صحت على صوت الباب وهو يدق بقوه ..
..: ماريا ماريا يالله تأخرنا
ماريا : طيب ياخي اعصابكم طالعين طالعين
يزن : خلصينا درجاتنا بتروح كله منك
ماريا بعدت عنها الفرش الخفيف المشقق ورآحت تفتح الباب
ماريا : خير نعم وش تبي ؟
يزن : يالله عجلي البسي ! يآبرودك
ماريا : طيب طس عني بروح للحمام " اكرمكم الله " وقول ل ربى تجهز
يزن : كلنا خالصين الا آنتي
ماريا : طيب لا تنفخ .
راحت ماريا للحمام و راحت تغسل وجها و توصي مشان تصلي
ربي فتحت باب الحمام اللي شوي وينكسر .. سكرت صنبور الماي اللي متصدي و مر عليه الزمن
ربى : ماما يالله راح نتأخر
ماريا تواسي اختها : طيب حبيبتي الحين طالعه
مشطت ماريا شعرها اللي يوصل ل خصرها و جدلته و شآفت ربى اللي شعرها محتاس ولسى مازينته
راحت و مشطت شعر ربى اللي يوصل ل كتفها وربطته قرن واحد !
ومسكتها من خصرها وراحو ل غرفتهم .. بعد ماوصلو
ماريا : ربى حبيبتي شيلي شنطتي و روحي للمجلس .. لحظه آفطرتو ؟
ربى : اي عمتي ريم " جارتهم " فطرتنا وفطرت ابوي .. و اعطته دواه
ماريا : طيب ي حلوه قوليلي وش عطتكم واحنى ماعندنا شي ؟
ربى : الا لقت جبن و خبز و شاي و سوته لنا ":
ماريا : اهاا طيب روحي اشكريها و شيلي شنطتي للمجلس على بال مالبس
ربى : حاظر ماما
ماريا لبست مريولها اللي طالع ميدي من كم له سنه تستخدمه
وجزمتها اللي تقشرت من كثر استعمالها
وبسرعه راحت للمطبخ اللي عباره عن كم درج و ثلاجه صغيره و الدافور " موقد صغير يعمل على الغاز السائل وله عين واحده " تسويلها اكل دام ريم ضبطت لهم اكل اخوانها
بعد ماخلصت لبست عباتها و راحت للمجلس و سلمت على راس ابوها : صباح الخير يبه
ابو بزن : هلا هلا .. كح كح .. هلا ببنيتي
مدت له ماريا كوب ماي و دواء غير اللي عطته جارتهم ريم ..
ماريا : تفضل يبه مشان صحتك
ابوها : ياجعلني مانحرم منك يابنيتي
ماريا : امييين يارب
ابوها : يالله ياعيالي روحو داومو واهتمو بنفسكم ..كح كح كككح كححح .. احه احم " كحه قويه " ترا ايامي معدوده
ماريا ردت بسرعه : بعيد الشر عنك يبه .. الله لايقوله بسم الله عليك
قاطعها يزن : يالله بنروح تأخرنا يبه > وسلم على راسه
ثم راحو .. مرت ماريا على جارتها ووصتها على ابوها و شكرتها ..
ريم : واجبي .. هذي وصيه من امكم ق1ق1 ..
ماريا : الله يخليك لنا و يرزقك ربي بعيال ينورون بيتك .. يالله فمان الله
ريم : اممييين يارب .. فمان الكريم
وهم على طريقهم بالمدرسه .. وصلتهم ماريا لمدارسهم
وراحت لمدرستها وعلى طريقها
مرت سياره فخمممه سريعه .. بالغلط صدمتها
………………………. !!!!!!!!!!!
اعرفكم على العآئله :
ماريا : عمرها 17 تدرس باول ثانوي .. صبيانيه لابعد درجه .. حبوبه .. شخصيتها قويه جدا وعنييييده .. بدأخلها انثى بريئه .. بس ماتبي تطلعها : /
ملآمحها : بييضاء حلوووه جسمها مفصل عذآآب / عيونها وساع ناعسه لونها رمادي شعرها اسود طويل لخصرها ..
يزن : 11 / خامس " ب " .. عيونه وساع رمادي قاتم .. شعره اسود نااعم .. يوصل لاخر رقبته .. شيططـآني جددآ ! .. و يقول " انا لما اكبر راح اشتغل وارعاكم "
ربى : 7 سنوات ثاني ابتدائي .. عيونها متوسطه مكحله لونها عسلي > طآلعه على عمانها عكس اخوانها طالعين على خوالها .. شعرها لحد كتفها حريير بني طبيعي .. تحبب ماريا لدرجه انها تقول لها مماما !! .. ,
ابو يزن : زوجته أم يزن ماتت وهي تولد ربى .. كان يشتغل شغله على قد الحال و جاه مرض خبيث مزمن لمى عمره 56 وتقاعد و قعد على صدقات الناس .. وققليل اللي يجيه : / عمره 61
جآرتهم ريم
عمرها : 25 حلوووه جمييله عيونها وسااع رموشها كثييفه و لونهم اسود .. برونزي بشرتها عندها غمازه ع اليمين شعرها اسود طوييييل نااااععم لحد فوق فخذها ..
زوجها مشاري : جميييل جميييل يشبه عمر اللي في " الحب المستحييل " . . عمره 32
يشتغل ب شركه كبيره ولكن للاسف بخيل شوي .. الحين قاعد يبني لهم بيت قريب من شغله بعيد عن هالحاره الفقيره
مايعطي زوجته الا لها بس يعني مايخليها تعطي للناس .. بس هي من تحت ل تحت تعطي ل ماريا غير عن الصدقات اللي ياخذونها .. بس للاسف ماتكفي عائلة ماريا ..
تزوج ريم شفقه لانها يتيمه الام والاب و هو كان ولد مدير ابوها ..
–
هذي نبذة بسيطه ..
للي يبغآني اكمل راح اكمل ..
و ان شاء الله ماراح اتركها زي روايتي الاولى : $