السلام عليكم ورحمه الله
حبيت اكتب لكم روايه على الرغم من أني ما كملت روايتي الاولى والثانيه لربيعتي لكن هالروايه حبيت اكتبها بمجرد ما فكرت فيها ، إذا حطيت جي ~ يعني الشخص يرمس داخل قلبه يعني مع نفسه وإذا جي * ممكن يكون توضيح للموقف او الشخصيات . . ((رواية يا فريد الحسن يا الوافي ، يا صبي عيوني وماها)) ، الكاتبه؛ آميرةة آلعششآق ! ، ولا أحلل من ينسبها إليه..
نبدأ؛
البارت الأول . .؛؛
دبي . . الساعه 2 الظهر . . يوم الثلاثاء؛
. . . بصراخ وغيره : اسألك بالله حبيييت غيري؟؟ . . انا عارفه والله عارفه بكل ششششي كل ششي لكنني ساكته عشان أبويه وعمي بس والله بس عشانهم . . لكن خلاص انا تععععبت تسسمعني؟؟ تعببببت . . . هلكت خلاص . . ما أطييقك!
. . بهدوء : صخي ولا قسم بالله بلم ثمّج ب طراق . . جيه أصغر عيالج انا؟ . . عنببوه استحي شوي استححي ريلج انا هب ولدج . . واحشمي عمرج تراني ماسك أعصابي للحينه. . !
. . . : حميييييييييييد! . . أنته ليش تغيرت؟ ليش؟ لييييش؟ . . "بصياح" ليشش؟؟
حميد بضيج : فطيم . . . لا تصيحين تراني أكره شوفة دموعج! . .
فطيم : هه . . والله؟ احلف . . عشان اصدقك احلف يلا هههههههههه "بإشمئزاز" . . لا تجذب عليّه انا عارفه انك تجذب .
حميد بعصبيه : شو اللي تبينه؟ ها شششوو؟ . . صرت لج الزوج والاب والام والصديق وصرت لج كل شششيي عشان راحتتج بسسس . . لككن أنتي؟ قمتي تشششكين فيني و و طالببببه الطلاقق! . . عنبوه حسسي ترى الطلاق مش هين . . شو بيقولون عنج الناس؟ تطلقت وهي ما كملت سنتين؟ . . انزيييين ما علينا من الناس . . أبويه وأبوج شو تتوقعين ردة فعلهم؟
فطيم بهدوء : حمييد دخييلك طلققننننني "وربعت لحجرتها تصيح" . . !
اما حميد طلع من الشقه وهو تعبان ومضايج وكأنه فوق كتفه جببببل! . .
*حياه حميد وفطيم تعقدت بسبب غيره فطيم وعصبيه حميد اللي صار ما يتحملها . . . حميد وفطيم مش هم بس الابطال . . ابطال روايتي واييد . . لكن حبيت اني ابدأ بهالبدايه عشان اقول ان البدايه مش دايماً تكون حلوه . . . وان كانت حلوه ف ما يصير النهايه تكون احلى*
أبوظبي . . دلما مول-يوم الثلاثاء . . الساعه 4 العصر؛
. . . بفرحه : بذمتك مش حلو العقد؟
. . بملل : حلو قسم بالله حلو . . شموه فكينا اختاري واحد . . تعبت ابا ارد البيت! . .
شمه بقهر : خخللللوف . . . يعنني انا ابا رأييك ما طلبت منك ششي . . خلاص مابا شي !
خليفه ببرود : شلي ها آخر واحد . . أعرف عيبج بس الا تتدلعين وتبيني أخذه لج .
شمه بنص عين : لا ما اباه شششكراً أخي المصون . . يلا نرجع؟
خليفه : ييلا "وسار بيطلع"
شمه : خلوفه
خليفه : انجعمي . . أونّه خلوفه! جي بنيه انا بنيه؟ اونّه خلوفه "وطلع وهو يتحرطم"
شمه بغيض : انجججععمي! . . هب جننه الا نسى اني اكبر عننه؟ . . ويين سار هالطمّه بعد "وسارت صوبه"
*شمه وخليفه . . اخوان لكن مش هم الوحيدين لان في غيرهم . . هالاخوان على الرغم من فارق السن بينهم الا أنهم قراب من بعض وايد . . . خليفه البارد اللي نادر ما يتحمس ويتخبل مع شمه الخريش اللي ما تروم تيلس عاقله . . كأنه هو الكبير وهي الصغيره <<اسفه شمموه هههههه*
بيت بو علي . . يوم الثلاثاء . . الساعه 4:34 العصر؛
. . بخخرط : أقولج وجان اعطييه طراق يسسدحه ع الارض . . وجاان اقوم اسسوي له حركة من حركات جون سينا . . اقولج صاح دم . . شففت الدم اللي ظهر من عيونه وهو يقول "بتمثيل" : اسف اسف عزوز . . ما بعيييدها . . طبعاً انا سامحته عقب ما مردغته وعطيته هديه كم كف . . !
. . . : اوفف اوففف اوففف . . طلععت قووي يا ولد اخوي ها ؟
عبدالعزيز بخقه : هيه شو تتحرين عيل؟ . . من زمان انا قوي . . بس انتي هبله توج تلاحظين
. . بغباء : انا هبله؟
عبدالعزيز وهو مستعد للشرده: هييه . . . "بصريخ" عمموه اممنه هبببببله هههههههههههههههههههههههههههههههههههههههههههههههههه ههه "ويشخطها ركيض"
امنه تراكض وراه والدخان يطلع من خشمها : يالهرممم . . عمتتك انا يا مسسودد الوييه . . ها يزااي امدحك واقول قوي؟ ططلعت هب كففو يا حمااار <<معصبه الذيبه ههههءههههه!
عبدالعزيز يغايض بها: إذا انا حممار . . بنششوف منو بيسير لراعي الدكاان ويقوله بابا علي يقول جيب كرتون بيبسي . ."وطلع لسانه وشرد ليدوته"
امنه تزيد بالركض وبصراخ: يا السسسسسسباال . . لا تهددددني لو انت كفففو اوققف و واجهني يا جبنه البققره الضاحكه . . هرممم واحححد
عبدالعزيز منخش ورى ام علي : محد سبال غيرجج . . انا ككفففو رياال اناا . . إذا انا جبنه البقره الضاحكه ف أنتي يا عمتي الحلوه "بصوت واطي" قمله قزمه . !
امنه فجت عينها : نعم . . نعم . . نعم . . نعم . . نعم . . نعم . . نعم . . نعم . . نعم . . نعم . . نعم !
ام علي وتوها تنتبه لهم : وييدي . . بلاكم؟ . . آمونن شياج بسم الله! . .
امنه بهبل : ما تخافييش عليّه يا أممه اصصلي انا بنتت قددعه . . اصلا ححلو حلو حلو قمله قزمه حللللو جمييل
ام علي تضحك : ههههههههه أمون استخفيتي يا أميه؟ . . الله يهديج فديتج . . وأنته "ترمس عزوز" خوز عني بسير أشوف خلوف وشموه . .
عبدالعزيز بزيغه : لا يا أميييه . . "ببراءة" عموه آمنه بتضربني
امنه بشر : احينه صرت عمتك ها؟
عبدالعزيز : لا . . يالغبيه انتي عمتي من 7 سنين
امنه بغيض : جب يالنتفه!
عبدالعزيز : يدووووه شوفيها! . . تقول عني نتفه
ام علي بعصبيه : خوزوا عني لعوزتوني . !
. . . : افاا . . منو الوغد اللي لعوزج أمايه؟
. . : اكيييييد آمون وعزوز . . "بخبث" صحح؟
~امنه؛ اويييييه خلوف قسم بالله ليقصبني . . ككم مره هزبني عشان العوز امايه! . . ها كلله من النتفه عزوز . . ما عليه يا البقره الضاحكه~
خليفه : يعني عايبتنج الكنبه الكحليه يالسه تتأملينها من ساعه؟ . . !
امنه بإنفعال : ها؟ . . لا اصلا ها عزوز كان يسبني . . ف "بصوت واطي" ركضت وراه !
خليفه بهدوء يخوف : عنزه انتي عنزه؟ . . العنز هم اللي يركضون . . "يرمس أم علي" السموحه أمايه .
شمه وعبدالعزيز يضحكون بس عشان يغايضون امنه . . !
امنه بغيض : اقووول جب . . يالثلجه "خليفه" انطم انزين والله يعني ! . . تيلس تهزبني انا اكثر وحده تهزبني وشموه وفطوم ونوفوه ومهور ونوير ما تهزبهم! . . يعني بس انا اختك تيلس تهزبني؟ . . والله طفففره طفره انته . . . وانتوا يالسبايك ترى ما يضحك انزين . . ! والله زولوا كلكم مالت عليكم . . كلله انا كله انا . . منو سوى جي أمون منو كسر ها أمون . . جنه الا انا الوحيده اللي فالبيت غبيه! . . ماالتت عليكم !
خليفه بابتسامه : زين عرفتي انج غبيه
امنه بعصبيه : بسس خلااص مع السلامه . . ما اكون امنه بنت عبدالله إذا طلعت لكم ويلسست وياكم "وسارت لحجرتها ورقعت الباب"
مهره ونوف توهم رادين من الجامعه
: السلام عليكم
الكل : وعليكم السلام
مهره بضحكه : بلاها امون؟
ام علي بعتاب : زعلوها شرات كل مره ! . . خفوا عليها تراها اختكم هب بنت الييران . . حليلها دوم حاطين عليها
شمه : اماييه . . امون دلوعه الصراحه؟
خليفه : هيه صح وايد مدلعه
عبدالعزيز : هيه وايد وايد
نوف : ههههههههه نسيتوا ان عقبها فطوم ونوير؟ . . وبعدين لا تزعلون امون تراها غاليه على الكل . . "كاتمه ضحكتها" وكلكم تحبونها بس تحبون تزعلونها
خليفه بنص عين : اقول انا رايح ارقد . . مع السلامه
ام علي : ارقد لين اذان المغرب عقبها عاد يوم بوعيك لا تتعبني ونش بسرعه
خليفه : ان شاء الله امايه "وسار لحجرته"
– استغفرالله العظيم وأتوب إليه –
اسمحولي جان قصير ، لكن أترقب ردودكم واتمنى تحمسوني أكملها . . !
– شيوخي لا تلهيكم الرواية عن الصلاه وذكر الله –
ام القيوين . . يوم الثلاثاء . . الساعه ٦ المغرب؛
رجع من الشغل وهو تعبان . . لكن مكالمه من المدير خلته يفز بفرح
. . بفرحه وصوت عالي : اماايييه . . امايييه . . ام سلطان وينجج؟؟
ام سلطان ترابع صوب ولدها : بلاك تزاعق؟ . . مستوي بك شي فديتك؟
سلطان بفرحه : امايييه بنرجع بوظبي . . بنرجع ل دار الحي . .
ام سلطان بصياح وفرحه : بنرجع بوظظبي؟ يا بنيات بنرجع لدارنا . . الحمدلله ياربي . . اللهم لك الحمد . . يا اني اشتقت لييراني واهلي "تمسح دموعها" . . سلطان فديتك ما خبرت ابوك؟
سلطان تغيرت ملامحه وبهدوء : اماييه . . ابوييه رحمة الله عليه توفى من سنين ! . . "بتهرب" انا ساير أخبر خواتي .
ام سلطان بهدوء : هييه الله يرحمه . . الغالي شقا قالوا لك بنرجع؟
سلطان بإبتسامه : ترى نقلوني ل بوظبي . . ان شاء الله بنرجع لبيتنا الجديم وبنسوي له صيانه ونعدله . .
ام سلطان : الحمدلله . . ان شاء الله ولدي . . يلا انهيّ بشر خواتك
سلطان : ان شاء الله "وسار لخواته"
*سلطان احد ابطال روايتي واتمنى تركزون عليه وتتوقعون لانه كان هناك سالفه قديمه صارت خلته يطلب نقل من بوظبي . . لكن ليش بعد كل هالسنين طلب يرجع بوظبي؟ (هذا ما سنعرفه في البارتات القادمه ان شاء الله) . .<<كونان!*
بيت بو علي . . غرفه خليفه-يوم الثلاثاء . . الساعه ٦:٤٢؛
ام علي : خخللوف نشش . . نشش ييلا
: باجر بقوم بسير باجر باجر ! . .
ام علي بتعب : يا خليفه تعبتني نشش ييلا . . هب قايلتنك نش بسرعه؟
خليفه بعين مفتوحه وعين مسكره : ان شاء الله !! . . .
ام علي : خلللوف نش ورايه عرسس بعد ولويه وحاله!
. . . تطل من الباب : اماييه اساعدج؟
ام علي بتعب : هيه يا امي تعالي . . عييزت و انا اقومه
. . . بخبث : فالجج ططييب يالغاليه . . !
ام علي : فالج ما يخيب . . نوير بسألج وين خواتج؟
نوره وترمس بسرعه : شموه راقده ومهور ونويف يالسين يتعدلون بيسيرون وياج وفطوم معسكره ع اللاب . . واخخر شي الرمانه الزعلانه امون بحجرتها ما ظهرت من الساعه ٤ يمكن؟ . .
ام علي : نوره شوفي اختج والله انها متعبتني . . ! وأحاتيها واييد . . ثلاث ساعات يالسه روحها شو تسوي؟ بتتخبل أختج . !!
نوره بهدوء : ما عليج أميه . . . بسير لها عقب ما اوعي بو سلطان "خليفه"
ام علي تتنهد : يلا عييل بسير حجرتي اتعدل . . "وسارت ام علي"
نوره : ما عليه يا خلوفه جان ما انتقمت لامون ما اكون نوره بنت عبدالله "وضحكت بشر"
خليفه وهو متربع : اقول انفدي حجرتج . . أونّه جان ما انتقمت منك ما اكون نوره . . سؤال انتي شو يالسه تهذربين به؟
نوره بتلعثم : أأأ بسم الله متى نشيت . . "بعصبيه" بسم الله زيغتني الله ياخذك للجنه "وشردت لحجرة امون"
خليفه انفجر يضحك : هههههههههههههههههههههههه حليلج يا نوير كل ها من الزيغه . . ههههههههههههههههههههههههههههههههههههه بس عشان تشردين . . والله انكم تحفه يا خواتي
. . . بنص عين : نحن تحفه؟
خليفه يضحك : هههههههه شموي تعالي تعالي . . شفتي النور؟
شمه بفهاوة : منو النور؟ . . !
خليفه بحماس : نوروه البقره . . شفتيها؟
شمه : هييه . . شفتها ترابع لحجره امون !
خليفه : هههههههههههههههههههههههههههههههههههههههههههههههههه هه والله انكم ! . . انزين وين بتسيرين احينه؟
شمه : بسير المطبخ يوعانه "وابتسمت بعبط"
خليفه : هييه سيري سيري . . انا بسير اسبح عقب بسير البر
شمه بنص عين : بر الساعه ٦؟
خليفه بضحكه : هيه عادي .
شمه بمحبه : الله يحفظك فديتك . . وتحمل بعمرك . . ولا تسرع انزيين؟
خليفه بسرعه : امين ويحفظج . . ان شاء الله . . انزيين . . بس لا تخبرين امايه وحمود وحمدان وسلملم و. .
شمه قاطعته : قول الاخوه الكرام واختصر ياخي . .
خليفه : هييه هييه الاخوه الكرام ! . . المهم لاا تخبرينهم . . ويلا احينه اجلبي ويهج بسير اسبح
شمه بضحكه : ان شاء الله "ويت بتطلع"
خليفه : لحظه لحظه . . دقي للصخله الباب ابا ارمسها شوي عقب ما اسبح
شمه : ان شاء الله . . اوامر ثانيه عمي؟
خليفه : هيه
شمه : ماذا؟ ماذا ترييد يا عمي؟
خليفه : جلبي ويهج
شمه : اوكي . . شوكريا
خليفه بنص عين : اشوف تأثرتي من الهنود؟
شمه بضحكه : لا هاي امون وتعلمني
خليفه : انزين جلبي ويهج "وسكر الباب بويهها"
سمع تحرطم شموه وضحك . . ~خليفه؛ احينه شقا ارتب الحجره؟~
تم واقف بنص الغرفه وهو يشوفها . . بارده شرات صاحبها . . اللون الرصاصي والكحلي غالب على اليدران والسرير و كل شي بهالغرفه لان خليفه (يعشق الرصاصي والكحلي) . . !
خليفه : اوه بتأخر عليهم . . عقب برتبها "ودخل يسبح"
دبي . . الساعه ٧:٢٢ . . يوم الثلاثاء؛
حميد يزاعق : فطططيييم . . ياا فطييييييييييم!
فطيم بإنزعاج : نععم؟
حميد بهدوء : تجهزي بنرجع بوظبي . . !!
فطيم : بتطلقني؟
حميد بنفاد صبر : يصير خير . . جهززي اغراضجج بسس!!
فطيم بهدوء : وانتت؟ . . !
حميد : عندي ثياب واغراض ف بيت أبويه . .
~فطيم؛ اخخيييه . . بنسير بيت اهله! ! الله يعينج يا فطيم~
-لا تلهيكم الروايه عن الصلاه وذكر الله-
بس ترا نص الكلام مافهمته<<م اعرف لهجة الامارات ابد
وووو روعه البارتين
وبدايه موفقه
|
المشاركة الأساسية كتبها ساظل انتظرك
 جمييله روايتك استمري والى الامام اختي..
بس ترا نص الكلام مافهمته<<م اعرف لهجة الامارات ابد وووو روعه البارتين |
تسلمينن شيختي . . فديتجج لو ما فهمتي شي اكتبي الكلمه اللي ما فهمتيها وان شاء الله بفهمج . . !
مشكوره . . مرورج الاروع ختيه.
وبإذن الله قريب البارت . . بحفظ الله وأمانته
ابوظبي . . يوم الثلاثاء . . الساعه ٨:٢٢ ؛
ام علي تتحرطم : انا اريد اعرف . . خللوف وين شّل أمونن هياه!!! . . يعني ما يدري ان اخوه الزفت راد من دبي هيا حرمته الوغده . . والجماعه بيزعلون عليّه لا سرت عرسهم ولا شي وهم عازميني . . استغفرالله بسس! . . "وتمت تتحرطم"
. . يتحمحم : هوود . . هوود !
ام علي : هدا هدا ابوييه . . احدر محد غريب
. . يبوس راسها : افا يالغاليه . . شعنه مخلينج روحج؟ . . خواتي وينهن؟
ام علي بمحبه : ما عليك من خواتك فديتك . . !
. . بعتاب : افا يا اميه . . حد يودر ويهج الحلو ويخليج روحج؟
ام علي تضحك : امون هيا خلوف مودنها البر يريد يراضيها . . وشموه تشوفها بالمطبخ اكييد . . والنوف والمهره ساروا العرس ولان اخوك بيي قلت اتم انا؟
. . عاقد حياته : لحظه لحظه! امانتي شقا تطلع هيا خلوف روحهم؟ . . والشم هاي هي قصه حبّ هي والمطابخ . . "بهدوء" النوري وفطايم وينهن؟
ام علي ابتسمت بحب لبجرها *علي* اللي يحب يدلع خواته من وراهن
ام علي : نوروه وفطيم رقود
علي : اماييه . . لا تزقرينهم نوره وفطيم "ابتسم" دلعيهن هالبنات الحلوات
ام علي : هههههه ان شاء الله فديتك . . الا ما قلت لي من وين راد؟
علي : من العزبه
ام علي : هييهها شقا تولهتت للعزبه . . شحال هوشي وبوشي والحلال ؟
علي بضيق : تذكريين نعّاس "اسم ناقه" ؟
ام علي : واابووي . . شقا انساها . . ناقة امون! . . بلاها امييه؟
علي بهدوء : امس ولدت
ام علي بفرحه : يا فرحتج يا امون . . باجر من غبشه توديني لها
علي يكمّل : ومات !
ام علي شهقت بنفس الوقت اللي دشت فيه امون وسمعت اخر جمله قالها علي وشهقت هي الثانيه . . لفوا لها وردت ام علي شهقت !
فالسياره . . من دبي لبوظبي . . نفس اليوم . .الساعه ٨:٢٦ ؛
فطيم بضيجه : لازم نروح لاهلك يعني ؟
حميد بحده : هيه لازم . . "بسخريه" ولا تبين نتطلق بالدس؟
فطيم بعصبيه : حميييد . . لا تييلس ترمسني جيه . . بخبر عليك عمّي "بو حميد" !
حميد يصارخ ويضرب السكان : جججااااااابب . . لا تزقرين ابويّه عمي . . ما يتتتتشششرفففف انجج تزقرييينه عمممي!!! . . "بعصبيه اكثر" ولا انا اتشرف انجج تكونيييين حرمتتييي
فطيم برعب : حميـ "قاطعها بصرخه صرعتها"
حميد : اااسسككككتتتي . . حسسجج لا اسسمعه . . الله يااخخخذني يوم تزوجتجج . . خرططتتتي علينا . . لككن ما عليّه يا فطيييم كل ششي بينفضحح !!! .
فطيم بلعت ريجها بزيغه ~؛ اعوذبالله . . فالشقه كان هادي . . ليشش جي فجاءه انجلب!!؟ . لحظه هو ظهر من الشقه من رد وهو يعاملني بنفس خايسه . . ووووو "فكرت بشيء خلاها تغوص بالكرسي من الزيغه" لالالالا مسستتحححييل يكون ععرف! . . يقول ككل شي بينفضح . . ياربي ياربي"
*واضح ان فطيم وراها شيء كبيييير . . وما تبا حمييد يعرفه؟ لكننن شو هالشيء؟ ماعرف*
ام القيوين . . نفس اليوم . . نفس الساعه . . وووو الدقيقه . . لكن الفرق هو (المشاععر) ؛
سلطان بحماس لخواته : يومين ثلاث وراجعين لدار الحيّ . . !
. . . بحماس كبير : ونششوفف جيراننا القبلييّن
. . . بهدوء : شهّوود انطبي . . اوكيه؟
شهد بوزت : لييش انطب؟ "بصدق" اشتقت لهم حييل . . وبعديين حنون انتي وخلود بعد اشتقتوا لهم . . مش بس انا
خلود بهبال : ما علينا . . اهم شي نرجع لدارنا . صصحح؟
سلطان+شهد+حنان : صصحححح
نرجع لجوهرتنا العاصمه (ابوظبي) . . الساعه ٨:٢٣ ؛
شهقت ام علي وهي تشوف رأس امون . . وتربع صوبها
ام علي بزيغه تنتفض : امممون امييه . . بلاه رااسجج ملفلف!!؟
خليفه وهو يدخل ومتلوم : اممونن. . السممموححه ختييّه . . والله إني متلومم !
امنه بإبتسامه : حصل خير بو سلطان . . مقدر ومكتوب
خليفه بصدق : السمموحه . . كنت ابا اونسج لكن خربت عليج يومج . . !!
امنه وهي تضربه بدفاشه على ظهره : اقوول فكنا زيين . . استانستت وشكراَ . . "ترمس علي" منو مات؟
ام علي بعصبيه : اسألج انا بلاه راسج ملفلف ؟؟ . . سايره البر ولا سايره الدختر
امنه بإبتسامه عبيطه : الاثنين . . اماييه هدّي عمرج شوييه . . وعقببها بقولج كل شي
ام علي بنص عين : قولي بسرعه . . !
امنه بهدوء : ان شاء الله .
<
>
<
خليفه بنشاط : يلا قومي لبسي عباتج . . بوديج البر يالرمانه الزعلانه
امنه بدون نفس : ان شاء الله
فاطمه بلقافه : عادي ايّي هياكم؟
خليفه بسرعه : لا لا لا لا لا لا
فاطمه بتحرطم : زيين "وسارت حجرتها"
خليفه : بسرعه سيري البسي عباتج!!
امنه : انزيييييين "وسارت تلبس عباتها"
شمه طالعه من المطبخ وبإيدها صحن متروس اكل : أونّك تبا تراضيها؟ . . ههههههههههههههههههههه
خليفه بغيض : جااااابب يييلااا
شمه تضحك : ههههههههههههههههههههه سير شوفها اكيد فرحانه هههههههههههههههه
خليفه بنص عين : شو يخص اسير اشوفها اكيد فرحانه؟
شمه تضحك : ماشي ماشي "وسارت فوق"
خليفه يزاعق : امممممموووووونن وينننججج؟
امنه ترابع من الدري : يايه يايه
ركبوا السياره وحركوا صوب البر . . وخليفه مشغل ميحد وفاج الدرايش والجو أوربي هههههههه . . وخليفه سرحان بالدرب . . وووووووووووووووو
فجاااااااءه
زاعقت امنه بصوت عالي : الله . . نااااااااققققققققققققه
عاد هنا خليفه من الزيغه ما رام يتحكم بالسيّاره . . ودخلوا بالرمله واندق راس امنه بهذا اللي جدام <نسيتت اسمه هههههه . . وتمت تزاعق وتضحك وعايبنها . . وخليفه عقب دقايق قدر انه يتحكم بالسيّاره . . ورجعها للشارع !
خليفه بهدوء : الله يهديجج يالبقره
امنه شاقه الحلج : امين امين يا اخو البقره
خليفه عطاها نظره خلتها تضحك
خليفه ميّود عمره لا يضحك : بلاج؟
امنه تضحك : مااششيي ماششي . . "تمسح دموع الضحك" روح المستشفى ابا الف راسي . . شووف في دم
خليفه شهق : بببذذذذمتتتتتجج؟؟؟؟!
امنه بعبط : والله
خليفه بعصبيه : يا حمااره . . لييش يالسه تضحكينن جاان قلتتي ! "وافتر بالسيّاره بسرعه صوب المستشفى"
>
<
>
امنه : وبس هذا اللي صار امايه
ام علي تدمع : سلامتج يا قلب امج انتي . . "تهزب خليفه" وانت شعنّه تسرح وانته تسسوقق !!؟
امنه تدافع عنه بإبتسامه : امييه الجو يخليج تحسين عمرج انج تحبين . . ف عشان جذا هو سرح شويه
ام علي : صخي انا اقول صخي . . بروح لحجرتي برقد "وسارت حجرتها"
ابتسم علي لانه متأكد ١٠٠٪ انها بتيلس تصيح . . لانها زاغت على امون او "امانته" شرات ما يحب يزقرها . . تقدم صوبها وحضنها
علي : سلامتج يا امانتي .
امنه تبتسم : الله يسلمك بو عزوز
خليفه بضحكه : الا وينه جبنه البقره الضاحكه؟
علي عاقد حياته : جبنه البقره الضاحكه؟
خليفه أشر لامنه لانها هي اللي مطلعه اللقب
امنه تشهق : يالخايين ! . . "تدافع عن نفسها" عييل هو يزقرني قمله قزمه
علي بإبتسامه : صادق انزين
امنه كشرت بويهه وسارت حجرتها ورقعت الباب
خليفه يضحك : ششوووي ششوي عليه
امنه تصارخ من فوق *من غرفتها* : جاااابب .
علي ابتسم : حميد ياي اليوم "ييلس يطالع السقف وهو سرحان"
خليفه يتنهد : خير ان شاء الله . . الا وينهم باجي الاخوه؟ "يزقر علي" بو عزوز . . بو عبدالعزيز . . ععلوووويّ
علي انتبه عليّه : هلا بو سلطان؟
خليفه بنظره قويه : ويين رحت؟
علي : وياك وياك . . شو كنت تقول؟
خليفه بهدوء : اسأل عن اخوانك وينههمم؟
علي : تموا فالعزبه . . !!
خليفه فج عينه : كلهم
علي : لا . . نصهم سار هنا ونصهم هناك . . "يتثاوب" بسير ارقد تصبح على خير . . يوم بييّ حميد وعني زييين!؟
خليفه : وانت من اهله . . ان شاء الله
ساروا خليفه وعلي كل واحد لحجرته
-لا تلهيكم الروايه عن الصلاه وذكر الله-
فداعته شيّوخي . . وانتظروني قريب بإذنه الواحد احد . . وجان ما فهمتوا رمستنا بفهمكم علي عيني وراسي . . !
اتمنى اتمنى اتمنى اني احصل ردود تحمس وتتوقع مش بس " رووعه،كممملي، الخ.. "
ارييدكم تتحمسون هيا الروايييه . . !
والسموحه شيّوخيه على القصصور . .
ششّعننه مااشي ردود ، شيّوخيه انا ما اريد منكم حاييه غير انكم تتحمسون هياي وهيا الروايه وتردون وبسس ، لا تخيبونن ظنني بكمم ، وقلت لكم قبل اي كلمه او رمسه ما فهمتوها قولولي وفالكم طيب ، من اليمنى قبل اليسرى افهمكم الرمسه
والسموحه جانن طولتت برمستي ، فداعته وحفظظه .