اعتذر عن الاطالة في المشاركة رغم عدم انقطاعي عن المرور والمشاهدة .
فيه رجل غالي علي بالحيل ويسوى عيوني كان له قصيده مسندها على ربع له جاين من ديرته ويسالهم عن احوال الديره واهلها وعن … وعن .. … الخ .
قطعت الطريق وتلقفت بالقصيده هذي على السنت بعه اللي يسألهم من باب المزاح .
ارجوا ان تقبلوها كما هي .
مأجور ياراعـــي الكرم والتراحــيب
عسـى فــوادك سـالــمْ مـــن الـولاعــه
حنــا سكـتنـا يــوم شـفـنا التعاجـيــب
ومن لا وصل لا يشتكي من القطاعـه
وصويحبك يـذكــر يـــذب المراقـيب
يـمـك نحـر وجهــه وعاف الجماعــه
وشـوفة تواصيـفـه حـرمها الاقاريب
حـتى الغريــر اللي بسـن الرضاعـــه
ثـــم نقـض جعـوده وطـــر الاساليب
عـلــى الـنحـــر شفـنـا دليـل التـيــاعه
كاويــه دمـعه مثـل كـــوي الكلالـيب
حــتــى الصفــا دخـــن بقــــوّ اندفاعه
يزهم (مهنا) شــوق زيــن الرعابيب
ومـلّــــوح فــــوق الـــرفيعـه قـناعــه
ويلُــوح لك قـلبـه ويـزهــم لصاحيب
وارســـل..ولاهـــو بالورق والطباعه
وسّــم نـوابـضنا بشلـف معـاطــيــب
ابـونتــه وبــدمـعـتـــه وانـجـــزاعــــه
واردف ونينه مـثـل ردف المضاريب
بعـيـــار خمسين احمــر الــدمع زاعه
مــن كـبـد صبــيٍ طامـع فالتهـاريب
قــطــع انـسـمـه قـبـل العقم وانقطاعه
يـنشــد عـن (مهنا) ودمعه ســواكيب
مــابــاقـــي الا يـطـلـبـــك فــالاذاعـه
وش تنتظر وأنت بضميرك مشاهيب
ومــابـيـنكـم يابـو فهد نصف ساعــه
ســبــاق (يامهنا) وراعـــي تجاريب
كيف اعجز الصاري خفايف شراعـه
انــتــم بنـجــد أوّصلكــم شي صعيب
يـاكـيـف خباز ذبحـتـــه المـجاعـــــه
مايغــنـي الــرجـــال حكـي المناديب
امّـــا وصل حـصــن طــــوال قلاعه
غـيـرك فـعـل مـايـنـدب الحظ تنديب
ورّد عــلــــى جـــم تـــداوج سباعــه
لين ارتوى الصافي وخـلا الحثاريب
واللـــي عصاه بـطــيب جــاه بقلاعه
والــذيب يـقـنـب بس ماهوب فشعيب
يـسـعـــى ويــاخذ صيدتــه بالبتاعــه
يسـري الليالـي لـيـن يدمي المخاليب
ون مـاحصــل له صيد سعـيه شفاعه
ولايطب الســوق منهــو خلــي جيب
لا شـــاري ولاجـالــب لــــه بضاعه
والاسلحـــه مـاهـيـب مثــل اللعابيب
ولا كــل قــاع صالحه للـزراعــــــه
ولاكــل تـفـاقٍ لـــزوم انــه يصـيــب
ولاكل مــن حــرج على شي باعــه
وماللــي زمـا شوفه وذب المشاريب
يـــوم السراب اغــــواه حذّف متاعه
اللــي عــنـا للشــام لابــد بـيـغــيــب
مــايـــرجـــع من الحد يومي كراعه
غـــادي بـنجـــد وفــاتــن بالاجانيب
ليـتــــه مـــن الفتنه تقضــب بـقاعــه
يابـــو فهد والله مابــك عــذاريب
قـــرمٍ ولــد قـــرمٍ وعــرفــك طماعه
عـريــب ســاس وحافــظ للمواجيب
لاشـك ولـفـك وش سبايـب ضـياعــه
وما تحدث مزوح الـرجاجيل تخريب
نصف الحــروب الــدهوله والاشاعه
من قصائدي / ابو سيف
عبدالله بن محمد العجمي
صح لسانك وعلا شأنك
دمت ودام إبداعك
نترقب جديدك بكل شوووق
تحيااتي
سلمت يداك اخى علي السطور الجميلة
ربي يعطيك الف عافية
تقبل مروري
ابيات رائعه ..يعطيك الف عافيه
لك إحترامي
بجد رائعه… 🙂
صح لسانك وعلا شأنك دمت ودام إبداعك نترقب جديدك بكل شوووق |
صح بدنك
الاروع مرورك وطلتك .. تحياتي
صح إلسانك ..لاهنت ولا هان منطوقك
ابيات رائعه ..يعطيك الف عافيه لك إحترامي |
صح بدنك
ياهلا والله ومرحبا.