يايبة لكم اليوم اكلة اسمها غريب شوي بس فناااااااااااااااااااانة تخبل
اممممممم معكرونة البيتزا جربوها ما بتندمون بنيات
المقادير:
نقانق
معكرونة
جبة موزرلا مالت البيتزا
زيتون اسود
فلفل حلو
مشروم
جبن كيري
جبن كرفت
* مقادير الصلصة
صلصة معلبة ( حسب الكمية)
زعتر ورق
فص ثوم
بصلتين
فلفل اسود
مكعب ماجي بالدياي
ملح ( رشة )
رشة هيل
بهارات حسب الرغبة
* شقايق تسوين الصلصة
أول شي تقصين البصل قطع صغيرة عقب تحطيت زيت في الجدر لين يحمى وتحطيت على طول البصل وتجلبينه لين يحمر وعقب تحطين الثوم بس عقب ما تهرسينه وتجلبين عقب تحطين الصلصة وتجلبين عقب تحطين البهارات (الزعتر ومكعب الماجي والهيل وفلفل الاسود ) وعقب تجلبين وسكري عنه لين يبرد…
* شقايل تسووين الاكلة
تقطعين الفلفل الحلو قطع صغيرة والمشروم وعقب تقطعين النقانق قطع صغيرة وتقلينها وعقب اتييبين ملة تحطين فيها المقادير النقانق والفلفل والمشروم والزيتون وتحطين جبن الكيري عليه وجبة كرفت ( الكوبات ) وتجلبين الخلطة
تسلقين المعكرونة واول ما تظهر تجلبينها مع الصلصة اللي سويتيها وتحطين جبة كرفت وياها وتجلبينها بجدر كبير
تييبين الصينية تحطين طبقة من المعكرونة اللي خلطتيها مع الصلصة والجبن وعقب تحطين خلطة النقانق وترشين فوقها جبنة مبشورة ( موزرلا ) وتحطين عقب الكمية الباقية من المعكرونة فوق الخلطة وعقب تييبين اللي بقى من خلطة النقانق وتحطينها فوقها وترشين عليها جبنة مبشورة عقب تدخلينها في الفرن تولعين عليها من فوق بس لين يحمر الويه وتظهرينها
7
7
7
7
7
7
7
7
اممممممم اشتهيتها ههههههههه
هذي طريقتي واذا بغيتو تسوونها بطريقتكم
وسوالم
الاسم مو غريب قريته زمان بكتاب طبخ
وفعلا لذيذة انا مجربته
مرة لذيييييييييذ يمي يم عاد امووووووت
بالمكرونة بس بالبشميلا ياااااااااي ياي
تشكرين امارتية على الطريقة يا عسولة
وربي يعطيك العافية
بس تستاهل الحوسه
اشتهيت اسويها
يسلمووو ياعسل
يسلموووو غاليتي
على هالوصفة الرائعة
وعسااج عالقوووة
شكلها بتطلع روعة
ان شاء الله بجربها
تسلم يدكـ يالغالية
يسلمو خيتو
وماقصرتي