كيــــــفكم ياعضاء..؟؟
ان شاء الله تمــام
اليــوم بنزل لكم روايــه خوقاقيه ::جيد:: ::جيد::
للكاتبــه الرإآئــعه ( امجــاد الاجــواد )
يمكن ماتكونوا سمعتــوا فيها لان توها ببدايـة الطريق
بس الاكيــد انكم رإآح تحـــفضوا اسمــها بعد ماتقروا هالروايــه
اللي عنوانــها ( قتــلهن الطيــش واحيــاهن الحــب )
اتمنى لكــمـ قرإآه ممتــعه
الجــــــــــــــــــــــــــــــــــــــــزء الأول…
{مدخل….
الى الأرواح القلقة … المعذبة … الباحثة بين طيات العواطف و الاحاسيس المدفونة عما يضيء الحياة …
عن الحنان … عن الحب … عن الدفء … عما تهفو اليه النفس الضائعة التائهة في مجاهل الحياة و دروبها …
من الوصول الى شاطئ الذكريات الحبيسة … بعيدا عن الحرمان و قسوته لتبحث و تبحث و لا تملك غير
قطرات من الدموع.
الكاتب*ريوووف *
*عائله ابو ماجد
صالح الاب
سعاد الام
ماجد ابن الكبير26 سنه
هند البنت الكبيره 23
الهنوف 13 سنه
*عائله ابو عبدالعزيز
سعود الاب
حنان الام
عبدالعزيز الابن الكبير30 سنه متزوج وله بنت اسمها جنان
عبير زوجه عبدالعزيز
عبدالرحمن 24سنه
نور البنت الكبيره 20 سنه
ضي 15 سنه
*عائله ابو فهد
عبدالله الاب
هدى الام
فهد الابن الكبير24سنه
لوجين 18 سنه
الفصل الاول
نور وهند ولوجين صديقات من سنوات بحكم الجيره اللي بينهم رغم فارق السن بس كانت علاقتهم من اقوى علاقات الصداقه نور وهند اقرب لبعض بسبب قرب اعمارهم ولوجين لما صارت 18 سنه صارت قريبه منهم بعد اكثر من اول
البنات كانو مجتمعيين في بيت هند كالعاده واغلب الاوقات تكون لقائتهم عندها لأن البيت فاضي يعني الام طالعه الاب شغله اخذ كل وقته ماجد راعي سفريات
هند: بنات وش رايكم نطلع ملينا من جلسه البيت
لوجين : أي والله انا مليت من المدرسه للبيت ومن البيت للمدرسه بس وين نروح
نور: أي مكان عادي بس نبي ونااااااااااااااااسه ابي اطلع كل اللي براسي .. ومن الحين اقولكم ابي اشيش
تقاطعها هند: اكيد الجلسه مابتخلى من الشيشه ..يلا وين تبون نطلع؟؟
لوجين : شرايكم نروح ابو طربوش <<< منتزه كبير بالمدينه المنوره
هند ونور: اوكي صار بعد المغرب
كل البنات كانو من الطبقات المتوسطه الاقرب للغنيه اتفقو البنات وتجهزو بعد المغرب خلصت الصلاه والسواق حق بيت هند عند الباب , البنات طقو اللثام مع الكحل والعبايات المخصره ونزلو متجهين لأبو طربوش
في الطريق..
هند: اسلم<<< السواق
اسلم : نعم مدام
هند: مدام بعينك
اسلم : ايس في؟
هند: خذ شغل هالشريط وعل الصوت
عطته هند الشريط كان لحسن الجسمي 2024 شغله اسلم وكانت اغنيه واكدللي ,وقف السواق عند الاشاره بالفورد الاسود موديل2005 والبنات يسولفن وناوين يخربونها بأبوطربوش يعني تشيش وبلوتوثات واغاني ومن هالقبيل
وقف جنبهم رنج احمر فيه اربع شباب البنات مانتبهو لهم بالبدايه بس لوجين بحكم انها تتلفت الف وخمسمية مره بالدقيه انتبهت ونبهت البنات وطالعو في الشباب وردو يسولفو
الشباب بالسياره الرنج..
بندر: يلعن ابو الصورايخ اللي جنبنا
خالد: بندر بسرعه شغل اغنيه البراقع
بندر:ماادري وين الشريط
خالد: هذا هو يالطمش بسرعه
وليد : بندر الحقهم فتحت الاشاره
سلطان: ياخي وش تبي فيهم تلحقهم روح سلطانه الصورايخ هناك اكثر
بندر: والله بلحقهم واشوف وين هم رايحين
البنات بالسياره عرفو ان الشباب وراهم بس مااهتمو لهم قفلو الطياق وبما انها مضلله مارح يبان شي , وصلو للمكان ونزلو
اسلم: متى اجي؟
هند : انا اتصل
اسلم : طيب
سياره الشباب وقفت ونزلو منها الشباب بندر ووليد كانو لابسين بناطيل ليوست وتيشيرتات وخالد برمودا وبلوزا كت وسلطان ثوب عادي وكاب , الشباب قربو من البنات بشكل كبير واستغربو البنات هالحركه
بندر: نبي ندخل معاكم لو سمحتو عشان يدخلونا
ناظروهم البنات بأستحقار
بندر: اذا ممكن يعني
هند: اوكي
وصلو لعند البوابه الحارس : عائله وحده
خالد: أي نعم
الحارس: تفضلو
تفرقو الشباب عن البنات من اول مادخلو داخل البنات اخذو لهم طاوله وطلبو لهم ثلاث شيش تفاحتين و2 بايسن وواحد كادي بلو حق نور
الشباب اخذو لهم طاوله تبعد عن البنات مسافه بسيطه وطلبو نفس الطلبات اللهم زودوا من كل شي واحد زياده
هند: كلهم مزايين ماشاءالله وقالت بضحكه بروح اتعرف عليهم
نور: بس بس اجلسي بلا هبال
هند تأشر على نور وتتطالع في لوجين : صدقت الخبله , خليني اطلع جوالي واشوف البلوتوثات الموجوده .. نور ولوجين سوو مثلها
جاري البحث عن الاجهزه في هذي اللحظات طلعو ا الشباب جولاتهم وشغلوا البلوتوثات
هند كان نكها/ بنت عز ماتنهز
ونور/ بنت النور
ولوجين / دلوعة ماما
الشباب سوو بحث عن الاجهزه خالد كان نكه بنفس اسمه / خــالــــــ*******055ـــد ورقم جواله
وبندر/ الصدر الحنون
ووليد / حبي حنان وزحفي جنان
وسلطان/ ولد المدينه
طلعت اسماء كثيره عند البنات قالت هند: ابي ارسل صوره واشوف من يستقبلها
نور: طلعت لك اسماء كثير؟
هند : ايه كثير بس ابي ارسل على حامل جروحه بروحه ,, ارسلت وانتظرت القبول بس مااستقبل وسوت بحث من جديد
لوجين: انا ابي ارسل لحبي حنان وزحفي جنان شكله راعي فله مثلنا
البنات ماكانو يدروا ان الشباب اللي وراهم فاتحين او لأ عشان كذا مادققوا لمين جالسين يرسلون
وليد: جاني من دلوعه ماما
لوجين : ايوووه كذا
هند ونور: ايش؟
لوجين : ارسلت واستقبل
هند ونور: منهو؟
لوجين: حبي حنان وزحفي جنان
وشوي يجي بلوتوث لنور من خالد ورقم الجوال واستقبلته
نور: بنات جاني من خالد وفتحت كاتب لها( انت من الشله اللي قدامنا؟)
نور ردت له: أي شله وصارت تتلفت
خالد: ثلاث بنات مساوين لثام اذا انت منهم اشريلي انا مع القروب اللي جنبكم من اليمين لابس برمودا وبلوزا كت
نور عطت البنات يقرو الرساله وصاروا كلهم يتلفتو عشان يميزو خالد أي واحد ووين جالس
خالد ارسل: خيلتوني ياعيون الغزلان صاحبه الجوال تأشر مو كلكم انا واحد من اللي دخلتوهم معكم
ضحكو البنات ولعبو في حسبته ارسلت نور: انت أي وحده تبغى
خالد: ابي صاحبه الجوال تقوم توقف
قامت نور ولوجين سوا عشان يحيروه وبعدين جلست لوجين ونور راحت يم الزباله اكرمكم الله ورمت منديل ورجعت
ارسلها بنفس الوقت: انت أي وحده بسرعه ردي
بس نور ذكيه مافتحت الرساله الا لما وصلت للبنات وجلست وارسلتله:هههههههههههههههههههه انت أي وحده عاجبتك
والشبا ب طبعا مع خالد على الخط قاله بندر: ارسلها تبي اللي جالست اول وحده وارسل مثل ماقاله بندر
قرو البنات الرساله وضحكت لوجين بصوت عالي شوي وضربتها هند : وجع رخي صوتك
نور : عله ماصدقت
خالد ارسل: على العموم كلكم غزلان وانا خالد وعمري 24 وهذا رقمي انتظرك اليوم الفجر
نور: وجع هذا ماصدق وارسلت له: لا لا تنتظرني انا انام بدري بس اذا تبي اللي جلست على قولتك ولا يهمك
ضحك خالد من قلب وارسل : هههههههههههههههههههههه اجل عرفتك يعني انت اللي رحتي لم الزباله
سلطان:اقول شباب انا استأذن احد بيجي معاي
الشباب: وين بدري
سلطان:الحين ابي اكلم نايف يمرني مليت
خالد : اجلس ياشيخ نستنانس
سلطان : لا والله بروح مع السلامه
الشباب: مع السلامه
هند عجبها الوضع وسوت بحث من جديد طلع لها نكات كثيره اختارت منها الصدر الحنون وارسلت مقطع اغنيه بس مااستقبل وقالت لنور: اسأليه الصدر الحنون من اللي معاه ولا لأ؟
نور: طيب .. وارسلت
خالد: ايه هذا خويي بندر
نور: طيب قله يستقبل من بنت عز ماتنهز
خالد يكلم بندر: يالخبل شوف جوالك شكل وحده منهم جالسه ترسل لك , ويناظر بندر جواله : أي والله
ارسل بندر: هلا والله تو مانور الجوال
هند: ههههه شكرا
دق جوال نور (مما يتصل) نور: اصصصصصصصصصصصص اسكتوا مما جالسه تتدق علي
هند ولوجين: لا تقولي احنا فين
هند: قولي رحتي معاي السوق والحين راجعين ,, بدق على اسلم يجينا
نور: الو هلا ماما
حنان: هلا نور وينك؟
نور:رحت مع هند ولوجين السوق والحين جايين مع اسلم
حنان: ماشاءالله تتطلعي السوق من كيفك ليش مادقيتي استأذنتي
نور: اسفه
حنان : يالله بسرعه تعالو الساعه 10ونص وبكره عندك كليه
نور: طيب
حنان: مع السلامه
نور: باي
هند كلمت السواق وهو جايهم بالطريق
لوجين: يوووه خساره ماطولنا
هند: عادي نجي مره ثانيه
لوجين : بس مابنلقى مثل القروب الفلاوي اللي ورانا
نور: عادي نواعدهم ونجي سوا
هند:لا ياشيخه كيف انت ووجهك رح تواعديهم
نور : دقيقه وتشوفي كيف.. وارسلت لخالد:حنا خلاص بنطلع الحين بس هذا ايميلي @ انا على طول on line اذا جينا مره ثانيه او انتو جيتو خبرونا
قرا خالد وضحك ورد عليها:اوكي ماطلبتي شي بس ليش مانخليها على الجوال يعني اسرع واحسن لأن النت مااكون عليه دايم
نور: لا جوال ماينفع
خالد: اوكي
هذا ايميلي وايميلات الشله نقدر نشوفكم اليوم على المسن
نور: اكيد ويالله باي
خالد : باي
قاموا البنات بيطلعو ا بعد مادق اسلم على هند وقاموا الشباب وراهم ووليد جهز كرته وقرر يعطيه لوجين لأنها عاجبته من اول وراحو وراهم الين ركبوا البنات وكانت لوجين بالنص لأنها الاصغر ورمى وليد الكرت وقال: خير الامور الوسط
ناظروه البنات وهم ساكتين
وليد : انتظرك يالوسطانيه وراح
لوجين : هههههههههههههههههههههههههههههههه
ضربتها نور على قفاها : وجع اكتمي
لوجين: طيب < طبعا ردة بأحترام لانها مبسوطه
وصلو نور لبيتها ولوجين لبيتها وراحت هند بعد على البيت
دخلت نور البيت : السلام عليكم
حنان وضي وعبدالرحمن : وعليكم السلام ورحمه الله وبركاته
عبدالرحمن : بدري ياأنسه
نور: بدري من عمرك
حنان : ليش تأخرتي؟
نور: ماتأخرت مشوار الطريق وتأخر علينا اسلم
ضي: نور ليش مااخذتيني قلتلك ابغا اروح السوق اذا رحتي
نور: كلنا كبار وين تنطي بيننا
عبدالرحمن بقهر: ليش ياست حتى السوق له كبار وصغار
نور: أي وبعدين انت وش دخلك
حنان: نور احترمي اخوكي
نور: تصبحي على خير
عبدالرحمن : من متى تنامي بدري العاده تروحي مواصله
ناظرته نور واعطته قفاها وطلعت على غرفتها بالطابق الثاني
…………………………………………. …………………………………………. ………………………………
لوجين دخلت البيت: سلام ماما وباست امها
هدى: هلا ياقلب ماما استانستي مع البنات
لوجين : ايه الحمدلله
هدى : تعشيتي
لوجين : لا
هدى: ليش
لوجين : لأن خاله حنان دقت على نور وقالت يلا ارجعي تأخرتي وبكره عندك دوام ورجعنا سوا مع سواق هنوده
هدى: ايوه صح حتى انت عندك مدرسه يلا حبيبتي تعشي ونامي
لوجين : حاضر وطلعت بعد مااكلت لقمتين على السريع ,
هند وصلت البيت ودخلت كالعاده البيت مافيه احد غير الخدامه والهنوف تكلم صديقاتها : السلام عليكم ورحمه الله
الهنوف: وعليكم السلام
هند: وين العائله الكريمه ؟
الهنوف": كالعاده مافي احد
هند : طيب انا طالعه انام تبغى شي؟
الهنوف: لا شكرا
طلعت نور من الحمام بعد مااخذت شور سريع ولبست بجامه برمودا ورديه ولمت شعرها اللي واصل لتحت اكتافها بطبقات متدرجه , نور كان جسها حلو يعني رويان على قولتهم وبيضه وشعرها اسود وناعم نوعا ما
, لوجين طلعت غرفتها بعد مااكلت وراحت تاخذ شور بعد الطلعه وكان كل تفكيرها في وليد اللي خصصها من بين البنات ,لوجين كانت مو طويله زياده نحيفه وشعرها اسود قصير يعني شكلها بوي شوي وبشرتها مو فاتحه كثير يعني قمحيه بس روحها محليتها وبشاشتها مغطيه على شكلها العادي,هند بعد سوت مثلهم اخذت شور وطلعت وهي لابسه قميص قطني قصير تحت الركب وكت وعليه رسمه لولو كاتي هند كانت نحيفه بالحيل وطولها عادي وشعرها طويل شوي لنص الظهر ولونه بني…
كل البنات اتجهوا الى شاشات الكمبيوتر عشان موعدهم مع الشباب وصاروا يسولفون ونور تنتظر أي اضافه من ايميل جديد .. هالشباب دخلو مزاجهم
هند : نور ماجاكي شي
لوجين: انا مالي دخل اذا مادخلو بدق على وليد
هند ونور: من وليد؟
لوجين تضحك: خير الامور اوسطها
هندونور:ههههههههههههههههههههههههههههه
نور: بس انتبهي لا تتسرعي
هند: اثقلي يالخبله
لوجين: مااقدر اصبر هوسني الحيوان يجنن
طبعا البنات كانوا على المسنجر ويتحادثون بالمايك وجات اضافه لنور من ايميل جديد وصرخت نور: جاتني اضافه
هند ولوجين : اقبليها بسرعه
نور قبلت الاضافه وبدى الحوار الكتابي ..
نور: من معي
خالد: خالد
نور: وش يثبتلي
خالد: كنت انتي وبنتين في ابو طربوش اليوم المسا
نور: غيرو..
خالد:انت رحتي لم الزباله ورميتي شي بيدك
نور تأكدت انه خالد: طيب اهلين خالد نورت المسن
خالد: ماصارت داخل تحقيق مو مسنجر ههههههههه
نور: لزوم اتأكد وبغيت اسحب فيك شوي ,, الحين بدخل باقي البنات المحادثه ونصير جماعي اوكي
خالد: اوكي
دخلوا هند ولوجين المحادثه
هند: السلام عليكم
خالد: هلا وعليكم السلام
لوجين: خالد وين وليد؟
هند: وجع سلمي اول مو كذا على طول
خالد: وش عرفك فيه؟
نور: مسكينه خليها اول مره احد يعطيها وجه ويعبرها
لوجين: انتو الثنتين انقلعو.. خالد وينه وليد بيدخل
خالد: ماادري بس مااظنه بيدخل
لوجين ارسلت وجه حزين: ليش؟؟
خالد: عنده عمل بكره وماظنه بيدخل اكيد بينام بدري
لوجين: خساااااااااااااره
نور: اقول لولو زودتيها ياحلوه
هند: ايه والله لولو تراكي ماتنعطين وجه
لوجين: مالكم دخل انا حرررررررره كيفي
خالد: ههههههههههه عادي خلوها ترى البساط احمدي ونمووووون على بعضنا من اليوم ولا وش رايكم ياصبايا ياحلوااات؟
هند: انا بالنسبه لي عادي امون من الحين لو تبون
نور: حتى انا بس اقول خالد ورى ماتترك عنك الكلام اللي ماله طعم
خالد: أي كلام
نور: حلوات وعسل وقمر يعني صحيح حنا نهبل بس ماله داعي تقوله
خالد: طيب ياعسل ماطلبتي شي ههههههههههههههه
نور ارسلت وجه معصب: وش قلنا
خالد: ههههههههههههههه طيب
هند: لولو
نور: لولو لولو وين راحت هذي
هند: لا يكون بتسوي اللي قالت عليه
نور: لا مااظن
خالد: وشو اللي قالت عليه
نور: انت بلا لقافه
خالد:ههههههههههههههههههه اسف
رجعت لوجين : بــــاك , اهلين صبايا
هند: وين رحتي
نور: لا يكون سويتي اللي قلتي عليه
لوجين: ههههههههههههههههههه لا يابعدي ماني خبله لهالدرجه مو الحين لما يجي وقتها
خالد: طيب يابنات ياحلوات انا استأذن تامروني بشي
خالد: هههههههههه اسف يا…. الا وش اسمائكم
نور: بدون اسم هههههههههههههههههههههههههههههاي
خالد: بجد والله عشان اعرف اناديكم
هند: بعدين تعرف
خالد: اوكي براحتكم بس بما اني عرفت دلع وحده منكم اللي هي لولو بقول باي يالولو والباقيات اشوفكن على خير ان شاء الله
البنات : ههههههههههههههههههههههههههههههههههههههههههههههههه ه
هند: باي
نور: على خير
لوجين : باااي وسلملي على وليد
خالد: وش سالفتك انت؟؟
لوجين : سلامتك لا سالفه ولا شي
هند: عادي هي كذا أي احد تعرفه جديد تسلم عليه
نور: مخبوله لا تاخذ على كلامها
خالد: ههههههههههههههههههههههههههه
لوجين : وجع انتي وهي
خالد: اوكي ياصبايا استأذن الحين
نور: الله معاك
وطلع خالد وحتى البنات ماطولوا على المسن وطلعت كل وحده تنام بعد الطلعه والشباب والشيشه
ثاني يوم قامت هند من النوم الظهر وجسمها كسلان وسحبت جوالها من تحت المخده ولقت خمس مكالمات من رقم غريب استغربت بس طنشت الموضوع وقامت عشان تصلي الظهر وقبل تنزل من السرير انتبهت لجوالها ينور بس كان المتصل لوجين ردت بصوت كله نوم: هلا لولو
لوجين : اهلين هنوده صح النوم ياحلوه
هند: لولو اختصري الكلام توني صاحيه مالي خلق سوالف
لوجين: يمه بسم الله وش فيكي كليتيني
هند: اخلصي وش عندك
لوجين: طيب رح اجيكي اليوم بعد المغرب
هند: اوكي وكلمي نور تجي معك
لوجين : وش تبين فيها ماينفع اجي لحالي
هند: مو شغلك واذا ماجات نور لا تجين انت بعد
لوجين: الله الله طيب ياهند هذي اخرتها يلا مع السلامه
هند: تعالي امزح معك خلاص انتظركم
قامت هند وراحت التواليت < دورة المياه > الله يكرمكم ولوجين نزلت تغدت مع امها وطبعا ماداومت بالمدرسه.. ونور توها تقوم من النوم وتطالع جوالها : يووووووه طولت بالنومه ,, اوووف بعد مارحت الكليه اليوم عز الله حرمان من كل المواد السنه هذي يالله هالبيت محد يصحي احد وقامت متنرفزه ودخلت الحمام وطلعت وصلت ونزلت تنادي امها وهي نازله من الدرج: ما ما ماما
حنان تطالعها: نعم.. بدري كان ماقمتي احسن
نور: ليش ماقومتيني الصبح بدري ماتعرفين ان عندي اليوم كليه
حنان: عجزت وانا اقومك والمنبه يدق يمك وانت مو نايمه ميته
على دخلت عبدالرحمن من الباب توه جاي من الكليه : سلام الغدا جاهز يمه
حنان: وعليكم السلام ايه يمه جاهز اطلع صل وانزل تغدا
شوي وهذا سعود ابوهم جاي من العمل بعد: السلام عليكم ورحمه الله
نور وامها: وعليكم السلام ورحمه الله وبركاته
نور تروح لم ابوها وتحب يده وراسه
سعود: عيونك منفخه الظاهر قايمه من النوم توك
نور: ايه يبه
سعود: ومااداومتي وش الاهمال اللي فيكي هذا كل يوم ارد من العمل اللاقيك مارحتي الكليه عبد الرحمن الولد يداوم وانت البنت جالسه غياب واهمال والله يستر من النتيجه بعد
نور تضايقت وتغير لون وجهها: اليوم راحت علي نومه
طالعها ابوها وصعد الدرج وحنان قالت : الحمدلله برد ناري
نور: يوووه وش فيكم اليوم علي
حنان: مافينا شي اسألي نفسك وانت تعرفين
عبدالرحمن : جووووووووووعان يمه باقي الغدا مانحط يالله
حنان : الحين بقول للخدامه تحطه
يتبع …
لوجين : ماما
هدى: نعم
لوجين : ابغى اروح عند هنوده اليوم
هدى:امس كنتي عندها ليش اليوم بتروحين بعد عيب عليك بتضايقون الناس وبعدين ليش اليوم مارحتي المدرسه انت ثانويه عامه ولا مو ناويه تتخرجين السنه هذي
لوجين:طفشت ياماما كل يوم مدرسه مدرسه وبعدين انا من يوم بدى الترم الاول ماغبت ولا يوم
هدى:مايصير تغيبين بيأثر على معدلك اخر السنه
فهد: صح كلام امي يالولو انت لازم تجيبين نسبه عاليه الترم الاول عشان الترم الثاني معدل تراكمي بيخسف الطلاب خسف مساكين
لوجين تتأفف: يااااربي من هالكلام نفس الاسطوانه هنا وبالمدرسه تنعاد
فهد: هذا جزانا اللي نبي مصلحتك
لوجين : ثانكس… ماما تراني بروح اليوم طيب
هدى: طيب
فهد: يمه انت كل شي تقولين لها طيب امس كانت عندهم تراكي تدلعينها واجد
هدى تبوس دلوعتها لوجين ولوجين تمد لسانها على فهد
هدى: بنتي الوحيده وادلعها كيفي
فهد: وانا بعد ولدك الوحيد
هدى تحبه: وانت بعد حبيبي
لوجين: ماما وين بابا ماتغدى معنا
هدى: ابوكي في الشركه مابعد رجع
لوجين بضيقه: بابا كل يوم بالشركه وماعاد صرت اشوفه
فهد: لأنه مشغول ولما يرد البيت حضرتك ماتكوني بالبيت او نايمه
خلصت لوجين من الغدا وصعدت غرفتها وارسلت رساله لنور كاتبه فيها اليوم ابي اروح عند هنوده بعد المغرب تعالي ننتظرك .. تشاااااااااااو
قرت نور الرساله العصر وراحت لأمها بالصاله : ماما
حنان: نعم
نور: ابي اروح عند هنوده اليوم بعد المغرب كلمي الدحمي يوصلني
حنان: امس كنتي عندها
نور: واذا كنت عندها امس عادي
حنان: لا مو عادي كل يوم ناطه بيت الناس عيب وش يقولون علينا مفلتين بنتهم
نور: ماما عادي مايقولون شي وبعدين انتو جيران من زمان وعارفين بعضكم زين
حنان: كيفك
نور: طيب كلمي الدحمي يوصلني لأني مااحب اروح مع السواق والدحمي مايرضى اذا قلتله انا
حنان : وش يخوفك من السواق
نور: ماادري بس ماارتاح لما اطلع معاه يكفي الصباح اروح للكليه معه
حنان: من كثر روحاتك للكليه عاد ,, عطيني الجوال اكلم اخوكي
اتصلت حنان على عبدالرحمن: هلا الدحمي وينك
عبدالرحمن: توني طالع بروح للشباب وعلى المغرب برجع البيت بغيتي شي يمه
حنان:ابيك تنزل اختك عند بيت ام ماجد
عبدالرحمن : امس كانت عندهم حلى هي
حنان: مايخالف ياوليدي ودها
عبدالرحمن: ماني موديها
حنان: ليش؟
عبدالرحمن: كذا مزاج كل يوم ناطه عند الناس
حنان: مايخالف عشاني هالمره
عبدالرحمن : طيب عشانك بس قوليلها تجهز المغرب والله لو ماجهزت بخليها واروح
حنان: طيب وتقفل من ولدها وتكلم نور: خلاص بيوديكي بس يقول بعد المغرب تكوني جاهزه ولا بيتركك ويمشي
نور: اوكي … الله يعطيك العافيه يا يمه !!
…………………………………………. …………………………………………. …………………………………
هند بالصاله جالسه على التلفزيون وتطالع فرندس على الـ إم بي سي 4 وهذا ابوها وامها نازلين من الدرج وشكلهم يقول انهم طالعين من البيت بس غريبه هالمره طالعين سوا انتبهوا لهند بالصاله وقال صالح : تبين شي هند حنا طالعين
هند: وين رايحين
سعاد : مشوار
هند:امممم طيب بالسلامه .. لا مابي شي .
طلعوا من البيت على نزلت الهنوف من فوق وتطالع هند: غريبه
هند وفاهمه قصد اختها: ايه والله
الهنوف : وين رايحين
هند : ماادري مارضو يقولون لي
الهنوف: اوووف ياربي مليت من البيت وهم كل يوم طالعين ومايخذوني معاهم
هند : لا جى ماجد من السفر خليه يطلعك
الهنوف: سلمات يالاخت شكلك مو معانا بالبيت انت
هند: ليش
الهنوف: ماجد من امس بالبيت ولما رحت المدرسه الصبح شفته يفطر مع ماما وبابا
هند: غريبه ماطول بهالسفره يلا خليني اروح اشوفه اكيد نايم بصحيه
تروح هند لغرفه ماجد اخوها وتدق الباب بس محد رد عليها وردت تدق ومحد رد نزلت يد الباب ولقته مقفل بالمفتاح بينها وبين نفسها: غريبه
الهنوف : وشو
هند وخافت من هنوف اللي ماتدري انها وراها على بالها راحت الغرفه: يمه بسم الله خوفتيني متى تطلعين انت
الهنوف هههههههههه : دايم اطلع للناس الخوافه مثلك مثل الجن معاك بكل مكان
هند وحست بخوف: وجع بسم الله الرحمن الرحيم " اللهم سكنهم مساكنهم "
وتضحك عليها الهنوف وتروح غرفتها
هند كانت تخاف من سوالف الجن والشياطين كثير ,, والهنوف بالرغم انها الصغيره كانت هي اللي تخوفها دايم
نزلت هند مره ثانيه للصاله وتنتظر جيت البنات ,, تجهزت لوجين عشان بتروح لهند مع السواق ولبست بنطلون شرلستون وبلوزه حد البطن وجزمه كوتش وشعرها كيرلي وكحلت عيونها الوساع وحطت قلوز خفيف ولبست العبايه وطلعت .. مع السواق وفي الطريق لوجين: وقف هنا يامحمد
محمد: اوكي
نزلت لوجين لهايبر بنده وقررت تاخذ تشكيله حلويات وعصيرات لزوم الجمعه يعني وهي مندمجه تختار الا صوت رجولي من وراها يقول:" الموت ماهو طعنت السيف والرمح الموت عينك يوم ترخي هدبها "
والتفتت لوجين لورا بسرعه وشهقت يوم شافته
وليد والابتسامه شاقه وجهه: حلوه المفاجئه؟
لوجين:وش بغيت
وليد:ولا شي بغيت امسي على الحلوين فقط لا اكثر
لوجين : وكيف تعرفني عشان تمسي علي
وليد: ولو نفس العيون ونفس اللثام والعبايه ..كيف مااعرفك بس بعد اذنك ماعرفنا الاسم الكريم يادلوعة ماما
لوجين عطته ظهرها ومشت للمحاسبه قبل تكمل باقي الاغراض اللي تبيها ويوقفها وليد: طيب لحظه بس ياانسه دقيقه
لوجين: نعم
وليد يمد يده بكرت صغير: تفضلي يمكن تحتاجيني في يوم
لوجين: شكرا عندي مثله وكملت طريقها للمحاسبه وحاسبت وطلعت وقلبها يرقع من الربكه وراحت على بيت هند,, من جهه ثانيه
عبدالرحمن : يالله والله لو بس تأخرتي خمس دقايق زياده لأروح واخليكي ودبري اللي يوديكي عاد
نور بينها وبين نفسها: اوف ذلنا هذا الله ياخذه .. طيب طيب خلاص نازله
نزلت نور وركبت مع اخوها ووصلها على بيت هند .. عبدالرحمن: دبري اللي يجيبك
نور: انت اللي تجيبني الله يعافيك
عبدالرحمن: ارجعي مع السواق اللحين انا بكلمه يمرك لا بغيتي ترجعين
نور: اخاف ارجع معاه لحالي وبالليل بعد
عبدالرحمن: مابياكلك ويلا مع السلامه عطلتينا
نور: مع السلامه
نور ولوجين وصلو تقريبا بنفس الوقت وسلمو على بعض بالشارع ودقو" الانتر كم" واللي رد رجال ياماجد
ياابوها وشافهم من الشاشه الداخليه : من على الباب؟
البنات : حنا نور ولوجين وين هند
ماجد : طيب دقيقه وفتح الباب وراح نادى على هند
هند نزلت مسرعه وسلمت على اخوها بسرعه عشان البنات واقفين على الباب دخلتهم ووسلمو على بعض وطلعتهم على غرفتها على طول , لوجين رمت نفسها على السرير وقالت: ياويل قلبي بيذبحني هذا
هند ونور بإستغراب : منهو؟
لوجين : وليد
طالعوا في بعض نور وهند وردو طالعو فيها: ليش ؟
لوجين بلاكم مادريتو وش صار
نور وهند يطالعو ببعض بأستغراب : وش صار بعد؟
لوجين حكتهم وش صار معاها في هايبر بنده وضحكو عليها البنات وخطر في بال هند فكره : بنااات عندي فكره انما ايه جوهنميه
لوجين ونور: وش عندك ياام الافكار
وتروح هند وتفتح درج الكمدينه وتطلع علبه صغيره وتفتحها وتطلع منها منديل صغير مطبق … والبنتين يطالعون فيها ويقولون بنفس الوقت: ووش عندك؟
وطلعت من المنديل شريحه سوا وتأشر بيدها للبنات: شووووفووووا
نور: لمن هذي الشريحه
هند : لي يعني لمين
لوجين : وشوله…. تبين تغيرين رقمك؟
هند: لأ
نور ولوجين : اجل
هند تكلم لوجين :معاك الكرت حق وليد اللي عطاك اياه يوم الطلعه
لوجين : ايه بالمحفظه ليش؟
هند: جيبي الكرت خلينا نلعب عليه شوي
نور: أي والله جبتيها يا… ولا ماني بقاااايله !! << طبعآ تحمسوو البنات
لوجين : لا والله انت وهي عشان يكشفنا
هند: وش علينا منه خله يولي يلا عاد هاتي الكرت
نور: وش تبين تقولين له؟
هند: استهبل عليه شوي
نور: بس تفتحين سبكر
لوجين : حتى انا ابغى اكلمه لا تنسين انه خصصني اانا
هند: اقول ريحينا والله مايدري انت أي وحده فينا
وتركب الشريحه بالجهاز حقها وتفتحها وتتصل على الرقم وتفتح سبكر ويرن الرنه الاولى , الثانيه, الثالثه, الرابعه وبعده اصوت يذوب ؟ الو نعم
سبلن البنات بعيونهم وقالت هند : الو
وليد: هلا
هند: هذا جوال ريم
وليد: لأ… جوال ريم
هند: شكلي غلطانه طوط طوطو طوط قفلت بوجهه
لوجين: ليش قفلتي
نور: اكيد يرجع يدق الحين
هند: اكيد دامه سمع صوتي بيرجع يدق
وقاطعهم صوت المسج ويتضاربن البنات على الجوال وسحبته نور وطلعت فوق السرير وفتحت الرساله تقراها " صوتك يجنن ياليت ادق وتردي علي"
نور: واااااااااااااااااااااااااااااااااااااااااااااااا ااااااااااااااااااااااااااااااااااااو
هند ولوجين : ايش..؟
وتقرا نور الرساله بصوت مايع "صوتك يجنن ياليت ادق وتردي علي"
ولوجين حست بحراره بوجهها وقهر معقوله عشان وليد؟؟
وسحبت الجوال من نور: اشوف وتناظر الجوال
هند: لولو وش فيكي ؟! ولا بدينا نحب
لوجين قرت الرساله وعطت الجوال هند : بس بالله اسكتي وش احب فيه انت ووجهك
نور وهند طالعوا في بعض وغمزوا": علينا يالولو
هند: شوفي وجهك كيف قلب احمر
لولو: ….. عادي بس انقهرت منه شكله لعاب
نور: عادي ياحلوه كل العيال كذا لا تنقهري
هند: هاا وش نسوي نكمل معاه
لوجين بعد تفكير: ايه نكمل بس انا اللي رح اكلم
وليد مادق كان ينتظر رساله والبنات طولو عليه وشوي ارسلت هند كول مي وثواني ودق الجوال برقم وليد , ردت وفتحت اسبكر
لوجين: الو
وليد :هلا والله
لوجين : اهلين من بغيت
وليد: ابغى ريم
لوجين : تستهبل انت
وليد : لأ,, بس وين صاحبه الصوت الحلو
ويقطع كلامهم باب الغرفه يدق وماجد ينادي على هند :: هند
ارتبكو البنات وقفلت لوجين الجوال بوجه وليد ورمته على السرير
نور: يمه هند شكله سمعنا
هند بربكه: لا مااظن
ماجد من بره : هنننننننننننند
طلعت له بسرعه : هلا ماجد تبي شي
ماجد: حشى كل ذا ما تسمعين
هند: سوري كنا مندمجين بالسوالف وماسمعتك
ماجد: انا بطلع واخذ معاي الهنوف تبغين شي ؟
هند ارتاحت: لا شكرا
ماجد: مع السلامه
هند: باي
دخلت للبنات مره ثانيه وهي تتنفس براحه : خلاص راح
البنات : وش يبي
هند : بيطلع مع الهنوف وجى يقولي
وتاخذ لوجين الجوال وترد تنغم على وليد
من اول رنه ردت : هلا
وليد : اهلين
لوجين : معليش بس الشبكه ماادري علامها
وليد : اها الشبكه على بالي احد دخل عليك .. ايه ماقلتيلي وين صاحبه الصوت الحلو اللي قبل شوي ,, هند طالعت في لوجين وسوت نفسها ساحت من الكلام لوجين: حنا ما ننفع
وليد: لا بالعكس بس صوتها جناان الصراحه وانت بعد صوتك حلو
لوجين بقهر: شايفني بزر تسكتني بهالكلمتين ياحبي حنان وزحفي جنان
وليد متفاجئ: ياايش؟
لوجين : اللي سمعته
وليد: لا يكون انتو اللي في ابو طربوش
لوجين: عليك نور
وليد : هلا والله اسفرت وانورت ليش ماحكيتوا من البدايه عشان اقوم بالواجب
البنات بصوت واحد ههههههههههههههههههههههههههههههههههههههه
لوجين: أي واجب
وليد: لا ابد سلامتك .. بس انت أي وحده ؟
لوجين: حنا كلنا واحد
وليد: ههههه اثنين في واحد يعني
لوجين : وانت الصادق ثلاثه في واحد
وليد : ايه صح كنتو ثلاثه انتو طيب يلا عاد قولي من انت عشان اعرف انا جالس اكلم مين
نور سحبت الجوال: مسا الخير ياوجه الخير
وليد:: هلا رقم ثلاثه هههههههههههههههههههههههههههه انت أي وحده بعد؟
نور: اسمع بقولك شي
وليد: سمي .. بس عرفي بنفسك اول شي
نور: حنا صح ثلاثه بس نفس الوقت كأننا شخص واحد يعني اذا كلمتني كأنك كلمت الاثنين اللي جنبي اوكي
وليد: طيب طيب بس لازم اعرف كل وحده عشان اميز بينكم
هند تاخذ الجوال: الوووووو
وليد:هلااااااااااا بهالصوت
لوجين تدقها: لا تتمايعين وتسحب الجوال منها: اقول وليد
وليد: والله خيلتوني وحده وحده وعرفوا بأنفسكم عشان اميز
لوجين : اسمع بس ولا يكثر
وليد: ههههههههههههههههههههه طيب ليش معصبه
لوجين: ماني معصبه.. ويلا بغيت شي يالمزيون
وليد: سلامتك بس انت أي وحده
لوجين : خير الامور الوسط وقفلت بوجهه
وليد يناظر جواله مستغرب وضحك من قلب وبصوت عالي وقال: والله انهن داجات
دخل عليه بندر وخالد : خير ضحكنا معك
وليد: الصواريخ اللي بابوطربوش دقو علي
خالد: احلف
بندر: بذمتك
وليد: قسم بالله وهذا الرقم وشكلهم متقاطين بالشريحه
خالد : وليد اما البنت اللي حاط عينك عليها راحت فيها
وليد: ليش؟
خالد : يوم دخلنا المسن كل شوي وهي سائله عنك
وليد يضحك: والله
خالد: أي والله غثتني وينه ومابيدخل ولي مابيدخل وزعلت
وليد: هههههههههههههههههههههه وناسه
هند ونور لا حظو تغير لوجين وعارفين السبب , هند راحت المطبخ تجيب البيره والكادي ومجهزين الشيشه اللي هي حقت ماجد بس مايستخدمها كثير بسبب سفره الدايم وطبعا ماعنده علم ان هند تولعها رغم ان ابوها عادي يقول اذا تبي تشيش بالبيت بس اخوها معارض الفكره ,,
نور جلست جنب لوجين : لولو وش فيكي
لوجين: تبتسم ولا شي وش فيني يعني
نور تطالعها بنص عين: ليش زعلانه؟ عشان كلمنا وليد ؟؟
لوجين: ماني زعلانه عادي
نور: بلا كذب زعلانه بس لا يكون حبيتيه ترى ماامداكي تحبينه ماصار بينكم شي
لوجين دمعت عيونها: ماادري يانونو
نور تقرب منها وتضمها: بس لا تبكين السالفه ماتستاهل ترى
لوجين بعدت عنها ومسحت دموعها: الحين انا وش يبكيني
نور ضحكت بصوت عالي: مدري عنك
ودخلت هنوده عليهم: يلا تعالوا الغرفه الثانيه وانتبهت لعيون لوجين : وش فيكي لولو
لوجين ضحكت وطالعت في نور
نور: ماعليك منها الخبله هذي صادق من قال اهل العقول في راحه
هند مستغربه: وش فيها بالله قولي
نور: اقول لولو
لوجين: قولي عادي من متى نخبي عن بعض
نور: الحب عذاب ياهنوده عذاب قطع قلوب الشباب
هند ولسه مستغربه: وجع انت وياها وش السالفه
نور تطالع لوجين وترفع في حواجبها: البنت طاحت ومحد سما عليها
هند وفهمت السالفه :صدق والله ومنهو سعيد اقصد تعيس الحظ؟
لوجين وترمي الخداديه على هند: انقلعي احسن لك
نور وهند يضحكون وترجع تسألها هند: منهو؟
نور: وليد
وفتحت هند عيونها على كبرها وشهقت : مسرع ماامداكي
لوجين ضحكت بقوه : انا بكبري مدري وش سالفتي بس احس اني انقهرت لما كلمتوه
هند: اهاااااا وانا اقول ليش عصبتي اول مادق وارسل يلعن ابو الغيره اللي كذا .. بس صدق لولو تغارين مني انا ونونو
لوجين حمر وجهها: اقول هنوده ليش ماتنقطينا بسكاتك
نور: لا لا صدق لولو تغارين منا
لوجين: مدري يمكن
هند رمتها بنفس الخداديه وهي ونور بصوت واحد : وجع
لوجين تضحك: غصب والله
هند: طيب تعالوا برا الشيشه جاهزه والعصير ونسولف عند التلفزيون بي قبل خلوني ارد شريحتي
نور: هنوده ولعتي الشيشه وماجد اكيد بينتبه
هند: لا لا خلصنا ارجعها مثل اول وبعدين مخليه فحم عشان نبخر
لوجين:ههههههههههههه مسيطره على الوضع مضبوط
هند: اكيييييييد
ركبت هند الشريحه وفتحت الجوال ورن الجوال برساله فتحتها هند الا هذي رساله موجود بنفس الرقم الغريب 12 مره وبانت عليها علامات الاستغراب
نور: مين هنوده لا يكون وليد وتطالع في لوجين
لوجين : لا ياشيخه وتضربها على راسها
هند: لا هذي موجود من رقم غريب يوم قمت اليوم من النوم لقيته داق خمس مرات والحين موجود 12 مره ومااعرفه
نور: كم الرقم
هند قالت الرقم بس ماعرفوه البنات ,,
من جهه اخرى في استراحه الشباب وليد قال لبندر وخالد كل اللي صاربالتفصيل: بس والله وحده منهم عليها صوت جنان
خالد: دق عليهم مره ثانيه
وليد: لا ماني داق بيقولون مخفه
بندر: اقول دق دق بس محد يمك
دق وليد ولقاه مغلق: مغلق ياشباب
خالد: هات الرقم انا بجرب شوي مو اللحين واعطاه وليد الرقم وحتى بندر بعد سجله عنده وماقصرو الشباب كل ساعه يدقوا علي البنات بس الجوال مغلق
وليد: صح شباب ماقتلكم وش صار اليوم
بندر : وش صار اليوم العالمي للأحداث
خالد: اسلم
وليد: اليوم شفت وحده منهم بالهايبر بنده بعد المغرب
بندر وخالد: والله
وليد: أي والله لقيت ذيك اقصر وحده فيهن ام العيون الوساع ياويل قلبي عيونها دماااااااااااااااار
وقالهم وليد وش صار
بندر يكلم خالد: انت ضفتهم على المسن صح
خالد: ايه
وليد خلونا نروح لنا يوم المقهى ونسولف معهم هناك
الشباب : ان شاءالله
الا هذا عبدالرحمن يدخل عليهم : السلام عليكم شباب
بندر وخالد ووليد: وعليكم السلام والرحمه
خالد: تعال تعال طحنا على كم بنت اوووف دمار
عبدالرحمن : منهم
وليد : شفناهم بأبوطربوش ذاك اليوم اللي مارضيت تتطلع معنا فيه
عبدالرحمن: طيب وش صار معاكم
قالوله الشباب على كل السالفه من اولها للأخر,,,
البنات جالسين سوالف ورقص واكل ومضى الوقت ودق جوال لوجين : هذي ماما
هند: مافي طلعه الا بعد العشا وبعدين كل وحده تروح بيتهم
ردت لوجين : هلا ماما
هدى : يلا تجهزي بكلم السواق يردك البيت
لوجين : ماما شوي مابعد تعشينا انا بدق عليه اذا خلصت
هدى: طيب وسكرت الخط
نور: يابنات خلونا نروح الخميس ابو طربوش شرايكم
هند: ايه وناسه مثل ذيك المره
لوجين : بس نبي نتفق على شي
هند ونور: وشو؟
لوجين:ماادري
نور تضربها: سبحان الله ماتعرفي تتكلمي
هند: أي والله خبله دايم خبله
لوجين تضحك:لا والله خلاص ايش رايكم نلبس زي بعض حتى الشوزات والملابس ونلبس عدسات نفس اللون ومنكير بعد
هند: حلوه الحركه بيطلع شكلنا ملفت
نور: نلبس بنطلونات حمرا وتيشيرتات بيضا شرايكم؟
لوجين وهند: اوكي
لوجين: نواعد الشباب؟
هند: اكيد
نور: بس مابيقدرون لحالهم لأنه عوائل
لوجين : عادي مثل المره الاولى اذا شفناهم على المسن نحدد وقت ونروح سوا
هند: اخاف تجي هيئه ولا شي
نور: لا عادي وبعدين حنا بنجلس بطاوله لحالنا
اتفقو البنات على يوم الخميس وراحت كل وحده لبيتها بعد مارتبوا مع هنوده المكان اللي كانوا فيه عشان اثار الشيشه وبخروا البيت بعد ..لوجين طلعت قبل نور ونور كانت تنتظر السواق لأن عبدالرحمن قال مابيجيها وكانت جالسه هي وهند بالصاله ودق السواق وطلعت هند ودعتها من الباب الداخلي للبيت على طلعت نور دخلت الهنوف وسلمت عليها وكملت طريقها لبره وعند الباب الخارجي صدمت نور بشخص طويل رفعت راسها وجات عينها بعين ماجد وهي كانت كاشفه وضلو يناظرون بعض لثواني وارتبكت نور ورمت الشيله على وجهها وطلعت ركبت وتحركت مع السواق للبيت
دخل ماجد البيت مبهور باللي شافه يذكر هالبنت يومها صغيره بس شلون صارت كبرت وحلوت واول مادخل نادى على هند :: هند هند
هند : نعم
ماجد: راحو البنات << سؤال ذكاء بيتوصل للبنت اللي طلعت اخر وحده
هند: ايه طلعوا خلاص لوجين راحت من وقت ونور توها طلعت
ماجد ابتسم : اهااا طيب
هند : وش فيك
ماجد: سلامتك
على دخلت سعاد وصالح : السلام عليكم
هند وماجد : وعليكم السلام
صعدوا كلهم للطابق الثاني وكل منهم توجه لغرفته ,عدت الايام عاديه وممله واكثر شي بالنسبه لهند لأنها بالبيت لا شغله ولا مشغله وماجد باله مع نور ووليد مع لوجين ..
جى يوم الخميس وراحت نور لأمها . ماما
امها كانت جالسه في الصاله وراسها مصدع بيدها كاسه مويه واليد الثانيه بنادول وماردت على نور بس عطتها نظره بمعنى نعم
نور راحت لها وقربت منها كثير: ماما وش فيكي
حنان : تعبانه شوي
نور: وش يعورك
حنان: راسي مصدع شوي وان شاءالله بيخف اذا اخذ حبه
نور كانت بتكلم امها بس يوم شافتها كذا سكتت وقالت بترجعلها شوي
لوجين كانت منسدحه على رجل امها وامها تلعب بشعرها: ماما
هدى: نعم
لوجين : ابغى اطلب طلب بس ماترفضينه
هدى ومتى طلبتي شي ورفضته لك
لوجين ولا مره
هدى : وش تبين
على دخله ابوها واخوها من الباب قامت لوجين وسلمت على ابوها وجلسوا كلهم
هدى: لوجين وش اللي بغيتيه مني
لوجين : بروح عند هنوده اليوم
قاطعها فهد: يبه
عبدالله: نعم
فهد: والله لوجين مابتعقل يبه كل يوم تروح بيت ابو ماجد عيب وش يقولون عنا الناس
عبدالله: صدق لوجين
لوجين: لا يبه مو دايم بس اليوم وبدايه الاسبوع اللي طاف
عبدالله وش تسوون عندهم؟
هدى : الله يهداك ياابو فهد وش يسون يستانسون البنات مع بعضهم
لوجين: ماما بابا
هدى وعبدالله: نعم
لوجين : اروح ؟
عبدالله : ايه ولا تتأخرين
نطت لوجين وحبت ابوها على راسه ومدت لسانها على فهد: شكرا يااحلى اب
قام بيضربها فهد وركضت على فوق
هند صحت على رنه جوالها لأنها نست تحطه سايلنت قبل تنام وناظرت الجوال وكان نفس الرقم الغريب ردت: الو
….: هلا والله
هند: نعم
…..: السلام عليكم
هند: وعليكم السلام من بغيت
……: بغيتك
هند: نعم
…..: معاي هند صالح صح ولا انا غلطان
هند صحصحت زين من النوم: ايه من انت
……: موب لازم تعرفين من انا ويلا مع السلامه
هند: لحظه من انت؟
بس هند مالقت رد من المتصل لأنه قفل الجوال بوجهها وعيشها في حيره مالها اول ولا تالي
نور رجعت نزلت لأمها ولقتها منسدحه وغاطه على الكنبه راحت لها: ماما وتدق كتفها بطريقه خفيفه
حنان: نعم
نور: كيفك الحين خف راسك ولا ادق على الدحمي يوديك المستشفى
حنان: لا خف الحمدلله
نور: الحمدلله ,,, طيب ماما ابغى اروح عند..
وتقاطعها امها: لأ
نور: ليش ياماما وبعدين انا بعدي ماقلت وين ابي اروح
حنان: عارفه عند هند بس مافي روحه
نور: الله يخليكي ياماما وتبوس راس امها والله مااطول عندها
حنان: مافي يعني مافي خليها هي تجي عندك
نور وقربت تبكي وخطتهم بتروح فيها:ماما الله يخليك احنا مخططين على شي اليوم و….سكتت نور
حنان: و ايش؟
نور: ونبي نسوي حفله صغيره انا وهنوده ولولو الله يخليكي ياماما لا تخربينها متفقين من بدايه الاسبوع
سعود وسمع نص الحوار اللي دار وهو نازل من فوق : ومتى بترجعين ان شاءالله
خافت نور: والله مااطول
اعطوها الموافقه وارتاحت نور ,, طبعا البنات قابلو الشباب قبل بيوم على المسن وحددوا كل شي ,,كلمو البنات بعضهن وقرروا يلبسوا بنطلونات حمرا برمودا وتيشيرتات كت بيضا وجزم رياضيه احمر بأبيض وشنط بنفس اللون وعدسات عسلي ومحدده برمادي ومنكير احمر ,, نور ولوجين راحو لهند بعد العصر وبعد المغرب بيطلعون للأبو طربوش ,,, هند كانت تكلم اسلم السواق عشان يكون موجود بعد المغرب وبعد ماقفلت وقفها ماجد: وين بتروحون
هند ارتبكت: نتمشى شوي
ماجد: ايه عارف وين يعني
هند : ماندري لا ركبنا بنحدد
ماجد: انتي ومنو؟
هند: انا ونور ولوجين
ماجد انبسط: نور
هند: ايه ليش
ماجد: هي الحين عدنا ولا لأ
هند: ايه فوق بالغرفه .. ليش
ماجد: لا لا ولاشي بس سؤال
ماجد: امي وابوي يدرون انك طالعه
هند: ايه ,, هند ماقالت لهم لأنها دايم تطلع ومادروا عنها موب فاضين بمعنى ثاني
ماجد: لا تتأخرون
هند : طيب
اتصل بندر على عبدالرحمن وقاله اليوم موعدهم مع البنات واذا يحب يجي معاهم
عبدالرحمن: متى بتروحون
بندر: الحين تبغاني امرك
عبدالرحمن لا الحين مايمديني الحقكم بعد ساعه
بندر اوكي
وصل الفورد وكان الرنج واقف
بندر: هذول هم جو
خالد: وينهم؟
وليد: هذا الفورد وقف يلا خلونا ننزل وكانوا هالمره كاشخين بثياب وشمغ وارتزوا على الرصيف نزلوا البنات واتجهوا لعند الشباب بندر: اوووف يلعن ابو البنات اللي كذا
خالد: اثقل يارجال
وليد : يازينها الصغيره اللي معاهم ودي اشبكها بس شكلها عنيده
خالد: كلهن عنيدات لين الحين ماعرفنا اسم ولا وحده منهن
قطع حديثهم جيت البنات هند: مسا الخير
نور : مرحبا
لوجين : سلام عليكم
الشباب: ياهلا والله وعليكم السلام
وليد يطالع لوجين: كيفك ياحلوه
لوجين ارتبكت : الحمدلله
وليد : وانتو يابنات وش اخباركم
هند ونور: بخير
خالد: مطولين بالشارع
بندر: يالله مشينا وكل واحد يمسك بيد وحده عشان الأمن اللي عند البوابه
البنات فاهمين قصد بندر انه يبي يمسك أي وحده وعشان كذا صرخوا : لا يااااااااااشيخ
بندر ابتسم : وش فيكم بسم الله
نور: امشو وحنا وراكم
خالد: خلاص يابندر خلهم براحتهم
بندر: اوكي
وليد مشى وراه خالد وبندر والبنات وراهم , وصلو لعند البوابه الامن: عائله وحده
خالد: ايه
نط وليد: وسحب لوجين من يدها وناظر خالد لو سمحت يالاخو حنا مو معكم فتح زين
خالد اخفى ابتسامته : اسف ماانتبهت
الامن: صار خير تفضلو
لوجين تسحب يدها ووليد ماسكها بالقوه لين دخلو داخل ,, ويوم دخلو ترك يدها وراحت عند البنات بسرعه وهم يضحكون عليها
لوجين : وقح
سمعوها الشباب قال وليد : هلا وش قلتي
لوجين : ولا شي
وليد : احسبك تكلميني
هند ونور فاطسين من الضحك عليها ,, هالمره خربوها البنات وجلسوا مع الشباب على نفس الطاوله وكشفو وجيههن وكل واحد من الشباب فتح عينه على كبرها وطلبو شيش وعصيرات وحسبو حساب العشا بعد..
وليد :: ممكن ياانسات تعرفو بأنفسكن
نور تكلمت: انا نونو 20 سنه .. وهذي هنوده 23 سنه .. وهذي لولو 20 سنه
وانتو عرفونا بأنفسكم
وليد: انا وليد 24 سنه.. وهذا خالد 24 سنه بعد .. وهذا بندر 25 سنه .. وتشرفنا فيكن يالحلوات
دق جوال بندر بهاللحظه وقام بعيد يرد على عبدالرحمن : هلا دحيم
عبدالرحمن اعذرني مااقدر اجي
بندر: له يارجال
عبدالرحمن : اعذرني انشغلت شوي مره ثانيه ان شاءالله
بندر: ابد مايمديك
عبدالرحمن : لا والله مايمديني الجايات اكثر
بندر ان شاء الله ورجع للطاوله
خالد يهمس لبندر: من اللي دق عليك
بندر: عبدالرحمن
خالد: وينه
بندر: مهوب جاي
خالد: وشوله
بندر: يقول مشغول
خالد: ولا بعد مايفضى
بندر: يقول مايمديه وحتى لبيجي لازم يدق علي لأنه مايعرف وين حنا فيه
وفي نفس اللحظه في بيت ام ماجد رن التلفون رفعته الهنوف : الو
حنان: السلام عليكم .. كيفك هنوفه
الهنوف : وعليكم السلام خاله حنان
حنان: امك موجوده ولا طالعه
الهنوف: لا هني موجوده تبين اناديها لك
حنان : غريبه والله ,, أي والله ناديها
الهنوف: وش تقولين خاله
حنان: سلامتك ناديلي امك
راحت الهنوف تنادي امها من عن الردج: ماما
سعاد : نعم
الهنوف: خاله حنان تبيك على التلفون
امها وهي تنزل من الدرج : طيب هذاني جايه وتاخذ السماعه : هلا هلا والله ام عبدالعزيز
حنان: اهلين وينك يامرا اختفيتي لا حس ولا خبر
سعاد: تدرين ياام عبدالعزيز مشاغل والله مشاغل حقك علي ادري اني مقصره بس الله المستعان
حنان: أي والله الله لايشغلنا الا بطاعته ,, الا وينك غريبه بالبيت اليوم
سعاد : والله مالقيت طلعه اليوم اشغالي كلها قضيتها البارح
حنان: اجل تعالي عندي دام البنات عندك
طبعا سعاد شافت البنات جو عندهم بس من زود الحرص مادرت انهم طلعو بعد المغرب
سعاد: خلاص ان شاءالله بكلم هدى اذا تجي معي لمك
حنان : أي والله كلميها يمكن تجي وحياكم الله ولا اقول انا اتصل عليها
حنان اتصلت على هدى ومالقت احد يرد
في هذي الاثناء البنات والشباب في ابو طربوش سوالف وضحك ووناسه ويخرب جوهم شهقه قويه من نور ,, الكل سكت وهند ولوجين : وش فيكي؟
نور تأشر بأيدها : شوفو من هناك ؟
البنات والشباب يطالعوا كلهم لنفس المكان هند ولوجين شهقو شهقه مثل شهقة نور….
وش صار ؟ ومن اللي شافوه ؟ معقول يكون عبدالرحمن؟؟!!
انتهى الجزء الاول,,,,,,,,,,,,,
اذا لقيـــت تفاعــل راح اكمــل
وراح اخصص ايام انزل فيها البارت
ومتأكده القصه راح تعجبكم
.
يآهلآ فيك عزيزتي
موفقه بآذن آلله
منوره آلقسم ^،^
.
.
هـلآ وغـلآ
منوره القسم عزيزتي
نقل موفق ان شاء الله
هلآ وغلآ فيك
قوانين قسم الروايات / تحديث جديد 23 / 1 / 2024 ~ الإطلاع هام و الإلتزام ضروري ~
بالتوفيق يارب
،‘
.gif "Graaam (242)")
…………………
مدخل/
نعيش ولا ندري ..
ماضينا ذكرا
ومستقبلنا مجهول
………………
حنان: حي الله من جانا
سعاد : الله يحيك ,, وش اخبارك وحشتينا والله عساك بخير
حنان: الحمدلله بخير وانت والله واحشتنا اختفيتي .. هلا هلا هنوفه تفضلي وش فيكي مستحيه
الهنوف: لا عادي مو مستحيه
نزلت ضي من الدرج وراحت لعند الباب : السلام عليكم .. وتسلم على سعاد والهنوف ويدخلون للصاله
حنان: وشلون البنات والله شكلهم غاثينكم كل يوم جايين لكم
سعاد: عادي يابنت الحلال الله يحيهم وبعدين مافي احد بالبيت خلهن ياخذن راحتهن
حنان: ضي خذي الهنوف واطلعن فوق استانسوا مع بعضكن
طلعن البنات لفوق وضلو الحريم بالصاله يسولفون سعاد: وش اخبار ولدك عزيز ومرته وبنته
حنان: بخير والله الكل لاهي بهالدنيا ياساتر له اسبوعين ماجى وسلم الله يهديه
سعاد : الله يعين يابنت الحلال
البنات والشباب في ابوطربوش شهقت نور واتبعوها هند ولوجين بنفس الشهقه
نور: هذا عبدالعزيز ومرته
هند ولوجين : أي والله
نور عدلت غطاها وهند ولوجين بعد وقامت نور وقلبها بين رجولها خايفه ينتبه لها وراحت للحمامات ولحقوها البنات
بندر: منهو ذا بعد
وليد: يمكن اخوها
خالد : الظاهر اخوها
دخلو البنات الحمامات وهند دقت على اسلم يجيهم
اسلم: انا في اشا ( انا اتعشى)
هند: الحين تعال بسرعه وبعدين اتعشى
اسلم معصب: طيب ويقفل الخط لوجهها
عبير: عبدالعزيز جنان تبي الحمام
عبدالعزيز: هذاك هو روحي وديها
عبير : يلا دنونه تعالي نروح الحمام
راحت عبير وبنتها للحمام والبنات كانوا داخل نور كانت في اخر الحمام عند المرايا وتعدل غطاها ولوجين كانت عند باب الحمام ومتغطيه وهند تنتظر اسلم يدق عليها ,, لوجين كانت تناظر بره وشافت عبير وبنتها جايه للحمام وشهقت: نور ادخلي الحمام بسرعه مرت اخوكي جايه للحمام
نور: وش تقولين؟
هند تسحب نور : ادخلي الحين مو وقت اسألتك ,, ودخلتها وقفلت الباب وهند ولوجين ضلو متغطيات ودخلت عبير : السلام عليكم واخذت جنان الحمام
البنات بهمس: وعليكم السلام
خلصت جنان وطلعوا من الحمام ووقفوا عند المغاسل جنان: ماما
عبير: نعم ياماما يلا تعالي بابا برا
وطلعت عبير وراحت هند طلعت نور من الحمام وقلوبهم خلاص بتوقف وطلعوا من ابو طربوش كله وكان اسلم توه جاي ركبو البنات السياره وراحوا البيت وهم ساكتين وماصدقوا انهم طلعوا من هالمكان سالمين
وليد: يالله شباب مشينا طلعوا البنات
خالد: يلا
وطلعوا .. نور ترمي نفسها على سرير هند :اووووووووف الحمدلله ماشافنا
لوجين: أي والله كان صارت حرب اليوم
هند: قسم بالله اني انخرطت كله ولا لما دخلت عبير
نور: يوووه الحمدلله يارب الحمدلله
سرياتي تدق الباب: هند
فتحت هند الباب: نعم
سرياتي: مستر ماجد تحت يبغى انتا
هند: طيب… بنات الحين ارجع ماجد يبيني تحت
نورولوجين: اوكي
نزلت هند جري: نعم ياماجد
ماجد: متى رجعتوا؟
هند: لنا شوي
ماجد : تعشيتوا؟
هند مستغربه صاير محقق: لا ماتعشينا ليش؟
ماجد: تبون اجيب لكم عشى
هند وزادت دهشتها من متى يعني هالتعامل وبنفس الوقت نفسها مصدوده من اللي صار : لا مشكور
ماجد: طيب سألي البنات يمكن يبون
هند: طيب خلاص اقولك جيب لنا من هارديز
ماجد: طيب اوكي ,, مع السلامه
هند: باي ,,, وطلعت للبنات
لوجين: وش يبي
نور: لولو ليش انت ملقوفه
هند: لا عادي نور .. بس يبي يجيب لنا عشى من برا
لوجين: صدق والله الله يسعده ياشيخه
نور: أي والله اني جوووعااااانه موووت
هند: والله انا نفسي منسده بعد اللي صار
لوجين:ههههههههههه الحمدلله ربي عداها على خير
نور: أي والله بس خلاص الحين ارتحت وانتظر العشا
دق جوال هند وناظرت الجوال وخافت : يااااااربي وش اسوي مع هذا
نور: وش بلاك
هند قالت لهم الموضوع وحطت جوالها سايلنت علشان تتجاهل الاتصاللات ,, نور ولوجين متفاجئين,, نور: من تتوقعين
هند: ماادري مافي احد معين شاكه فيه
نور: اقول هنوده تعالي يوم الربوع الكليه عندنا طبق خيري
هند: ماادري اشوف
نور: تعالي ياشيخه ريم ومها مشتاقين لك حيل ودايم يسألون عنك
لوجين: حتى انا ابي اروح معكم
نور: تعالي والله نستانس هنك .. بس انتي عندك مدرسه
لوجين : عادي اغيب
……………………..
الهنوف وضي جالسين بغرفه ضي ويسولوفون عن المدرسه والمدرسات,, ضي: هنوف بقولك شي بس نوعديني مايطلع
الهنوف: وعد
ضي: امس بالمدرسه جاتني بنت وقالت كلام احسه موب زين
الهنوف:شلون يعني
ضي: تقول انا احبك وانت حلوه وش رايك تصيرين صاحبتي وكلام مثل كذا…. طبعاً ضي صح عمرها 15 سنه بس افكارها طفوليه وبريئه حيل
الهنوف: وش رديتي عليها
ضي: ماعرفت ارد
وصل سعود البيت ودخل بس ماكان في احد حنان وسعاد بالصاله الداخليه نادى سعود على حنان: ياام عبدالعزيز
طلعت له حنان: هلا والله رجعت
سعود: ايه .. الظاهر عندكم ضيوف
حنان: أي والله جيرانا بيت ام ماجد…. تعشيت ولا لأ
سعود: لا والله ماابي عشا بس زمان عن ابو ماجد وش اخبارهم
حنان: بخير طيبين … بغيت شي يالغالي المره لحالها داخل
سعود: سلامتك..وهو طالع على الدرج اقول حنان:
حنان: سم
سعود : سم الله عدوك وش رايك نعزمهم الاسبوع الجاي عندنا زمان ماجتمعنا
حنان: أي والله ياليت خلاص بقول لأم ماجد واشوف وش ترد علي وتراي بقول لأم فهد بعد
سعود: طيب براحتك قولي للي تبين يالله انا طالع ارتاح شوي … وهو طالع قابل البنات نازلين سلم على الهنوف: هلا والله الهنوف شلونك يابنتي
الهنوف منحرجه: بخير الحمدلله
سعود: شخبار ابوك واخوك
الهنوف: بخير عمي
سعود: الحمدلله سلمي على ابوك .. راح لغرفته ونزلن البنات للصاله التلفزيون
……………
ماجد يدق باب الغرفه على هند… هند: منو
ماجد: انا
طلعت له هند وفز قلب نور يوم تذكرت موقفها معاه : هلا ماجد
ماجد: جبت لكم العشا تحت بالمطبخ
هند: مشكوووووور … طيب سو لنا درب نبي ننزل تحت
ماجد: اوكي,,,, نزل ماجد وكل مناه يشوف نور بس موب عارف شلون
دق جوال هند بنفس الرقم وانتبهت له واخذته بسرعه ونزلت : ماجد ماجد
ماجد وهو نازل على الدرج: نعم
هند: شوف ذا الرقم مزعجني
ماجد بيرد الا قطع الاتصال…. وهو يسجله رد ودق مره ثانيه رد ماجد وسكت:…
…..: الووو
ماجد:……
……:الو ردي ياهند وينك
طالع ماجد في هند بنظره تخوف اربكتها
ماجد: نعم
…….: نعم الله عليك وسكر الخط بوجهه
ماجد: منو هذا؟
هند بلعت ريقها: والله ماادري كل يوم يدق
ماجد:وشلون عرف اسمك
هند: ماادري حتى المره اللي فاتت ولما سألته من انت قفل
ماجد اخذ الرقم: يصير خير ان شاءالله بعرف منهو قريب
هند وهي تمشي وراه لين الباب: شلون بتعرف
ماجد: بنشوف الجوال بأسم من ونعرف … يلا مع السلامه
ماجد طلع من البيت لأن نفسه انصدت عن شوفة نور بعد اللي صار ,,,, هند تنادي البنات من الدرج : نوووووووووور لووولوو تعالن ماجد طلع
نزلوا البنات وراحوا للمطبخ وجلسوا على طاوله الطعام يتعشون ,, هند: عطيت ماجد الرقم
لوجين: ليييييش الحين بيشك فيكي يالغبيه
نور: لا احسن دامها واثقه ماعليها
هند: احسن خليه يشوف من هالوقح
وبهالحظه يرن جوال لوجين ناظرت الجوال وقامت ترد بعيد عن البنات : هلا والله
وليد: اهليييين ياهلا بهالصوت
لوجين وانحرجت : تسلم
وليد: وش اللي صار معكم اليوم
لوجين: هذا اخو نونو اللي جى هو وزوجته وبنته ونور ماكانت تعرف انه بيجي عشان كذا خافت وخفنا كلنا انه يشوفنا ويعرفنا
وليد: اهاااا طيب نور يعرفها لأنها اخته وانتي وهند شلون بيعرفكم
لوجين : يعرفنا لأن حنا جيران من زماااااان ونعرف بعضنا زين
وليد: اها ايه ياحبي وينك الحين
لوجين : عند هنوده بالبيت نتعشى
وليد: وش تتعشون ؟
لوجين : هارديز
وليد : الله يم يم يام اسمعي قلبي
لوجين: هلا
وليد : كلي لقمه عني ولقمه عنك ولا اقول اللقمه اللي تاكلينها عطيني اياها
لوجين وخلاص وجهها صار طماطم: وووع شلون تاكل وراي
وليد: عادي ياقلبي عسل أي شي منك حلو
لوجين: هههههه شكرا
وليد: طيب اخليك الحين تكملين عشاكي اقد اكلمك بعدين ولا لأ
لوجين: اذا رحت البيت بدق عليك
وليد: اوكي يلا حبي مع السلامه
لوجين مع السلامه
وليد: بس كذا
لوجين : وشو اللي بس كذا
وليد : مافي شي حلو قبل اقفل حبيبي قلبي بوسه
لوجين خلااااص ماعرفت وش ترد عليه الا على دخلت نور عليها : يلا تعالي الاكل برد
لوجين ارتبكت: طيب وعد حبيبتي اكلمك بعدين
وليد: ههههههههههههههههههههههه حبيبتي حلوه منك طيب يلا باي
لوجين : باي,,,,,,, تكلم نور انت ليش مزعجه الحين انا قايمه من عندكم اكلم بعيد وشوله تلاحقين ,, نور طالعتها بتشميق: الشرهه علي اناديك وراحت للمطبخ ولوجين وراها وهي حاسه بتأنيب الضمير عشان نور
هند: منو كلمك
لوجين: وعد صديقتي بالمدرسه
هند: اها
………………..
منيره وعايشه يكلمون بعض بالتلفون ,, منيره: لكن والله لااجيب راسها واذلها زين
عايشه: وشوله يابنت الناس الادميه ماتعرضتلك ابد وبعدين وش اللي بينك وبينها علشان تأذينها
منيره: انا لما ابي الوحده اجيبها سواء رضت او ارفضت وهند هذي جايبتها جايبتها
عايشه : يامنوره ياقلبي اتركي البنت بحالها انت ماشفتيها غير مرتين وبالكليه بعد ماتقولين لي وش تبين فيها
منيره: عاجبتني وان ماجات بالطيب بتجي بالغصيب
………………………….
رجعت سعاد وبنتها البيت ودخلو على البنات بالمطبخ: السلام عليكم ورحمه الله
البنات: وعليكم السلام ورحمه الله
هند: هلا ماما جيتي وتطالع في الهنوف : وانت وين كنتي
الهنوف: مع ماما
هند: غريبه من متى
سعاد: راحت معي بيت ام عبدالعزيز
نور متفاجئه: بيتنا؟
سعاد : ايه وش فيكي ؟؟
نور: لا ولا شي بس غريبه زمان ماجيتو بيتنا
سعاد: لا والله امك كلمتني وقالت دام البنات عندكم تعالي انت عندي وتطالع في هند وترانا معزومين يوم الخميس عندهم وبنكلم امك يالوجين
لوجين تبتسم: الله وناسه
وطلعت الام لغرفتها والهنوف بعد لغرفتها ويدق جوال نور: هذا السواق
نور: الو
سفر: الو انا عند باب
نور: طيب طالعه وتقفل بوجهه ,,, هنوده عطيني عباتي
هند: اوكي وراحت تجيب عبات نور
نور قربت من لوجين: لولو من كنتي تكلمين قبيل
لوجين: وعد صديقتي
نور: اهاا احاول اصدق بس ماكأن وعد هذي جديده صح؟
لوجين تبلع ريقها: لا مو جديده بس توها اللي اخذه رقم جوالي ولجل كذا اتصلت علي …تقاطعها نور: ترانا نعرف بعض زين يالولو وتغمز لها
وسكتت نور لما شافت هند نازله وردت تكلمت: ها هنوده وش قلتي تجين الربوع للكليه
هند: ان شاءالله برد عليك
نور: اوكي مع السلامه صبايا وطلعت نور ونفس موقف الاسبوع اللي طاف تكرر طلع ماجد بوجه نور: اسف ماانتبهت
نور بصوت قريب للهمس: عادي حصل خير.. بغت تمشي بس حست بشي وقفها وناظرت ولقت ماجد ماسك ايدها حست بجسمها كله ارتعش وقالت بصوت خافت: لو سمحت ابي اطلع وسحبت ايدها من ايده وراحت بسرعه لسياره وقلبها يخفق بقوه وماجد دخل والفرحه مو سايعته وطلع لفوق وتتطلع هند بوجهه
ماجد: هاا راحو البنات <<< يستهبل
هند: راحت نور وباقي لولو تحت الحين بتروح
ماجد: توني داخل ماشفت احد
هند: تحت بالمطبخ وانا طلعت اجيب عباتها يلا تأخرت على البنت
ماجد: طيب خلاص روحي لها
نزلت هند وبيدها العباة ولوجين تنتظرها: خذي عباتك اوووف تعبت من الدرج طلعه ونزله
لوجين : احسن رياضه
هند: امحق رياضه
لوجين دق جوالها وكان السواق وعطته مشغول ولبست عباتها وطلعت عند الباب: يلا هنوده باي
هند تبوسها : باي وراحت…بهالحظه انطفى نور الصاله وبقى نور الدرج صرخت هند: من طفى النور
ماجد: انا طفيته خلاص مابتنامين
هند: بسم الله متى نزل هذا.. اللحين طالعه انام
هند راحت المطبخ تاخذ جوالها وهي طالعه شافت الدنيا ظلام بس نور الدرج وهي على الدرج شافت الدنيا مظلمه طلعت وهي خايفه وصلت لفوق والدنيا ظلام دامس ومافي الا نور خافت من جناح امها وسمعت صوت طق او مشي كأنه احد يطلع الدرج وشوي اختفى الصوت وصارت تتلفت بس ماشافت احد خافت من قلبها ومشت بسرعه وتعثرت بطرف المد اللي على الارض وطاحت على وجهها وقامت مسرعه وميته من الخوف تسمي وتمشي قريب من الجدر وصلت لباب الغرفه وقبل تنزل يد الباب سمعت احد يناديها بصوت ماميزته: هند
هند صرخت :واااااااااااااااااااااااااااااااااااا
ودخلت وقفلت الباب بالمفتاح وفتحت النور وصارت تتنفس بسرعه وهي واقفه ورا الباب وينقز قلبها يوم دق الباب
هند: منو؟
صالح : انا وش فيكي؟
فتحت الباب ورمت نفسها بحظن ابوها وبكت
صالح: وش بلاكي بسم الله
هند تبعد عن ابوها وتمسح دموعها: لا ولا شي بس كنت خايفه
صالح: من شنو خايفه؟
هند: لا ولا شي
صالح : طيب نامي لاتسهرين واجد
هند: طيب ….. قفلت الباب ورى ابوها وجلست على السرير اعوذ بالله من الشيطان الرجيم
لوجين وصلت البيت ودخلت وكان جو البيت هادي ماشافت احد بالصاله وطلعت للطابق الثاني وشافت امها طالعه من غرفتها : لولو
لوجين انربشت: هلا هلا ماما
هدى: متى جيتي
لوجين: توني واصله … ماما كلمتك خاله حنان
هدى: لا والله ليش
لوجين: خاله سعاد تقول انها عازمتهم وعازمتنا يوم الخميس عندها
هدى: ماادري بس شفت رقم حنان على الكاشف اليوم
لوجين: طيب انا داخله انام تبين شي
هدى: سلامتك
لوجين: وين بابا
هدى: وصل من ساعه تقريبا ودخل نام ليش تبين منه شي
لوجين: لا بس اسأل يلا تصبحين على خير
هدى: وانت من اهل الخير,,,,,,ودخلت لوجين غرفتها ورمت عباتها على السرير وفتحت الدولاب واخذت بجامه سماويه حرير ودخلت الحمام
…………………………………………. …
نور وهي مع السواق بداخلها احساسين متضاربين احساس خوفها من السواق وهي دايم تخاف منه واحساس فرحتها بلقاء ماجد وقالت بقلبها: لا مستحيل احبه كلمه احبك قلتها لشخص واحد وهالشخص خانني ولايمكن اقولها مره ثانيه لأي شخص وتقصد بهالشخص ماجد ,,, نور سبق وحبت شخص اسمه ياسر وخانها خيانه دمرتها والخيانه كانت مع لوجين اللي كانت مخططه هالموضوع علشان تكشف حقيقه ياسر لصديقه عمرها نور اللي حبته من قلب صادق وكان هالكلام قبل سنه الا كم شهر وبعدها نور اللغت كلمه احبك من قاموسها للأبد صحيح لها علاقه مع شخص يلقب نفسه ( آهات ) بس علاقتهم ماتتجاوز حدود الصداقه يمكن اهات هو الشخص الوحيد اللي قدر ينسي نور ياسر ,في بدايه علاقتهم نور خافت تحبه لكنها داست على قلبها ورفضت هالشي بقوه بالرغم من انه انسان رائع واتوقع علاقه نور واهات من اجمل علاقات الصداقه البريئه في عالمنا المتوحش ,,
وهي بالطريق وسرحانه حست ان الطريق طول للبيت وانتبهت الطريق اللي ماشينه مو طريق بيتهم
نور: سفر وين رايح
سفر:بيت
نور: الطريق غلط
سفر: لا سه هزا طريك (لا صح هذا الطريق)
نور: قلت الطريق غلط
التفت لها سفر وابتسم
نور: وقف بسرعه السياره
………………………………..
من جهه ثانيه كانت هند طالعه من الحمام بعد مااخذت شور ولبست بجامه برمودا لونها ابيض بأسود وكانت تمشط شعرها على التسريحه وينطق الباب عليها وخافت : بسم الله ..منو؟
ماجد: انا
هند: ادخل
ماجد دخل: وش تسوين هنوده
هند: مثل ماتشوف امشط شعري وش عندك صاحي؟
ماجد : لا ولا شي ………………… اقول هنوده
هند: نعم
ماجد: نور ولوجين كم اعمارهم
هند: ليش
ماجد: بس سؤال
هند: نونو 20 ولولو18
ماجد: صغيره والله لوجين
هند: ايه هذي دلوعتنا… الا ماقلتلي ماجد عرفت من له الرقم اللي يدق علي
ماجد: ايه عطيته خويي يقول انه بأسم واحد بنغالي
هند: طيب وش اسوي معاه
ماجد: لا تسوين شي ولا تردين على أي رقم غريب
عند: طيب
ماجد ماعرف وشلون يبدا مع هند كلامه عن نور وقرر يأجل الكلام لوقت ثاني : يلا انا بنام تصبحين على خير
هند: وانت من اهل الخير
وطلع وقفل الباب وشوي يندق الباب مره ثانيه :
هند: هذا شسالفته ..ادخل
الهنوف: هذي انا
هند: ليش مانمتي
الهنوف: ماجاني نوم … هند بقولك شي صار معي بالمدرسه
هند التفتت وهي مالها خلق سوالف مدرسه ومدرسات: وش صار
الهنوف قالت لها سالفه البنت اللي كلمتها بالمدرسه ….. هند بعد مااهتمت بالموضوع وتذكرت سالفه منيره:لا تعطينها وجه سامعه ,هذول البنات وسخات ولاتمشين معاها ابد فهمتي
الهنوف: طيب اذا جات كلمتني مره ثانيه وش اقولها
هند: قوليلها حنا صديقات بالمدرسه بس…. ويلا الحين تبين شي ثاني
قامت الهنوف: لا شكرا تصبحين على خير
هند: وانت من اهل الخير
طلعت الهنوف وقفلت الباب وراها وراحت هند وشغلت اللاب توب ودخلت النت ولقت لوجين اون لاين وسولفوا شوي وسألت عن نور لوجين: ماادري والله انا توني داخله
هند: غريبه مادخلت للحين
لوجين : اكيد بتدخل شوي
………………………………
في جهه ثانيه من المدينه المنوره عبدالرحمن مع اصدقائه بالإستراحه: هاا ياشباب كيف طلعتكم اليوم
وليد: خربت
عبدالرحمن: افاااا ليش؟
بندر: وحده منهم دخل ابوها مدري اخوها مدري منهو وقامت منخرعه وبعدها طلعوا
عبدالرحمن: وماشافها
خالد: لا ربك ستر عليها
عبدالرحمن: ليته شافها قليله الحيا
بندر: فاتك شكلها هههههههههههههههه شهقت وتغطت ونقزت للحمامات وصديقاتها وراها وطلعوا وحنا طلعنا وراهم
عبدالرحمن:اجل زين اني ماجيت
وليد: سألت لوجين وتقول انه اخوها الكبير
عبدالرحمن:والله لو انا لأقص رقبتها قص الله لايبلانا
خالد: الله يستر على اهالينا يارجال
بندر: دامنا نمشي بهالطريق بنضل طول عمرنا خايفين على اهلنا
عبدالرحمن: وش قصدك
بندر: قصدي مفهوم اللي يأذي بنات خلق الله بيلاقي اللي يأذي اهله
عبدالرحمن: هالكلام مايمشي علي البنت اللي تبي هالطريق بتوصله واللي ماتبيه مافي احد بيجبرها عليه لأن الصح صح والغلط غلط
خالد: صدقت والله
……….. ………………
بيت ابو عبدالعزيز حنان تناظر الساعه : تأخرت نور
سعود: امداها بالطريق الحين
حنان: خلني اروح اتصل عليها ….. اتصلت حنان بس مالقت رد وردت تتصل
……………..
هند: شكلها مابتدخل اليوم
لوجين : غريبه عاد نونو هي المسنتره دايم هني
هند: يمكن رقدت
لوجين: يمكن…. طيب هنوده انا طالعه تبين شي
هند: سلامتك
قفلت لوجين الجهاز وراحت لسريرها واخذت جوالها واتصلت على وليد… وليد شاف جواله يدق وقام من عند الشباب
عبدالرحمن: ارحمنا ياشيخ
خالد: من اللي يدق حبيبة القلب
وليد: يالله يالقافه
بندر: اقص يدي اذا ماكانت لوجين
وليد طلع من عندهم : هلا هلا والله بهالصوت
لوجين: هلابك,, كيفك
وليد: اكيد بخير دامني اسمع هالصوت
لوجين انحرجت: تسلم
وليد: كيفك حياتي؟
لوجين : بخير الحمدلله
وليد : الحمدلله ان شاءالله دوم بخير وينك الحين رجعتي البيت؟
لوجين: ايه رديت من زمان
وليد: اجل وينك ماتصلتي من اول
لوجين: وصلت وخذيت شور وقابلت هنوده على المسن وتوني طالعه وهذاني اتصلت
وليد: اهااا بس هنوده ولا في احد ثاني ؟
لوجين: لا والله هنوده بس
وليد: انا مابيك تسولفين مع شباب على النت تراي اغار عليك حيل فاهمتني ياقلبي
لوجين : والله
وليد: أي والله
………………….
تدق حنان على بنتها نور وخافت يوم لقت الجوال مسكر واتصلت على هند من التلفون الارضي
هند: هلا نونو
حنان: انا خالتك حنان شلونك هند
هند: اهلين خالتي بخير الله يسلمك شلونك انت
حنان: نور عندك ولا طلعت
هند متفاجئه: لا خالتي لها اكثر من ساعه ونص طالعه
حنان: وشلون اكثر من ساعه ونص وللحين ماصلت للبيت
هند: خالتي دقي على جوالها مو معقول كل هالتأخير
حنان خافت: دقيت ولقيته مسكر
هنوده بخوف : الحين بدق عليها مره ثاني لا تخافين انت ارتاحي ياخالتي
حنان: وشولون ارتاح يلا مع السلامه وقفلت الجوال
هنوده دقت على نور ولقت الجوال مسكر ,,, راحت حنان لسعود بالغرفه : اتصلت على هند تقول من ساعه ونص طالعه
سعود: وش تقولين ساعه ونص وللحين ماوصلت للبيت اتصلي عليها مره ثانيه
حنان : اتصلت ولقيته مسكر … ياربي يانور وينك فيه
قام سعود من السرير وهو خايف : الله يستر لايكون صاير فيهم شي خلني اطلع عند الباب انتظرهم وانت اتصلي على عبدالرحمن يمكن كلمها ولا كلمته
تدق حنان على عبدالرحمن والشبكه موب راضيه تمسك معها وجن جنونهم
……………….
في غرفه لوجين الباب مسكر ومنسدحه وتتكلم بصوت خافت وعلى نور الابجوره ,, جهه ثانيه من بيت بو فهد فهد بغرفته وطفشان وقال في نفسه اروح اسولف مع لوجين ازين لي ,,, لوجين كانت حاطه الجوال تحت المخده ولابسه السماعات وفزت على دقه الباب : منو؟
فهد: انا
لوجين ارتبكت : باي باي وليد وعدلت نفسها ورمت السماعات تحت اللحاف: ادخل
دخل فهد: مرحبا
لوجين وقلبها يرقع: اهلين
فهد : مانمتي لسه؟
لوجين: لا باقي منسدحه ومابعد جاني نوم وانت غريبه مو نايم
فهد: ماجاني نوم وجلست اقلب بالجوال شوي…. وين جوالك ؟
لوجين تبلع ريقها: ليش؟
فهد: عندي اشياء حلوه برسلها لك
لوجين: مقفل الحين خلها بكره … ضلو يسولفون شوي ولوجين تمثل انها نعسانه
فهد: يالله… انا بروح غرفتي بغيتي شي
لوجين: سلامتك .. تصبح على خير
فهد: وانت من اهل الخير
فهد قام وتوجه لباب الغرفه وهو يسحب يد الباب دق جوال لوجين,,,, التفت لها فهد بسرعه وناظرها بنظره غريبه …
انتهى الجزء الثــــــــاني…
وش صار مع نور؟ من اللي دق على لوجين؟ووش بيصير مع لوجين وفهد؟؟
بســـم الله
يعطيك العــآفية
موفقه بـ نقلك إن شـــآء الله
,’
………………
مدخل/
اذا اردت ان تعرف مقدارك عند الاخرين
فلتبتعد عنه فتره من الوقت
فإذا جن جنونه
فتأكد بأنك لست شخصا عادياً بالنسبه اليه
…………..
طالع فهد في لوجين وانقلب وجهها الوان وارتعش جسمها
فهد: جوال من هذا اللي جالس يدق
لوجين تنقز من السرير وتداري الموضوع: يووه شكله ماانقفل
وتبلع ريقها صاير يعلق ,, والجوال الى اللحين وهو يدق تحت المخده
فهد: طيب شوفي من اللي يدق
لوجين: ايه صح .. وسحبت الجوال وارتاحت هذي هنوده
لوجين:هلا هنوده
هند: اهلين لولو شلونك
لوجين: بخير الحمدلله
فهد يطالع لوجين ولازال واقف وقالها بصوت واطي: افتحي سبكر
فتحت لوجين وهند تقول: كلمتي نور
ردت وقفلت السبكر وطلع فهد من الغرفه : لا والله ليش
هند: اتصلت علي خاله حنان تقول نور لين الحين ماجات البيت
لوجين: معقوله؟؟
هند: أي والله وادق عليها جوالها مسكر
…….
نور: سفر قلت وقف السياره
سفر يطالع فيها ويبتسم : ليش انتا في خوف ( ليش خايفه)
نور تصارخ: وقف السياره احسن لك ياحقير
سفر كان ناوي يبعد بنور عن زحمه البلد ويشبع رغباته الشيطانيه منها وهو دايم يحس بخوفها منه وتجنبها له بهالحظه تتطلع نور جوالها تبي تدق على ابوها ولقته مقفل حاولت تفتحه لكن البطاريه فاضيه ,,,على صوت نور اكثر واكثر لكن سفر مااهتم لها وماشي في طريقه لكن ربنا كان مع تور وهو بطريقه كان في سياره شرطه واقفه والعسكر نازلين منها ..سفر ارتبك لما شاف الشرطه وحاول انه يلف الشارع الثاني لكن اللفه مقفله هدى السرعه وقال لنور: نور انا ابغى روح بيت انتا ليش خوف
نور:كذاب وقف بسرعه وهي تبكي
سفر: هنا في اسكري انتا كلاص اسكت اوكي
وقف سفر لما اشرله العسكري وفتح النافذه وشاف نور جالسه ورى : وين الاقامه
نور: الحق علي الله يخليك بيخطفني
سفر داس على البنزين ومشى باسرع ماعنده وصرخت نور والعسكري سجل لوحات السياره ومواصفاتها وبلغ النقطه اللي بعده
……
حنان تصيح وسعود واقف بالشارع ويجرب يدق على عياله عبدالعزيز نايم وجواله سايلنت ومايرد وعبدالرحمن الشبكه موب راضيه تمسك معه وهو على اعصابه اما ضي فهي نايمه من بدري وماتدري عن شي
هند ولوجين نفس الحاله يدقون على نور جوالها مسكر
……
عبدالرحمن: يالله شباب تامرون شي
خالد: وين بدري الليله جمعه
عبدالرحمن: خلاص تأخرت يالله مع السلامه
الشباب : مع السلامه
……
سيارت الشرطه قفلت الشارع اللي جاي منه سفر وسفر ماشي بأسرع شي ويوم شافهم دعس على الفرامل بقوه وصقعت نور بالمرتبه اللي قدامها وجات الشرطه ونزلته ونزلو نور
العسكري عادل: وش اسمك؟
سفر: سفر
عادل: وين اقامتك
اعطاهم سفر الاقامه ولبسوه الكلبشات وركبوه السياره ..نور كانت واقفه جنب السياره حقت الشرطه وميته صياح وترتعش هاليوم كان نحس من اوله
عاد: لوسمحت
نور لفت عليه : نعم
عادل: اسمك
نور: نور سعود
عادل: مااتصلتي على اهلك يجون لك
نور: جوالي مافيه بطاريه
عادل: عطيني الرقم
عطته نور الرقم واتصل على ابوها ورد سعود: نعم
عادل: السلام عليكم ورحمه الله
سعود: وعليكم السلام
عادل: معاي الاخ سعود؟؟
سعود ايه نعم من معي؟
عادل: معاك العسكري عادل
سعود وقلبه خلاص ماعاد يقدر يتحمل: خير ياعسكري
عادل": تقدر تجي تاخذ بنتك من مركز شرطه العوالي
سعور: خير وش صاير
عادل: خير ان شاءالله تعال وبتعرف اللي صار
قفل الجوال من العسكري ودخل يبدل ملابسه ومستعجل :دق علي عسكري يقول تعال استلم البنت من مركز الشرطه
حنان شهقت: ليش وش صاير
سعود: ماادري ماادري الله يستر بس
طلع بدل ملابسه ونزل وشغل سيارته مااشتغلت وضرب على الدركسون : مووقتك انت بعد وحاول وحاول الا هذا عبدالرحمن وقف ونزل مستغرب بأبوه هالحزه نايم
عبدالرحمن: خير يبه وين رايح
سعود: وبنك انت من الصبح ادق عليك
عبدالرحمن والخوف بدى على ملامحه: وش فيك يبه وش صاير
سعود: شغل سيارتك خلنا نروح مركز الشرطه
عبدالرحمن: وشوله عبدالعزيز صاير له شي
سعود: لاعبدالعزيز راقد بحظن مرته اختك نور بالمركز
عبدالرحمن وكأن احد كاب عليه مويه حاره:من؟
سعود يدفه لسياره: نووور بسرعه اركب وحرك لمركز العوالي
………………..
في مركز الشرطه الضابط اسامه: خلاص اهدي يانور واشربي المويه اكيد والدك بالطريق احنا كلمناه
انطق الباب ودخل العسكري: اهل البنت بره طال عمرك
الضابط: خليهم يتفضلوا
دخل سعود وراه عبدالرحمن: السلام عليكم ورحمه الله وشافوا نور جالسه على الكرسي تبكي
سعود: خير وش صاير
الضابط: الخير بوجهك تفضلو اجلسوا
عبدالرحمن النار شابه بصدره ويناظر اخته وده يعرف وش صاير ويرد يناظر الضابط: تكلم ياخي وش صاير
اسامه: لاتقلقوا مافي شي الحمدلله لحقنا عليها قبل يصير فيها شي اكبر
سعود: وش صار يانور
نور زاد بكاها والضابط تكلم: السواق حاول يخطف البنت ويعتدي عليها لكن الشباب ماقصرورا لما استنجدت فيهم نور وهو الحين بالتوقيف وبنتخذ معاه الاجراءات اللازمه وانتو تقدروا تاخذو البنت معاكم ,والحمدلله على سلامتها
نقز عبدالرحمن: وينه الحقير والله لأذبحه
سعود وقف ومسك ولده: اهدى ياعبدالرحمن الحمدلله ماصار شي وهذي البنت قدامك مافيها الا العافيه
الضابط: صلي على النبي ولاتتهور واحنا ان شاءالله بننهي اقامته ونسفره
سعود: يعطيك العافيه ياطويل العمر …يلاحنا نستأذن
الضابط: الله معاكم ولاعاد تتركوا حريمكم مع السواقين
سعود: ان شاءالله …مع السلامه
واخذ بنته وهو ماسكها من جهه وعبدالرحمن من الجهه الثانيه وطلعوا وكان على قرب الفجر .. وهم بالسياره يضرب عبدالرحمن على الدركسون : النذل الحقير
نور وصوتها يرجف: دايم اقول لكم اخاف منه ماتسمعوني والله ماعاد اركب مع سواقين
عبدالرحمن: يكون احسن تنطقين بالبيت
سعود: وش فيك انت اختك موب ناقصها
وصلوا البيت ودخلوا على حنان وهي كانت رايحه جايه بالصاله راحت ركض للباب وشافت نور معهم وسحبتها لصدرها وضمتها وصارت تبكي: وين كنتي وش صارلك
قالولها كل الموضوع ونور لازالت تبكي وتحس برعشه بكل جسمها طلعتها امها لغرفتها ولبستها بجامتها وسدحتها على سريرها وصارت تقرا عليها قرآن وتنفخ لأن حالتها النفسيه جدا سيئه
عبدالرحمن طالع من المطبخ بعد ماشرب مويه وطالع الا التلفون يدق : من بعد اللي يدق بهالوقت
عبدالرحمن: نعم
هند: الو السلام عليكم
عبدالرحمن: وعليكم ..من ؟
هند: انا هند صالح بغيت اسأل لقيتوا نور
عبدالرحمن: ايه لقيناها
هند: وين كانت؟
عبدالرحمن بتأفف: في سطح القمر
هند تفاجئت من الرد واستوعبت صوته مبين انه معصب بالحيل : طيب اذا ممكن تقولها تفتح جوالها
عبدالرحمن: ان شاءالله أي طلبات ثانيه
هند: لا شكرا واسفه على ازعاجك
ماسمعت رد من الطرف الثاني لأن الخط انقفل بوجهها ,,, اتصلت على لوجين تتطمنها لأنها مثلهم قلقانه
………..
عبدالرحمن يدق باب الغرفه ويدخل :نور
حنان : اشششششش وط صوتك ماصدقت غفت
فتحت نور عيونها بثقل وهي صايره حمرا من كثر البكى وصوتها مبحوح من الصراخ:نعم
عبدالرحمن جلس جنبها على السرير: شلونك الحين
نور: الحمدلله
عبدالرحمن: اتصلت هند وتقول افتحي جوالك تبي تطمن عليك
نور: جوالي مافيه بطاريه ماما عطيني جوالك
حنان: جوالي بالصاله تحت
عبدالرحمن ويطلع جواله من جيب الثوب : خذي كلميها من عندي
اخذت نور الجوال واتصلت على هند: الوو
هند: هلا والله وين كنتي وش صار
بهاللحظه يدخل سعود للغرفه ويسأل حنان: من نتكلم؟
حنان: هند
سعود: شلوننها الحين
حنان: ازين الحمدلله
نور تبكي: الله يلعنه
هند: الله لايوفقه عاد مالقا غير انت
نور: عشانه حقير وحيوان والله ماعاد اركب مع سواقين
هند تضحك: هههههههههههه المهم رجعتي بالسلامه بس وين جوالك؟
نور: جوالي مقفل مافيه بطاريه
هند: اوكي قلبي الحين بطمن لوجين حتى هي قلقانه
نور: الله لايحرمني منكم
هند: ياقلبي انت من لنا غير نونو
نور: ههههه احرجتيني
هند: ههههههههه يلا قلبي مع السلامه
نور: مع السلامه وتقفل الجوال وتعطيه عبدالرحمن: شكرا
عبدالرحمن: العفو….. يلا انا بنام تبون شي
نور وحنان: لا … وطلع من الغرفه
سعود: شلونك الحين
نور: الحمدلله احسن
سعود الحمدلله وطلع من الغرفه وقفل الباب وراه اما حنان نامت مع نور لأنها مارضت تنام لحالها
……………….
هند اتصلت على لوجين وعلمتها اللي صار
لوجين : الله يلعنه الحقير
هند: شفتي شلون ياحرام نونو من اول وهي تقول اخاف اركب معاه ونقولها بلا دلع
لوجين : ياحياتي عليها تخيلي بس لو خطفها جد
هند: ياويل قلبي انا اروح فيها مايصير عندنا نور ثانيه
لوجين : أي والله
هند: طيب ياقلبي يلا تبين شي
لوجين بهاللحظه توصلها رساله وتفتحها من لين ( لوجين ملقبه وليد بجوالها لين ) مكتوب فيها وش صار ياحلوه طمنيني اذا ماتقدرين تكلمين خلاص اشوفك بكره بالمدرسه وتصبحين على خير .. وليد يكتب على انه بنت عشان لو طاح الجوال بيد احد ماتصير مشكله
هند: هييي انت وينك
لوجين: هلا هلا هنو اوكي تصبحين على خير
هند: وانت من اهله باي
لوجين: باي وقفلت الجوال وردت على وليد برساله " ماصار شي بكره ان شاءالله بيننا الو "
ونامو البنات .. ثاني يوم نور طبعا ماراحت الكليه واخذت جوالها اللي كان على الشاحن وماتدري من اللي حطه يشحن بس اكيد امها وفتحته وجاتها رسايل كثير واغلبها خدمه موجود من امها وابوها وتلفون البيت وهند ولوجين ولقت بعد رساله من آهات ومبين انه مرسلها من امس بالليل وقت ماكان مقفل ومكتوب فيها" صباااحك ورد… كيفك نونو.. لك وحشه وربي وين الغيبه؟! .. حبيت اتطمن عليك… تشااااااو"
ابسمت نور من زمان عنه لها اكثر من اسبوعين ماكلمته وارسلت له رساله " مسائك سووووكر… كيفك انت والله مشتاقه لك …. انا صار لي شي مررره ختيييير ان شاءالله بأقرب فرصه اقولك عنه .. وسوري على التأخير ..تشااااو"
قامت ودخلت الحمام واخذت شور وتوضت وصلت الظهر ورجعت رمت نفسها على السرير ومرت في بالها كل اللي صارلها البارح وقالت بنفسها: يالله .. الحمدلله كيف لو خطفني كيف بيكون حالي اليوم ووش بيسوي فيني .. اشأله كثيره دارت في بالها ونبهها من جوها دقت الباب: منو
حنان تفتح الباب: انا… هاا كيفك اليوم
نور: تحب راس امها : الحمدلله زينه
حنان: يلا انزلي الغدا جاهز
نور: لا ماابي مالي نفس تغدوا انتو
حنان: ليش يمه حبيبتي يلا عشاني
نور: تكفين ماما مالي نفس لما اشتهي بنزل اكل
حنان وهي طاله : براحتك
نزلت حنان وسعود وضي وعبدالرحمن على السفره
سعود: وينها
حنان: ماتبي تقول ماهي مشتهيه
سعود: كلمني الضابط اليوم طلبني اوراق الكلب سفر
ضي انتبهت في شي صاير وماهي عارفه واليوم ماراحت المدرسه مع السواق : ليش وينه اسلم
عبدالرحمن: بالسجن
ضي بأستغراب : ليش
حنان: امس كان بيخطف نور بس مسكته الشرطه
ضي وفتحت عيونها على كبرها وشهقت : ليش يخطفها
عبدالرحمن: لأنه حيوان
قامت ضي من السفر بسرعه
سعود: وش فيكي
ضي : بروح اشوف نور
طلعت ضي على الدرج ركض وعلى غرفن نور على طول دقت الباب
نور: من؟
ضي انا
نور: تعالي
دخلت ضي : صدق سفر كان بيخطفك امس
نور: ايه توك تدرين بدري
ضي : محد قالي طيب سوالك شي
نور: لا الحمدلله
…………………..
لوجين هي بعد ماداومت لأنها ضلت صاحيه للفجر وماقامت الا الظهر صلت ونزلت تحت لقت امها طالعه من المطبخ
لوجين: السلام عليكم صباح الخير
هدى : وعليكم السلام … وين صباح الخير اللحين صباح؟؟ ليش مارحتي المدرسه اليوم ؟
لوجين : يووووه ياماما مادريتي وش صار امس لنور
هدى: وش صار يعني
وتقولها لوجين كل اللي صار البارحه
هدى: يالله الحمدلله على سلامتها اهم شي انها رجعت لهم يبيلي اكلم ام عبدالعزيز اليوم واسأل عن البنت …يلا قومي ماتبين تتغدين
لوجين : الا ابي بس وين بابا وفهد
هدى: ابوك موب راجع الحين يقول مشغول بالشركه وفهد اظنه معزوم مع اخوياه
……………..
هند مابعد صحت من النوم ويندق الباب عليها وتدخل هنوف: هند هند هند يلا قومي
هند: هممممم وش تبين
الهنوف: قومي ابوي قالي اصحيك
هند: ماابي اقوم واطلعي وسكري الباب
الهنوف: انا مالي دخل لو هاوشك ابوي
هند: اطلعي بره
طلعت الهنوف وقفلت الباب ورجع اندق مره ثانيه
هند: يوووه
دخل ماجد وسحب اللحاف من على هند: يلااااااااااا قومي
هند: هيييي انت وط صوتك
ماجد: يالله قومي من امس وانت نايمه يامعفنه
هند: ومن قالك من امس انا مانمت الا الفجر خلاص اطلع ابي انام
ماجد: مافي نوم والله لأجيب مويه اكبها على راسك هذا اللي مليان نوم
هند تقوم بتأفف وتتربع على السرير: ياربي
ماجد: وش مسهرك للفجر
هند تتطالهعه بقهر وتنزل من السرير وتروح للحمام
………………
نور مازلت بغرفتها ويدق جوالها لولو يتصل
نور: هلا لولو
لوجين : هلا هلا والله بقلبي الحمدلله على السلامه ياعمري الله يلعنه ولا يوفقه
نور: امين يارب
لوجين : وشولن النفسيه الحين
نور: لا الحمدلله احسن من امس بس لو اموت ماعاد اركب مع السواقين
لوجين : ههههههههههههه يحق لك الله لايسامحه على هالحركه
نور: أي والله
لوجين : عاجبك كذا بسبتك اخذت تهزيئه معتبره من ماما عشاني ماداومت
نور : هههههههههههههههههههه احسن تعيشي وتاكلي غيرها يادلوعه وبعدين اذا عشاني كل شي يهون
لوجين: لا والله ارحمينا يالواثقه يالله يالله انقلعي ماتنعطين وجه
نور ميته ضحك: طيب يلا مع السلامه
لوجين : مع السلامه وتقفل
…
هند طلعت من الحمام وصلت ونزلت والكل جالس على سفره الغدا: السلام عليكم
الكل: وعليكم السلام
راحت هند وجلست على الكنب
صالح: تعالي تغدي
هند: ماابي بالعافيه عليكم
سعاد: كان ماقمتي احسن مابقى شي على العصر
هند : نمت متأخر امس لا والله مو امس اليوم اقصد
ماجد: وليش
تناظره هند: عشان نور
كلهم التفتوا لها واولهم ماجد: ليش وش فيها؟
وقالت لهم هند كل السالفه
ماجد بقهر: ووينه هو الحين
هند: ماادري مابعد اخذت منها التفاصيل امس كلمتها وهي تعبانه
سعاد: والله ينخاف منهم هالاجانب مالهم امان الله يستر من اسلم
صالح : لا يابنت الحلال اسلم ترباتنا ومايسوي هالسواه
ماجد: والله كلهم انجاس يبه
الهنوف: لا اسلم طيب ويخاف علي بعد لما اروح المدرسه مايمشي قبل ادخل واذا طلعت لقيته اول واحد
هند: ترى انا ابي اروح لها اليوم اسلم عليها
سعاد: ايه اكيد لازم حتى انا بعد بروح معك
ماجد: ايه صح واجب لازم تروحون وانا اللي بوصلكم
صالح : من متى الفزعات خلاص خل اسلم يوديهم وانت تعال معاي العصر بدل الفضاوه اللي انت فيها
ماجد: لا يبه اوصلهم واجيك
سعاد : وانت بعد متى بتكمل دراستك بدل الهياته والسفر
ماجد: ان شاءالله على الترم الجديد بكمل
صالح : دامه على الترم الجديد يعني بتساعدني بشغلي سامع
ماجد: ان شاءالله انت تامر يبه
قامت هند : انا بقوم اتصل على نونو
………………
اتصلت نور هلى اهات وجلست تسمع نغمه الرنان اللي بجواله " مين الشاطر مين مين ؟ مين الشاطر مين مين ؟ اللي بيقرأ قرأنه ويصلي مع اقرانه ويعبد المولانا ويعطف على اخوانه .. مين الشاطر مين مين؟
اهات: الوو
نور: الله يخليك طلبتك داخله على الله ثم عليك تغير الرنان احس اني داقه على تلفزيون اطفال
اهات يضحك: انت الحين وش دخلك بالرنان حقتي عاجبني كيفي
نور : ههههه طيب غيرها ولك اللي تبي
اهات: ماابي منك شي وماني مغيرها كيفي مزاجي حر
نور: هههههه طيب طيب خلاص يمه اكلتنا بسم الله
يقاطعها اهات: صحيح .. وش الشي الخطير اللي تقزلين صارلك ؟
نور تتنهد بقوه ويقول اهات" يالطيف وش ورى هالتنهيده؟
نور: تخيل امس بغيت انخطف
اهات: تنخطبين؟
نور: انخطب بعينك انخطف انخطف انسرق
اهات يضحك: وشلون تنخطفين يالدبه
نور تقوله اللي صار,, اهات: شف الملعون زين الحمدلله على سلامتك
نور: الله يسلمك يارب
اهات: تدرين نونو
نور: وشو؟
اهات: ليته خطفك
نور: وجع ليش ان شاءالله ؟
اهات: هههههههههههههههههه كذا احس وناسه بيصير في خبر مهم بالجرايد اختطاف نور سعود والخاطف السائق تصدقين وناااااااااسه بتشدين الانظار وتصيرين مشهووره
نور: اقول اذلف انا اللي بروح فيها
اهات: عادي تروحين وترجعين مره ثانيه ههههههههههه
نور: لا ياشيخ … وتناظر هند جوالها هنوده يتصل
نور: اوكي يالدب يلا تبي شي
اهات: ايه ابي
نور: سم وش بغيت
اهات: اممممممم اصبري افكر واقولك
نور: طيب لا فكرت قولي الحين هند على الخط الثاني باي
اهات: هههه اوكي باي
نور: هلا هنوده
هنوده : من تكلمين بسرعه قولي
نور: بلا لقافه
هند: طيب مرحبا ياحلو ياللي تنخطف من جمالك
نور تضحك: احم احم لاداعي لاداعي
هند: لاتصدقين حالك عاد ..من تكلمين قبل شوي
نور: اهات
هند: حركات وش اخباره زمان عنه
نور: الحمدلله ماشي حاله
هند: اقول نونو طالعين اليوم فاضيين مشغوليين متغديين متعشيين
نور: هيييي بلا هبال وش فيكي
هند: هههههههههههههه توني شايفه شاعر المليون واقلدهم بالقافيه والوزن
نور: اقول اخلصي بلا خبال وش عندك
هند: طيب اسفه هههههههه بنجيكم اليوم
نور: اوكي الله يحيكم
هند : بعد المغرب زين
نور: ايه زين حياكم الله
تقفل نور من هند ونزلت تقول لأمها… هند تتصل على لوجين بتشوف اذا يروحون معهم وتصير زياره وحده : الوو
لوجين : هلا هنوده
هند: شلونك ياحماره
لوجين : ليش تسبين الحين الواحد يسلم اول
هند: انا حره عندك مانع
لوجين : ايه عندي روحي طلعي اللي براسك على احد ثاني
هند: ههههههههه من هالاحد الثاني
لوجين: مدري عنك .ز وش تبين
هند: وش عندكم اليوم طالعين رايحين راجعين اكلين متغدين متعشين فاطري..
لوجين: هييييييي سلمات شلمات وش السالفه ضاربه الفيوز اليوم ماعاد تجمعين
هند: ههههههههه الله واعلم
لوجين: اجل وش متغديه
هند: ماتغديت
لوجين: طيب وش مفطره
هند: ماافطرت
لوجين: اهاااا اذن الجوع اثر عليك يلا معذوره
هند: ههههههه لامو الجوع
لوجين : اجل
هند: اللي صار لنور هبلبي اجل لو يصير جد بروح على شهار على طول
لوجين : ههههههههههه واذا انا وش بيصير فيكي
هند: ولا شي بالعكس يزيد العقل زينه
لوجين : وجع
هند: ههههههههههههه اقول اليوم بنروح عند نونو بعد المغرب انا والماما وش رايكم تروحون معنا
لوجين : ماادري اقول لماما هي قالت بتكلم خاله حنان بس ماادري اذا يتروح خلاص اقولها واعطيك خبر
هند:اوكي يلا سلام
لوجين: مع السلامه … وتقفل من هند وتنزل لأمها وافقت هدى ولوجين ردت خبر لهند…
نور بالبيت هي وامها متجهزين ينتظرون الضيوف ضي قامت من الكنبه المفر وراحت جنب نور طالعتها نور: وش فيكي
ضي : ولا شي… وباين ان عندها شي بس نور طنشتها ورجعت تقلب بالتلفزيون وقامت حنان تشيك على المطبخ والتقديم … قربت ضي من نور وحبتها بقوه ورجعت على الكنبه المفرد ووجهها احمر التفتت نور مستغربه وابتسمت: وش فيكي؟
ضي: ولا شي بس الحمدلله انك رجعتي البيت
على نزله عبدالرحمن من الدرج :ليته سرقها وريحنا
نور: ليش ان شاءالله اذا انت ماتبيني غيرك ملايين يموتون على تراب رجولي
عبدالرحمن: هههههههههههههه ارحميني … وجلس : وين ابوي
نور: طلع قبل شوي
اذن المغرب وقالت نور: يالله يالله قوم ورنا عرض اكتافك بيجونا ضيوف
عبدالرحمن :هي احترمي نفسك ترى لسانك طولان
نور: طيب اسفين قوم اطلع بيجونا ضيوف
عبدالرحمن: من جايكم
نور: ان ماجد وام فهد
عبدالرحمن: اهااا اصلا انا طالع مواعد الشباب اليوم
نور: انت طول عمرك مواعد الشباب اصلاً
عبدالرحمن : ليه عندك مانع
نور: لا .. وقامت تصلي قبل يجون البنات
…………………..
سعاد وهند بالسياره وماجد بيوصلهم
ماجد: ماتبون تاخذون لهم شي معكم
سعاد: لا مايحتاج
ماجد: وشلون مايحتاج يمه لازم مايصير تدخلون لهم فاضيين
سعاد : والله ماحسبت حساب مامعي فلوس
ماجد: انا معاي بس وش تبون تاخذون لهم
هند في قمه دهشتها: انت وش سالفتك
ماجد: وش سالفتي يعني رايحين لهم عشان سلامه البنت لازم تاخذون شي معكم
هند: اهااا طيب ياراعي الواجب وتطالع بالمرايا … وش بتاخذين ماما
سعاد: أي شي صحن فطاير ولا حلاوه
هند: انا باخذ لها تشكيله طبعا على حسابك ياراعي الواجب اوكي
ماجد: اوكي
وقفوا عند بن داود ونزلو كلهم … في هالوقت طلعت لوجين وامها مع السواق رايحين لبيت ام عبدالعزيز على جية فهد .. تفتح امه الشباك حق السياره
فهد : وين رايحين
هدى: بيت ام عبدالعزيز
ناظر فهد في لوجين : لوجين تغطي زين
لوجين: متغطيه
فهد : خفيف
لوجين : طيب .. وثقلت غطاها .. وخر فهد عن السياره ومشوا
……………..
تطالع نور بالساعه وتكلم امها تأخروا صح؟
حنان: تلاقينهم بالطريق
يرن التلفون وقامت رفعته ضي: الو
عبدالزيز: السلام عليكم
ضي: وعليكم السلام
عبدالعزيز: شخبارك ضي
ضي: الحمدلله بخير
عبدالعزيز: وين وابوي موجودين
ضي : بابا طالع من زمان بس ماما عندي
عبدالعزيز: طيب عطيني امي
ضي: طيب ………… يمه تعالي كلمي هذا عبدالعزيز
حنان قامت واخذت السماعه : نعم
عبدالعزيز: السلام عليكم
حنان: وعليكم السلام ياهلا
عبدالعزيز : شخبارك يالغاليه ان شاءالله بخير
حنان: وينك يالقاطع توك تسأل
عبدالعزيز: والله وقتي ضيق دوامي فترتين ضغط هالايام بالحيل
حنان: الله يعينك ومرتك وينها ماتتصل ولا تسأل
عبدالعزيز: هذي هي تبي تسلم عليكي.. بس وش اخبار ابوي
حنان: ابوك كسر جوالك البارح وانت نايم بالعسل
عبدالعزيز: شفت اتصالاته قبل شوي قمت لأني كنت مواصل بس دقيت عليه مايرد وش كان يبي
حنان: وش كان يبي توك تسأل
عبدالعزيز: خلاص يمه حقكم علي
حنان تقوله اللي صار البارح مع نور
عبدالعزيز: كل ذا يصير وانا ماادري
حنان: اسأل نفسك
عبدالعزيز: خلاص انا بمركم اليوم خذي عبير تبيك
غبير: السلام عليكم
حنان: هلا يمه هلا وينك اعوذ بالله
عبير: حقك علي ياخالتي شخبارك انت
حنان: بخير الحمدلله … انت شلونك وشلون جنان
عبير: بخير والله الحمدلله
حنان: تعالي مع عبدالعزيز لا جى واحسبي حسابك ترا بيجوني الجيران
عبير: ان شاءالله من عيوني .. تامرين شي الحين
حنان: سلامتك .. مع السلامه
عبير : مع السلامه
تقفل الخط عبدالعزيز: والله اني مقصر بس وش اسوي
عبير: ماعليه ياقلبي الدنيا مشاغل وش اللي صار معهم
قالها عبدالعزيز السالفه وراحت تتجهز …
…………………
هند وماجد وسعاد مابعد طلعوا من بن داود ماجد وامه عند قسم الفطاير وهند راحت جهه الحلاوه والعصير تختار الاشياء اللي تحبها نور ….. دق جوالها وكان ماجد : الو
ماجد: وينك ماخلصتي
هند: الا خلاص انا رايحه للكاشير وينكم انتو؟
ماجد: حنا هناك
وقفلت منه وهي ماشيه الا تشوف خالد وبندر وحاولت تختفي عنهم عشان مايعرفونها وتصير مصيبه وصلت عند الكاشير وكانت امها واخوها واقفين ينتظرون السرى ..ماجد تذكر شي: دقايق لا تتحركوا بجيب غرض واجي
سعاد وهند: طيب
راح ماجد جاب له دخان ملبوروا احمر وهو راجع طلع بوجهه خالد وبندر…ماجد: هلااااا واللله
خالد: هذا انت هلا والله
بندر : هلااا
ويسلمو على بعض وهند تراقب الوضع من بعيد وقلبها بين رجولها
خالد: وينك يارجال
ماجد: والله الدنيا تلاهي ياابن الحلال
بندر: والله السفر اللي اكل راسك صاير ابن بطوطه على غفله
ماجد: هههههههه وش اسوي ياشيخ اغير جو
خالد: تكفى يالجو اللي تغيره تسافر من المدينه تروح جده من حر لرطوبه وقرف استغفر الله
ماجد: المهم سغر
بندر: عاد انت ماتعرفه ياخلود يحب السفر
ماجد: وانت صادق يابندر قلتها .. يالله شباب الاهل ينتظروني تامروني شي
الشباب : سلامتك
خالد: تعال الاستراحه يوم الخميش الشباب كلهم يجتمعون هناك
ماجد: اشوف ان شاءالله .. يلا مع السلامه
الشباب: هلا والله مع السلامه
هند من يوم شافت اللي صار خافت من قلب وصارت تداري نفسها بأمها وقلبها يرقع يعني الشباب اللي تعرفوا عليهم طلعوا اخويا ماجد يامصيبه … وصل لهم ماجد وحاسبوا وطلعوا ,,,هدى ولوجين وصلوا لبيت حنان واستقبلتهم نور: هلا والله تفضلو
هدى: يزيد فضلك الحمدلله على رجعتك سالمه
نور: الله يسلمك تفضلي .. هلا والله لولو
لوجين تضم نور بقوه: هلا فيك شلونك
نور: تمام الحمدلله ادخلي
دخلتهم للصاله للصالون وراحت تجيب العصير على دخلت حنان: السلام عليكم ياهلا والله ياهلا تو مانور البيت
قامت هدى ومعها لوجين : ياهلا فيك منور باهله
سلمت عليهم وجلست ونور طلعت تجيب العصير ,,, هدى سلمات على نور والله لوجين خوفتنا عليها
حنان الله يسلمك يارب الحمدلله ماصار شي كبير
هدى: والله ماعاد لهم امان هالاجانب
حنان: وانت صادقه والله ,, وش اخبارك لوجين
لوجين والله الحمدلله
حنان: كيف التوجيهي معك شاده حيلك
لوجين تبتسم: ماشي حالي الله يعديها على خير
دخلت نور وبيدها تبسي العصير وتوجهت لهدى: تفضلي
هدى اخذت فراوله فرش: تسلمين
نور الله يسلمك وراحت للوجين وثنت ظهرها : تفضلي لولو
لوجين : اممممم وش اطعم شي
نور: بالنسبه لي المانجو
لوجين : لا ثقيل
نور: طيب خذي فراوله
لوجين : لا مااشتهيه
نور: بسرعه ياحيوانه ظهري انكسر
لوجين : هههه طيب هذا وشو؟
نور: هذا جوافه وهذا ليمون وهذا كوكتيل بسرعه ولا اروح
لوجين اخذت كوكتيل: شكرا معليش تعبتك ههههههههه
نور: العفو ولا تنعاد
راحت لأمها وباشرتها وطلعت وهي طالعه رن الانتر كم بس مارفعته لأن التبسي بعد بيدها راحت للمطبخ بسرعه حطته ورجعت تشوف من عند الباب
نور: منو؟
هند: انا هند افتحي
فتحت نور الباب وانتظرتهم عنده ,, ماجد يناولهم الاغراض وقرب من هند: سلمي عليها
هند التفتت عليه : هلا
ماجد: قوليلها الحمدلله عدت سليمه
هند: وبصفتك مين
ماجد: يوووووووه خلاص لا تقولين شي استغفر الله حتى الواجب ماتعرفونه
هند وهي رايحه من عنده : غثيتنا بالواجب اللي تعرفه ودخلت وامها سابقتها.. عند الباب : ياهلا والله
سعاد: السلام عليكم
نور: وعليكم السلام ياهلا والله تفضلي
سعاد: زاد فضلك الحمدلله على سلامتك وتعطيها الصحن اللي جابته معها
نور: الله يسلمك ياخاله ليش الكلافه
سعاد: لاكلافه ولا شي الواجب… هند من ورى امها: هاااااااااااي نونو
نور ابتسمت: هلا والله هنو
هند تسلم عليها وتضمها بقوه : شلونك ياويل قلبي لو صارلك شي اروح فيها وتعطيعا كيس الحلاوه وتهمس لها : لزم الجلسه وتغمز
نور:ههههههههههههههههه احسكم مكبرين السالفه بالحيل هذا انا مافيني شي
تفضلي من هنا خاله سعاد تتقدمهم نور لين دخلو.. سعاد : السلام عليكم وراها هند
حنان قامت لها : وعليكم السلام ياهلا والله وتسلم عليها وهلى هند
وتروح تسلم على هدى : شلونك
هدى : بخير الله يسلمك شلونك انت
سعاد بخير يالغاليه
وسلمت على لوجين : كيف حالك
لوجين الحمدلله
هند تسلم على لوجين : ازيك ياقصيره
لوجين :انقلعي
هند: ههههه امزح
جلسن الحريم والبنات وقبل تروح نور تجيب الدفعه الثانيه من العصير قالت حنان: اجل يبيلنا كل يوم نقول نور انخطفت عشان نجتمع هالجمعات الحلوه
نور فتحت عيونها : ياسلام وانا اروح فيها
لوجين : ههههه خاله حنان قولي تنخطب احلى
هند: أي والله
نور انحرجت: لا والله انت وياها
الحريم : ههههههههههههههههههههه
يتبع..