إلى قلوبكم النقية أبث هذه التراتيل
واسمحولي على التقصير صحيح ماني بشاعر لكن يمكن شويعر
فضحني الشوق في هلَّ العباري=ألا يـا مقفـيٍ ردِّ اعتـبـاري
تفاخت زولكم عن نون عينـي=بلا ومضة أمل تحيي انتظـاري
علامـك مبعـدٍ عنِّـي علامـك=لتجريعي النـوى أو لاختبـاري
أهوجس فيك بأجـزاء الثوانـي=وأنا غادي ولا من رحت ساري
وأتمتم معْ غروب الشمس دايم=تباعد هاجري كم عن ديـاري؟
فمن قال بغيابـك عـن فـؤادي=فهو كاذب ولك بالـدَّم طـاري
أخالط أهلـي وربعـي ولكـن=تشتِّ أفكاري وصوبك مـزاري
يموج الليـل ببحـور الظلايـم=ومركب نجدتي ما به صـواري
وكوكب دنيتي مـا فيـه قمـرا=بَعَد ما كانت تضـوِّي مـداري
أناجي في الهوى طيفٍ سرى بك=وأسوق إلْه البشاره باحتضاري
وقولة فيصل يعيـش بسعـاده=كلامٍ من لبوس الصدق عـاري
إذا سـرِّك عذابـي وانتحابـي=فأنا مسرور ما أسمع قول زاري
ولاني جازعٍ من مـوت قفـرك=ولو جنَّـات غيـرك باقتـداري[/poem]
إذا سـرِّك عذابـي وانتحابـي=فأنا مسرور ما أسمع قول زاري
ولاني جازعٍ من مـوت قفـرك=ولو جنَّـات غيـرك باقتـداري
أخي..
صح الله لسانك قصيدة رائعة
ولاتنبع مثل هذه الأبيات الا من شاعر متمكن
ابدعت فيما كتبت
تحياتي لكـــ
ـــaNـــsـــســsـــHaـــ
قصيده جميله جدا قرأتها سابقا
شكرا لك ع النقل .،
راجع قوانين القسم:
http://www.graaam.com/vb/57613.html
ننتظر جديدك .،