ومن بينا ميثاق وعهود وصكوك
انت توردني دروب الحماقة
وأنا لاضيعت قمت العن أبوك
ياذا العور وان كان مافيك طاقة
مالك عذر وانت على المتن معكوك
عندي على درب المهالك لياقة
على النقا والكسب يابليس مشروك
ولك الفخر يابو البلا والشقاقة
اني انا شاعر ملك كان مادروك
شاعر أبو متعب صليف الطراقه
على الزعيم من ورا الناس محروك
يابليس تدري وش حلات الصداقه
اني ليا ضيعتها جيت للبوك
وغديت بين المحفظة والبطاقة
وتشكلت فرتك ميات وشيوك
ولغيت عندي ماتسمى العلاقة
ماتنبنى طبعا على عطني ودوك
كثرت هروج مدورين الخناقة
يبون فتحة باب ماهو بمصكوك
واللي قهرني صدق ان اللواقه
مهوي وفارغ وفاشل وصعلوك
اسمع هدير وكل ماشفت ناقة
ومتن الجرب مبعد ومهمل ومتروك
والله ماالد الا على اربع عماقه
ونا وريث ملوك واخاطب ملوك
عبدالله وسلطان واكبر شقاقه
نايف وزير الداخلية وانا اخوك
والرابع محمد وسيعن نطاقه
ولي عهد الدار مبرك ومبروك
ماهو بغصب إلا بطيب ولباقه
والظن فيني وثق ماهو بمشكوك
شاعر طغى ماني بشاعر أناقة
والشعر اعلكه شبك ماعلكه علوك
أكثر مااحبه في الحياة الطفاقة
واكره ماشوف الحر لا صار مملوك
ياللي تعكز بي بعد جتك إعاقة
سلام وانت تدري بقافية أوك
يعني أبرفعها واعرفك طباقه
ماتدري ان البيت واضح ومحبوك
أقدر أوطيها عليك بسياقه
لكني اكبر منك مير انت غروك
المير خذلك وردتن وسط باقة
ودوج بسوق الفيصلية وهردوك
وخلك قريب من صالون الحلاقة
وليا شربت الببس لاتلحقه كوك
حنا هل الوجهة وقوم الرواقه
هل الدلال اللي بها الهيل مدكوك
ويلان من ويلان ساقه بساقه
في نجد وليا اشملت عرعر وتبوك
ومافيه حدن حد وايل وعاقه
روسن مع العربان ماحنا بوروك
الورع منا لالعب بالتفاقه
يرمي لحم مايرمي عصي وجيوك
خبل عنزة ما اقفى العدو في نياقه
افتكها ولا انت خبلن و مفكوك
إليااكلنا مانحب الذواقه
نشبع ولا نترك للا نذال متروك
وسيوفن ارهى من سلاحك بطاقة
واشبار اطول من خطاويك ببلوك
ماحقتها ولااحب الحواقه
ربعك لهم في المجد دربن ومحيوك
سلطانهم لاحل ذر الرواقه
شالوا ثقيل الحمل مير انت خلوك
الشعر حنا حاسبين احتراقه
عندك يوم اللي بجمبك تحدوك
الشعر انا ماجيت احسب أوراقه
جاني على لوكي وجيته على لوك
أكبر فخر للشعر اني نطاقه
وأكبر فشل للشعر من يوم رزوك
وهنيئا للكاتب
وهنيئا لك هذا التميز والابداع
دمتي ودام نبضك قلمك ايتها الرااااائعه
تحياااات
مهووودي
وتسلم يمينك على النقل الرئع
ياسر من افضل الشعراء عندي
يسلموااااااااااااااااااااااااااااااااا
| هنيئا لك هذا النقل الرااائع وهنيئا للكاتب وهنيئا لك هذا التميز والابداع دمتي ودام نبضك قلمك ايتها الرااااائعه تحياااات مهووودي |
الرائع تنوريك لصفحتي
شكرا لمرورك
| صح اللسان التويجري
وتسلم يمينك على النقل الرئع ياسر من افضل الشعراء عندي يسلموااااااااااااااااااااااااااااااااا |
تسلمين عالمرور
يعطيك ألف عافيه
كلك ذووق بإختيارك
سلمت يمينك وسلم نقلك
//