روايتي الأولى : كنت أتمناك و صرت لي بالفعل 2024.

كيفكم .؟!

ان شاء الله تمااام المووهييم

روايتي تتحدث عن بطلتنا ريف وبطلنا عبد العزيز تدور بينهم مواقف واحداث ان شاء الله تعجبكم

الروايه مكونه من 15 بارت راح انزل بارت كل يوم خميس اووك لان البارتات شويه وما اقدر انزلها مرتين في الاسبوع

في كل خميس راح تقرون روايه ابدعت فيها من اناملي الذهبيه >>ما يمدييييكم

رواية(كنت اتمناك وصرت لي بالفعل)

امممسكو التعريف بالابطال

(البنات)

ريف(22)/(اخر سنه جامعه)/(عربي)

لميس(22)/(اخر سنه جامعه)/(عربي)

مي(18)/(ثالث ثنوي)/(ادبي)

العنود(18)/(ثالث ثنوي)/(علمي)

غاده(18)/(ثالث ثنوي)/(علمي)

شيهانه(17)/(ثاني ثنوي)(ادبي)

نوف(17)/(ثاني ثنوي)(ادبي)

سمر(10)/(رابع ابتدائي)/(..)

ندى(10)/(رابع ابتدائي)/(..)

حنان(10)/(رابع ابتدائي)/(..)

~~~~~~~~~~~~~~~~~~~~~~~~~

(الاولاد)

عبد العزيز(25)/(…)/(يشتغل مع ابوه في الشركه )

رائد(25)/(…)/(يشتغل مع ابوه في الشركه )

عمر(21)/(ثالث جامعه )/(ادارة اعمال)

نواف(21)/(ثالث جامعه)/(ادارة اعمال)

عبد الرحمن(19)/(اول جامعه)/(الهندسه)

إياد(19)/(اول جامعه)/(صيدله)

راكان(19)/(او جامعه)/(طب)

ريان (7)/(ثاني ابتدائي)/(..)

صالح(7)/(ثاني ابتدائي)/(..)
ْ~~~~~~~~~~~~~~~~~~~~~~~~~
ريف تحب عبد العزيز
لميس تحب رائد
مي تحب عمر
العنود تحب نواف
غاده تحب عبد الرحمن
شيهانه تحب إياد
نوف تحب راكان

وكلللللللللهم يتبادلون نفس الشعور×__x

~~~~~~~~~~~~~
طبعا الامهات والاباء راح تتعرفون عليهم بالروايه

نبببببدأ بالرواييه

البارت الاول

ْْْْْْْْْْ~~~~~~~~~~~~~~~~~~~~~~~~~~~~~~~~~~~~
في بيت عبد الله (ابو رائد)

عيال عبد الله :رائد,,ريف,,غاده,,حنان
ام رائد :اسمها ريم

الساعه 2:30

على طاولة الطعام

ابو رائد :يا ام رائد وين العيال؟
ام رائد:والله يا ابو رائد خامدين بفرشهم ..
ابو رائد:يا ام رائد الله يهديتس كم مره قايلتس لاتخلينهم يسهرون عشان لايخمدون كل ذا الوقت ..
ام رائد:والله يا ابو رائد مقدر عليهم ..
ابو رائد:والله انتس مخليتهم على راحتهم روحي قوميهم جعلهم الي مانيب قايله ..
ام رائد وهي تروح لغرفة رائد وتدعي عليه بالصلاح والهدايه ..

فتحت الباب ولقته نااايم وغاط في النوم

سمع صوت حنون يقومه :يمه يا ولدي رائد قم يلا الله يصلحك قم توضأ وصل فاتتك الظهر والعصر لو ما قمت بتفوتك يلا يا ولدي جعلك الصلااح ان شاء الله ..
رائد يرد بصوت كله نووم:طيب يمه قايم قايم ..
ام رائد:قم لا اخلي مصيرك بالمويه البارده ..
وينط رائد من السرير خايف من المويه البارده :هذاني قمت ارتحتي الحين ..
ام رائد:قم رح صل الظهر وانزل اتغدى مع ابوك جالس بلحاله مسيكين ينتظركم تقومون تملون عليه سفرته ..
رائد :يلا بروح اصلي وانزل اتغدى معااه..
ام رائد طلعت من غرفة رائد وتوجهت لغرفة ريف لقتها مو موجوده بسريرها وعرفت انها بالحمام
الا وطلعت ريف :صباح الخير يممه ..
ام رائد :وش صباح الخير الا قصدك ظهر الخير يلا يا يمه صلي وانزلي تغدي ..

صلت ريف وخلصت وطلعت الا رائد توه طالع من غرفته ونزلو وتغدوا مع ابوهم ..

راحت غرفة غاده و حنان ..

ودخلت لقتهم نايمين ×__x
ام رائد بصراخ:غااااااااااااده حناااااااااااااااااااااااااان
وكالعاده حنان وغاده ولا رد :…….

ومايحسون الا مووووووووووووويه باااااااااااااااارده فوقهم
ويقومون :يممممممممه وشو ذا ليييه مويه بارده ؟؟
ام رائد بعصبيه خفيفه:ما حسيتوا نبح حلقي وانا اقومكم خلاااص يكفي تراي طفشت كل يوم نفس الموال الله يعين رجاجيلكم علييكم ..
غاده :اهئ اهئ طيب لييه طقينا ولا تكبين مويه بااارده حراام عليك ..
حناان:ايه والله صادقه غاده ..
ام رائد:اقول يالنتيفه انتي وذا العجوز الي جمبك قوموا توضوا وصلوا وانزلوا تغدوا يلاااااااااااا..
حنان وغاده بكسل يقومون :طييب
وطلعت ام رائد وهي تدعي لهم بالصلاح والهدايه

~~~~~~~~~~~~~~~~~~~~~~~~~~~~~~~~~~~~~
نروح لعائلة عبد الإله(ابوعبد العزيز)
ام عبد العزيز:اسمها(هند)
عياله:عبد العزيز ,,نواف,,لميس,,مي,,سمر,,صالح

كل العائله مجتمعين ع ـغداء الا عبد العزيز مو موجود بالشركه عنده اشغال بيخلصها ويجي

على طاولة الطعام :يا عيالي مدام اننا مجتمعين كلنا بقولكم شي..
لميس :يبه بس عبد العزيز مو موجود ..
ابو عبد العزيز:اذا رجع راح نقوله ..
لميس:اها ..يلا تفضل يبه..
ابو عبد العزيز:يا عيالي بما انه قربت الاجازه الصيفيه وقريب راح تنتهي السنه الدراسيه قررنا انا واخواني نروح بهالاجازه الصيفيه لبريطانيا
مي بفرح:قل قسم
ام عبد العزيز:عيب عليك يا بنت هذا ابوك استحي
وكملت ..والله يا زين ما اخترتوا
ابو عبد العزيز:خليها يا بنت الحلال يمكن من الفرحه ..ان شاء الله تنبسطون فيها
بس هاااه شوفوا الي بيجيب اقل من 90% بيجلس هنا بالرياض وراح اراقبكم حتى لو ماكنت موجود ..وعلى فكره مدة الرحله شهر ونص
مي:ييييييييييييييييييييييييييييييس
وراحت ترررركض تدق على نوف وشيهانه

~~~~~~~~~~~~~~~~~~~~~~~~~~~~~~~~~~~~~~
في بيت ماجد (ابوعبد الرحمن)
عياله :عبد الرحمن,,اياد >>هذولا توأم ,,نوف,,ندى
ام عبد الرحمن :اسمها (مها)

يرن التليفون وطبببببعا نوف وندى هواش عنده

ومي تنتظر متى ترد عليها نووف

مي :الوو
ما امداها تكمل الا تسمع المعركه النونيه بدأت >>المعركة النونيه لأنهم ثنتينهم اسمهم بحرف النون فصارت نونيه هع
مي :نداااااااااااااااى ياحماره ابكلم نووووف اعطيني اياها >>صوتها راح وهي تتكلم بس محد يسمعها اكييد
وتسمع نوف وندى ومعركتهم وجلست تنتظر
والي كانت تسمعه
نوف :نداااااااااااااااى يا غبيه بشوف مين واذا لك بعطيك
ندى:نويفه انقلعي طيب انا برد يمكن سماهر
نوف:لا مو سماهر انا متأكده
ندى :الا الا وش دراااااك عالمة الغيب
نوف :ندى عطيني بشوووف وججججججججججع انشاء الله وش فيك كذا لهالدرجه سماهر الجني المحبووب يعني
ندى:لا تقولين كذا عن صديقتي والله لاوريك
وطبعا كل هالحوار كان وهم منسدحات ويتقلبون على بعض واذا مسكت وحده السماعه الثانيه سحبتها ..وما الى ذلك

يوم دخلوا اياد وعبد الرحمن..

عبد الرحمن :ههههههههههه اشكالكم تضحك كملوا كملوا بروح اجيب البوب كون الي شاريه امس من البقاله وارجع لاتخلصون هواااش اووك

نووف تطلع من تحت انقاض الهوااش :اوووك ولا يهمك بس بسرعه الدبا ذي بتقبرني ام كرررررررررررش
واياد يفكهم ويرجعون يفكهم ويرجعون
جا عبد الرحمن وفقد اياد الامل وراح فوق يبدل
ومي ملت وسكرت هع هع

~~~~~~~~~~~~~~~~~~~~~~~~~~~~~
عند عائلة راشد (ابو ريان)
ماعنده الا العنود,,ريان
وامها(هدى)

يتغدوون
ويسولفون امها وابوها عن الاسهم ,,ورحلة بريطانيا>اهم شي

~~~~~~~~~~~~~~~~~~~~~~~~~~~~~
عائلة محمد(ابوعمر)
عياله:عمر,,راكان,,شيهانه
ام عمر:اسمها(ولاء)

يتغدون و يسولفون على طاولة الطعام الا يرن التليفوون

وتجي شيهانه تركض وترد
شيهانه:الووو
مي:اششششششوا انه ما عندك اخت
شيهانه بضحك:هههه الله يقطع بليسك يا مي
مي:ههههههه ,,لانك ماجربتي العناء الي عنيته
شيهانه:ليييش والده وانا مدري
مي:لاوالله اصعب من الولاده
شيهانه تضحك:وليه هو فيه اصعب من الولاده يا ولييه ؟؟<<بلهجه مصريه
مي:اييييه
شيهانه بغت تطلع عيونها:وشششششششششو ؟
مي :انك تكلمين نوف <<قالتها بكل هدووء وبرود
شيهانه انفجرت ضحك ورجت معاها البيت
مي بصرااخ:ااااااااااه اذني
شيهانه وهي مازالت تضحك:هههه لالا تخافين جربت وعانيت اكثثر
مي:كل ما دقيت عليها لازم احضر المعركة النونيه
شيهانه بضحك:حظك نحس
مي:اقول بس انققلعي
شيهانه وتوها تتذكر:اي وش كنتي تبين يوم انك داقه ؟؟؟
مي:ايييييييييييه صح ذكرتيني
شيهانه بحمااس:اييه اييه وشششو
مي بحماس اكثر:ايييه تدرين وين بنروح بالاجازه
شيهانه بحمااااس بينفجر في اي لحظه:لا مادريييت ويييييييييييين ؟
مي:بريطانيا
شيهانه بصرااخ:قووووووووولي والله
مي:وقسسسسسسم
شيهانه :يااااااااااااي من زمان اتمنى هالرحله
مي:ترا اذا جبتي درجه اقل من 90% بتقعدين في البييت
شيهانه:امممممممممممما
مي:والله
شيهانه:اففف الله يعين لازم اشد حيلي
مي:عاتي عاتي اهم شي بنرووح لبريطانيا ونوسع صدورنا
شيهانه:ايي والله
وكملللوا سوالفهم عن بريطانيا وغيرها…

~~~~~~~~~~~~~~~~~~~~~~~~~~~~
في بيت الجد(عبدالعزيز)
والجده(هيا)
والعم الصغير (خالد)

الجد:خالد ياولدي كيف امور الشركه ان شاء الله زينه
خالد:والله يبه ان شاء الله تعجبك ,,بس انت ارتاح ليين تشفى من تعبك ثم ترووح الشركه معافى ان شاء الله وسليم
الجد:والله يولدي اخاف اهملها واتركها ويصير شي
خالد :لايبه ان شاء الله مايصير شي انا واخواني نديرها باهتمام
الجد:الله يحفظكم ان شاء الله
خالد والجده:امين
الجد:مدام انك موجود يا خالد بقولك انت وامك خبر زين وسار وبيفرحكم ان شاء الله
الجده:وششو يا ابو عبد الله ؟؟؟
خالد:ايه يبه وشوو
الجد:…………..<<التكمله في البارت الجاااي

(وتوقعاتكم ؟؟)

وش تتوقعون الجد بيقول ؟؟؟

هل راح يصير شي بين ابطالنا ريف وعبد العزيز في البارت الجاي؟؟؟

الجواب في البارت الثاني

اتقبل انتقاداتكم ومدحكم وكل ابو كل ششي
واتمنى اكون خفيفه عليكم بطرح روايتي وان شاء الله اعجبتكم

موفقه ان شاء الله

قوانين القسم

بسم الله

يعطيك العـــافية
إطلعي على الرابط هذا بـ يفيدك النقــــاش
محتوى الروايات ! / دعوة لـ النقاش ؛

موفقة إن شـــاء الله