حبيت اعطيكم ابيات شعر عجبتني
للشاعر معاذ أبابطين ♡
في محجر عيوني ، إلى حد رمشي
تمرّ بي اقدار . . تصيب و تخيب
ودّي ادسّم شارب الوقت و أرشي !
مير الزمن ؟ ما ينثني للتراغيب
يا حظ لو تقبله ؟ يفدااك قرشي
يا حظ لو تطلب فدتك المطاليب !
يا ملّ "قلبٍ" ..غاشيٍ في مغشي
دايم يفكّر . . . وش جايّ المكاتيب ؟
القلب ؟ من دكّ المقادير يـفـشـي
ما هو بكيفه يكتم الضيق ويغيب
نلهي بـ هالدنيا ولا نحسب لـ شي
ما كنّ في يوم الحشر أيّ تحسيب !
استغفر الله . . قلّ من صار يخشي
وكثر اللي ما صار يحشم عن العيب
ما نصبر اليا صار بالقلب خرشي
ما كنّ تالي القيض مزنٍ مساكيب
في داخلك إجعل مباديك تنشي
رجلٍ على الهيّة (عطيب المضاريب)
البندق اليا صار ماهوب محشي
ما كان به قيمة لصيدٍ و تصويب
و الحرّ ؟ لو ما نام ليل متعشّي
باكر فعوله في الحباري معاطيب !
ارقى على العالي ولو صار حرشي
"الرجل" ؟ ما هزّه طلوع المراقيب
هذا الزمن رحلة والأفعال طرشي
" وجّه فعايلك لـ كرام المواجيب "
تمضي بنا الأيام والعمر . . يمشي
يا بخت من عاشر زمانه على الطيب
وسلامتكم ♡
يعطيك العافية
يعطيك العافيه وما قصرت
أشكرك
تقبل مروري / محمود
يعطيك العافيه
تحياتي
يعيط العافيه ع الاختيار الجميل