رواية وعد الطفولة / بقلمي 2024.

هااااااااااااي يا حلوين
عندي لكم رواية كتبتها بقلمي اتمنى انها تعجبكم
تدور احداثها عايله في مدينه الرياض
طبعا هيا خياليه
رواية وعد الطفولة

نبدأ الرواية واذا عجبتكم باكمل واذا لا فمالي لطيب نصيب graaam (274):رواية وعد الطفولة
الشخصيات
_______________________________
عائلة أبو ماجد
ابو ماجد : (سعود) // أم ماجد: (هدى) أولادهم : ماجد :30سنه متزوج حبوب وطيب وما يحب يشوف احد يبكي عنده بنت _رغد_ زوجته من برى العائلة بس هيا وحيده امها وابوها وابوها من سنين ميت وامها بعد زواجها بسنه ماتت ومالها في الدنيا غير ماجد اسمها _نادين_ // اروى :26سنه متزوجة ولد خالتها مريم _عمر_ من سنه وما عندها اولاد // احمد :25سنه يشتغل في الشركه وما حاط وحده من بنات عمانه في باله بس امه تتمنى له وحده معينة // ملاك :23سنه تدرس انقلش مع ندى في الجامعة جرئية جدا تتمنى تعيش قصتها مع فارس احلامها وحنان الدنيا في قلبها وعنيدة مرا وماتسوي الا اللي مقتنعه فيه تحب تسمع ليارا جميله بمعنى الكلمه تقاطيع وشها نااعمه //مودة:19سنه فرفوشه تحب تعيش حياتها بس مشكلتها مزااااجيه مراااا بس طيبة قلبها حلوة هيا وطبعا شريكتها في الدجه بنت عمها ابراهيم (امل) بس علاقتها في مره اخوها نادين جدا قوية تعزها زيي أختها يجذب انتباهها ولد خالتها اشرف *_^ _______________________________________ عائلة الخالة مريم
زوجها (عيسى ) أولادهم : عمـر :28 سنه متزوج اروى حنوون عليها ويحبها مرا وعايشينا حلى حياه //حنين 24سنه هادئة ونعومه بس ان اجتمعت مع البنات تنسى الهدوء جذاابه جدا //أمل : 21 سنه تدرس أحياء دقيقه هيا وبنت عمها موده صاحبات مرااا واحلى صفه فيها انها تخلص اخلاص مو طبيعي للي تحبه
اشرف: 20 سنه يدرس في الجامعة يستنى يخلص الجامعة بفارغ الصبر عشان يخطب مودة بنت خاله لانه مرا يحبها // محمد: 18 سنه طيب مراا يدرس اخر سنه في الثانويه وسيم ويشبه باسل بس غيور شويات ___________________________________
عائلة الخالة نهلة
زوجها: محمد //أولادهم :طلال 25 سنه يحب فاطمه بنت خاله وناوي يخطبها قريب // رنا :20سنه مملوكه ملكتها على فارس وتعشقه مرااا بس شويا زعوله وشويا غيورة عليه
____________________________________
العم طارق
زوجته ميتة من 10 سنين عنده منها ولدين
فارس :25 سنه يشتغل في شركة العائلة زيي كل شباب العائلة يحب رنا وفرحان انو زوجها رسمي لأنو مالك عليها // رائد: 18 يدرس مع محمد في نفس الثانوية وأصدقاء عمر يعتبروا .
عائلة أبو باسل (( جيران ابو عبدالله ))
أبو باسل: (إبراهيم)//أم باسل: (جوهرة) أولادهم : (ناصر) عمره 29سنه متزوج بنت خاله _عبير_ يحبها كثير وعندهم ولد اسمه (الوليد) // باسل: 26سنه درس الجامعة في أمريكا حنون لأبعد درجه وطيب ووسيم جدا ومو متزوج فهد:23سنه يستنى يخلص الجامعه عشان يتزوج ومو حاط وحده في باله ويكون أتوظف في شركه العائله ومميز بدمه الخفيف // ندى: توؤم فهد 23 سنه تدرس في الجامعة علم نفس // فاطمة : 21سنه تدرس إدارة أعمــال شخصيتها حلوة حنونة ومعروفه في العائلة بطيبه قلبها هما جيران بيت أبو عبدالله بس من 15 سنه افترقوا لما نقله من بيتهم من شمال الرياض لجنوبها وانقطعت اخبرهم عن بعض _________________________________
البارت الأول
قبل 15 سنه بالتحديد كان أخر يوم لعايلة ابو باسل
كان الكل صغار البنات والاولاد
في بيت ابو عبدالله كان مسوي عزيمه لجيرانه لانهم بينقلوا بكره
كانت جالسة في ركن من اركان الحوش وتبكي وشكلها يقطع القلب
جاها باسل ،عمره 11: ملاك ليش تبكي ؟؟
ملاك رفعت راسها وعيونها كلها دموع ردت برائه،كان عمرها 8:
لان كلكم بتروحون وما يسير في احد العب معاه
ولا اضحك ولا انبسط مع احد
باسل :طيب كيف اراضيكي ؟؟ انتي عارفه انو لازم اروح
مسحت دموع عيونها وبعفويه :
اوعدني ما تسيبني
باسل بشك : ملاك ….. ما في غير انو اتزوجك امس ابوي قالي انو
نما الواحد يتزوج ما يسير يترك زوجته .( ابتسمت ملاك )
بس (وهوا يحك راسه ) بس انا صغير وانتي صغيرة
ملاك : طيب احنا شوي ونكبر … بس ليش تبي تتزوجني ؟؟
باسل لانو انا ما احب اشوفك تبكي وانا احبك واحب العب معاك
ملاك : طيب كيف رح نتزوج وانت رح تروح بكرى لازم نكبر مع بعض
باسل : لالالا لا تخافي انا اوعدك انو اتزوجك نما تكبري وكيف الاقيكي هذي اتركيها ليا اكييد رح الاقي طريقه
ملاك بفرحه وعفويه : وانا اوعدك اني استناك
باسل : شوفتي حلينا الموضوع يلا قومي نلعب على المرجيحه
ملاك وهي تضحك : هههه شوكران ..طيب
بعد ما مرت 15 سنه باسل سار عمره 26 سنه وملاك 23سنه
وكل واحد يبي يوفي بوعده
بيت ابو ماجد الساعه 4 العصر
كانت قاعده في غرفتها على سريرها تستنى بنت عمتها امل تجيها عشان يروحوا السوق وطفشت لانها اتاخرت عليها طلت على المكتب لقت ورقه وقلم اخذتهم وسارت تكتب خاطرة وهيا مبتسمه ونما حطت الورقه على الكومدينه دق جوالها طلعت امل داقه
ملاك تسوي معصبه: املووه سااعه انتظرك ؟؟
امل وهي كاشفتها: اقوول عن التمثيل الزايد مسويا معصبه . انزلي بس انزلي
ملاك: هههههههه كاشفتني دايم يلا نازلة باي
امل :هههههه اكيد باي
قامت بسرعه وسحبت عبايتها اللي كانت جنبها وطاحت الورقه عند باب الغرفه وما انتبهت وطلعت وسكت الباب نزلت تحت وطلعت من البيت لانوامها مو في عند خالتها مريم وركبت السيارة وراحوا على المول

احمد كان طالع من الدوام و واقف عن الإشارة وتجيه من ورا سيارة وتصدمه ما كانت صدمه قويه بس كفيله انها تفجعه
نزل بسرعه من سيارته وشاف اللي صدمه نازل
احمد ما يبي يعصب : يا خوي ما تشوف ما تنتبه احمد ربك شئ بسيط
………….: اسف اخوي بس فرام السيارة خربانه وكنت رايح اصلحها
احمد ما حب يطول السالفه : اوك ما سار شئ معليش … عفوا بس اسمك شنو ؟؟
………….: باسل الـ…..
احمد مو مصدق انو هذا باسل : باسل معقولة باسل ابراهيم الـ…..
باسل مستغرب لانه مو عارف احمد وهو مشبه عليه :
عفوا اخوي ما عرفتك ممكن تقول مين ؟
احمد : افاااا باسلوه ما عرفتني ؟ انا احمد ولد سعود الـ…. جيرانكم قبل
باسل مو عارف ايش سوي ولا ايش يقول له له فتره يدور على ملاك وذحين بكل سهوله يلاقي اخوها كان شعوره لا يوصف وطاااير من الفرحه : احمــــــــــــــــد !!
وسلموا على بعض وتحاضنوا في وسط الشارع وبعدين استوعبوا
باسل : اقول يا الاخو مو احسن لنا نشوف مكان نجلس فيه شوف الناس كيف يطالعون كأننا مهرجين
احمد : الشور شورك يلا قهوتك عندي
باسل : احلى حمود والله وكبرنا ونعزم بس صراحه اشك انك تركت البلايستيشن
احمد بعفويه : مسسسسسسسسسسسستحيل
احمد وباسل :هههههههههههههههه
وراحوا على بيت ابو ماجد
في المول عند ملاك وامل
ملاك: امول حبي انتي والله تعب من الدواره خلينا نقعد
امل : ادري فيك عجووز يلا نجلس شوفي كوستا كافيه هنا
وراحوا جلسوا وملاك طول الوقت ما راح عن بالها اللي كانت تكتب خاطرة عنه
في بيت الخاله نهلة
في الصاله
رنا : يمه ما في طلعات عزايم شئ … ترى من زمان ما تجمعنا ام طلال ( نهله): الا يمه بعد يومين ابو ماجد مسوي عزيمه في استراحته وبنجلس ممكن 3 ايام
رنا وهي بطير من الوناسه : الللله يما وناااااااااسه الله يبشرك بالخير وعلى دخله طلال طلال : السلام عليكم رنا وامها : وعليكم السلام طلال: الا وشفيها المجنونة هذي تناقز رنا : لو تدري كان سويت اكثر ( وتغمز له طلال اتحمس: شنو شنو قولي ؟ رنا: بعد يومين رح نروح استراحه عمي ابو ماجد ورح نجلس 3 ايام طلال : صدق والله وناااسه يلا انا باطلع غرفتي رنا : كيفك وكملت المسلسل اللي كانت تشوفه
___________________________
بيت ابو ماجد جناح ماجد ونادين
ماجد : حبيبتي ادو لمتى انتي بتفضلي زعلانه ؟؟مو كفايه لك يومين ما تسالي عني ولا تدري عني شئ ولا تبي قربي حتى
نادين هيا مو زعلانه منه هيا كانت بس تبي يفهم شئ واحد ونما شافته لا اتاسف ولا قال شئ وسايبها زعلت منه بجد : كويس انك داري اني زعلانه ماجد انت للان ما فهمتني ولا قلت لي ليش ما قلت لي على مشاكل الشغل ولدرجه توصل انو كان ممكن تنفصل عن العمل … ما جد يا عمري انا قلتلك مليون مراا انا وانت واحد واللي يسير لك يسير لي مو معقوله تقتل فرصه اني اساعدك واوقف جنبك .
ماجد باسها على راسها : يا حبي انا ادري فيك بس انا ما توقعت تطول المساله وما حبيت اضايقك والله وضمها لصدره بقوووة وهمس في اذنها : اسف يا الغلا واحبــــك
نادين ما قدرت ترده هوا يدري كيف يراضيها وارتاحت في حضنه الي انحرمت منه يومين بس بالنسبة لها كانت سنتين او اكثر : وانا بعد
بعدها عن حضنه شوي ومسك ايدينها وحطها على رقبته وسار ما سكها من خصرها : حلفي انك كنتي زعلانه …
نادين سارت تبعد عيونها عن عيونه بتانيب ضمير : انا ما كنت زعلانه ابدا بس نما شفتك ما سالت ولا فهمتني اتنرفزت وقلت خلي هوا يتكلم اول
ماجد فتح عيونه : يعني تسوي انك زعلانه وتحرميني منك يومين وتخليني اراضيكي وتضيقي صدري يومين وحتى ما اعتذرتي … ابتسم بخبث : اوك ما ابي اعتذار ابي بوسه منك يلا وأداها خده
نادين كانت منحرجه منه فكرت تبعد عنه بس ليش تبعد وهي لها يومين بعيده عنه بعفويه باااسته على خده
ماجد مو مستوعب انها ولاول مرا من يوم ما اتزوج من سنه سوتها لانو نادين تخجل من قلب :وبعد ما استوعب : لالالا انتي ناويه اتهور من جد
نادين ابتسمت له : احد ماسكك ؟؟
ماجد : امممم لا وعشان كذا بتندمين
نادين منحرجه مرااااا : ههههه
……………………………….
في نفسس البيت بس مكان تاني
المجلس
بعد ما شربوا القهوه
احمد : باسل قسم بالله مو طايق جلستنا كأننا اعمارنا في الـ60
باسل فاهم قصده بس حاب يطول عليه : طيب والمطلوب ؟؟؟
احمد يبتسم : اجيب البلايستيشن ونلعب لنا كم قيم
باسل : اول شئ انتي لو مسكته ما تسيبه ثاني شئ ماني مطول اخاف ازعج الاهل
ثالث شئ بزر انت مو قادر تمسك نفسك ؟؟ ومتى اخر مره لعبته به ؟؟
احمد : هههههههههه شوي شوي اوك انا صح ما رح اسيبه بس برضمو زي قبل ما اسيبه الا بعلقه من الوالد تاني شئ الاهل مو فيه الوالده عن اختها والباقي كل واحد مصرف عمره وترى احنا في المجلس الخارجي نعتبر وثالث شئ لا مو بزي واخر مره لعبت امس الليل
باسل : يووووه ادري فيك بتصرعليا لين ما اوافق يلا جيبه
احمد بفرحه : حاااااضر على هالخشم _ وياشر على خشمه _
وبعد نص ساعه لعب اشكالهم كأنهم اطفال مفصخين الغتر والطواقي والثياب مشمره اكمامها
باسل وهوا يطلع جواله : اوووه أحمد ابي شاحن جوالي حده فااضي
احمد وهو يلعب : لا متامل فيني خير والله ما اقوم اطلع غرفتي جيبلك شاحن وماني دالك اطلع ورح تعرفها ولا تخاف اخواتي وحده برى وحده نااايمه
باسل : والله انك ما تستحي .. بس الامر والحيله لله بطلع
وطلع باسل الدرج وشاف على يساره صاله وعلى يمينه الغرف في غرفه في اخر الممر شدته لها راح بدون ما يفكر هي غرفه احمد ولا لا
حط يده على يد الباب حس شعور غريب مو عارفه يفهمه
فتح الباب استغرب الغرفه باين غرفه بنت
باسل : اكيد مو غرفته شكلها غرفه وحده من اخواته مودة ولا ملاك
اتذكر ملاك في نفسه "كيف رح اوصلك واشوفك مدري الله يصبرني بس "
في بيت ابو باسل
في الصاله كانت مجتمعه العايله كلها الا باسل دخلت عليهم فاطمة : سلام عليكم الكل: وعليكم السلام ابو باسل بابتسامه : هلا فطومتي تعالي يمي فاطمه ما تدري حست في سالفه : هلا بك يوبا وجلست جنبه ،بعد السواليف شويا ابو باسل : فطوم يبا ، اسمعيني ولا تقاطعيني فاطمه حزت راسها بايجاب وابتسمت كمل : امس اللي الضيف اللي جاني بيخطبك والرجال ماعليه قصور في كلامه وادبه واخلاقه من اللي شفته امس بس احنا لسه ما سالنا عنه وبنشوف بس حبيت اديك خبر فاطمه : اوك تبي شئ ثاني باطلع غرفتي ابو باسل : لا يا بنيتي اتفضلي طلعت فاطمة وسابتهم فهد يبي يغير الجو عليهم حسه متوتر شوي : اقول توؤمي … ( توهق مو داري ايش يقول ) ندى : هلا .. فهد: اممممم نسيت ندى : ادري فيك تنسى دايم . وقربت جنبه عشان ما يسمعوها اللي عندهم
ندى بهمس : فهد ترى انا مو مطمنة على فطووم وهذا وجهي ان ما رفضت الخطاب فهد بضيق خاطر: ولا انا مو مطمن بس عن الرفض ابصم بالعشره وبعد شويا ..كمل: اقولك انا طالع فوق ورح استناك تلحقيني رح اوقف عن الدرج اووك بعد خمس دقايق لو شئ الحقيني ندى : اووك بس شنو ناوي ؟ فهد بجديه نادرة فيه : ابي اتفاهم مع فاطمه او بالاصح نتفاهم ووقف : انا طالع غرفتي يبا تامر على شئ ؟ ابو باسل : لا يا ابوك اتفضل طلع فهد لين الدرج واستنى ندى بعد 5 دقايق لحقته ندى ونما قربوا من غرفتها رفع يده يبي يدق الباب والا تفاجا باللي سمعه
___________________

هذا البارت الاول
اتمنى تكتبولي توقعاتكم
باسل : غرفه مين اللي دخلها وايش رح يلاقي ؟؟
فاطمه : ايش سر تاكيد اخوانها لرفضها للخطاب ؟؟
فهد وندى : ايش سمعوا من غرفه فاطمه ؟؟
ملاك : تتوقعوا يطول انتظارها ؟؟؟

السلام يشرفني اكون اول من يرد

باسل : غرفه مين اللي دخلها وايش رح يلاقي ؟؟

غرفة ملاك
فاطمه : ايش سر تاكيد اخوانها لرفضها للخطاب ؟؟

ما ادري يكم تحب احد
فهد وندى : ايش سمعوا من غرفه فاطمه ؟؟

سبب الرفض
ملاك : تتوقعوا يطول انتظارها

اي بس ما ادري ليش

يسلمــوو و لا تطولين متحمسه للبارت الي وراه

,’

بسم الله

يعطيك العـــافية
موفقة إن شـــاء الله

القوانين ، تحديث جديد ؛

,’

حلوه القصة

وتسلمين على البارررت 🙂

و مموفّقه إن شاءالله بكتابة القصة

هاااي

هذا البارت التاني

في بيت ابو ماجد
باسل لف بيطلع من الغرف هالا دعس على ورقه عند باب الغرفه طايحه حاول يبعدها برجله الثانية بس ما في امل ارخى جسمه واخذها من الارض وبدا يقرأ وكان مكتوب فيها
حبيبي الصغير الى متى سوف انتظرك ؟.. هل سوف يطول انتظاري ؟؟.. اشتقتلك …هاأنا ذا اوفي بوعدي .. متى سوف توفي بوعدك انت ؟؟ متى تملكني واملكك ؟؟
حبيبي الصغير قلبي ينبض وينادي باسمك متى متى أراك أمام ناظري متى ؟؟

منتظرتك … ملاك قلبك
باسل بعد ما قرأها اتفاجا ما اتوقع يكون في غرفتها للحظة فقد الاحساس فقد الحياة عقله قلبه روحع مو مستوعبين هوا لقا ملاااك قلبه مثل ما كان يناديها نما كانوا صغار وهيا كانت تناديه باسل عمري _تقصد انو هوا عمرها _ مو داري ايش يسوي سارت عيونه تدور في الغرفه لين ما طاحت على صورتها على المكتب وهيا صغيرة رح للمكتب وشاف ورقه ودور على قلم ولقاه كتب على الورقه وثبتها قدام صورتها … وطلع
____________________________ في بيت العم طارق
المغرب
طلع من غرفته نزل الصاله وشاف اخوه وابوه فيها
رائد : السلام عليكم
ابوه واخوه : وعليكم السلام
كمل ابوه : رائد يا ولدي ما يسير كذا من يوم ما ترجع من مدرستك على السرير ماهي حياه ذي لا ولاتصحى الا المغرب
رائد يدري انو مطول النومه وداري انه غلطان،قام باس راس ابوه : يا الغالي سامحني بس امس ما نمت بدري ورجعت من المدرسة هلكاااان واوعدك ما يتكرر
ابو فارس بابتسامه : طيب نشوف .. اقول ترى بعد يومين ابو ماجد مسوي عزيمه باستراحته وبنقعد هناك 3 ايام
فارس فرح رح يشوف رنا لمده تلات ايام ورى بعضهم وما علق
رائد : وناااااااااااااااااااااااااسه بنفلها انا ومحمد اجل .. ويطل في فارس .. ونفتك من الشياب اللي يجلسوا معنا طوول الجلسه هرج في السياسة << رائد اكبر واحد في العيله يكذب ويخرف على كيفه . وحاليا يبي ينرفز فارس
فارس وهو فاهم قصده /بابتسامه: اولا ادري انك تبي تقهرني بس ماني براد على البزارين وثانيا سيب عنك الكذ والافترا ع الناس
رائد : هههههه اوك اوك ….. يا فيلسوف زمانك
ابو فارس : يعني بتضلون ع ها الحال بس هوااش
فارس : لا والله يبا موه واش ولا شئ … لك الحشيمه افاا !!
___________________________ بيت ابو باسل
وقف يبي يدق باب غرفتها الا سمع صوتها تشاهق بكى من قلب سار يناظر في ندى كانه يبيها تساعده
ندى بخووف : فهد ادخل وش فيك تسمرت ؟؟
فهد بعد ما استوعب : طيب طيب
ودق الباب ودخل بهدوء هوا وندى لقوها منسدحه على سريرها وظهرها على الباب استغربوا ما حست عليهم ولا لما دخلوا جلس فهد على طرف السرير وندى سكت الباب وظلت واقفه
فهد بحنان : فطووم يا عمري لي تبكين .. ترى دموعك غاليه يلا قومي واستهدي بالرحمن ..
فاطمة : …………… تبكي بزياة
ندى جلست قدامها على السرير : فطومتي يا عمري لا تكدرين روحك لو على الخطاب ارفضي وخلااص
قامت فاطمه ورمت نفسها بحضن اختها وسارت تبكي تبكي بحرقه قلب وقهر ظلت شوي ساكته بعدين ما قدرت خلاااص تعبت تكتم بقلبها وتداري الالم / وهي تبكي لسه : انتو اكيد تفكروا ليش ارفض كل الخطاب حتى اني اسوي اني استخرت وفكرت انا كل ما يخطبني احد اتذكر النذل الحقير الحيوان خالد كل ما يخطبوني اتذكر خيانته لي ومع من مع الخداااااااااامه لا ونما شافني وعرف اني شفته مو يعتذر ( لفت على فهد ) لا يحاول يكذب ويرقع لعمره .. سكتت شوي وزادت شهقاتها .. كملت : صح ما تزوجته بس كان يسمى زوجي بس مملكين ونما طلبت الطلاق ما حاول انه يراجعني لانه عارف انه غلطان ومين اللي بايعه كرامتها وتتزوج واحد خاااين كذاااب ما في ذرة رجولة وإخلاص … سكتت تحاول تكتم شهقاتها .. ( لفت على ندى وبدا صوتها يخف ) وكيف كيف تبوني انسى بسهولة صح اطلقت وعرف الكل انه حقير وخاين ونذل بس برضو انا انا تعلقت فيه كنت افكر انه بيسير زوجي ونعيش مع بعض ….سكتت ومن قلب طلعتها : اااااااااااااااااااااااااااااااااااااه ونزلت راسها وبدات دموع القهر تنزل من جديد
ضمها فهد بقووووه : لا لا يا عمري هذا واحد ما يسوا تنزلي دمعة من دموعك وحاولي يا عمري انسي انسي واقبلي اللي خطبك
فاطمة تم ساكته وما ردت

البارت التالت

في بيت ابو ماجد
طلع باسل من قبل ساعة
جناح نادين وماجد
نادين : ماجد انا ابي اروح اصحي مودة مرا طوولت في النومه
ماجد : اووك حبي .. وانا بطلع مع الربع
طلعت نادين لغرفة مودة وصحتها بعد طووول عناء
نزلت الصاله وعلى دخلت ملاك وبعدها جات امها
ما سار شئ مهم في جلستهم جلسوا يرتبوا ايش ياخدوا للمزرعه ومودة نزلت ساعدتهم وبعد ما خلصلوا
ملاك بتعب : يلا انا ابي اطلع غرفتي .. ابي ارتاح شوي ما رح انام
وطلعت غرفتها
نادين : يمه ترى اني ابي انزل السوق بكرى ابي اشتريلي كم طقم للاستراحه وكذا فحبيت اسالك اذا تبين شئ ولا حاجه
ام ماجد بابتسامه ك لا يمه روحي انتي انا اليوم قضيت مع اختي .. رجت لها شربنا الشاهي ونزلنا ع السوق
مودة بتررد: يمه ….
ام ماجد : هلا يمه … الظاهر عندك سالفه
مودة : أي عندي بس بلييييز اسمعيني للاخر
ام ماجد : طيب يلا كاني اسمعك
مودة بسرعه : يمه طلبتك ابي منك فلوس ابي انزل بكرى السوق ادري قبل اسبوع نزلت بس اللي اخذته كله للبيت وبجايم واشتريت لغرفتي اشياء طلبتك لا ترديني ( ترمش بعيونها )
ام ماجد بطفش : اوووف ماشاء الله بالعه راديو خلاص خلاص بكرى اديكي وتروحي
قامت موده جري باست راس امها : تســـــــــلمي يا احلى ام .. فديتك
باسل من يوم ما خرج من عند احمد راح ع البحر وجلس يفكر
" اااااه يا ملاك شلي يجمعني فيك الحين انا اعرف انك ما تزوجتي واعرف بيتك ومو مصدق اني وصلتلك ااااه يا الغلا واخيــــرأ لقيتك …. يا ترى شفتي الورقه ولا لا ؟؟
وقام رجع البيت ع الساعه 1 تقريبا ورجع وحط راسه ع المخده يبي ينام بس جافاه النوم وهوا يفكر كيف يخطبها ومتى ؟
_______________________________________
في نفس البيت بس غرفة ثانية
بعد ما طلعوا اخوانها سارت في حرب مع دموعها قامت بعدها واخذت لها شور وغيرت جو وفرفشت شوي مع ندى تموا يطالعوا افلام كوميدي ومسرحيات
ومشى يومها وقررت تنسى خالد او تتناساه بس موضوع انها تقبل بالخطبة اجلته
يت ابو ماجد
ملاك دخلت غرفتها علقت عبايتها واخذ تشور ولبست بجامه انسدحت ع السرير وفجأة اتذكرت الخاطرة اللي كتبتها قبل ما تخرج قامت بسرعه ع المكتب سارت تدور ولقتها ابتسمت وحطتها في الدرج وانتبهت لورقة قدام صورتها مكتوب فيها
ها أنا ذا حبيبتي …. اعذري تأخري …. ولكن ..، كنت ابحث عنكِ … وأخيرا يا حب حياتي سوف ….. أملكك وتملكيني …….
باسل عمرك .
ملاك سارت في صدمه معقولة معقولة هوا ؟؟ طيب ممكن مقلب من احد لا لا مااحد يعرف غير انا وهوا حتى نما وعدني كنا بس احنا فجأة زي اللي استوعبت من جد سارت تطل في الورقة وتقرأئي مرا تانية وتالتة ورابعه ……. لين ما تاكد لنفسها انو صح باسل كان هنا كانت فرحتها بالدنيا كلها وما تتعوض بذهب الكون وفلوسه أخذت الورقه وحطتها في الدرج في أخر شئ تحت كل الأغراض عشان ما احد يوصلها رجعت للسرير وهيا لسه مو مصدقه قامت مرا تانية وقراتها ورجعت للسرير وسارت على دا الحال كل شويا تقوم وتقراها زفي النهاية ناااااااااامت وهيا غاارقة بأحلامها الوردية

وخلص اليوم والكل متحمس للاستراحة
____ _____________
اليوم اللي بعده ما سار شئ مهم غير انه احمد اقترح على ابوه انو يعزم باسل واهله والكل فرح رح ترجع الذكريات … ملاك مو مصدقه للان بس اللي يخليها تصدق انها تحس بسعاااده مو طبيعية

توقعاتكم ؟؟؟

وان شاء الله في الاستراحه رح يكون في احدااث حلوة

هااااااااااااااااي
سوري يا قمامير انا ما رح اكملها لانو ما احد رد لي يعني ما احد يقراها
انا رح اكتبها بس ما رح انزلها ……….. حطيت تلاتة بارتات ولا احد رد … مو يحقل لي ما اكمل ؟؟؟؟؟!!!!!!!!!!!!!!!

انا رح اكمل لانو ما ابا يكون شئ انزله ناقص
وبليز اي احد يقرا يعلق

بليييييز كمليهاااا مرررررة تحمسسسست
متاااابعة لك..