم الكاتبه
– و ممنوع تغيير اي حدث فيها
البارت الاول
فـ بيت كبير يتكون من 3 طوابق ’ سكن فيه ناس انحرموا الام و الاب و الاخوان و حب العايلة ’ بس ما منعهم هالحرمان انه يكونون عايلة بروحهم ’ ينسون فيها فكرة انه اكو ناس تخلوا عنهم من صغرهم
فالمجلس بـ التحديد كانوا موجودات تقريبا 10 بنات ’ الي كانت تتابع التلفزيون و الي كانت تتمكيج و الي كانت تلعب فـ جوالها و الي تتكلم مع صديقتها ووووو ’’ كان من بينهم هذيك البنت الي تحاول تحس بـ هدوء عشان تكمل قرايت الكتاب الي بيدها بس مو قادرة ’ كان ودها تصرخ و تقولهم اسكتوا و وطوا صووت التلفزيون بس ماسكه نفسها لا تعصب عليهم ’ ناظرت البنات شوي بأستياء و جات بتطالع الكتاب و ترجع تقرا مره ثانيه بس مرت عيونها لا ارادي على سارة و شافتها تسحب الكنترول حق التلفزيون من يد بنت و تجلس ولا كأنه سوت شي ’ هنا حطت ايدها على خدها و هي تنقل نظراتها للبنت الي شوي و تبكي من سارة ’ ردت تناظر الكتاب و علت صوتها و هي تقول
: سارة بطلي دفاشه و حركات الشباب و رجعي الكنترول للبنت
ناظرة سارة فيها و هي تقول : بيسان بالله انتي تعالي عندي ترا باقي شووي عن الفلم و يبدأ بعد م يخلص بعطيها هـ الي مدري وش اسمه
قامت بيسان و اخذت الكنترول و اعطته للبنت و سحب سارة معها عشان يروحون الغرفه بس وقفت و هي تسمع صوت المذيعه الي فالتلفزيون تقول : فاز خالد بن صقر الـ… في اكبر صفقه تجاريه مع اكبر تاجر في الولايات المتحده الامريكيه بـ مبلغ كبير جدا قدره 570 مليون دولار و قد وهب نصفه لـ ديار الايتام في المملكه العربيه السعوديه.
طالعت التلفزيون و شافت صورة رجال مكتوب تحت الصورة : اكبر رجل اعمال خالد بن صقر الـ… ’ اسمعت بعض الهمسات من كم بنت تتمدح بـ جماله و كرمه وووو ’ قطع تفكيرها صوت ساره و هي تقول
: هااا بيسان وش بك وقفتي ما تمشين خلينا ننقلع الغرفه ضيعتي علي الفلم حسبي الله على الشيطان
طالعتها بيسان شوي و قالت : يلا طيب ما قلت لك شي
ساره بإستخفاف : ما قلتي شي بس شكل في شي علقت به رجلك و وقفتي صح ؟
طنشتها بيسان و مشت و هي تحس انه صورة هالانسان ما تروح عن بالها تحس انها شافته فـ مكان او تعرفه ’ طنشت هالافكار و هي تقوول فـ خاطرها : وش لي فيه وش فيني انا تخبلت ؛ مالي دخل فيه ولو يموت
……………………………………
البطله : بيسان : انسانة غير البشر لها طموح تطمح انها تحققها ’ عمرها 21 رابع سنه فالجامعة ’ تدرس طب اطفال ’ هادية شوي ’ تعشق القراءة خصوصاً كتب الطب ’ جميلة و جمالها ذباح يجذب حيل و بشكل مو طبيعي بشرتها بيضا و صافيه كثير ’ شعرها اسود مثل سواد الليل طويل لآخر خصرها و عيونها زرق مثل لون البحر و وساع حيل
؛
صديقة بيسان : ساره : بنت جميلة حيل ’ فيها نوع من الدفاشه ’ الشكل شكل بنت بس الحركات ابو الشباب ’ حياتها بـ الميتم خلتها تحس انه مافي خير ولا طيبه فالدنيا ولا فـ الي يعيشون فيها ’ عيونها عسليه فاتحه و ناعسة ’ و شعرها بني فاتح بشرتها بيضا حيل ’ اغلى و احب على قلبها بيسان الي تعتبرها اختها و امها و ابوها و كل شي الي عاشت وياها العمر كله
…………………………………………
وصلوا للغرفه الـشبه كبيرة ’ جلست سارة على سريرها و بيسان راحت تجلس على حافة الشباك و ناظرت سارة و قالت
بيسان : احس انه في شي بيصير
ناظرتها سارة و هي ترفع حواجبها : ليه
بيسان و هي تحس انه بطنها بدأ يمغصها : مدري احس في شي بيصير احس كأن ( جات بتكمل بس قطع عليها دخول سمر )
سمر : السموحة قطعت كلامكم بس بيسان ابيك شوي
بيسان طالعت سارة شوي و كأنها تقول : شفتي مو قلت لك بيصير شي
رجعت نظرها لـ سمر و هي تقول : صاير شي
سمر بأستعجال : بيسان الحقيني لـ غرفة المكتب بسرعه ماكو وقت اقعد اشرح هنا
…………………………………..
مشرفة الميتم : سمر : انسانه منظمه حيل و طيبه كثير مع البنات عمرها 40 سنه بس ما يبين عليها ؛ كبر سنها ابدا ما غطى على جمال ملامحها و جاذبيتها
……………………………………..
راحت سمر و بيسان راحت وراها ؛ دخلوا غرفة المكتب و جلست سمر ورا مكتبها و بيسان جلست على الكرسي الي قدام المكتب و ناظرت سمر و هي تنتظر وش بتقول لها
سمر و بدون مقدمات : بيسان انتي لازم تطلعين من هنا و بأسرع وقت
بيسان طالعتها بدون استيعاب و قالت : انتي شو تقولين
( عطوني رايكم )
ننتظر البااارت الجاااي ؟؟
|
المشاركة الأساسية كتبها دلووووعه وبس
 بدايه موووفقه حبيبتي
ننتظر البااارت الجاااي ؟؟ |
وياإك حبيبتي , تسلمين .gif "Graaam (103)")
ــــــــــــــــ
ومشووق وجميل مثل كاتبةة الرواايةة
انتظر البارت الجاي احر من الجمر
ويسلموو حبيبتي
مشكورة على المرور
لأن نصف نجاح الرواية هو الحشو الفكري والوصفي .. لكن ايضا لاتخلي الوصف عقيم من الحوار ..
وازني مابينهم .. وفالك النجاح يارب ..
.
.
مساء الورد
ما أبهى حرفك
ونقاء فكرك
سعدت بحضورك الوازن
وطرحك الهادف
كل الشكر ولاتكفي
أسعد الله قلبك
تسلمين على النصايح حبيبتي
والله استفدت منها و قررت اعدل من البارتات الجايه اكثر
منورة حبيبتي و تسلمين ع المرور
تسلمين على كلامج الجميل
لك ودي و تسلمين على المرور
