يابحر فيني من الحزن كثر مافيك 2024.

يا بحر فيني من الحزن كثر ما فيك

يابحر .. فيني من الحزن .. كثـر مافيـك ..

من حزن .. وأوجاع .. وغياب .. وغرايب !!

لاتلومنـي إليـا شفتنـي .. دايـم أجيـك ..

ولاشفتني دايم .. علـى الشـط .. ذايـب !!

حزني كبير .. أكبر من حدود .. شاطيـك ..

وأقسى من جـروح الزمـان .. العطايـب !!

وإن كان تنشدنـي فأنـا .. مقـدر أخفيـك ..

دايم اظن .. ويطلـع .. الظـن .. خايـب !!

في هالزمن .. أقرب حبايبـك .. يشقيـك ..

إليـن تدفـع فـي غـلاه .. الضـرايـب !!

من بعد هذا .. يبتعد .. عنـك .. ويجفيـك ..

ماكنه .. بجنبك .. قضى الوقت .. طايـب !!

وإلا .. الخوي اللـي توقعـت .. يفديـك ..

يفديك عمره .. لاغـدت بـك .. نشايـب !!

صد .. وتصدد .. مايبي .. سمع .. طاريك ..

وياما .. أنت .. دونه .. أتعبتك .. الطلايب !!

لاتقول لي .. بدري .. وتوك .. ويمديـك ..

وتعال .. وأسمع باقي الهـرج .. صايـب !!

خلك بحالك .. وأطلب الـرب .. يهديـك ..

ولاتنشد اللي غاب .. وين أنـت .. غايـب ؟؟

وإن شفتني غايب .. عن حدود .. شاطيـك ..

أعرف تراني .. تحت .. ذيك .. النصايب !!

وأعرف تراني .. دايم إن ضقت .. بآجيك ..

لأني .. أنا .. والموج .. صرنا .. حبايب !!

هلا بك اخوي وحياك الله نورت المنتدى والقسم
ولكن يالغالي القصائد المنقوله يتم طرحها في قسم المنقولات الادبيه
اسمح لي اخوي على نقلها لان قسم همس القوافي لايقبل الا ماكان من ابداع العضو نفسه
وتقبل تحياتي وتقديري
اخووووووووووووك
أســــ الغنج ــــير

يعطيك العافيه على رووعه النقل

وقد تم طرحه من قبل ولكن بتاريخ قديم

وبحسب قانون المنتدى لا يعتبر مكررا

ننتظر جديدك..

لك ودي..

يعطيك العافيه على هالانتقاء

شاكره لك مجهودك ، بانتظار جديدك

تحاياي

.

اختيــار رااااائع
سلمت اناملكـ على هـذا النقــل

.

صح لسآنك

لاعدمناك يارب

تحياتي لك