المراجل 2024.

.

.

.

.. أقبَلُوها كَمّا هِيَ ..

.

.

.

[poem font="simplified arabic,5,#ffffff,bold,normal" bkcolor="#000000" bkimage="" border="double,4,#0000ff" type=2 line=0 align=center use=ex num="0,"]
ماكل من جابت ولد صار رجال=بعض الرجال اليوم مامن رجوله
ولا كل من هاز الطويله لها طال=المرقب الشامخ صعيب(ن) وصوله
الخيل ماتبغى لها كود خيٌال=يضرب بحد السيف للي يطوله
ومن لا يٌدسم شاربه والرجٌل قال /=ترى المراجل ماتجي بالسهوله
بعض الرجٌال يوقٌف بيوم الأبطال=والبعض منهم ينسحب في البطوله
وبعض العرب ألهم تواريخ وأمثال=وأفعالهم جزله ولا هي هزوله
ومن يحسب أحساب الخساره في الأموال=يفداك حاله والعٌوض فاللي حوله
ولا يارحم من صك بابه بالأقفال=من دون ضيفان(ن) بعيد(ن) عنوله
هذا الزمن واحد ويفرق بالأجيال=أربع فصول(ن) تختلف من فصوله
أمنول(ن) ماهمهم كثرة المال=لان الشجاعه للفتى هي ميوله
الفال فالك لا تقفى له أعقال=والناقه إللي ساريه أمعقوله ..!!
لا تتبع إللي يتبع القيل والقال=مجنابك أطيب من كلام(ن) يقوله
أحذر منه لا صار في أقفاك وأقبال=مثله يبي يعتاش عيشة عموله
وإنهج على إللي يعشٌق المرقب العال=إللي ليا جيته يسرك قبوله
هذاك لا أعتزته على كل الأحوال=عشاك لو مايملك ألا ذلوله
وجنٌب عن إللي مجلسه كله أنذال=ولا يغرك زين هرجه ودلوله
وإفطن من هروج الحواسد وعذال=لا طاحت براسك مشاكل ختوله
خذها نصيحه من قريب(ن) ولد خال=نصيحة(ن) ماهيب والله عذوله
لا صرت ذيب(ن) مالقى الذيب مدخال=والمشكله لا صرت سهل(ن) دخوله
عٌزي لحال إللي رقد يوم الأهوال=يوم الزمن دقت علينا طبوله
الشايب إللي ورٌث الطيب لإعيال=يفداه عود(ن) لاش من هالحموله
يالعنبوها من ورى خشمها ريال=تسانه يذلك يارجٌـل في حصوله
مايجتمع عقل ورجوله مع أخبال=ولا كل شي إليا بغيته تنوله ..!!
الوادي إللي ماتعرفه ترى سال=ومن لا يعرف السيل يجهل فعوله ..!!
يجيك علم(ن) مايجيلك على البال=مثل العلوم إللي تهز لها دوله
المرجله موقف وصمله مع أفعال=وفزعات قرم(ن) من نخاها صموله
بنت(ن) تزيدك مرجله ماهي أقوال=من حكمة(ن) في راسها مع ذهوله
تاقف معك حتى لو الدم لك سال=شيهانة(ن) ماهيب والله جفوله
لا جا نهار(ن) مغبر(ن) كله أرمال=وطاحت نجوم القايله من نحوله
موتك من إللي ماوراها سوى أهبال=ولا تدري إنك طايح(ن) في أمهبوله
فنجالها ماورثت طيبه إدلال=وزود(ن) على هذا تراها عجوله
لابو الردي لا صابه أخراش وإجفال=في ساعة(ن) فيها النشاما أوقفوله
ومن صكته بقعا على أشهب اللال=لا يشتكي إلا لواحد(ن) هم شكوله
وصلاة ربي من عدد وبل همٌال=وعد السحاب إللي سقانا هطوله
على الرسول إللي له الخير مازال=إللي أخذ بالخير صوله وجوله
أختم كلامي من قبل تختم أعمال=ويالله حسن الخاتمه لا تزوله[/poem]

.

.

.

لاهنت

لو الحروف تمطر ود وتقدير

كان امطرت على حروفك

من زود مافيها

ابدعت بالطرح والمضمون

ومنك نتعلم

اقتباس:

المشاركة الأساسية كتبها أســــ الغنج ــــير صح السانك ياسطام ابدعت وماقصرت القصيده كفو وانت من ربع كفو لاعدمتك وصح السانك بس اعتقد ان القصيده هذي لها موقف معين هو اللي خلاك تقول:/ الـوادي إللـي ماتعرفـه تـرى سـال ومن لا يعرف السيل يجهل فعولـه ..!! صح السانك والبيت هذا انا وقفت عنده عالعموم يعطيك العافيه وتقبل تحيات اخوك أســــ الغنج ــــير

صح الله قلبك وكلّك .. وماعليك زود يالأجودي ..
وبخصوص سؤالك .. إيه لها موقف .. خلها على وجهها ويكون أحسن إني أحتفظ فيه

اقتباس:

المشاركة الأساسية كتبها يكفي وجودي صــح لسانك ياولد عمـــي .. أبدعت وهذا شي موغريب على شمــــــــر شعر رائع ,, وكلمات أروع ,, أسمحلي أهديك هذا الشطـــر (( ضيغمين للسناعيس أنتسب )) تقبل مروري ,,

هلا بالنشميه والله .. منورهـ والله
صح الله قلبك وكلّك .. الإبداع منكم وفيكم والله ..

اقتباس:

المشاركة الأساسية كتبها ملكة الحنين صح لسانك وعلا شانك لاهنت لو الحروف تمطر ود وتقدير كان امطرت على حروفك من زود مافيها ابدعت بالطرح والمضمون ومنك نتعلم دمت بخير

ولانتِ

صح الله قلبك وكلّك