اشعل اعواد ثقاب العزيمة لامل شارف على الانتهاء فيطفئ الثقاب
واشعل واحرق يدي بنار الصعاب ويبقى الصراع بين ثقاب الامل
ودنيا الطماع فمن سيفوز في نهاية المطاف ؟ انا او اعواد ثقابي ؟
ام دنيا تدنسها الاطماع ؟
اضـــع بين يديكم اولى كتاباتي
ش ــــمعـــة ش ـــــــوق
الفصل الاول
تركض في ارجاء الدور الثاني للقصر وهي تضحك وماري تركض وراها ونفسها انقطع من كثر الركض
وراها بس اهي ولا همها وصلت للدرج اصعد فوق سوره بخفة
وتزحلقت وماري تصرخ بخوف ماما انت في يطيح وهي تضحك اكثر
وصلت لنهاية سور الدرج وقفزت لين وصلو رجلها على الارض حط ادينها على فمها كانه
مكرفون وصرخت علشان ماري تسمعها : ماري فيك خير صديني باااااااي
ماري : لا ماما ماما عود في يعصب على انا
بيان وهي تضحك وتتنفس بنفس الوقت من الركض : صديني قبل ولا قولي لها اني
ماني لابسة اللي جابته وطلعت من القصر متجهة للحديقة
ماري خافت انها تهرب وقامت تركض على الدرج وانفلتت رجلها وطاحت من الدرج وهي تصرخ من الم
بيان سمعت صوتها ورجعت اول ماشافتها طايحة في نهاية الدرج فطست ضحك عليهااا بس يوم شافت تتالم اتجهت لها بخوف
بيان : ماري صار لك شيء
ماري بدموعها وهي شادة بيدها على رجلها : ماما انا في رجل يتعور
نزلت بمستواها ومسحت على رجلها : بسم الله عليك ونادت قمر قمر تعالي
جات قمر وهي تهز راسها : نعم ماما
بيان وقفت : ودي ماري لغرفتها ولفي رجلها انا طالعة
قمر : حاضر ماما
بيان تتافف : اسمي بيان كم مرة اقول
قمر : حاضر ماما
بيان اشوي وتذبحها :بيان بيان يا غبية ناظرت ساعتها وصرخت : تاخرت على
المباراة بسبتكم الحين بتذبحني زاهروه لفت غطايتها بحركة سريعة وطلعت
*****************************************
نزل من سيارته بي ام دبليو رفع نظارته وهو يناظر القصر الكبير دخلت من البوابة وماانتبهت باللي صدمته من سرعتها : وجع
: يوجعك يا العمي
رفع نظره شاف بيان واقفة ومتخصرة قدامه : شاليوم الشين اللي اصبح بوجهك
بيان : يحصل لك اصلا
ياسر يبي يقهرها : يحصل لي احلى واحلى واحلى بعد
بيان : تدري اكبر غلط سوته امي شنو
ياسر يجاريها : شنو
بيان : انها رضعتك وصرت اخونا ودزته بقوة : انقلع اخرتني عن مباراتنا
ياسر يناظرها وهي طالعة : عمري ماشفت ادفش من هالبنت
ادخل اسلم على امي واطلع مع الربع ابرك لي دخل الصالة الضخمة وهو ينادي يمااا يما شريفة وينك
جات له قمر : بابا خمسةدقيقة وتجي ماما عود انت في يجلس هنا
جلس وهو يتحلطم : انتي قمر انتي انتي وين والقمر وين قولي كسوف قولي قنبلة يمكن يمكن مو اكيد نمشيها
قمر ابتسمت بهدوء ماتقدر ترد عليه كان يذبحها رجعت المطبخ تكمل شغلها
سمع صوت رنه جوال التفت شاف جوال اخته وجدان : غريبة هذا شسوي في الصالة وابتسم بخبث وراح جهته شاف مكتوب عليه
تؤام روحي رفعة وسمع صوتها : هلا وغلا بروحي اشتقت لك
ابتسم : وانا اكثر ياحياتي
هدوء عم المكان لثواني : منو معاي
ياسر: حياتك
شهد : سخيف
ياسر : مقبولة منك
شهد عصبت وتفلت عليه
ياسر : قد هالحركة
شهد : قدها ونص
ياسر : هين ان ماخليتك تندمين على حركتك مااكون ياسر وسكر السماعة في وجهها
وصرخ : وجدان وجدان وصمخ ان شاء الله
شافها مايلة جسمها على سور الدرج : نعم
ياسر : انزلي ابغاك تحت
نزلت بهدوء عكس اختها بيان : خير صاير شيء
حاول يكون طبيعي : مافي سلام
ضربت راسها بيدها : اي صح وبسرعة شخبارك شلونك وشخبار بنات خالي
ياسر : انا بخير وبنات خالك وهو يغمز واخوهم يسلمون عليك
تجاهلت كلامه : شنو بغيت مني توك
ياسر وهو يمد جوالها : جوالك رن وانتي فوق
سحبته بسرعة : غريبة مافي ارقام في مكالمات لم يرد عليها
ياسر : لاني رديت عليها
وجدان فتحت عيونها بصدمة : شنو انت شسويت
ياسر جلس عالكنبة : اللي سمعتيه
وجدان شافت رقم شهد: يسور كم مرة اقولك لا تحرجني بحركاتك الماصخة مع ربعي
ياسر يحرقها ببرودة : وانا كم مرة اقولك لا تحطين جوال فيه ارقام بنات قدامي
وجدان واعصابها ولعت دقت على صديقتها وروحها ولا ردت : شفت سخافتك البنت مو راضية ترفع
ياسر لقاها فرصة : اي بنت
وجدان : لا تفكرني غبية وفاهمة حركاتك ورجعت ودقت وفتح الخط فقالت بسرعة : هلا والله هلا شهد هلا عمري
ياسر ابتسم في وجهه اخته وقال بهمس : شهد ها
وجدان توترت ترفع اخوها وولد خالها وافكاره : اوكي اكلمك بعد خمس دقايق على مااصعد جناحي
ياسر جلس يفكر وانتبه بدليل الهاتف في الصالة راح يمه ومسك القلم وكتب في الدفتر وقطع الورقة
رفع راسة شاف وجدان صعدت الدرج ك: وجدان وجدان
وقفت في منتصف الدرج : نعم في شيء يسود الوجهه بعد
ضحك وهو يصعد الدرج : في اشياء بعد وسحب يدها وحط الورقة فيها
:سلميها لشهد وياويلك تفتحينها او تفتحها قدامك
وجدان : هذا اللي ناقص بلاويك خلها بعيدة عن صديقتي
رد بحدة : توصل لها فاهمة ولا قسم بالله وهذاني حلفت اني
ردت بسرعة : لا لا تكفى ياسر الا هالشيء
ابتسم : اعرفها اختي تسمع الكلام
سمع صوت امهم : ياسر هنا تو مانور البيت
لف لجهتها : هلا بالغلا كله ونزل يبوس راسها
اما اهي ضلت واقفة وهي تقول بداخلها الله يستر منك يا ياسر
*************************************************
كان جالس على الكنبة قدام التلفزيون وهو في وادي ثاني وعالم ثاني
صحاه من عالمة رجفة في الباب انتقز من مكانة : وكسر في رجلك يا الرجه
: وانت كسر في يدك ورجلك وراسك وكل بدنك
رائد : وجع ماحد يغلبك في السب
بيان وهي تتخصر : عدال عليك المهم وين مراموه
رائد : اسمها مرام على مااضن
بيان : احلف وصرخت باعلى صوتها : مراااااااااااااااااااااااااااااااااااااااااااااااا م
رائد سد اذانه : عفيه عليها حلج
بيان : بسم الله على حلقي وبعدين ماحد يغني بعرسك غيري
رائد : عسى المعازيم كلهم يصيرون صمخان راضي بس توافق
بيان : ينقال عنك رومانسي مع ذا الوجهه ورجعت تصارخ : مراااااااام
مرام : شبيك لبيك مرام بين ايديك
بيان : واحد كوكتيل لو سمحتي او ما سمحتي
مرام : تخسين
بيان : جيبي كورتك وانا استناك في الحديقة
رائد يتمصخر : كملو جاو العربجيين
بيان ترد عليه : احسن من اللي ميت على وحدة وهي ما تحب تشوف رقعة وجهه
رائد عصب : تخسين الا انتي وطلع لداره
مرام قربت من بيان وهمست : انتي هبلة لا تجبين طاريها قدامه
بيان ناظرت في مرام فترة وردت بهدوء : كيفي ويلا جيبي الكورة وخل نلحق على زهور
************************************************
واقفة قدام رفيقة عمرها مرايتها وجالسة ترتب شعرها الغجري الطويل بيد وتكلم الجوال بيد ثانية :
سوري مراح اسلم الصور لين اروح معاك
: مااقدر والله مقدر
غزل : تقدرين ونص وبلا حركات نصف كم ترى انا كاشفتك
:ابي افهم ليه تكرهيني
غزل : المحبة من الله شقلتي
: خلاص خلاص انا موافقة
غزل بغنج : تو ك ماتقدرين وضحكت يوم ماسمعت رد : متة اللقاء
: بعد يومين علشان اضبط الموضوع مع اهلي
غزل وهي تحرك شعرها : بعد يومين وسكرت الخط
: قسم بالله سخيفة
*************************************
انتهى الجزء الاول من حياة ابطالنا
شراح يصير بين ياسر وشهد وشنو سالفة الورقة ؟
وبيان وهبالها لوين بيوديها ؟
شنو قصة رائد ومين اللي يحبها ؟
غزل وصور ولقاء شنو تقصد وشراح يصير ؟
وشخصيات واحداث جديدة تنتظر متابعتكم لها
ـهلآ وسهلآ نورتي
بدآية حلوووة
<~ يآثقل دم يآسر :p
بآلتووفيق آن شآء الله
|
|
دنيا غريبة للأسف الدمع فيها ما يجف .. دنيا غريبة للأسف الخيانة
فيها بالحيل .. دنيا تمشي عكس الي تبيه .. دنيا تعطيك الوجه الاغبر
في حالة احتياج .. دنيا فيها الي تحبه يخونك و الي تخونه يحبك بالحيل
دنيا تقرب من البعيد يبعد مسافات و يروح
دنيا تبعد من القريب يصبح لك مثل ظلك
دنيا تطلب منها تلمك و تعطيك الحنان و الشوق تعطيك و بكل حب
النيران و الشوك .. تطلب منها لحظة راحة تعطيك سيول من التعب ..
دنيا غريبة للأسف …!!
وجدان : والله العظيم مادري عنه اكذب عليك
شهد اشوي وتصيح: لا ماتكذبين بس وين احنى اللي ماخذ راحته
وجدان : هذا ولد خالي اللي قلت لك عنه
شهد بحمق : والكوبة
وجدان بتردد :شهد بقول لك شيء
شهد بخوف : شنو
وجدان : ياسر عطاني شيء اوصله لك
شهد باستخفاف : من صجك جودي خليه يولي
وجدان : انتي مو فاهمة شيء
شهد والخوف غطى قلبها :شنو تقصدين
وجدان : ياسر……..
************************************
في بيت فقير في حييرثي نفسه من الفقر الناس فيه قلوبهم على بعض
متربعة على الارض وهي تحاول تركز في رسمتها بس خوفها على اختها شاغل عقلها
(غريبة سوسو للحين ماطلعت من الغرفة مو من عوايدها ):افففف انا اقوم لها احسن
طقت الباب الخشبي الي صار لوحة من التسحك وعاف عليه الدهر ودخلت :سوسو شقاعدة تسوين بروحك … شهقت وهي تشوفها رامية نفسها على السرير القديم وتشهق من البكي
اتجهت لها بخوف : سوسو اشفيك .. وجلست على السرسر تهزها : سوسو تكفين ردي علي
رفعت راسها ووجها صار احمر من البكي ورمت نفسها على ريناد
ريناد ضمتها اكثر : سندس اشفيك وقفتي قلبي
سندس وهي بين دموعها وتشهق : ابوي ابوي
ريناد من سمعت طاريه وقف قلبها : عمي شيبغى
سندس بنفس مقطوع من البكي : بكرة بياخذني اعيش معاه
ريناد وقفت : شنو انتي من صجك تتكلمين
سندس : ايه بيجي ياخذني انا ماابي اعيش معاه ماابي
ريناد تحاول تهديها : مافي احد في الدنيا ياخذك منا انتي اختي ولا نسيتي
سندس رفعت راسها وهي واثقة من بنت عمها واختها اللي عاشت معها
ريناد : مسحي دموعك وانتي معاي
سندس مسحت دموعها بحركة طفولية ورمت نفسها على اختها : احبك احبك
ريناد وهي تضحك : وانا اكثر ( الله يعيني عليك ياعمي)
كانت ام ريناد ورى الباب وسمعت اللي دار بينهم ( الله لا يحرمني منكم ويرد لي الغايب عن عيني )
**********************************
في جناحها الضخم وبالتحديد في غرفتها بديكورها الرائع المدموج بالوانه الوردي والبرتقالي والاصفر وقدام مرايتهاباطاره الاورنج تلبس عبايتها على الكتف
وترتب من شكلها سمعت دق الباب ردت بصوتها الساحر : منو
الخدامة : ماما في فريند مال انت تحت
ردت : اوكي اوكي انا نازلة ومسكت عطر ((سكادا)) الوردي
رشت على نفسها وطلعت من جناحها
نزلت للدور الارضي شافتها جالسة وواضح عليها الارتباك ( الجاي اعظم ) وراحت لها وهي تمشي بدلعها
المعروف اول ماطاحت عين جواهر على غزل وقفت, ناظرتها غزل باحتقار ( غصب على اشكالك توقفين لي )
ومدت اطراف اصابيعها الطويلة تسلم وسحبتها بخفة وجلست وهي تحط رجل على رجل : تفضلي
جلست جواهر وهي تقول: دام فضلك
غزل : شنو حابة تشربين
جواهر وهي تهز رجولها بارتباك ودق جوالها فزت من الخوف وجلست تناظر بشاشة الجوال وتناظر بغزل
ابتسمت غزل بمكر : ردي اشفيك يمكن يبونك ضروري
جواهر ارتبكت : ها
توسعت ابتسامتها ومسكت جوالها Nokia 7900 ودقت : الو السيارة جاهزة ?
وسكرت الخط ووقفت : مشينا
جواهر اشوي وتذبحها كل يوم يزيد كرها لهالبنت المتكبرة وردت من بين اسنانها :اوكي
تقدمتها غزل وهي تقول : يلا وراي
جواهر ( الايام بينا يا زفت )
*****************************************
دخلو القصر والتعب واصل حده منهم بلبسهم الرياضي وحقايبهم السبورت
بيان : المباراة كانت قوية
مرام : اي والله بس فزنا بعد تعب
بيان : صادقة ورفعت راسها وشافت رائد جنب التلفزيون : رئود انت متاكد ان اللي ميت في هواها مو التلفزيون
مرام : هههههههههههههه
رائد لف عليها : اتوقع ان هالشيء مو اختصاصك
بيان باستخفاف : اي صح اسفة على التدخل دكتورنا
مرام تهمس في اذنها : بسك اتركيه
بيان ولا همها :يوه نسيت انك تكره هالكلمة يادكتور
رائد يقلدها : يو نسيت وقال بجدية : انتي ماعندك بيت
بيان : والله بيت خالي مثل بيت ابوي وبيت ابوي كانه بيتي
رائد :بيجي يوم بدخل مستشفى المجانين منك
بيان : والله متى ؟
رائد وكانه تذكر: اقول بيون بنت خالي
بيان بسرعة : اهي بخير
رائد : دوم يارب
بيان وهي تتجه للباب : باي
رائد : فرقاك عيد
مرام : بيون وين رايحة انتي قلتي بتنامين عندي
بيان : عندي بيت باااااااااااااي وطلعت
مرام : لفت على اخوها : ابي اعرف شنو سر العداوة بينكم
رائد : لا عداوة ولا شيء اهي حسبة خواتي مثلها مثلك انتي وغزل انا اهم ماعندي اختها
ياليتني اشوفها مثل مااشوف رقعة وجهها
مرام بتفكير : يمكن بس اهي احسها تكرهك
رائد وهو يطلع : ماتهمني
************************************
ماسكة بيد اختها وامها اللي ربوها وهي ترتجف من الخوف وتناظر الباب اشوي وجوالها برج العرب اشوي ووجيههم اشوي
ريناد : عمري هدي هدي
ام ريناد : بسم الله عليك
سندس برعب : بياخذني
ريناد بقوة : مراح ياخذك
رن جوال سندس
سندس بخوف : ابوي ابوي اكيد وصل, وفعلا اشوي ويسمعون دق الباب
وقفت ريناد علشان تفتح الباب وامها لفت الغطوة عليها
فتحت الباب : هلا عمي
دخل : وين سندس وشافها واقفة وجسمها لاصق بالجدار القديم : انتي مالبستي يلا
ريناد : سندس مراح تروح مكان
بو سندس : والله ؟ منو يقول
ريناد بقوة : اناااا
بو سندس بعصبية : انتي توقفين بوجههي يا زبالة وعطاها كف على وجهها
سندس ركضت لبنت عمها : رنود رنود
ريناد : وقفت من طيحتها ووقفت معها سندس : اوقف بوجهه من كان علشان اختي
بوسندس سحب ريناد من شعرها : ماباقي الا البزارين يوقفون بوجهي وانتي ,ولف على سندس قسم بالله ان ماركبتي السيارة
موت بنت عمك على ايدي وتعرفين ابوك زين
سندس بخوف ودموعها تنهمر على خدودها : يبا اتركها اترك ريناد
بوسندس صرخ : اركبي السيارة وفكيني
سندس بخوف وهي تهز راسها : حاضر حاضر …واتجهت للباب
ريناد صرخت من زود الالم : لاااااااا سندس ارجعي مراح تطلعين
بغضب قال : لمن يكون بكيفك ورماها بقوة على امها لين انصدم اجسامهم بالجدار
: وانتي ربي بنتك زين طول عمرها بنتك تربية شوارع
وقفت ريناد بصعوبة : تخسي الا انت يالسكير يا الضايع يا انذل ابو وعم بالدنيا
وقفت امها : ريناد بس بس
لفت على امها وصرخت : شنو بس شنو بس لين ننام على الرصيف وهي يتنعم بخيرابوي وحلاله
بوسندس وصل حده : انتي متى تنخرسين واتجهه لها ومسكها من شعرها واخذ يضربه بالجدار
: متى لين ادفنك بايدي
ماتحملت تضل ساكته اكثر وهي تشوف ريناد وراسها صار ينزف دمــ من قوة الضرب :يبا بسسسسسس بروح معك بس
اترك اختي اتركها
ترك ايد بنت اخوه وهي تنزف وسحب يد بنته : مشينا
ريناد صرخت : سووووووسووووو وطاحت على الارض
سندس بين دموعها : رنووود اسفة …وماحست الا بابوها يسحبها وعيونها على اختهاا
************************************************
جواهر :هذا اهو
غزل لفت على سايقها : وقف هنا
وقف مثل ماامرته وهي نزلت وناظرت المجمع : امممم ذوق راقي " رجعت تناظر بالشباك
شافت جواهر في مكانها : مطولة الاخت
جواهر بارتباك : ها نازلة نازلة ونزلت بسرعة
غزل : اي دور
جواهر ………
غزل : انتي مطولة ساكته اي دور المطاعم
جواهر : الثالث
غزل مشت قدام مثل ماهي دوم الاولى وجواهر خاتم باصبعها وراها
وصلو للمكان المقصود
جواهر وهي تاشر على وحدة من الكبينات المطعم : هاذي
غزل وهي تفتح شنطتها : دخلي وانا وراك
جواهر بعدم استعاب : نعم
غزل : اففف شالعالم الاغبية قلت دخلي وانا وراك
جواهر اخذت شهيق وزفير واتجهت للمكان المقصود
غزل كحلت عيونها العسلية الوساع ورمشت برموشها الكثيفة باعجاب بنفسها وعدلت لثمتها واتجهت للكابينه وهي تسمع الغزل لجواهر
:هلا والله هلا بقمرهم كلهم
ابتسمت بسخرية وهي تسمع كلامه ودخلت بجراة وصوتها العذب : جوجو ماعرفتينا ولا مو قد المقام
مشاري ضل واقف مصدوم من اللي دخلت
جواهر استحرقتها وردت بغيض وهي تاشر : مشاري ولفت على مشاري : هذي غزل
غزل مدت يدها للمشاري : تشرفنا
لحظات قبل مايستوعب ومد يده بسرعة خاف انها مدتها لا شعوريا : الشرف لنا يااااا غزل
ناظرت بالكراسي : مراح تضيفونا ولا راح نسولف وحنى واقفين
مشاري : ها حياكم حياكم
جواهر سحبت الكرسي وجلست : مشكور
مشاري وعيونه على ام عيون عسلية كحيلة : العفو واتجه لكرسي غزل وسحبه لها
ردت وهي تجلس : ثانكس ميشو
مشاري ( صوت ساحر وعيون عذاب الله يستر ) : ويلكم ولو وجلس على كرسيه ( لو اشوف باقي وجهك بس)
ماكمل امنيته الا تحققت شافها وهي تنزع اللثام من على وجها وشالت الطرحة وهي تحرك شعرها الغجري الملفوف بطريقة روعة
مشاري ماقدر يسكر فمه مايدري من جمالها الملائكي ولا جرائتها وثقتها بنفسها جواهر قرب السنة من تعرف عليها يالله فتحت وجها له
شافها تحط جوالها بطريقة متعمدة على الطاولة
مد يده للمنيو لهم : اختارو
جواهر اشرت على اللي تبيه ونفس الشيء غزل
مشاري سجل رقم جواله على المنيو حق غزل : زيزو شنو اخترتي مو واضح وقدم المنيو لها
غزل ناظرت المنيو وابتسمت : كوكتيل
مشاري : من عيوني تامرين امر وطلع من الكابينه يطلب
غزل ناظرت جواهر من طرف عينها وهي جالسة تسجل الرقم شافت دموعها معلقة بطرف عينها
ابتسمت برضا ( توك بالبداية يا جواهر توك على الدموع والله لخليها دم لك ) وقفت : مشينا
جواهر : شنو
غزل وهي ترتب طرحتها : اللي سمعتيه اخت جواهر وطلعت وجواهر امثل الخادمة تتبعها
************************************************** ***********
**********
بنتضار البارة القااااااااااااااااادم
؟؟؟؟؟؟؟؟
شراح يصير بين ياسر وشهد وشنو سالفة الورقة ؟
يمه ياسر باين عليها يرفع الضغط <<< مدري عنه
وبيان وهبالها لوين بيوديها ؟
احلى شي بل قصه هبالها حبيته
شنو قصة رائد ومين اللي يحبها ؟
يحوووووووول باين ان هو يحبها بس هي ما تحبه
غزل وصور ولقاء شنو تقصد وشراح يصير ؟
مدري وعععععععععععع شكلها قليلة ادب
تقهررررررررررررر غزل يملى …….
|
المشاركة الأساسية كتبها ven!ce
 /
ـهلآ وسهلآ نورتي بآلتووفيق آن شآء الله | | |
منــــــــــــور المكان بوجودكـــ
الله يوفقكـــــ خيتو
|
المشاركة الأساسية كتبها وين العشق
الروايه روعـــــــــه بليززززززززززز بليزززززززززز كمليهااااا
بنتضار البارة القااااااااااااااااادم ؟؟؟؟؟؟؟؟ شراح يصير بين ياسر وشهد وشنو سالفة الورقة ؟ يمه ياسر باين عليها يرفع الضغط <<< مدري عنه وبيان وهبالها لوين بيوديها ؟ احلى شي بل قصه هبالها حبيته شنو قصة رائد ومين اللي يحبها ؟ يحوووووووول باين ان هو يحبها بس هي ما تحبه غزل وصور ولقاء شنو تقصد وشراح يصير ؟ مدري وعععععععععععع شكلها قليلة ادب |
الاروع مروركـ
وربي فرحني ردكـــ
|
المشاركة الأساسية كتبها وين العشق
يلالالالالالالالاه نبغااا البارة الثالث
تقهررررررررررررر غزل يملى ……. |
من عيوني
ان شاء الله بينزل
اليلة لعيونك
ياهلآ وغلآ
يعطيك العافيه
بالتووفيق
.,