::"
آششلونكم شخبآرككم ؟! ؛$
::"
هذآ موضوعي’ الأاول ب المنتدى وان شاء الله
تعجبككم روآيتي ~
::"
انآ ماآعرف للمقدمآت حيل علششآن جذي ببدي بالروآيةة :))
……………………………….. ♥♥♥
اعرفككم بالشخصيآت ::"
أولاً عائلة ابو سعود
ام سعود : ام عايشة لحالها مع اعيالها وبناتها وزوجها متوفي ب حادث وتموت ب اعيالها وبناتها
سعود : عمره 24 سنة ومو متزوج يبي يبر بأمه ويظل معاها ويحطها
بعينه ويشوف خواته وأخوه شنو يحتاجون ومايبي اي شي او ايا من كان يلهيه عنهم
خالد : عمره 21 سنة يدرس طب ويحب يلعب ويطلع وشخصيته مرحه بس مايحب احد
يتحكم فيه او يتسلط عليه ماعدا اخوه وامه ويحب يغث خواته وينشب فيهم
يارا : بنت مرحه وتحب الحيوانات وتقول تبي تصير طبيبة بيطرية بعد ما تخرج
عمرها 19 سنة وعندها اخت اصغر منها بسنتين وتحب اخوها سعود
الي دايماً تفتخر فيه قدام صحباتها
حنان : أصغر من يارا وهي من النوع الي يحب يسولف وينكت باختصار فيها
نشاط ومرح عمرها 17 سنة
ابو سالم : وهو ابو ام سعود يعني جد سعود وخالد ويارا وحنان طيب ويحن على احفاده
عائلة ابو فهد
ابو فهد ( سالم ) : وهو واحد من اغنى الناس بالبلد ويحب بناته وشوي قاسي
على اعياله لانه يدلع بناته أكثر بس يحن عليهم
ام فهد : مرأة طيبة ونيتها صافيه دايما وعندها 3 اعيال وبنتين
فهد : عمره 24 سنة ااهوا وسعود مثل الاخوان
فيصل : عمره 22 سنة يحب يطلع ويستانس وكثير السفرات وهو الحين
ب كندا و بعد هو من النوع الي يكلم بنات ويطلع معاهم بس مايتعدا حدوده
جاسم : عمره 20 سنة دمه خفيف ودايما مع سعود وفهد ويثقون فيه
انه يحفظ اسرارهم
ريم : عمرها 19 سنة البنت هذي فضوليه تحب تعرف ودايما تتهاوش مع اخوها
جاسم بس لانها تحب تنرفزه
ساره : عمرها 18 سنة ساره تحب سعود بس ماتقدر تقول شي ودايما تسال
عنه وتتمنى تشوفه كل يوم بس للاسف هو مايعبرها او يعبر اي بنت
عائلة ابو نواف
ابو نواف : رجال زوجته متوفيه وتزوج بعد ما ماتت زوجته بسنين
ام نواف : مراه طيبة واخلاق و تحب اعيال زوجها وبنتها
نواف : عمره 25 سنة ومتزوج ويحب زوجته ويعشقها ومايرفض لها شي
وصار له متزوج سنة بس الله مارزقهم للحين
فارس : عمره 22 سنة يدرس حقوق وامه تقول له تخطب له وحده علشان يتزوج
بعد مايخلص ودايما يرفض يقول انه مايبي يتزوج بالوقت الحالي
رشا : عمرها 19 سنة وهي ويارا صديقات من المتوسط وحافظوا على صداقتهم
عائلة ابو عنود
ابو عنود : رجال توفت زوجته وماتزوج من بعدها لانه كان يعشقها ومايبي احد
يجي مكانها عنده بنت اسمها عنود وهي وحيدته وماهو مقصر معاها بشي
وكل ماشافها تذكر زوجته
عنود : عمرها 22 سنة وتدرس فنون اي الرسم يعني وتحب ابوها حييل
وطيبة وحنونه وذكية
…………………………………….. ♥♥♥
والحين نبتدي الروآيةة ؛$
كان يوم الجمعة الساعة 10 قام سعود من نومه وراح اخذ له حمام سريع وتجهز
وراح لامه تحت وجلس معاآها
سعود : صباح الخير يا احلى ام بالدنيا
ام سعود : يا صباح النور يا وليدي شخبارك اليوم
سعود : بخير بشوفتك يمه وانتي طمنيني عليك ان شاء الله تاخذين دواك بوقته
ام سعود : لا تخاف اخذه بوقته
سعود : فديتك يا الغالية الله لا يحرمني منك
ام سعود : ولا يحرمني منك يا اغلى اعيالي
…….. : افاا وانا وين رحت يمه
ام سعود تضحك : هههههههههههههه ولايحرمني منك
خالد : اي كذا مو بس ناس وناس لا
سعود : اقول قوم خلنا نروح الصلاة بس
خالد : يلا عن اذنك يمه
الاثنين باسو راس امهم وطلعوا للمسجد مشي
بعد ما مات ابو سعود ترك لهم شركته وفلوسه وسعود الحين يدير الشركة
والشركة بارباح دائم
على الساعة 1 انزلت يارا وباست راس امها واجلست جنبها
يارا : يمه حبيبتي تبين اساعدك بشي ؟
ام سعود : لا يا قلب امك خلصت
يارا : زين يمه سارة بتزورنا اليوم
ام سعود : حياها الله يابنتي
يارا : اممم يمه بكلمج بموضوع يخص ساره
ام سعود : وشنو هو ؟
يارا : يمه انتي ايش رايك فيها ؟
ام سعود : والله برايي انها بنت سنعه وأخلاق وطيبة
يارا بفرح : حلووو زين ايش رايك نزوجها ل سعود
ام سعود تفاجأت من بنتها : يارا انتي تعرفين سعود زين مايبي يتزوج
ولو من جهتي موافقة على البنت بس اخوك ماتوقع بيوافق
يارا بتنهد : وانتي صادقة يمه
فجأة دخل ابو سالم على ام سعود ويارا وجلس
ابو سالم : صباح الخير
ام سعود ويارا : صباح النور
يارا : جدو حبيبي تبي اجيب لك شي تشربه ؟
ابو سالم : لا يا بنتي مابي شي بس متى يرجعون اخوانك ابي اكلمكم بموضوع
يارا : الحين يرجعون من زمان راحوا لصلاة الجمعة
ابو سالم : زين زين
وشوي الا على دخلت سعود وخالد
شافوا جدهم باسوه على راسه واجلسوا جنبه
ابو سالم : يا هلا باعيال اوليدي
خالد وسعود : هلا فيك جدي
ابو سالم : شوفوا يا اعيال اليوم بيجينا ضيف
الكل استغرب
سعود : ضيف ؟
ابو سالم : اي ، اهوا كان صديق ابوكم الله يرحمه واعرفه زين واليوم بيرجع من سفره
وابيكم تكونون حاضرين
خالد : ان شاء الله
سعود : ان شاء الله جدي ، بس هو بيرجع من وين ؟
ابو سالم : كان عايش مع زوجته وبنته ب امريكا لحد ما توفت زوجته والحين عايش مع
بنته الوحيدة هناك
سعود : اها فهمت ، زين قلت لباقي العائله ؟
ابو سالم : اي خبرتهم كلهم وبيجون على العشاء اليوم
يارا : اقول جدو صديق بابا بيجيب بنته معاه ؟
ابو سالم : اي اكيد مايقدر يخليها هي وحيدته
يارا : وناااااااسه بروح اجهز نفسي من الحين واقول لحنان
راحت يارا تركض على الدرج علشان تقول لحنان واستانسوا لانهم بيتعرفون على
بنت جديدة
بعد ما مرت كم ساعة
يارا : اقول حنانوه ايش رايك ب فستاني ؟
حنان : يجنن ، وانا فستاني حلو ؟
يارا : لا مو حلو لانه روووعه
تزينوا بالميك اب وتجهزوا وانزلوا تحت وشافوا البنات
وقعدوا يسولفون ويضحكون على ساره الي كل ماسمعت اسم سعود
انقزت مو مكانها
اشوي الا ينسمع صوت جرس الباب
يارا تنقز بفرح : اييي هذي اكيد هي خلونا نروح نرحب فيها
حنان : توقعين تكون حلوة ؟
يارا : هع مو احلى مني
ساره : صدق انك مغرورة ههههههههههههههههه
ضحكوا وراحوا للباب يفتحونه ولا يشوفون بنت لابسه عبايه وحاسه بخجل
يارا : يا أهلا وسهلا نورتي البيت
عنود : ت … تسلمين
ساره : ايش فيك هههههههههههههه منحرجه
عنود بخجل : لانها اول مرة ازور احد
حنان تضحك : ههههههههه طيب يلا ادخلي اعرفك على العائلة
ادخلت عنود مع البنات وتعرفت على الكل
يارا : اقول عنود ليه ماتخلعين العبايه محد بيدخل من الاعيال
عنود ب ارتباك : ط .. طيب
راحت عنود غرفة يارا تخلع عبايتها وحجابها
يارا : يووووه نسيت شغله تحت .. اقول عنود حبيبتي دقايق وارجع
عنود : طيب اخذي راحتك
انزلت يارا تحت ماتدري ايش بيصير ب عنود ولا عنود تدري
سعود توا طلع من غرفته وكانت غرفته مقابلة لغرفة يارا دخل الغرفة يبي
يأخذ ساعته الي كانت تسرقها يارا منه لانها تحب الساعه ومو راضي يعطيها ياه
لما دخل تفاجئ من المنظر الي شافه شاف عنود بشعرها الاسود الطويل
الي واصل لنهاية ظهرها ولابسة فستان اسود قصير لحد الركبه
وعيونها العسليه الي اجذبته لها
اما من ناحية عنود ف كانت في حالة صدمة وركضت لحمام يكرمكم الله
الي ب غرفة يارا وهو بدأ يستوعب الي صار واعتذر وراح
عنود سمعت اعتذاره وخقت على صوته وشكله وجهه احمر وكانت منحرجه من الي صار
فجأة سمعت صوت الباب
يارا : عنود وينك ؟
عنود وهي تفتح الباب : م..م..موجودة
يارا : ايش صار ايش فيك صرتي حمراء هههههههههههههههههه
عنود حست باحراج ونزلت راسها : و .. ولا شي
يارا : اقول خلينا نروح تحت الكل يبي يشوفك ما شاء الله عليك
تجنين وربي خقه لو اني ولد كنت تزوجتك خخخخخخخ
عنود لما سمعت كلمة "ولد" تذكرت سعود وظلت سرحانه طول الوقت
تفكر فيه
في المجلس
سعود دخل المجلس وهو منحرج من الموقف الي صار وقال بنفسه الحمدلله
انه ماراح اشوفها مرة ثانية مالي وجه اشوفها من الي صار
خالد شاف سعود يفكر : تفكر بالحب ؟ ؛$
سعود عطا خالد نظرة تقول له ابعد
خالد : ياخي أحياناً احسك مو اخوي خخخخخ مادري ليه دايماً تعامل كذا
مسكينة الي بتتزوجها كاسره خاطري من الحين هههههههههههههههه
سعود عصب : اقول خلاص عاد
خالد ضحك وسكت وشوي الا يجي فهد
فهد : يا هلا والله ب سعود وخلود
سعود قام وسلم على فهد وخالد وراه
اشوي ولا يجي ابو سالم يضحك ومعاه واحد محد يعرفه من الاعيال
خالد يهمس لسعود : هذا شكله صاحب ابونا
سعود : اي ( وبنفسه : وابوها )
ابو سالم : والله هذي الساعة المباركة يابو عنود
ابو عنود : الله يبارك فيك يبا
سعود بنفسه : اسمها عنود هاه
ابو سالم : قربوا يا اعيال قربوا هذا صاحب ابوكم وعمكم
ابو عنود : تشرفت والله بشوفتكم
سعود وفهد وجاسم وخالد .الباقي قاموا سلموا عليه
وقعدوا يضحكون على سوالف ابو سعود وابو عنود لما كانوا بالجامعة
وشلون ابو سعود كان فرحان ومبسوط باعياله وبناته
ابو سالم : اقول يا وليدي
ابو عنود : سم يبه
ابو سالم : متى بترجع امريكا
ابو عنود : بكرا الصبح
ابو سالم : بدري والله خلك معانا اسبوع وبعدين روح
ابو عنود : ان شاء الله يبه تامر امر
سعود بنفسه : بيظل اسبوع !! بشوف لي صرفه مابي اشوف عنود
مالي وجه اشوفه بعد الي صار والله احراج !!
ابو سالم : تسلم يا وليدي ، اقول سعود
سعود : هلا
ابو سالم : ايش رايكم نروح المزرعه
خالد : اي خلونا نروح ونستانس وناخذ ابو عنود معانا
فهد : والله فكرة حلوة
سعود بنفسه : لو راح ابوها هي بتروح شسوي الحين
ابو سالم : يا سعود ايش قلت ؟
سعود : رايي على راي الأغلبية
ابو سالم : حلو ، ابو عنود تعال انت وبنتك المزرعه
ابو عنود : طيب
عند البنات والحريم
ام سعود ميته على عنود اخلاق ورزانه وطيبة وحنان وجمال تمنت لو سعود يتزوجها
يارا : اي صح اقول حبيبتي عنود بسالك شغله لو ممكن
عنود : تفضلي
يارا : انتي وحيدة ابوك صح ؟
عنود : ايوه
يارا : ياحياااتي خلااص من اليوم ورايح انا اختك الصغيرة
كلهم ضحكوا على يارا
عنود حست بفرح ووناسه عندهم : ههههههه من زمان تمنيت يكون عندي خوات
حنان : لو يارا صارت اختك اجل حتى انا بصير اختك
عنود : فديتكم تسلمون والله
شوي ولا يرن تلفون عنود : عن اذنكم لحظة ابوي يدق
كلهم : طيب
راحت عنود وتكلمت مع ابوها يقولها لازم يرجعون الفندق يرتاحون
عنود ارجعت لهم : يلا انا لازم اروح ابوي ينتظرني برا
البنات : يووووه ماستانسنا لسا
عنود : ابوي قال بنروح معاكم المزرعة بكرا
البنات استانسوا وشوي ولا يرن فون ساره وتعتذر لهم هي بعد
تبي تطلع علشان ينتظرونها برا
اطلعت ساره مع عنود ساره لاحظت سعود واقف برا يكلم فهد و ابو عنود
يسلم عليهم قبل مايروحون وساره كانت سرحانه بسعود اشوي ولا تشوفه
يلتفت عليها حست باحراج
عنود : ساره انا بروح ابوي هناك
ساره بخجل : ط..طيب
عنود : يلا مع السلامة سارة
ساره : مع السلامة
ساره للحينها منحرجه ولما ارفعت راسها شافت سعود يناظر عنود
ويطالع فيها ساره حست بشي في سعود ماعمره يطالع بنت بهالنظرة
ساره بدات تحس بغيره من عنود
توقعون ششنو بييصير لعنود وسعود في البآرت القآدم
وششنو بتسسوي سآرة بدآفع الغيره
وأخيراً شنو بيصير في المزرعةة
ان شاء الله البآرت اعجبكم وانتظر رآيكم ….
………………………………………….. ..♥♥♥
ساره الي كانت تشوف سعود الي كانت نظراته تلاحق عنود
ساره حست بحقد وغيره وعصبية من عنود
عنود الي ادخلت السيارة تنتظر ابوها الي للحينه يكلم الجد
ويتفق معاه علشان وقت الرحله الي مقررينها
ابو عنود : والحين استأذن لازم اروح
ابو سالم : اذنك معاك
خالد يبتسم ويمد ايده لابو عنود : لاتقاطعنا وحياك عندنا بأي وقت
ابو عنود : مشكور وان شاء الله ماراح اقاطعكم تشرفت بمعرفتكم
سعود : الشرف لنا
سعود سلم على ابو عنود قبل مايروح
عنود الي كانت بالسيارة تنتظر انفتح الباب وشافت ابوها يدخل
ابو عنود : نرجع ؟ ولاتبين تروحين مكان ؟
عنود : نرجع احسن حاسه بتعب شوي
ابو عنود : سلامتك يا حبيبتي
عنود تبتسم : الله يسلمك يارب
مشوا وراحوا الفندق وارتاحوا وعنود الي ظلت تفكر ب سعود و نامت
في بيت ابو سعود
ام سعود : يا حليلها والله
يارا : مين؟
ام سعود : عنود
يارا : اي والله تجنن
حنان بغرور : مو أكثر مني
ام سعود ويارا اضحكوا على حنان وشوي دخل ابو سالم معاه خالد وسعود
ابو سالم : السلام عليكم
ام سعود وبناتها : وعليكم السلام
سعود راح جلس جنب امه على اليمين وخالد على الجنب اليسار
سعود : وكيفك الحين يا اغلى ام
ام سعود : بخير بشوفتكم
خالد : يارب دوم يا الغالية
ابو سالم : يا بنات جهزوا حالكم بكره راح نروح المزرعه
يارا وحنان بفرح : جد ؟!!!!
ابو سالم ابتسم لهم : اي وبنروح ومعانا ابو عنود وبنته
يارا وحنان افرحوا واستانسوا وراحوا يجهزون للرحله واتركوا ام سعود وسعود وخالد وجدهم
لحالهم
سعود : انا استأذن بروح اجهز الاغراض واروح انام
خالد : وانا رايح معاك
ام سعود : تصبحون على خير
سعود وخالد باسوا امهم على راسها : وانتي من اهله
وراحوا باسوا جدهم على راسه وصعدوا غرفهم يجهزون وينامون
وفي بيت ابو فهد
كان الكل نايم ماعدا ساره الي كانت تفكر ايش تسوي ب عنود
وايش لازم تسوي علشان تاخذ سعود لها ويتزوجها
ساره : اوريك يا عنود راح اوريك ايش يصير لما تسرقي شي يخصني
ثاني يوم الكل راح للمزرعه وتجمعوا هناك بس ابو عنود وبنته ماوصلوا للحين
مع البنات
يارا بقلق : ياربي تأخرت لا يكون ضاعوا بس
حنان : اي والله يمكن ضاعوا !!
ريم : لا لا ان شاء الله تفالوا بالخير
رشا : ريم صادقه تفألوا بالخير تجدوه
ساره بنفسها : عساها ماجت
ساره التفت وشافت سعود يتكلم بالتلفون
ساره بنفسها : اه بس ياليتك تعرف ايش بقلبي ياسعود
ساره مشت شوي تبي تروح لسعود بس شافت سيارة اوصلت
كانت سيارة ابو عنود ، انزلت عنود وابوها من السيارة وماتدري ايش ينتظرها
يارا راحت لعنود تركض : ياهلا والله
عنود : هلا فيك يارا
يارا : شخباركم عمي
ابو عنود : الحمدلله يابنتي
يارا : دوم ان شاء الله
سعود راح لهم وسلم على ابو عنود واسأله عن السبب الي خلاه يتأخر
ابو عنود : ناس ماقامت من نومها بدري هههههههههه
عنود انحرجت ويارا وسعود اضحكوا وخالد شافهم وراح سلم على ابو عنود
خالد : يا هلا والله ب عمي نورت مزرعتنا
ابو عنود : تسلم
خالد اخذ ابو عنود معاه وترك سعود مع يارا وعنود
يارا : عنود انا الحين برجع بقول للبنات يجون
عنود : طيب
يارا راحت واتركت سعود وعنود وراها ساره شافتهم وحست بغيره أكثر
ساره بنفسها : بتشوفين يا عنود
عند سعود وعنود
سعود : عن اذنك لازم اروح الحين
عنود : اذنك معاك
راح سعود للمجلس وترك عنود وشوي جت يارا مع البنات وراحوا استانسوا
ماعدا ساره الي كانت تولع غيره
يارا : عنود بسألك شي
عنود : تفضلي
يارا : ايش رايك بأخوي سعود ، يجنن صح
كانت يارا تفتخر دايما باخوها سعود قدام البنات اما ساره تحس انها راح تنجن من الي
قالته يارا
عنود : عادي
كل البنات انصدموا
يارا : عااادي ؟؟
عنود : اي عادي يعني انا ماهتم للسوالف هذي اسفة
يارا : اها علشان كذا
ساره بنفسها : ما اصدق كلامك بس صدقيني ماراح اسيبك كذا
عنود ماكانت تعرف ايش ينتظرها من ساره وساره الي كانت تناظر عنود بغيره وحقد
حنان انتبهت لساره بس ماقالت شي لاحد
يارا : بنات خلونا نروح للاسطبلات
ريم : اي ونكلم الاعيال يخلونا نركب الاحصنه
ساره بنفسها : راح اوريك الحين يا عنود
رشا : انا بعد ابي اركب
يارا : عنود اركبي معانا
عنود : بس ..
ساره : بدون بس ولا شي امشي معانا
عنود وافقت بعد ما اصروا البنات وراحوا الاسطبل وشافوا سعود هناك مع عمال يدخلون حصان
يارا : سعود هذا الحصان الجديد ؟
سعود : ايوه
يارا : يخوف
الحصان كان لونه اسود وكان حصان للحينه ماتروض وسعود اشتراه علشان يروضه
سعود خلاهم يركبون الاحصنه وراح المجلس والبنات مبسوطات بالاحصنه ولما صار المغرب رجعوا
الاحصنه الاسطبل
يارا : ياربي حاسه بجوع
حنان : حتى انا
ريم : خلونا ندخل ناكل لنا شي يلا رشا
رشا : طيب
عنود : انا بظل هنا اشوي والحقكم بعدها
ساره : طيب يلا بنات نروح
قبل ماتروح ساره مع البنات راحت وفكت قفل الحصان الي اشتراه سعود
عنود ظلت مكانها تشوف الاحصنه واعجبها الحصان الي اشتراه سعود ف قربت منه اشوي
ولا ……..
عند ام سعود
يارا : يما ابي اكل حاسه بجوع
حنان : واحنا بعد نبي اكل
ام سعود تضحك : هههههههههههههه طيب
البنات كانوا ياكلون وفجاه اسمعوا صوت جاي من برا
الكل طلع يشوف ايش السالفه
خالد : الصوت جاي من الاسطبل !!
سعود ركض للاسطبل وشاف الباب مقفول وراح يحاول يكسر القفل
ابو عنود راح ليارا : عنود وين ؟؟؟
يارا تذكرت عنود انها داخل وراحت تركض لسعود : سعود تكفى افتحه عنود داخل !!
يارا بدات تبكي خايفه وحنان تشوف ساره الي كانت تبتسم
سعود حاول يفتحه وافتحه أخيراً وشاف انه الحصان ماهو بمكانه وشاف عنود الي كانت طايحه
على الأرض حس بخوف لاول مرة بحياته وابو عنود شاف بنته ويبي يطلعها بس شاف انه الحصان قريب على بنته وخاف
توقعون ششنو صآر ل عنود ؟!
وسسعود بيقدر يسآعدهاآ ؟؟!
وشنو بيصيير لأبو عنود بالبآرت الجآي … ؟!
|
المشاركة الأساسية كتبها شقآ دنيآ
 يعطيك العافيه بدايه موفقه
|
يسسسلمووؤ على اآلرد ~
ي هلا فيك بعالم الروايات .. موفقه بروايتك و ان شاء الله نكمل للنهايه ..
كبدايه ماقدر احكل لان مافي شي يحدد لي فكرة او مضمون الروايه ..
يعني بداتي بوصف للشخصيات و انا انصحك بالتغير لان القراء يحب يشوف احداث و بعدها يتحمس يكتشف الشخصيات ..
الروايه تحمل ك هائل جدا من الحوار و النفي من الوصف السردي .. انا بقولك الصراحه و بعطيك افضل شي لنجاح روايتك ..
في البدايه مثلا لو بداتي بوصف سردي تتحد الدوله و المدينه و وصفها بدقه و بعدها الحي و شكل المنزل و دخل المنزل و تحركاتت الابطال ..
الوصف الدقيق يساعد على اندماج القراء و بكذا تصير روايتك نجاحه ..
الخط صغير جدا متعب جدا في النظر .. ااحسن انك تكبرين الخط شوتين و تحطين لون مناسب بيكون افضل ..
اسفه طولت عليك لكن لمصالحتك .. موفقه مرا ثانيه و ان شاء الله تشوفين تفعال ..
تحياتي $
و رايي مثل راي اختي حروف راقية ،
حبيبتي كثري من الوصف و قللي السرد على الأقل
في اول البارتات ،
و بالنسبة لي ما احب اقرأ رواية اشوف الشخصيات من البداية
احس اتشوش و اصلا ما اقرأهم < رايي الشخصي 😛
إن شاء الله البارتات الجاية تكون اقوى و افضل
و بالتوفيق حبيبتي 🙂
.
.
noneta_005
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
واششكرككم على النصآئح وان شاء الله بطبقهآ ~ ؛))
كان سعود يحاول يفتح الباب بس الباب كان كبير وثقيل وطلب من اخوه خالد انه يساعده
خالد وسعود حاولوا يفتحون الباب وظلوا يحاولون يكسرونه
ومن جهة ثانية كانت ساره تبتسم وبفرح ووتقول بنفسها انه هذي البداية بس يا عنود
وحنان كانت تشوف نظرات سارة وحاسه بخوف وتسال ايش السبب الي خلاها تغير كذا
حنان كان ودها تقول وتعترف للكل انه ساره الي سوت كل هذا بس ماعندها دليل
ويارا المسكينة الي كانت تبكي خايفه ماعاد فيها حيل تشيل نفسها ورجولها خانتها
وبغت تطيح لو ريم ما امسكتها وتحاول تهدي فيها بس يارا خايفه على عنود لا يسوي فيها الحصان
هذاك شي
ابو عنود ماكان اقل من يارا كان خايف يفقد بنته مثل ما فقد زوجته وكان مستعد يسوي ويعطي
اي شي بس ترجع له بنته الغاليه
جا فهد ومعاه حديده واكسروا القفل وادخلوا الاسطبل ودخلوا ركض بس شافوا الحصان
فدام عنود الي كان شكلها يرثى له على الارض طايحه وشافوا فيه دم على الارض
يارا اغمى عليها من المشهد وابو عنود عيونه دمعت على بنته وكان يبي يروح لها بس كل ما مشى
خطوة كل ماالحصان قرب لعنود علشان كذا اوقفوا مكانهم وسعود ظل يفكر بمكانه
سعود جات في باله فكرة وراح يمشي شوي شوي بدون مايحس الحصان وراح اخذ
وقرب من الحصان من وراه بدون مايحس اشوي ولا يمسكه وسحبه بعيد عن عنود الي على الأرض
ابو عنود ركض لبنته وشاف ان ايدها انجرحت وتنزف اخذها برا وظل سعود ماسك الحصان لحد مادخله
مكانه وقفل عليه الباب بمساعدة اخوه خالد وولد عمه فهد
سعود يفكر بنفسه : هذا ايش طلعه برا ؟؟؟؟
خالد : اقول ياخوي انت متأكد انك كنت مقفل الباب عليه ؟
سعود : اي بس مادري كيف افتحه مايقدر الا لو كان عنده ايد وانا مادري !
فهد : خلونا نروح نشوف ايش صار على البنت
سعود يفكر : توقعون هي الي افتحته ؟
خالد : ماهي غبيه للدرجة ذي تسكر على نفسها الباب وتفتح باب الحصان الا لو تبي تنتحر!!
فهد : ماتوقع هي الي سوتها الي سواها قفل الباب من برا في احد متعمد يسوي كذا
سعود : صح كلامك يا فهد
راحوا الثلاثة شافوا انه ابو عنود بياخذ بنته للمستشفى وهو يدخلها السيارة
راح له خالد وقال له : عمي خلها علي انا ادرس طب واعرف الاسعافات الاولية
ابو عنود بقلق وخوف على بنته : طيب بس بسرعة انزفت كثير
خالد : ان شاء الله
ابو عنود رجع اخذ بنته للداخل وكان هالمرة خالد معاهم ويسوي الاسعافات الاولية لعنود ويضمد
الجرح ويلفه لحد مايوقف النزيف وظل يوقف النزيف واخيرا لفها بالشاش وقال لابوها انه لازم
يهتم فيها وباكلها وماتعب نفسها كثير فترة
ابو عنود : مشكور ياولدي انت واخوك وولد عمكم كنت راح افقدها
سعود : ولايهمك عمي ماسوينا غير الواجب
خالد : اي كلام سعود صح هذا واجبنا
فهد : مثل ماقالوا احنا اهل
ابو عنود : يعطيكم العافية
سعود ، فهد ، خالد : الله يعافيك عمي
وهم يسولفون برا جت يارا تركض تسال خالد ايش صار لعنود وطمنها خالد عليها
يارا حست براحه قالت انها تبي تشوف عنود وقالوا لها بعدين لانها لازم ترتاح
يارا استسلمت لكلامهم وراحت عند حنان وشافتها ساكته طول الوقت
يارا : ايش فيك ؟
حنان : هاه لا ولاشي مافيني شي
يارا : فيك شي قولي
حنان مترددة تقول ليارا بس يارا ارغمتها تقول لها ايش فيها
حنان : تبين الصدق الي مسؤول عن الي صار لعنود كان ساره
يارا انصدمت من كلام اختها : انتي ايش تقولي؟؟؟
حنان : طول الوقت حاطه عينها على عنود ولما صار الي صار كانت تبتسم وفرحانه
يارا الي انصدمت من الكلام راحت تبي تكلم ساره بس اختها امسكتها
حنان : لا مالنا حق نتكلم ماعندنا دليل نقول انها هي الي سوت كذا
يارا بعصبية : هذي من جدها تسوي كذا ليه أساساً سوت كذا ؟
حنان بتردد : اتوقع لانها ماتحب عنود
يارا : ليه ماتحبها عنود تجنن وحلوة
حنان : انتي قلتيها هي ماتحبها لانها حلوة وتجنن وماتبي شي يسرق سعود منها
يارا : يعني الي سوته بدافع الغيره ؟!
حنان : اتوقع
يارا : طيب اوريك يا ساره تبي تلعب بنلعب معاها
عند عنود
كانت عنود نايمة على الفراش ومتلحفه بالبطانيه الي كانت تحس بدفئها
بس بعدين قامت تشوف كابوس بسبب الحصان الي هاجمها بالاسطبل وصحت على طول
والتفت وشافت ابوها يسالها اذا كانت تحس بأي الم ؟
عنود تبتسم بألم : انا بخير لا تخاف يبا بنتك قوية
ابو عنود حضن بنته بقوة كانه احد بياخذها منه غصب : خفت عليك مرة ثانية لا تعيديها
عنود : ان شاء الله
ابو عنود ترك بنته : بنرجع اليوم
عنود : طيب
ابو عنود : عارف تبي تقعدي مع البنات بس لازم نرجع علشان ترتاحين
عنود : عادي المرة الجايه أن شاء الله
ابو عنود طلع من عند عنود وخلاها ترتاح وشاف يارا جايه تطلب منه اذا ممكن تشوفها
وقال لها انه عنود صحت وتقدر تشوفها لو تبي يارا افرحت ودخلت بسرعة وحضنت عنود
يارا تبكي : خوفتينا عليك يا بنت
عنود : ههههههه اسفه
يارا تمسح دموعها : ولايهمك سعود وخالد وفهد طلعوك من هناك
عنود : اها يارا ممكن تشكرينهم لي لازم ارجع مع ابوي
يارا : هاااه ليه خليك معانا
عنود : ماقدر خليها المرة الجايه
يارا : طيب ، يلا اسيبك ترتاحين
عنود : طيب
راحت يارا وظلت عنود ترتاح وبعد مرور 3 ساعات جا ابوها يقولها انه الوقت علشان يرجعون
البيت
عنود راحت سلمت على البنات وامهاتهم وراحت اركبت السياره وتكلم يارا والنافذة مفتوحه
يارا : زورينا مرة ثانية ونامي عندنا
عنود : هههه طيب بس ماتوقع ابوي بيرضى
يارا : بيرضى ماعليك
عنود تضحك على ثقة يارا
يارا بعدت لما شافت ابو عنود يركب السيارة وقالت لهم : توصلون بالسلامة يارب
ردوا عليها : الله يسلمك
ابو عنود وعنود راحوا وكان الوقت بالليل وظلام الطريق وكان ابو عنود يسوق سيارته ويسولف
مع بنته ولما التفت يشوف الطريق شاف شاحنه كبيرة قدامهم وابو عنود لف السيارة جهة اليمين
لكن كان منحدر والسيارة انقلبت وصاحب الشاحنة خرج من شاحنته وراح طلب الاسعاف
وراح يخرج عنود وابو عنود وبعد ماخرجهم بشوي اوصلت سيارة الإسعاف وخذتهم للمستشفى
توقعون ايش بيصير لعنود وهل راح تعيشش ؟ ~
وشنو بيصير ابوها ؟ ~
وكيف بتككون ردةة فعل البآقي ~