يــدبّ ولايـهـب مــن الـريـاح الا صـفـق بـابــه
سـلامٍ يكسـي العيـن الجـذوب اللـي لهـا صفيـن
ليـامـا قـفـلـت جـفــنٍ تـثـنّـت مـــردف اهـدابــه
ســلامٍ يالـزمـان يــدور مابـيـن الـكــلام وبـيــن
تراتيـل الحـروف بمجـد حـرفٍ هـي تحاكـا بـه
انـا يامـرسـن قـلـوب البـشـر لالــك ولا للـدَيـن
انــا حــرٍ لـيـا سـتـل جنـاحـه طــارت اسـرابـه
علـى مرقابـي العالـي أهـوج ولالمحـتـك ويــن
تسافر بي مسافاتي الى اقصى الفكر وارقى به
ابيع اهل الردى واشري خوي المرجلة والديـن
ولايعنـي لــي الفـاجـر ثـمـن لــو فـتّـل اشنـابـه
احـط لمـن لفانـي بالغـلا مجـلاس وسـط العيـن
من الحشمه يموت اقصى ولد ماحسّـت اطنابـه
ومــن قـفـا جـفـا والله فـلانـي بـاطـرد المقفـيـن
اوقّــع خاتـمـة عـرفــي لمـثـلـه بـآخــر كـتـابـه
وردت الـعـدّ بــذراع بـزاهـا صــادق الـجـديـن
ليـا هقـوى علـى كبـد الصبـي ماخـاب مظرابـه
كتبها لـه جـدود خاضـوا الهيجـا علـى الجاليـن
يصبّح في تهامـه والعشـي فـي الشـرق مرقابـه
غرفت الشعر من بحر ٍخطير ان يغرق الشطين
ليـا زمـجـر خــذا تــاج الثـريـا فــوق مشعـابـه
احــب الـلـي ينافسـنـي وارد الـحــق بالحـقـيـن
واسامـح فـي الخطـا وان عادهـا تتكسـر انيـابـه
اصفي نيتي واحـذر واعيـش اليسـر والا الليـن
مثـل ماقـال ابـو القاسـم وجسّدهـا لنـا اصحابـه
لبست من المراجل ثوبي الضافي على الكعبيـن
ورثـتـه مــن صنـايـع شـايـبٍ ماتقـصـر ثـيـابـه
واسافر للزمان اللي جمـع فيصـل وابـن حثليـن
اعيـش اللحظـة اللـي تغلـي الجالـب ومجـلابـه
ولكنـي بشـر وتسوقنـي صـوب الجمـال العيـن
اصـوغ بـه القصيـد اللـي ليـا لبسـه تحـلـى بــه
واكنـه ليـن تبـرى لهفـة الغالـي عـلـى الغالـيـن
واسوقه ذكريات الشاعـر اللـي مانسـى احبابـه
وامرّ على صديقٍ لـي لجـا بيـن الظلـوع سنيـن
الا هـبّـت علـيـه الـريـح اجـيـه اقـفّــل ابـوابــه
بقـــــــــــــــــــــــلمي
عبدالمجيد القحطاني
..
.
اخوك بحر نجد…
..
.
صح بدنك
ووجهك أبض والله لايهينك ع المرور وأنا بإنتظار عودتك يالغلا
وفيت ولا توقعت الخيانه… اخي العزيز قصيدهـ روعـه بروعة حضورك .. راقيه لابعد مدى تصوير اكثر من رائع من البدايه وتوظيف صفقة الباب في بدايته بتلويحة الريح به.. نغم متناسق روعه بالكلمات حضور للكلمه وروعة المفردهـ واختيارها بدون عناء .. قصيده تكتب بماء الذهب في نظري .. مدهشه بحق يعلم الله ماهي مجامله ,,
وفيت .. اخي العزيز الردود ليست تقييم على القصيدهـ في نظري .. و والله لو لا يكتب رد واحد على قصيدتك فثق انها ماتحتاج لرد بقدر ماتحتاج لقرأءهـ … سجل اعجابي بالنص الفخم ..
انـا يامـرسـن قـلـوب البـشـر لالــك ولا للـدَيـن
انــا حــرٍ لـيـا سـتـل جنـاحـه طــارت اسـرابـه
كفو وسبعة انعام تزهاك يالحرر…
..
احـط لمـن لفانـي بالغـلا مجـلاس وسـط العيـن
من الحشمه يموت اقصى ولد ماحسّـت اطنابـه
..
الله اكبر عليك عز الله على اسمك وافي..
..
اصفي نيتي واحـذر واعيـش اليسـر والا الليـن
مثـل ماقـال ابـو القاسـم وجسّدهـا لنـا اصحابـه
..
لبست من المراجل ثوبي الضافي على الكعبيـن
ورثـتـه مــن صنـايـع شـايـبٍ ماتقـصـر ثـيـابـه
واسافر للزمان اللي جمـع فيصـل وابـن حثليـن
اعيـش اللحظـة اللـي تغلـي الجالـب ومجـلابـه
ولكنـي بشـر وتسوقنـي صـوب الجمـال العيـن
اصـوغ بـه القصيـد اللـي ليـا لبسـه تحـلـى بــه
واكنـه ليـن تبـرى لهفـة الغالـي عـلـى الغالـيـن
واسوقه ذكريات الشاعـر اللـي مانسـى احبابـه
وامرّ على صديقٍ لـي لجـا بيـن الظلـوع سنيـن
الا هـبّـت علـيـه الـريـح اجـيـه اقـفّــل ابـوابــه
..
بيض الله وجهك خليت لنا عذر وعدت على الباب وقفلته.. صح لسانك ولاهنت …
ممكن اعرف فيصل المذكوور مع ابن حثلين .. هل هو الملك فيصل .. ام فيصل الاكوخ .. او فيصل الدويش.. والا غيرهم..
..
.
لي عودهـ متكررهـ ولكن بدوون رد…
اخوك بحرر نجد….
..
.
|
المشاركة الأساسية كتبها بحر نجد
 ..
وفيت ولا توقعت الخيانه… اخي العزيز قصيدهـ روعـه بروعة حضورك .. راقيه لابعد مدى تصوير اكثر من رائع من البدايه وتوظيف صفقة الباب في بدايته بتلويحة الريح به.. نغم متناسق روعه بالكلمات حضور للكلمه وروعة المفردهـ واختيارها بدون عناء .. قصيده تكتب بماء الذهب في نظري .. مدهشه بحق يعلم الله ماهي مجامله ,, وفيت .. اخي العزيز الردود ليست تقييم على القصيدهـ في نظري .. و والله لو لا يكتب رد واحد على قصيدتك فثق انها ماتحتاج لرد بقدر ماتحتاج لقرأءهـ … سجل اعجابي بالنص الفخم .. كفو وسبعة انعام تزهاك يالحرر… ممكن اعرف فيصل المذكوور مع ابن حثلين .. هل هو الملك فيصل .. ام فيصل الاكوخ .. او فيصل الدويش.. والا غيرهم.. .. اخوك بحرر نجد…. |
أخوي بحر نجد الله يخليك ولا يحرمني مرورك والله إن أكبر فخر لي مرورك ع القصيده وتعليقك الرائع
انـا يامـرسـن قـلـوب البـشـر لالــك ولا للـدَيـن
انــا حــرٍ لـيـا سـتـل جنـاحـه طــارت اسـرابـه
كفو وسبعة انعام تزهاك يالحرر…
ماعليك زود
بيض الله وجهك خليت لنا عذر وعدت على الباب وقفلته.. صح لسانك ولاهنت …
ووجهك أبيض وصح بدنك أخوي
ممكن اعرف فيصل المذكوور مع ابن حثلين .. هل هو الملك فيصل .. ام فيصل الاكوخ .. او فيصل الدويش.. والا غيرهم..
المذكور هو جلالة الملك فيصل طيب الله ثراه
علا هاذا الطرح
الجميل
ننتظر جديدك
إبدااااااع …
إبداااااع ماسطرته يمينك
بصراحة .. أجد أن حروفي تقف خجلى أمام صرح إبداعك
فما عساها أن تقول ..!!!
قصيـــدة أوقفت أنفـــاســـي من روعـتـهـا ..
أشكرك .. على هذا الجمال المنسكب .. اللاااااامـنـتـهـــي ..
هل تتقبل مكوثـــي ..
فأنا مازلت أرتشف من فيض بحرك
وسلمت يمينك
قصيده في منتها الجمال والروعه
و انشا الله في انتضار جديدك
وتفبل تحياتي
ند يم الجرح
بس ياليت تحديد مصدر مشاركتك بقلمك ام منقولة؟
وذلك تبعآ لقوانين القسم ولي عودذة لهذه الشامخة باذن الله ..}ْ~