موكل من يركب على الخيل خيال 2024.

موكل من يركب على الخيل خيال
ولا كل خيل تعجبك هي أصيـله
ولا كلمن يعجبك هرجه برجال
بعض العرب ملسون وايده بخيله
الرجل تثبت له أقاويل بأفعال
لاقال شئ ونفذه هو دلـيله
والرجل لاشفته مع القيل والقـــال
ابعد عنه هذا صفاته عليــله
وخلك شجاع وذي صفات للابطال
اللي كما سيوف تبارق سليـله
واصبر ترى الدنيا تبدل بهاأحوال
وما كل شئ صافي تشـــــوفه تجيله
وبعد الكدر تشرب صفا عذب وزلال
هذا الزمن فيه استــــقامه وميله
وصاحب خليل لو جفـاالوقت مامال
ترى الرجل يعرف بقيمة خليـله
وخلك أمين إذا توليت الأعمال
من خان في يوم الحشر يا حليله
خل التواضع فيك واضح بالافعال
ترى الكبر يردي بيوم وليـله
ولا تحسد اللي عنده اموال وعيال
وش ينفعك لو كان حـــسدك يزيله
وخلك رزين ترى المخفه للاطفال
واصفح عن المخـــــطي ولو زاد قيله
واحمل همومك لو تزن وزن آلآثقال
بكره تروح وتنجلي لو ثقـيله
وصل الفروض ولا تنسيك آلآشغال
محدن في الدنيـــــا درى وش بقي له
وزور آلآقارب للرحم كون وصـــــال
وخلك عظيم الشان وسط القـبيله
وصلاة ربي عد ماهل همـــــــــــــال
على النبي اللي صفـــــاته جليله

وصل الفروض ولا تنسيك آلآشغال
محدن في الدنيـــــا درى وش بقي له

صح لسان من كتب

وسلمت ايادي من نقل

رائعه فقط نتمنى الحرص على اختيار المكان

للمنقول قسم خاص

تنقل للمنقولات الادبيه مع التقدير والاحترام

نواف بندر

رَبِيْ يَعْطِيْكَـ العَآفِيَهِ عَلِىَ جَمَآلِ مَآ طَرِحْت ..
بَآنْتِظَآرِ جَدِيْدِكـَ آلمُمَيَّزْ ..
لَك كُلً آلوِدْ وَ آلوَرِدُ ..
:::::::::::: ( ) ::