.gif "Graaam (91)")
السلام عليكم اخواتي فالله
اليوم بغيت نزل رواية بالدارجة المغربية
كنتنمى ان كل مغربية او مغربي يقراها .gif "Msn (3)")
و عافاكم شجعوني و عاونوني باش نكملها …..
هي رواية اجتماعية كتحكي على بنات من مجتمعنا المغربي
كل واحدة و حلمها و مشاكلها و حياتها الخاصة
و لكن فالاخر صداقة قوية جمعات بينهم
مني كانو صغار حتى شابو
بليييززززز متخيبوشي الظن ديالي
اول بارت غادي ينزل دابا شوية
مغربية و افتخر….
4 بنات كل وحده منهم لها حياتها ومشاكلها.. ولا وحدة منهم كتعرف الاخرى ولا عمرهم شافو بعضياتهم كل وحده منهم بتكون عنصر مهم في أحداث هاد الرواية وغادي تجمعهم ظروف الحياة في شي نهار.. و غادين يواليو من أعز القلوب على بعض وأحب الأرواح إلي بعض .. وكل هذا غنتعرفوا عليه من خلال أحداث روايتنا الطويله والرحله الشيقه في أعماق قلوب مراهقات عاشوا الحياة بحلوها ومرها
وسام .. بنت طيبة القلب حنينة ظريفة اكثر من الازم و عنودة بزاف بزاف راسها قاسح عمرها 18 عام ثالت ثانوي و كلمة زوينة قليلة فحقها
ريم.. بنت عادية واخدة حقها من الزين عمرها 19 اول سنة كلية
سوسن ..20 عام 2 سنة فالكلية زوينة و زينها بلدي مفروحة بزااف و ديما الله عطيها على قدنيتها
جنان .. 20 عام ما كتقرا ماكتخدم غير كالسة فالدار كتقلب على زمانها و نقرة فين تغبر نحاسها زوينة و مسرارة و ضحكتها تاخد القلب
………………………..
الجزء الاول ..
… وسام جالسة متمللة و عيانة قدام البيسي دابا راه اكثر من سنتين وهي مشتركة فهاد الشات و كلشي تقريبا لي فيه كيعرفوها من اصغرهم الى اكبرهم ضحوكية و دغيا تاكل لبنادم عقلو و مفروحة و كلشي كيتمنى غير امنى يتلاقى بيها و لكن تقل لي فيها داير خدمتوا
وفي الجردة ديال دار وسام ..
جالسة مامات وسام و وليد
مامات وسام ..ايييه هاد وسام دابا تلقايها غير على شات معرفتشي اشنو مصيبتو حتا هادا الله يخدها هاد البنت مامنها فايدة
مامات وليد ..علاش كتدعي علا البنت و من بعد شنو هو هاد الشات عنداك لا يكون ماركة جديدة من هادوك لي كايحطو لبنات على وجههم
مامات و سام .. لاء ااماما هادا راه موقع على الكومبيوتر كيدخلو ليه بزاف نتاع الناس و كيجلسو يهدرو فيه فحال الماسينجر
مامان وليد .. انا مسطرة واخا نستاهل
مامات وسام .. ههههه والو غير شربي اتاي راه غادي يبرد
**وسام البنت الوحيده باباها متوفي من سنين وعايشه مع امها في بيت متوسط الحجم وأمها
فري كل شي عادي .. ودايما بيتهم فيه جمعات و دنيا عندهم مكتخواش.. وسام بنت بنت مهبولة ضحوكية بايعة الدنيا ولا عندها طمووح بالمررره
نزلات وسام و فاديها كاس القهوة ولابسة بيجاما غوز
وسام .. هاي ماما هاي خالتي سويرة
مامات وليد ..سويرة ترفسك و تقطعليك هاداك لسان الطويل بلا قياس
وسام .. وا غير كندلعك
ام وليد .. بغيت ليك دلعن تلصق ليك ف بلعومك متبقاش تطلع
وسام تاففت لكلام مامات وليد و مشات عند ماماها .. ما بغيتش نمشي اماما لمدرسة
مامات وسام .. قرايتك هاديك سيري ولا ماتمشيش
وسام ..وووووووووووو يعني ليلة انا غنتقى سهرانا معاكم
وسام حطات الكاس الي فايدها و سحبت ليها كرسي و جلسات .. قولولي وش كنتوا كتهدرو فيه شكون عرست وشكون تطلقت اه يمه لبارح اختك الغبيه وش كانت لابسه بالعراضة بففف فاتتني النكته ماقدرتشي نحضر
مامات وسام .. ويلي ماتقوليكش هاديك العروبية الله لا يوريك لابسة سروال الجلد كحل و فوقو قميجة خضرا منقوشة بالحمر وييييييييييييع و داك لون لي فشعرها وواخا دايرا ليه السشوار واقف فحالا ممشوط بغرانادا وسام .. ههههههههههه يوووه خسارة فاتني