قصيدة"محمد حمد الحربي"عقيد الخيل
عنوانها
كل البشر تبني مصالح ثراها
لف الزمان ودار واحكم بلاويه |
| احكم على روحي اساها وشقاها |
| مجبور اخظع له ولا اقدر اقاويه |
| مجبور اذوق امرار تسقم سقاها |
| صبرت لي اخلف بصبري هقاويه |
| والصبر مني مل صبره وباها |
| انسان دنيا خيبت له رجاويه |
| سلبت حياته سببت له عماها |
| ثقلت حموله لين ضاعت مراسيه |
| وتاهت دروبه لين همه طغاها |
| عايش في دنيا مابها من يواسيه |
| يالله سترك يامعلي سماها |
| اعز صاحب صار حقده مباريه |
| زود الذي تغليه نفسك عداها |
| واقرب قريب لك يرمي دعاويه |
| وش صار فالدنيا وش الي طناها |
| شخصٍ تعزه بالموده تشاريه |
| يجحد معاريفك ولو هو طراها |
| شخصٍ فقير اليوم محدٍ يدانيه |
| والله يشكي حال جورٍ عصاها |
| يبقى في وحده مابها من يساليه |
| إلا همومه والدموع يسباها |
| دنياه حزنه والمشاكل تحاديه |
| ويضيع فكره كان ظنه دراها |
| لين يتمنى موتته من شكاويه |
| والمقبره من جور حاله رجاها |
| اوجه من الي عاش عمره يقاسيه |
| واستر من احولا ابد ماقواها |
| بإلاختصار المنطقي وقت سابيه |
| احسن له يهده إلى منتهاها |
| والي رزقه الله واعلا مبانيه |
| ياحظ حظه يوم حاله سلاها |
| كل يدور طرقته مايجافيه |
| توعشق تراب كان اهوا مشاها |
| تلقى الصداقه والمباسم تخاويه |
| يازينها دنياه ويازين ماها |
| لو الجشاعه تحتكم في مغازيه |
| محد يقله حرف لو يتباها |
| ماهو لوجه لن تكثر مصاريه |
| كل البشر تبني مصالح ثراها |
ابدعت وامتعت بنظم هذه الدره
نص قيم اشكرك عليه آمله تلقي
جديدك القادم بعجآله
تحيتي ~
صح لسانك
جدا رائعه هذه المنظومه
وكلا له من اسمه نصيب
اخوك فيصل السلمي
صح السانك
فيه الشطر هذا اعتقد سقط منه حرف :/
| عايش في دنيا ماها من يواسيه |
الظاهر انك تبغى تكتب
| عايش في دنيا مابها من يواسيه |
واحتمال اني ماعرفت اقراها بنطقك
عمومآ صح السانك وتقبل تحياتي وتقديري
اخووووووووووووووووووك
أســــ الغنج ــــير
ومان في شطر
واقرب قريب لك (لرمي )=يرمي دعويه
ارجو التعديل شاكر لك يااااعسل
وصح بدنك يالذيب
ماشاا الله بارك الله وزادك
القصيده كلهااا وخالقي من اول حرف للختام
لكن أعجبتني هالابيات ولاهانت باقي القصيده ..
انسان دنيا خيبت له رجاويه
سلبت حياته سببت له عماها
ثقلت حموله لين ضاعت مراسيه
وتاهت دروبه لين همه طغاها
عايش في دنيا مابها من يواسيه
يالله سترك يامعلي سماها
اعز صاحب صار حقده مباريه
زود الذي تغليه نفسك عداها
أختـــــــــــــــــك
الجمـــــوح
شاكر لك التنسيق
وصح بدنك
وشاكر مرورك العذب
العقيد
صح بدنك
وشاكر مرورك الراقي يالذيب
طاب فالك
تحياتي
العقيد
|
المشاركة الأساسية كتبها الجمـــوح
 عقيد لله درك هنا ارتويت من شعرك ومن جمال ماخطت يمينك
ماشاا الله بارك الله وزادك القصيده كلهااا وخالقي من اول حرف للختام لكن أعجبتني هالابيات ولاهانت باقي القصيده .. انسان دنيا خيبت له رجاويه أختـــــــــــــــــك الجمـــــوح |
اختي كلك خير وبركه
وشاكر لك مرورك العذب
الذي اسعدني كثيرا
تحياتي لك
العقيد