( ليت الزعل ممنوع ) فينا على طول
وليت المحبّه ما تروح بـ خساره !
لأنّي أحبّك حب يا زين ما يزول
مثل الذي : ناحت على أقوى جداره !
أعشقك و أحبّك و أداريك / بأصول
ماني من اللي يعشقون بـ حقاره !
يا نور عيني ، والدلع فيك : معقول
قلبي تملّل ! زاد طول إنتظاره ؟
إدخل بوسط القلب / محمول مكفول
إحجز يمين القلب ، و إحجز يساره
إدخل و خلك يا أريش العين مسؤول
غلاك وسط القلب " ثابت و محمول
ما ياصله من كان فيه إقتداره !
والحب خلّه باقيً شيء : مقبول
بين القلوب العاشقه / لـ إحتكاره
لو كان به : ترتيب لـ الحب ، مدلول
فـ أنت الوحيد و معتلي بـ الصداره
يا روح روحي ، لا تخلّيه مقفول
باب الأمل لو بان فيه إنكساره !
تعبت أسيل الحبْر من دون محصول
تعبت أجامل هاجسي و إحتياره !
أكنّ في صدري ( فرح ) شبّه مقتول
و الحزن لا شفتك يجيه إنهياره !
يا بهجة الخاطر ، و يا ( سرّ مجهول )
يا روح شعري .. غايته و إفتخاره
إن شفت زولك جيت والهرج معسول
جهّزت عِدّ الشعر ، و أشعلت ناره
لكن خذها كاش ! و أعيد و أقول :
قربك عمار القلب / بُعدك دماره !
أقسم قسم لو تركض تصول وتجول
ما تلقى مثلي يعشقك / بإختياره !!
ابغى رايكم
اختكم عنيده واعترف
| يا بهجة الخاطر ، و يا ( سرّ مجهول ) يا روح شعري .. غايته و إفتخاره إن شفت زولك جيت والهرج معسول |
يعطيك العافيه على رووعه النقل
ويسلم لنا هالذووق الرفيع..
ننتظر جديدك بشووق..
لك ودي..
يعطيك العافيه انتقاء رائع
ودي
.gif "Graaam (276)")
| كلمات روووعه التي سطرتها لنا |
| والله يعطيك العافية |
| على النقل |