احببت ان اطرح روايتي هذه في هاذا المنتدى وكلي امل بأن تنال اعجاب اذواقكم
بالطبع روايتي ليست فقط تنفيس عما يجول في خاطري بل محاكاة لواقع حدث او قد يحدث روايتي خياليه قليلا لاكنها سترضي من هم محصورون في قوقعه الواقع ساتحدث بلسان روايتي عن مشاكل تواجه المجتمع السعودي ويعاني منها المجتمع الخليجي لن انسى عاداتنا وتقاليدنا وتعاليم اسلامنا روايتي ليست ممله بل هي مليئة بمتعة غير مسبوقه فقط تابعوها
البارت الاول
الساعة 8:00 bm وقفت سيارة فورد امام بوابة قصر ال صابر
مشعل : انزل معك
خزته اخته وهي تهمس له : عييب
ابتسمت من تحت النقاب غصب : لا شكرا كلها خمس دقايق وراجعه
سمت بالله ونزلت توجهت للبواب وطلبت منه ينادي الجد " سامي ال صابر "
دقايق والبوابة تفتح على مصراعيها استغربت ماطالبوها تقول الاسم بالاول ماهتمت ودخلت
دلها البواب على المجلس دخلت وهي تشوف ذاك الكهل جالس تمالكت نفسها وهي تشوف ملامح ابوها مرسومه في وجهه تقدمت له وحبت على راسه بهدوء وبصوتها المبحوح : كيفك ياجدي
ابتسم : بخير دامك بخير كيفك انتي وكيف امك
تجاهلت سؤاله وهي ترد عليه بسؤال : انخاك ولا انخى الذيب
فز بشاهمه الرجال المعروفه : افا نخوتك لي ماهيب للذيب
رسيل بثقه : تسلم …….(صمت دام لبرهه ) تذكر كلامك لي في عزاء ابوي الله يرحمه
الجد : ايه اذكره وشتبين امري
رسيل : قلت لي لو بغيتي شي مايردك الا لسانك مرت خمس سنوات وماطلبتك شي وهاذي هي المره الأولى والاخيرة ان شاء الله امي الان تعبانه وحالتها متدهوره المستشفيات الحكومية رفضوا يستقبلونها اضطريت للمستشفيات الخاصه قالو حالتها ماتتعالج هنا تتعالج بلندن او ايطاليا وكل التكاليف خمسين الف
الجد : لك مية الف وان شاء الله ربي يشفي امك
رسيل:ومرضى المسلمين اجمعين
الجد : بخصوص جيتك اقولهم ولالا
رسيل بابتسامه : ماهمني
الجد بخبث بيختبر ردة فعلها : اعتقد اسكت احسن لان لو قلت لهم ليش جيتي بيقولون جات للمصلحة
رسيل بابتسامه هادية: ليش انتم ماتعرفون بعض الا للمصلحة واعتقد سبب رفضي اني اجي هنا معروف
ابتسم الجد : الله يرضى عليك يابنتي
سلمت عليه وطلعت متوجهه للفورد
ركبت وهي تنطق السلام وعيونها تلمع بامل
هذه الجزئية الاولى للبارت الاول اعتذر على قصرها كان المفروض تكون اطول لكن انتظروني بالجزئية الثانيه والثالثه للبارت الاول راح يكونون اطول من كذا بكثييير واعتبروا هاذا اللي طرحته نبذه مبسطة
تحمسست
اسسستمري
واتمنى انك تنوريني بروايتي الأولى: ما ابي شي انا جدا قنوع ما ابيك الا انت وكلك لو سمحت
إن شاء الله بعد اكتمال الروايه حمر عليها واقراها ..
يعطيك ربي الف عافية وبالتوفيق ي رب ..
وانا بانتظار اكتمال الرواية ..
دخلو الحي الرث بعيدا عن الرفاهيه اللي شافوها تو باحياء ال صابر
نزلت من السيارة طلعت المفتاح فتحت باب البيت الصغير دخلت ودخلت وراها ليان
اشرت على المطبخ رسيل : شوفي هذاك المطبخ اي شي زين حطية على جنب وعطية البزارين اللي بنهايه الحاره وانا بروح احط ملابسي وملابس امي
ليان : اوك
دخلت على المطبخ وهيترفع اكمامها فتحت الثلاجة وبدات تعزل الزين
بالنسبة لرسيل اخذت الشناط وحطت كل ملابس امه بدات ترتبهم وتسفط خلصت من ملابسها وملابس امه بعد نصف ساعه طلعت للصالة وغطت اللي تقدر
ناظرت بالبيت بسخرية قبل لاتطلع لبست النقاب وطلعت
عطت المفتاح لمشعل : البيت بامانتك
مشعل : ابشري
توجهو للمستشفى
++++++++++++
رسيل العمر 19 توفى الاب لما كانت بعمر 14 ومن بعدها هي تعتمد على نفسها وتعيل نفسها وامها
بنت بقمة الذكاء والدهاء لها كاريزما تجذب الكل لشخصيتها تحب الضحك والفررفشة والكوميديا سولفة ماتنمل اما لوصفها شعرها اسود سواد الليل طويل الى فخوذها ماتفكه ابد ناااااعم عيونها رمادية وسييعة مكحلة خلقة طويلة شوي نحيييفة معصقل لكن عندها قوام كل انثى تدرس ادارة اعمال ماتحب عمانها بسبب كرههم لامها امها سورية بس منمواليد السعودية
ليان العمر 19ناعمه مثل النسمه الشعر بني قصير الى الكتف قصيرة شوي بيضااء عيونها سوداء كثيفة الرموش جيران رسيل وصديقتها الروح بالروح
&&&&&&&&&&
في نفس قصر ال صابر ولكن بفله اخرى ( للمعلومية الجد له القصر الرئيسي وبنفس الارض مع الجوانب في فلل لابنائة اتمنى وصل الشرح )
في الحديقة الخلفية لفيلا خالد اكبر ابناء سامي
بنان بحماس : يالله انتي كم صار عندنا ترمس قهوه
لجين : حاليا خمسين معانا وخمسين مع الدفعه اللي سبقتنا يعني ميه
مرام : يالله والله افرح لاشفت فرحتهم
ملك ( بفتح الميم واللام وسكون الكاف ) : يالله نروح
بنان : لتس قوو
مرام : لتس ولا لي
بنان : ه ه ه ه ه
ركبوا السيارة وانطلقوا الى المستشفى
ودقايق وصلو
نزلت بنان عربة حطت فيها الحلا والقهاوي دفتها ودخلو تقابلوعند المدخل مع المجموعه الثانية
بنان : لاتنسون تسلمون بالاول
البنات : اوك
دخلوا وراحو لاي غرفة عشوائية
طقت الباب ودخلت لما تاكدت انهم حريم سلمت عليهم
بنان : هاذي قهوه وهاذا حلا عشان تفرفشون بنجي بعد ثلاث ساعات ناخذهم مليتو من اكل المشفى صح
رسيل بابتسامه : شكرا حبيبتي بس الدكتور مانع امي من القهوه
بنان : حسافة خيره بغيره
ام رسيل : تسلمين يابنتي
بنان : الله يسلمك …. انا اترخص هاللحين
اول ماطلعو
ملك : لا اله الا الله ياجمال الام وجمال البنت
بنان : اي والله ماشاء الله
مرام : مكياج
بنان : ولا نقطة وحدة حتى طبيعةماشاء الله خلاص خلاص اص بندخل ذي الغرفة
************
نرجع لغرفة رسيل
ام رسيل : متى نسافر
رسيل : بعد اربع ساعات ساعتين بنجلسهم هنا وساعتين بالمطار
ناظرت ام رسيل برسيل وكانها تبي تحفظ كل مليم بوجه رسيل
رسيل وهي تسوي نفسها مستحيه : يماا ليش تطالعيني كذا معجبة تبين توقيع ولا صورة
ام رسيل بمزح : من زينك تقل افغانيه
رسيل : وش فيهم الافغانيات كل الجمال منهن
ام رسيل ابتسمت : رسيل يابنتي مابقى لي بالعمر كثر مامضى ابي تنفذين وصيتي اهم شي صلاتك وخلي النار قدام عيونك وسوي شي تقابلين فيه ربنا
رسيل بحزن : يمه بسم الله عليك ليش تقولين هالحكي بتتعالجين ان شاء الله
ام رسيل : طيب يابنيتي خلينا نروح عالمطار من اللحين
رسيل وهي تقوم : ابشري زي ماتبين بس مو تقولين لي سكتيهم صجو راسي
ام رسيل : ماراح اقول
قامت رسيل تساعد امها على لبس العبايه وتساعدها تطلع
طلعوا وركبوا مع السايق المجهز لها مسبقا من الجد وراحو للمطار
بنفس الشارع لكن بسيارة اخرى
رفيف : اقسم بالله شفت سواق جدي الخاص والله والله
ملك : حتى انا شفته مو مصدقة مين ذي اللي ركبت معه
بنان باستهبال : زوجة جدي الصغيرة
ملك : يمكن
مرام : اقول ماتعرفون المثل اللي يقو ل
كملوا عنها البنات : يخلق من الشبه اربعين
مرام: بالزبط
بنان : مهادير روح للعثيم
مهادير السائق : سوبر ماركت ولا مول
بنان :سوبر ماركت
رفيف باستهبال : مهادير يالقلبي العناء مهادير وش ذنبي انا
مهادير : اس كملام
رفيف :ولا شي
لجين بعد طول صمت : الا بنان حفلة تقليد حريم السلطان على قولتك متى بتسوينها
بنان بغموض : اذا صار اللي ببالي
هزو البنات روسهم بتسليك وكملوا سوالف
*******************
المطاار
بعد مرور اربع ساعات ملل على رسيل وامها اخيرا موعد اقلاع طائرة لندن
ام رسيل : يابنتي جامعتك وش بيصير فيها بنطول هناك صح
رسيل بابتسامه : نقلت ملفي هناك وان شاء الله تتيسر
ام رسيل : الله يقويك يابنتي
رسيل وهي تتواسى بجلستها: امين يامي امين
مقتطفات من الجزء الثالث للبارت الاول
: امي امي ردي علي امممممممميييييي
: بس كيف كذا بيوم وليلة ماتنبلع
: كلمتي ماتنرد فاااهمين
: صراحة جدي مدري وش يبي كل هاذا عقاب
: انا بغير قرارة خلاص
مبدعه ي عسل
الطائرة كانت ماسكة ممججلةة وتتصفحها عادي رسيل حتى بدون لاتلتفت لامه : يمه فكرت اني اشتغل هناك وش قلتي
لحظة صمت لفت بهددوء لامها وهي متوقعه اسوء الاحتمالات صرخت هي تشوف جسدد الام منحني للامام كجثة هامدة صرخت رسيل : امي امي ردي علي اميييي
فقزت الام بقوه : هاه وشو الطياره طاحت مين مات
حظنت امها بفرح انها ماماتت رسيل وهي تحس بقرصه امه : اي
ام رسيل : تستاهلين نايمه وتخرعيني تستاهلين
رسيل اكتففت بوضع راسها بحظن امها مسحت الام على راسها بهدوء
رسيل : امي افكر اشتغل هناك بدوام جزئي عشان المصاريفف
ام رسيل باستغراب : واللفلوس اللي معاانا
رسيل : اول شي الففلوس سعودية العملة هناك بالجنيه الاسترليني ثانيا ماراح اروح احولها ومددري ايه
ام رسيل : الله يعين
اكتفت رسيل بالصمت
!!!!!!!!!!!!!!!!!!!!!!
الرياض في قصر سامي ال صابر
يتسحب على اطراف رجولة
طلع لهم وهو ينقز بففرحة ويصرخ : يييسسس
احمد وهو يحط اصبعه على فمه : ااااااااصص يقوم الجد اللحين يالله بسرعه لاخر القصر
عزام وهو يركض قدامهم
عبدالعزيز بنقد على منظر عزام : الحمد لله والشكر اكبرهم اهبلهم
عزام : كيفي كيفي
وصلو بعد جهد من الجري طلع عزام المفتاح من جيبه فتح الباب ودخل
كان المكان كله غبار بس منسق ومرتب والاثاث جميل
صرخ عبالعزيز : عيااال تعالو ناظرو
دخللوا لغرففه تقريبا ٤ في ٦ كلها لوحات كانو يتفرجون بسرعه الا هو
كان واقف قدام لوحة ترسم عيون بنت تبكي ميل راسه شوي لجه اليسار وهو يتأمل بالصورة عوره قلبه
عزام : راائد اطلع بسرعه بنروح
هز راسه رائد بايه وطلع ورسمة العيون للحين بباله
طلع عزام اخر واحد وقفل الباب من بعد ماطلع صرخت بنان : مرام الله ياخذك قومي عني كسرتي عظامي
رفيف بخوفف : بنات المكان هاذا مافيه مويا او كهرب يعني بنموت
صرخوا البنات بقوه ظنا منهم ان نهايتهم بتكون هنا ( اففلام الاكشن يصير لها ددور )
بعدد نص ساعه جلست بنان على الارض هي ومرام وباقي البنات عنددهم امل احد يفتح لهم فكملوا ضرب على الباب
بنان بتعب : مرام بعترف لك ترى انا اللي خربت الدي في دي حقك
مرام : يااحماااره دفعت فيه دم قلبي لين حصلته وشريته
بصوت غاضب صرخ ففيهم : ميين اللي سمح لكم تددخلون هنا
مرامب لا شعور تكلمت : العيال خلنا وراهم وهم مايدرون وقفلوا علينا
الجد بغضب : حسابكم معي عسير
بنان بسماجة مو بوقتها : اسير ولا هليب
الجد ؛ لا هيزرانه تلأب الى دهوركم ( لا خيزرانه تلعب على ظهوركم )
كتموا البنات ضحكتهم على وجه بنان وطلعوا ورى الجد
!!!!!!!!!!!!!!!!!!!!!!!
في اكثر الدول مجازر وقتلى قتلو بلا ذنب ففي سوريا
بقهر باين على وجهها والدموع متجمعه بعيونها : امي بدك تزوجيني واحد ختيار لك هو بأد عمر جدي مابددي مابتزوج
الام : يابنتي هاد ملازك الاخير اتزوجيه وراح تروحي معو للسعودية وتعيشي حياتك
ورد بقهر : مابددي بدي موت هون ببلادي ولا بدي خبر رسيل
الام : اوعك اوعك حسك تعملي هيك هلأ استخيري
ورد : والله بأتل حالي هه
استغففرت الام بصوت مسموع
وتركت وردد بقهرها
!!!!!!!!!!!!!!!!!!!!!!!
لندن ففي احدى المكتبات
ابتسمت بوجه صاحب المكتبة وكانها تعبر عن شكرها
كان مصري ولما عرفف بظروفها سمح لها تعمل عندده
كانت تبتسم بوجيه الزباين وتعاملها كان غير
توجه لها وهو ناوي شر وقف قدامها لا لفت لف معاها ابتسمت بوجهه : عذرا هل بالامكان ان تبتعد
مسك فكها وهو يقربه من وجهه: اسمعيني انا هنا الامر الناهي والان فل تنحني لي دلاله على ولاىك
رسيل وهي تنفض يده بقرفف : بأي عصصر انت تعيش لم يعد هنالك ولاء ( وبحدة ارتسمت على ملامح وجهها ) اايضا لاتستطيع اجباري على اية فعل من اجلك ففانا لا انحني الا لخالقي والان هلأ تنحيت عن طريقي
ضحك بطريقه استفزازيه : ههههههههه اما الولاء او العمل ستطردين
رسيل وهي تناظر عيونه وعلى ثغرها ابتسامه باررده : حسنا ولكن غدا نتقابل بالمحكمة بتهمة التحرش والتهديد الاجباري واقل تعويض ١٥ مليون جنيه استرليني
طاالعها بطرف عينه وانسحب بهدوء
رسمت ابتسامه ساخره وكملت ترتيب كتب
!!!!!!!!!!!!!!!!!!!!!
الرياض قصصر ال صابر
صصرخ الجد فيهم :. من يوم كنتم بزارين ماخليتكم تدخلون هناك واللحين يوم خطت الشوارب بوجيهكم تجون تسوونها تدرون ليش لانها شوارب ماهي على رجال
يوسف : يبه
الجدد : وحطبة يالهيس الاربد تغاضيت بأشياء كثيره لكن اليوم بوريكم جوالاتكم بتحطونها هنا وبتروحون لبيت المنفى يامال الوجع وانتم
قالها ولفف على البنات : كل ماكبرتوا هبلتوا نعنبو داركم ماتحسون اوريكم مافيه نت وجوالاتكم بسحبها التي في بطلعه وفوق كذا بترتبون البيت كله لمدة شهر
بنان بحمق : جدي
الجد : اثنين
عزام : ججدي
الجد : ٣
نواف ؛……………………
الجد : …………………………..
الى هنا ينتهي البارت توقعاتكم
بارت رائع والرواية اروع…
أمم اذا ما عندك مانع ابي اعرف موعد البارتات وابيك ترسلين لي اذا نزل بارت…
أتمنى تتقبليني من متابعاتك وبالتوفيق.
و اتمنى تعتبريني من المتابعين و ترسليلي الرابط اذا نزل البارت
و بالتوفيق يا عسل