رواية جاهلي يحسب كلامي فيه من ضرب الغرور وعارفي يعرف إن مشيتي هيبة ملك / بقلمي 2024.

الاب:سعود الويلي<<صفاته اب حنون على بناته دمعته ولا دمعة بناته وخصوصا ازهار يملك كذا موسسه ويديرها وموفر كل شي لبناته
الام:هدى شديده شووي وحاره بس عشان مصلحه بناتها بس طيبه وفرفوشه
ورد:لاخت الكبيره زااحفه وتموت بشي اسمه ضحك معها دبلوم حاسب ملامحها عاديه وجسمها حلو وعيونها سود مرره وشعرها اسود فحمي لحد اكتافها وعمرها 24ومخطوبة
ازهار:عمرها22تشتغل ممرضه بمسشفى راقي هي وصديقاتها ومثل حركات اختها بس يويل اللي يغلط عليها تاكله باللسانها الطويل ملامحها بيضاء شعرها اسود مايل للبني لنص ظهرهاوعيونها لونها بني غامق وشفايفها عاديه
عايله سناء
الاب:خالد الراجح <<صفاته طيب وحنون يموت على عياله وما يحب يرفض طالبتهم وظيفته لواء
الام:مناير طيبه وحنونه مره قلبها ابيض ومتدينه وتحب الخير للكل
جواهر:الاخت الكبيره مخلصه الثانوي ومتزوجه واحد يقرب لهم وفرفوشه ومهبله باختها سناء
نمر:عمره27 ويدرس باستراليا وطيب مرره ويموت على خواته سناء:الاخت الثانيه ممرضه مع ازهار صديقتها وعمرها22وطيبه مرره وحنونه وتحب الخير للكل بيضاء وشعرها لحد اكتافها لونه بني فاتح وجسمها كانه عارضه ازياء وعيونها حلوه وناعسه سهام:الاخت الثالثه تدرس بالثانوي وتشبه سناء وحبوبه وعسوله
عايله بشاير
الاب:سعود الناصر طيب وحنون بس شغله ماخذ كل وقته لانه يشتغل سفير وما يفضى من بلد لبلد الام:تهاني طيوبه وتحب الضحك وتحب تعيش حياتها وحنونه على عيالها ريناد:الخت الكبيره عمرها25ومتزوجه من ولد خالتها ونعومه كثير وماتحب الازعاج تحب الهدوء وتدرس بجامعة الملك سعود قسم اللغه العربيه
بشاير:تشتغل ممرضه مع صديقاتها عمرها22 وتحب شي اسمه ضحك وناسه وهبال تحب تعيش يومها صفاتها طويله وجسمها حلو ولون بشرتها برونزي يجنن وعيونها واسعه وحاله ونظرتها حاده وشعرها لحد اكتافها ومدرجته ولونه اسود وفيه خصل عسلي
عايله مها
الاب:جاسر السالم طيب وحنون يشتغل مدير عام لبنك من البنوك المعروفه
لام:سعاد طيبه وعسوله وتدخل القلب بسرعه وتموت على بناتها
سالم:الاخ الكبير متزوج طيب يشتغل جراح قلب وعمره28
رنا:عمره26 متزوجه وتشتغل مدرسه اجتماعيات وعندها بنتين و ولدين
مها:عمرها23 وتشتغل ممرضه مع صديقاتها وحساسه وتحب الهدوء بيضاء وشهرا قصير لحد رقبتها وجسمها حلو وعيونها ناعسه ولونها بني مايل للعسلي
البارت الاول
متجمعين لان عليهم المناوبه لان الدكتور معاقبهم اربعتهم جالسين على طاوله وحده ويلعبون اونو وشرطهم اللي تخسر تجيب لهم العشاء ويختارون المطعم اللي يبونه
ازهار بعربجه:بنات طفش جاني النوم وش نسوي
مها بنعومه:اتحلمي لين تجي الساعه8صباحا وراح تروحي للمخدتك الحبيبه
بشاير تشرب كوفي:ولا يهمكم نقدر خلق بدال الطفش وناسه
سناء بنعومه:كيف نقدار نسوي وناسه؟
بشاير:ياذكيه انتي وياها ليش مانروح ندق فرة على المرضى وبعدين نطلع للحديقه
ازهار تقوم تعدل طرحتها:يلا مشينا ويمكن نلقى احد من المرضى قاعد يبي شي

قاموا البنات ومروا على المرضى وطلعوا للحديقه وجلسوا لحد ما اذن الفجر وقاموا عشان يصلون وبعدها جاء الدكتور ناصر اللي عاقبهم وكانوا ودهم يقطعونه
د/ناصر:السلام عليكم اخباركم مع العقاب ان شاءالله استانستوا
بشاير ببرود:والله الحمدلله مستاسين واللحين بنروح وننام
د/ناصر:شكلكم ماتبتوا تبون عقاب ثاني وش رايكم
ازهار:دكتور ترى مو حاله كل يوم والثاني معاقبنا والله طفشنا بس على فكره حتى لو عاقبتنا اليوم انا راح امشي بكل الحالتين
د/ناصر:انتي تهددين خلاص اليوم انتي الوحيدة اللي راح تمسك المناوبه عن كل البنات ازهار بتافف:تدري وش راح اسوي
ناصر يناظر لهم كلهم:اش بتسوي
ازهار دخلت الغرفه وطلعت معها شنطتها وعباتها:يلا بنات ليش واقفين كل وحده على بيتها عشان نرتاح من الهم اللي شفناه
د/ناصر بعصبيه:اوكيه سوي اللي تبينه بس مخصوم منك 5 ايام عقاب لك انتي بس
طنشت ازهار طلعت راسمه ابتسامه على وجهها وبعدها الحقوها البنات وصلوا لبيوتهم سناء اول ما دخلت لقت امها قدامها
سناء تبوس راس امها:اخبارك ماما حبيبتي
مناير بحنيه:هلا ماما انتي اللي ااخبارك من ذا الشغل اللي يهلك
سناء:الحمدلله ابي انام تعبانه ودي انام
مناير:روحي ارتاحي بس لاتنسي صلاة الضحى صليها ونامي
سناء:ان شاءالله يالغلا
وبيت مها دخلت لقت البيت هدوء مرت على غرف خواتها ما شافت احد مرت غرفه امها لاقتها نايمه دخلت غرفتها ونامت بدون ماتحس
وبيت بشاير لقت امها وخواتها متجمعين على الفطور جلست واخذت كرواسون وعصير وجلست واكلت وامها تناظر لها وخواتها نفس الشي خلصت بشاير واستغربت منهم انفجرت ضحك عليهم
تهاني تناظرها باستغراب:بشوره انتي شاربه شي من المستشفى
بشاير تسوي نفسها تفكر:والله مدري بس يمكن ويمكن لا
ريناد تشرب عصيرها:ماما شكل البنت لاذعه
بشاير تمسك الملعقه:انتي اسكتي لاقوم اكوفنك بمكانك ترى انا اللحين خارج التغطيه وابي مخدتي الغاليه باي طريقه
ريناد:وفي احد ماسكك تدلين الدرج روحي واطلعي وتلقين غرفتك اول غرفه وانخمدي
بشاير تمسك شنطتها:وهذا اللي بيصير
وطلعت الدرج واخذت شوار سريع ولبست بجامه خفيفه وناااامت
وصلت ازهار البيت ولاقت اامها وابوها جالسين
دخلت وصفتت الباب باقوى ما عنده منقهره من الدكتور
سعود:هلا وغلا بزهوره
ازهار تبوس اس ابوها وامها:هلابك مليون ومايسدن
هدى:طيب وش فيك صفتي الباب بذا الهماجيه لو الباب انسان كان اشتكى
جلست وسحبت المخده اللي جنبها:وحكمه ان ربي اخلقه جامد عشان يتحملني والسبب اللي خلني اصفطه بذا الاسلوب هو اللوح ناصر ياجعله للماحي كان امتحني خصم علي 5ايام التافه الحقير
سعود يعرف ان الدكتور ناصر معه حق يعرف بنته السانها طويل:اكيد قلتي شي
ازهار تقوم:ما قلت شي بس هو حاط دوبه من دوبنا انا والبنات
هدى ترشف من فنجان القهوة اللي بيدها:قلت لك افصلي ماانتي بحاجة الوظيفه
ازهار:حرام ادرس واتعب واخر شي اعلق الشهاده بالجدار وبعدين احنا نتسلى مع بعض وبنفس الوقت اجر لوجه لله لانا نخدم ناس كثيرة تعبانين ونفرح لما نسمع دعواتهم لنا
هدى:تنمي اللحين
ازهار:ماتصدقي وش كثر شوقي لمخدتي الغاليه يلا استاذنكم ابي اطس انخمد ورجاء ممنوع الازعاج<<وقامت وراحت لغرفتها واخذت شوار سريع ونامت وحطت على الباب ورقه كاتبه فيه ممنوع الازعاج
الساعه 6المغرب قامت مها وتحس ان جسمها مكسر نزلت ولقت امها جالسه وعندها جارتهم ما دخلت عندهم ما لها خلق هذرة جارتها اخذت جوالها ودقت على سناء
سناء برواق:اهلين مهاوي صح النوم ياحلو
مها بطفش:هلابك اخبارك
سناء:الحمدلله بخير ونعمه وانتي اش سويتي بعد العقاب
مها:احس كل جسمي مدقوق كان احد مكفخني ما دقيتي على بشاير او ازهار
سنا:سناء ما في امل لو واحد بالميه اني ادق لان ما راح يردون واذا ردوا بيمسحون فيني لاني ازعجتهم وبكرة راح نتقابل
سولفوا شوي ومر اليوم بدون احداث تذكر اليوم الثاني الساعه 8صباحا بالمستشفى وصلت سناء ومها بنفس الوقت
مها تشرب قهوتها:متى يشرفون الانسات
دخلت ازهار:من العنسات اللي تتكلمي عنهم
ضحكوا سناء ومها على ازهار اللي لحد اللحين فيها النوم دخلت بشاير وكانت مروقه اخر رواق
بشاير:صباح الورد يا حبايب
البنات:صباح العسل
ماتهنوا بالجمعه لان جاء الدكتور وطلب بشاير تروح معه يشيكون على واحد كان مسوي حادث وكان المستشفى منقلب فوق تحت لان الولد ابوه تاجر وهو هامور تجاره ومعروفين تحمست بشاير تشوفه وصلوا الغرفه وعدلت بشاير نقابها ووضح جمال عيونها
دخلوا وافتحت بشاير فمها من الفخامه والمزيون اللي صاير عليه الحادث
الدكتور:صباح الخير استاذ جراح
جراح يناظر بشاير اللي تسوي نفسها تسوي الابره
جراح بغرور:اهلين
الدكتور:ابشرك ان حالتك بسيطه وان شاءالله كم اسبوع وتطلع وهذي النيرس بشاير راح تابع حالتك معي وتكون موجودة متى ما طلبتها
ناظرت بشاير الدكتور وعطته نظره حادة ولاحظ جراح نظرتها
الدكتور:بشاير عطيه الابرة وبعدها خوذي تحليل دم
بشاير بطفش:في شي ثاني غير كذا
الدكتور:لا ما في شي بس سوي اللي قلت لك عليه ولف وتركها
بشاير يتفكير مسموع:الله ياخذك يالصعيدي كانك ممتحني
جراح بنفسه:وش ذا الاخلاق اللي عليها بس شكلها مزيونه واضح من عيونها
طلعت الابره وقربت له:ممكن تبعد الشرشف عن يدك
جراح ناظرها من فوق لتحت :اوكيه ورفع الغطا عن يده دقته الابره وطلعت الابره حقت التحليل وسحبت الدم
جراح يبي ينرفزها:ثاني مره خفي يدك شوي تراك عورتيني
بشاير ببرود:اذكر اللي يتعور الاطفال مو رجال اطول مني يخاف من الابره واذا ماتبي انا ادق لك الابر اطلب من الدكتور انه يجيب وحده ثانيه وبااابي وطلعت وخلته بصدمته
خلني اعرفكم على جراح ولد عز معروفين وبالتجاره ومغرور ومو شايف الناس بعينه شي وسيم جدا اسمر يميل للبياض شوي وعيونه واسعه ومكحله ورموشه كثيفه وجسمه رياضي وعضلات خقق واللي يميزه اكثر الغمازه اللي على خده الايمن <<جراح لما استوعب اللي قالته بشاير عصب وفار دمه:انا اوريها من هي يوم تتكلم معي كذا شكلها ما عرفت انا مين بس انا اوريك
توقعتكم وش راح يسوي جراح لبشاير وش تكون رده فعل بشاير ومن راح تقابل ازهار لما يطلبها الدكتور ابي توقعاتكم