اتمنى لك قضاء اوقاتك سعيده
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
شيخوه : افففف ياربي متى بيون تعبت وانا اتريا
فطوم : خلاص شيخوه تعالي وياي بنوصلج هكو اخوي وصل
شيخوه : لا شوه … اصلا اكيد بيمرون علي و يمكن اتاخرو ف الدرب لان بيوون من العين
فطوم : اوك كيفج .. يلا باي
شيخوه : باي
شيخوه ف نفسها "ياربي متى بيوصلون مابقى غيري ف المدرسة .. احس في شي صاير .. لا استغفر انا شو قاعدة اقول ان شاء الله ما بيكون مستوي شي "
اتصلت شيخوه ف اخوها عشان تعرف اذا مروا عليه ولا حتى هو يتريا
صقر : الو .. هلا شيخوه متى بتوصلون
شيخوه : يعني حتى ات ما مرو عليك
صقر : لا .. اوييييه وايد اتاخرو
شيخوه : صقور انا وايد خااايفة احس في شي مستوي
صقر : لا ان شاء الله مافي شي بس يمكن الدرب زحمه
شيخوه : يمكن .. اوك باي بدق ع ماما بشوف وينهم
صقر : اوك بعدين لا تنسين اتدقيلي عشان تخبريني
شيخوه : لا والله وليش انت ما تدق
صقر : اششش لا تفظحينا .. انا ماعندي رصيد
شيخوه : ههههه ان شاء الله
ودقت شيخوه ع امها
شيخوه : الو ماما وينكم ياخي وايد تاخرتوا
: عفوا منو معاي
شيخوه : انت الي منووه ؟ انا بنت صاحبة ها الفون
: انا الشرطي ***** وبخبرج ان الي كانو ف السياره سوو حاد و توفو و بننقلهم الحين لمستشفى ال**** و خلي حد يوصلج هناك
شيخوه بعدها مش مستوعبة :أ..أن.. انت شو تقول ؟ كيف يعني ؟
الشرطي : هذا قضاء وقدر
شيخوه وهي تصارخ : انت جذااااااب مااااصدقك عطني اميييه بسسرررعهه
الابلة المنوابة الي تتريا شيخوه تسير ركضت عندها : شيخه حبيبتي شو فيج
شيخوه تصيح : ابلة ها واحد جذاب يقول ان اهلي سوو حادث
الابلة شلت عنها الفون : الو منوو انت
الشرطي : انا الشرطي ***** واهل ها البنت سوو حاد وبننقلهم مستشفى ال **** الحين .. خلو حد ييبها عشان تشوفهم قبل مايندفنون
الابلة : اوك يلا مع السلامة
سكرت الابلة وسارت تهدي شيخوه
شيخوه وهي تصيح : ابلة كيف تبيني اهدى يعني منو بيتمليي ف ها الدنيا اذا امي وابوي واختي راحوو منووو
الابلة بدت تدمع : خلاص حبيبتي اذكري الله كلنا ماشين ع ها الطريج وادعي لم بدل ماتقعدين تصيحين
شيخوه حظنت الابلة وقعدت تصيييح وتصييح وتصيييح وتشهق وتصارخ
ف مدرسة الاولاد
صقر ف نفسه " اففففف ياربي شيخوه مادقت وانا ماعندي رصيد شو اسويي ياربي "
يا عبدالرحمن ربيعه عنده : اييه ابو الشباب ف شو تفكر ؟ اذا تبا بوديك وياي مشي لان انا اكييييد نسوني
صقر : لا بس ابا ارمس اختييه و ماعندي رصيد
عبد الرحمن : خذ فوني عندي شوي
صقر : اوك يلا هات
عبدالرحمن : عافان الله ع طوول هاات ماعنده لاشكرا .. مابا .. خلاص بدبر عمري ع طوول "يقلد صوته " اوك يلا هات
صقر ابتسم : اقول اذا خايف عرصيدك اجلب ويهك مابا منك شي
عبدالرحمن : شو فيك ياريال نسولف
وعطا عبدالرحمن صقر الفون ودق صقر ع اخته مرة مرتين ثلاث جان ترد
شيخوه وهي تصيح : الو منوه
صقر : شيخوه .. شو فيج ليش تصيحين ..شومستوي ؟!
شيخوه وبعدها تصيح وترتجف : ص .. صق .. صقر وبعدين بدت تشهق وتصيح
صقور خلاصص مات من الزياغ و قعد يصارخ : شووووفييج لييش تصييحيين ارممسي
شلت الابلة الفن من عند شيخوه : الو
صقر : شـ فيها اختي ليش تصيح
الابلة: والله ماعرف شـ اقولك
صقر بدا يخاف زيادة : ارمسي لاتخوفيني اكثر عن جيه
الابلة : شيخه دقت ع امك و طلعلها واحد قاللها انه شرطي وانه الي كانو ف سيارتكم سوو حادث و توفو كلهم و بيودونهم مستشفى ال ***
صقر قعد يرتجف : كييف يعني ؟ يعني بعيش بدون ماما و بابا وسلامي ؟ يعني رااحو ؟ يعني خلااص ؟
الابلة : اهدى المفروض انت تهدي اختك الحين
صقر يصيح : عطيني اياها
الابلة عطت شيخوه الفون :الو
صقر : شيخوه حبيبتي خلينا نفهم
شيخوه بدت تهدى : ماقدر اتخيل حياتي بدوونهم مارووم اصلا كييف بعيش بدونهم
صقر : الحين انتي دقي ع خالي احمد او خالو عفره خ يمرون علينا عقب بنسير المستشفى
شيخوه : اوك يلا مع السلامه
دقت شيخوه حق خالتها عفره وقالتلها انها بعدها ف الكلية ف دقت ع خالها احمد وقالتله السالفة وطلبت منه ان يمر عليها و ع صقر عشان يسيرون المستشفى
ف مدرسة الاولاد
صقر اول ما سكر من شيخوه انهار وقعد يصييح ويصيح ويشهق .. تقرب منه عبد الرحمن وتم حاظننه وكان مستغرب اول مرة يشوف ربيعه منهار جيه
حمني : صقوووور شو فيك شو صاير ليش قاعد تصيح جيه
صقر خبره السالفه كلها وحمني متضايق ع حال ربيعه وحاول يهديه ويقله ان كل شي قضاء قدر وان وان و ان
بعد دقايق وصل خالهم و طبعا السياره كلها صوت صياح شيخوه و صراخها و صقر وخالهم اخمد يصيحون بهدوء وطبعا ما خبرو حد .. وبع فتره وصلو المستشفى وراحو كلهم القسم الي ام صقر واب صقرر وسلامه فيه و اول ما وصلو شافوهم مكفنين ومغطينهم بغطاا شيخوهه زااد صياحها : ليش ليش مغطينهم ..؟ حراام عليهم بيختقون
وشلت الغطا من ع ويه امها ووزاد صياحها وصراخها وشهقاتها : ماما ردي علي الله يخليج قولي انج ما متي .. اانتي ما متتي صح " وتهز جتف امها بالخفيف " انا اعرف انج نايمة اعرف ان نومج ثجيل و مش قاعده تسمعيني اكيد انتي نايمة " وبدت تهزها اقوى"
صقر وخاله احمد ماقدرو يتحملون الموقف و طلعو برع وصقر قاعد يصيح وحاط ايده ع ويهه و مايردد غير (انا لله وانا اليه راجعون )
راح خالهم احمد بعيد ودق ع اخته عفره يشوف اذا خلصت ولالاء عشان تهدي شيخوه بما ان هي اقرب وحدة من خالاتها لها
احمد : الو هلا عفرا وينج انتي ؟!
عفره : انا ف الدرب رادة الحين ليش .. شو ها الحشره وينك انت ؟!
احمد : انا ف مستشفى ال*** تعالي هناك لا تردين البيت اوكيه
عفره طاح قلبها ف بطنها : لييش شـ صاير
احمد : لاتحاتين ماصاير شي يخوف بس انتي تعالي هناك " طبعا قال لها جيه لان يعرف انها لو خافت ما بتركز ف السواة وخصوصا انها انسانه واااايد حساسه
عفرة : اوك يلا باي
*************
دخل صقر ع اخته وكانت قاعدة ع الارض وتصيح شلها ووقفها
صقور يصيح: خلاص شيخوه يا روح اخوج اهدي
شيخوه وبعدها اتصيح: كيف تباني اهدا كيف؟ امي راحت يعني ما بصبح ع ويهها وبرد من المدرسة وما بحصلها كيف بعيش بدونها كيف..انا بس اتخيل الحياه بدونها احس اني بعيش ف ظلمة تعرف كيف يعني ف ظلمة يعني ماعرف شو اسوي امي كانت نور لي كانت هي الي تقولي شو اسوي يوم اكون ضايعه ..اصلا كيييف بعيش بدونهم كييييف .. وبابا .. منو الي كل يوم بيوصلنا المدرسه و بيتم يعيب ع حركاتنا ويذكرنا بحركاتنا يوم كنا يهال منووووه .. كيف تباني اتحمل اشوفهم ميتين كيييييييف " صقر بدا يصيح بزيادة " وسلامي !! منو الي كل ما برد من المدرة بتتحرطم ع ابلواتها ع راسي ومنو الي بتلعوزني يوم ارمس ربعي ومنو الي ما بتخليني ارقد عشان اسمع سوالفها ومنو الي بتتطلب مني اني افزعلها يوم بتضارب ويا حد منوو ؟!؟! وبعد تتباني اهدى ؟!
صقور يصيح :الله يجمعنا بهم ف الجنه ان شاء الله … قولي الله يرحمهم
شيخوه بدت تهدى : اميييييين
“ع فكرة هم ماخلوها تشوف غير امها لان الوحيدة الي ويهها ما تشوه ومافي دم وايد "
خالتها عفره كانت تتحرا انه شيخوه وصقر كانو ف السياره وياهم ف استغربت يوم شافتها
عفرة : شيخووه !!! هاي انتي ؟! يعني انا كنت احلم ؟ انتو ماسوييتو حادث
شيخوه بدت تدمع: لا حبيبتي مش حلم ..قوم اميه سوو حادث بس انا وصقر لا "وطلعت برع "
عفره بدت تصيح بهدوء:الله يرحمكم ياارب .. انا لله وانا اليه راجعون
وصل الخبر حق الاهل كلهم و المغرب بيصلون عليهم ويدفنونهم
*******
الحين وقفه بنتعرف ع اهل شيخوه وربعها
امهم .. ابوهم .. صقر وشيخوه توأم صف ثاني ثنوي .. اختهم سلامة عمرها 12 سنه
اهل امهم : خالاتهم عفره عمرها 20 واقرب خاله لشيخوه وصقر .. نوره اكبر خالاتهم وعيالها ميره وهدى.. ميره اول ثنوي وهدى صف تاسع .. عنود خالتهم الوسطى وعيالها عمر وحمد .. عمر عمره 7 سنوات وحمد 5 سنوات .. وخوالهم احمد ويوسف ..خالهم يوسف متزوج مريم وعنده لمياء عمرها 11 سنه وكانت وايد ويا سلامه .. خالهم احمد عمره 26 مالج بس مش متوزج
اهل ابوهم : عمهم صالح وعنده نايف ووعذبة .. نايف اول سنه ف الجامعة و عذبة اخر سنه ف الجامعه .. عمتهم خديجه عندها : ابراهيم وخالد .. ابراهيم توه يشتغل ف شرطة دبي و خالد باقيله كورس ويتخرج
ربع شيخوه : فطوم وعواش وساروه و عليوه و مهور هااييل كلهم ف نفس الشله
**********
بعد اسبوع من العزا " ف المدرسه "
عواش : ياااربيي شيخوه غايبة اسبوع كامل وفونها مغلق افففف ياخي والله الكلاس بدونها ملل
فطوم : هيه والله واايد ملل بدونها ..اخر مره داومت فيها اهلها تاخرو عليها والعصر دقيت لها اشوف اذا وصلت البيت ولا لاء .. ماردت عليه وفليل كان مغلق وطول الاسبوع ادق يعطيني مغلق
ساروه : خلاص عيل بنسير الادارة بنسأل
مهور : يلا
راحو الاداره وسألو وخبروهم بالي صار لاهلها .. الادارة عرفت لان الابله الي كانت تتريا شيخوه خبرتهم بالسالفه
ربعها تاثروو وااايد وبدوا يدمعون
عواش : الله يصبرهم ويجمعهم مع بعض ف الفردوس
الكل : اميييييييييينن
فطوم : تصدقون ان نحن مانستحي .. حتى عزا ماعزيناها
ساروه : هيه صح .. بس لو كنت اعرف جاان انا اووول وحده معزتنها .. انا بس اقول الله يعينها
********
ف بيت خالهم احمد
" هالاسبوع قعدو ف بيت خالهم لانهم طلعو من المستشفى معاه ..ها البيت بناه عشان بعد مايتزوج يسكن فيه
شيخوه وصقر ماسكيين القران ويقرونه وما يورونه الا وقت الصلاة او النوم .. وطبعا ها الاسبوع ولا حد فيهم داوم لان نفسيتهم دااااون
العصر تجمعو اهل ابوهم وامهم ف بيت خالهم احمد عشان يشوفون شيخوه وصقر بيعيشون عند منوه ؟ طبعا سيخوه وصقر كللل اهلهم يحبونهم ف كل حد يبا يعيشهم عنده .. ووصلو لقرار انهم يا إما بيعيشون ف بيت يدهم ابو امهم او يدهم ابو ابوهم بيخلوون شيخوه وصقر هم الي يختارون
صقر : شيييخوه .. تبين تعيشين عند اهل ماما ولا بابا
شيخوه :عادي انت اختار انا مايهمني اي مكان عادي عندي " هي اصلا تبا عند اهل امها لانها متعودة عليهم اكثر و ماتستحي منهم وجنهم اخوانها مش خوالها .. س قالت جيه عشان صقر يختار المكان ال يريحه "
صقر بعد يبا عند اهل امه ويعرف ان شيخوه اصلا ما ترتاح عند اهل ابوها واايد لانها تستحي منهم وهو متعود عليهم وتقريبا كلهم نفس الاعمار .. راح عند الرياييل وقال : سوري عمي .. بس نحن متعودين ع اهل اميه اكثر وعندنا حجر ف بيت ابو اميه .. وعندنا اغراض هناك
عمهم صالح ماتضايق بالعكس استانس لانه عرف انهم مرتاحين هناك : لا حبيبي اهم شي راحتكم انتو
**************
عواش : ياخي اشتقتلها مووووت
عليوه : حتى انا .. بس خلوها ع راحتها ياخي يمكن نفسيتها ترتاح جيه
ساروه : هيهه صح حتى انا اقول جيه
مهوور : جاااب ماشي تخلنها انا الحين بدخلها ويانا ف المكالمة .. ياخي بنحاول نغير نفسيتها عااد كلله ولا شيخوه تتضايق
" هم كانوا مسوين مكالمة جماعية "
فطوم : هييييه صح دقيلها
دقتلها مهوور وجااااااااااان ترد
شيخوه : الو
عليوه : هلا بالقاطعه .. اليي ماتسال عن ربعها
شيخوه : عليووه والله مش وقتج
ساروه : هيه صح عليوه مش وقتج الحين وقتي انا
فطوم : لااااوالله ع كيف منو ان شاء وقتي انا الحي انا صدقتها الصدوقه
عواش :: جب جب ع كيفكم وقتي انا اصلا
شيخوه ابتسمت غصب ع هبال ربعها جنهم يها مش ف الثنوية : اققوووول جب انا بختار
استانسو الربع لانها بدت تسولف وياهم
شيخوه : اممممممممممممممممممممممممممممممممممممممممممممممممم مممممم
عواش : يلا عااد فكيينا بسرعه اختاري
شيخوه : وقت مهوور
عواش : اشمعنى يعنييي
شيخوه : لانها ما تفلسفت ع راسي
مهور : هيه صح بقولكم شي
ساروه : شوووووه
مهور :انا مواعدة "طبعا كانت تستهبل لان هي ماعندها ها السوالف "
ربعها كانو يعرفون انها تستهبل بس امشيين معاها
شيخوه : اونه ويين ؟
مهور بصوت واطي : ف ستي ووك
عواش شهقت : الحين انتي ماحصلتي مكان غير ستي ووك
مهور : الحب يبا شو اسوي
شيخوه : تعرفين شو تسوين ؟ سيري وانا وعليوه وعواش وساروه وفطوم بني بنلعوزكم
مهوور : لااا اخر شي يم بيعرف انكم رربعي بيودرني
فطوم : اييييه حبايبي انا خارج نطاق الخدمه .. انا روحي مواعدة
سارؤه : وين بعد انتي الثانية ؟ .. لاتقولين ستي ووك بعد
فطوم : هههههه لا لا انا متواضعه بسير ام سي سي "ستي مردف"
شيخوه : وين ف ام سي سي
فطوم : ف جوكلت بار "اسم الكوفي "
وتمو يسولفووون لين ماشبعو
وشيخوه اول ما سكرت تغيرت نفسيتها و فنفسها " والله ها الخبايل غيرو نفسيتي انا ماعرف كيف حياتي بدونهم
*******
ابغي رايكم واقتراحاتكم وتوقعاتكم
"هذا اول يوم شيخوه وصقر بيداومون فيه بعد ما توفو اهلهم "
شيخوه تذكرت كيف كانت تودع امها قبل ما تركب الباص وتسمع دعاويها لها .. عيونها لا ارادي امتزرت دموع
وصقر تذكر كيف كانت امه تهزبه لانه ماينش بسرعه و يسمع له محاضره عشان يرقد من وقت و مايسهر مره ثانية "تنهد " و في نفسه "ياربي اشتقت حق هزابها ومحاظراتها حتى حق تحرطيمها الله يرحمهم ويرزقهم الجنه ويكتبلنا لقاء وياهم ف الفردوس "
ركب كل واحد منهم باصه متوجهين للمدرسة
صقر ركب الباص وقعد عند ربيعه ميود
بعرفكم ع ربع صقر وع فكره ربع صقر يقربون حق ربع شيخوه : حمني (عبدالرحمن ) ولد خاله مهور .. ميود اخو عواش .. فهد ولد اخت فطوم .. سعيد اخو ساروه ..سلطان ولد اخو عليوه ..
ميود : هلا والله
صقر "ابتسم " : اهلين
ميود : شحالك
صقر : تمام ومن صوبك
ميود : الحمدلله … وينك ياريال مختفي ماتنبان
صقر : انت الي ماتنبان
ميود "عاقد حياته " : لاوالله الحين انا الي اسبوع كامل ما داومت ولا انت
صقر : والله كيفي مابا اداوم .. يعني تروم اتمر بيت يدي و تزورني
ميود : اححلللف !! ليش انت ماتمر يعني
صقر " ابتسم " :انا vip انتو تون عندي مش انا الي اي
ميود : يعلللك ما ييت .. لاني مستحيل اي عندك ي الخقاق واااايد شايف عمرك
صقر " ابتسم " : يحقلي
" ف نفس الوقت ركب حمني الباص ويوم شاف ان صقر مبتسم ارتاح " ف نفسه " والله انك كفو ميود قدرت تضحكه وهو باسوأ احواله "
ميود : شررف النفسي
حمني : محد نفسي غيرك
صقر : ههههههه ليش نفسي احيده فرفوش
ميود : من بديت انت تغيب وهو صايير متوحد تقول مطلق مرته
صقر : ههههههه لاا يمكن كان يبا يرقم وحده و ماسوتله سالفه
ميود: هيييييه صحح كيف مايا ع بالي
" حمني اكبببر مغازلجي و ماخلا بنت مارقمها .. بس طبعا هو يقردنهم مايحبهم صج "
حمني : مالت عليكم انتتو .. انا شو خلاني ايلس وياكم
صقر : والله مادري .. اذا مش تارسين عينك اجلب ويهك
حمني : اوك بجلب ويهي .. بس اي صفحه
ميود : الصفحه الاولى
حمني : للاسف محروقه هههههه
صقر : استغفرالله دممك سمممم
ميود : هيه حسيت
حمني : اقول محد طلب رايكم
وراح قعد بعيد عنهم
****************
شيخوه اول ماركبت الباص قعدت بروحها لانها اول وحده من ربعها تركب الباص وبعد فتره يت عواش عندها : هلاا والله ب اخت قلبي
شيخوه : اهلين بالحب .. شحالج ي بعد القلبي
عواش : تمام ي بعد الشبدي .. انتي علومج ؟
شيخوه : تمام الحمدلله
عواش : تصدقين السكول بدونج ملل
شيخوه : ادري ادري اصلا انا الي منورة المدرسه
عواش : اموووتت ع الواثقين انا
شيخوه : هيه حبيبتي واثقه .. وترى ارض االجنوب ماهي بسهله والي عنده تعليق يحطه والي ماعنده تعليق ياكل خرا والي يقول عني خقه هو اكبرمن الخقه
عواش : ههههههههههههههههههههههههههههههههههه بس ناقصنج جحال ازرق
شيخوه : هههههههههههه عيل خلاص اليوم بحط جحال ازرق وبصورلج وبطرشلج سنابس
عواش : هههههههههههه اتخيل
وقعدوا يسولفون لين ما وصلو المدرسة
**************
المغرب كان قاعد ف بيت يده مع خالاته و عيالهم
حمني : مهووور
مهور : خييير
حمني : اخت صقور ربيعتج صح ؟
مهور : منو ؟ شيخوه ؟
حمني : هيهه هاي
مهور : هيه ليش
حمني : هي حلوه ؟
مهور : هيه ماشاء الله عليها
حمني : اوصفيها
مهور : مش بيضا ولا سمره يعني وسط بس يايه ع السمار اكثر حلجها صغير و خشمها سيف و…. ويت ويت ويت انت ليش تبا تعرف شكلها ؟
حمني : انتي شدخلج
مهور : اييه ي ال امبااع ما تقرب صوب ربيعتي لو سمحت .. واصلا مابقولك شكلها
حمني : هههههه لاوالله بعد ماقلتيلي شكلها تقولين مابقول
" غمض حمني عيونه "
مهور : ايييه ي المينون شـ قاعد تسوي
حمني : اتخيل شكلها
مهور : حمااااار " وقامت عنه "
حمني ما مسح رقم شيخوه من هاييج المره الي دقلها صقر من فونه .. وقرر الحين يدق ع شيخوه ويقردنها
دق لها مره ماردت مرتين ماردت ثلاث مرات ماردت وجاان ترد ع المرة الرابعه
شيخوه : الو
حمني ارتبك وقلبه بدا يدق بالقو ف سكر ف ويهها
حمني : اويه شفيني ارتجف .. وليش قلبي جيه قاعد يدق .. معقووله حبيتها .. لالا مستحيل انا بس ابي اقردنها
*****
وشيخوه سوت طاف ماردت تدق
بعدها بساعة وشوي رجع دقلها
شيخوه : الووووه
حمني : هلا
سيخوه عقدت حياتها : منو
حمني : أ .. أ .. انا حبيبج
شيخوه : اقول سير غازل بعيد " وسكرت ف ويهه " خير منو ها اونه حبيبج ومن وين ياب رقمي
صقر دش عليها : منو هو ؟
شيخوه : شعرفني واحد يقولي انت سالم ؟ قلتله لا قالي عيل انتي اخت سالم قلتله لا قالي عيل وين سالم .. قلتله شدراني وسكر " ماتدري ليش جذبت عليه معنها مش متعودة تخش ششي عنه "
صقر : صج انج سخييييييييييفه .. يعني تعرفين انه مغلط
شيخوه : انزين جب اصلا محد طلب منك ترز فيسك
صقر : انا طلبت من عمري واااااههههه وطلع برع الحجرة
شيخوه : الله يعين مرتك الي بتتزوجها
فتح الباب : ترى سمعتج .. وانتي بعد الله يعين ريلج مادري كيف بيعيش … اصلا من اول ما بتنشين من الرقاد و بيشوف كشتج بتخوفينه و بيطلقج
شيخوه : هاهاهاهاههاهاهاها تعرف تنكت
صقر : حد قالج اضحكي
شيخوه : لو سمحت ممكن تطلع
صقر : لا مش ممكن و قعد ع كرسي من الكراسي الي ف الحجرة
شيخوه : احسن لا تطلع و انسدحت ع السرير وتلحفت : يوم بتطلع سكر الليت والباب
صقر: ماااالت و انا ياي ابا اسولف .. هاي تبا ترقد افففف بس .. اسير ادق ع ميود احسن لي
شيخوه ماردت عليه .. طلع برع وسكر الباب
كَ بدايه لا بأس
لاكن ناقص روآيتك اشياء كثير منهأ " الوصف والسرد "
اطلعي على بعض المواضيع الخاصه بَ قسم الروآيات
ودي
|
المشاركة الأساسية كتبها غغمآزه :$
 هلآ اختي 🙂
كَ بدايه لا بأس اطلعي على بعض المواضيع الخاصه بَ قسم الروآيات ودي |
شكرا حبيبي اكيد روايتي بتكون ناقصتنها اشياء وانا كنت واثقة انها ما بتكون واو لان هاي اوب مره ولاني صغيره .. ف شكرا ع اقتراحج لاني احتاجها .. شكرا من القلب .. واتمنى اي وحدة عندها راي او اقتراح تحطه