شلونكم ؟ , ان شاء الله تمام ؟ , طبعاً هذا اول موضوع لي بهالقسم , اقولكم قصتي من اول
الله يسلمكم , في مرة سوت يدتي " الله يخليها لنا " عزيمة ببيتها , المهم طبعاً احنا حضرنا العزيمة , حطوا الغدا , آنا تغديت شوية مو وايد , بعدين وانا رايحة الحمام " تكرمون " اغسل ايدي شفت مثل حلو , قلت بس اطلع من الحمام " تكرمون " اذوقه , وفعلاً ذقته , كان طعمه اففف نار عجيييب , وانا قلت اكيد طالبينه من مرة , المهم ولا اشوف كاتبين رقم والتواصل بالواتساب وحساب بالانستقرام , آنا اهني قلت مالي الا تلفوني اصور الرقم , وشوي شوي صورت الرقم , مرت ايام وايام بعدين طلبت منها وآنا مااعرف شنو الانواع بس قلت مارشميلو , وصل الطلب شوي ماعجبني المارشميلو , بعد مرور شهرين تقريباً , قالوا لي بنات خالتي بنسوي حفلة قبل الامتحانات , قتلهم اوك , طلبت من المرة بالمالتيزر , وكل بنات خالتي انهبلوا عليه , وقعدنا نقول ماشاء الله عليها وماشاء الله عليها , وقعدنا نفكر شلون المرة سوت الحلو , وانا طبعاً حطيت الفكرة ببالي , دخلت العم قوقل وقعدت ادور وادور , طلعلي حلو اسمه " الطريق الصخري " شفت الصورة نفسه بس مو اهو ولد عمه يعني الشكل شوية غير , دورت بعد ولا القى طريقة نفسه بالضبط وطرت من الفرحة وقلت لازم اعطي الوصفة حق حبايبي
المقادير
٢٠٠ غرام كاكاو آرو
٢٠٠ غرام كاكاو جلكسي
(١٠٠ جم زبده (قالب واحد
١٠٠ جم مارشملو. (كوب) يتم وضعه بالفريزر قبل الاستعمال عشان مايذوب
(١٠٠ جم بسكوت دايجستف مكسر( كوب
(٣ ملاعق عسل او زبده فول سوداني او شراب القيقب ( اختياري
انا شخصيا استخدمت العسل بالحلو
( ملاحظه: ممكن اضافه كاكاو المالتيزر بالوصفه مع البسكوت او المكسرات او الكورن فليكس او اي شي ثاني تحبونه )
وتقدرون تخلطون اي نوعين كاكاو عندكم كل واحد وذوقه
الطريقة
يذوب الكاكاو بحمام مائي مع الزبده بعدين العسل ونتركه يبرد شوي
نحط فوقه البسكويت و المارشملو
بعدين نخلطههم و نرصهم بصينيه مستطيله او مربعه و نتركها بالثلاجه ساعتين و بعدين نقطعها
مع مراعاه وضع ورق الزبده بالصينية عشان يسهل نقله و تقطيعه
والنتيجه حدها عجييبه
وايد ترف ولذيذ وسهل
*
انا مااحب المارشميلو فاحط مالتيزر
همسة : ( طبعاً المرة الي تبيع الحلو انا مالي شغل فيها , يعني ماابي اخسرها ولا هم يحزنون , انا بس دورت الطريقة ولقيتها والوصفة مالت طباخة اجنبية , وبسسس )
الرئعه واللذيذه
من إيد من نعدمها
في انتظار جديدك
دمت بصحه وعافيه
تسلم الأيادي على الوصفه ماقصرتي
يعطيك الف الف الف عافيه
تقبل مروووووووووري
يعطيكِ العافيه يَ سكرر
نورتِ
تحيتي
,’
طرح رآآآئع
آنـآر الله قلبك بآلآيمـآن
وطـآع’ـة الرحمن
سلمت ع الطرح
يعطيك آلف ع’ـآفية .. |
(.gif "New Graaam (96)")
)
شكلها روعة بس كان جربتي الطريقة نشوف هل نفسه ولا لا ..
على كل تنزيلك للطريقة ما أعتقد له علاقة بربحها وخسراتها ..
يعيك العافية