رواية بين الواقع والخيال / بقلمي 2024.

سرني مرورك ومتابعتك

هذا مقطع بسيط من الرواية .. ان شالله اذا لاقت اعجابك الكثير بنزل كل يوم بارت

عندما تقف الدنيا من حولنا .. لا أصوات .. لا روائح .. خالية دون حراك

ما الحل ؟؟

يابنتي مو بيدي .. تقف هي امام جثمانه لا ترى من خلاله اي معلم يدل على انه هو عشقها الازلي ..كيف اصبح جثه هادمده بلا حراك ..كيف لا تستطيع سماع صوته ..ضحكته .. انفاسه

ياعمي .. من هذا ؟؟ ياعمي محمد بيزعل علي .. ياعمي خلني ادخل ..

قبل 3 سنوات

سمعت الباب يندق ..

نورة :نعم ..
محمد: كل هذا نوم ؟؟ يالله قومي ..
نوره :محتاي شي ؟؟
محمد :هي تعالي الصاله ..

تمشي وراه وهي متاكدة انه ما يبغي من شي بس هذا حالها كل يوم معاه ..

في شقتهم الواسعه في مرسي دبي وفي الصاله العصرية الكلاسيكيه من تصميم نورة
محمد: جوفي معاي هالمسلسل
نوره :محمد ابا ارد بيتنا ..
محمد :محد يباج في بيتكم ..
نوره: ماعليه خلني ارد ..
محمد : ما تبيني ؟؟ كنتي تحبيني نوره شو صار الحين ليش مو قادرة تتحمليني ..لهذي الدرجه انا ثقيل ..مافي حد بيتحملني كثرج انا ادري بس تمي هاليومين بس معاي ..

نورة كنت عندها امس ؟؟
محمد :هيه ولدي تعبان نوره مو بيدي
نوره :تهز برأسها باجر الموعد عند د.نهاء الساعه ١١ لاتنسى

الساعه ١١ صباحا مكتب د.نهاء

نورة :هناك تقدم ملحوظ في حالاتك وهذا مؤشر جيد العلاج كثير نفع معاك ..
محمد : بس دكتوره هي للحين تحس بالدوخات والاعراض السابقه
د.نهاء: شي طبيعي هي الحين جسمها يهيأ نفسه ان يكون بعمر امرأة في سنه ٥٠ وشي طبيعي بيكون في اثار سلبيه بس الاهم انها اثار سلبيه لمدي قصير وان شالله مع الايام واول ماراح نوقف الكورس العلاجي راح تتلاشي هي الاعراض .
محمد وهو يمسك ايد نوره ..دكتوره انا متوكل علي الله ثم عليك .. بس طالبك لا تحرميني منها كفاية سنين عمري كلها ضاعت بدون هي الانسانه

محمد ..٣٣ سنه ,موظف برتبه مرموقه في أبوظبي عاصمة الامارات من عائلة بدوية الاصل متمسكه بمبادي وعادات تتعارض مع نسبة التمدن في ابوظبي .. شخصيه غامضه قل ما يعبر عن ما بداخله قاسيه الطباىع وحنونه فالوقت نفسه ..
نوره ٢٦ , طبيبه في احدى المستشفيات الحكومية في ابوظبي من عايله حضريه في دبي شخصيه عاطفيه هاديه

محمد :نوره حبيبي شوي شوي ع عمرج انا لازم اسير , صح نسيت اقولج بيي خالد عقب بخليه عنج امه طفرتني هي انا ما ادري كيف استوت ام .. حبيبي انتي نمتي ??

مغمضه عيونها ولا كانها صاحيه وتترجي دموعها لا تفضحها ياربي انت العالم بحالي يارب .. باسها على راسها وطلع سامحيني والله مو بيدي يانوره .. هدوءها المصطنع كان دليل قوي عند محمد انها نايمة ..

فتحت عينها بعد ما تاكدت انه راح ورجعت بذاكرتها قبل سنتين ..
في كلية الطب وتحديدا في احدى المدرجات الخاليه

نوره : ريم في ناس متقدمين لي كل حد مدح الرجال محمد ال …
ريم :عايلة معروفه بس اقولك ترى واحد من عيالهم راعي بنات خلي ابوك يسال عدل ياخوف هو ..
نورة: ريم انا ما ابيه انا ما ابي انسان مثل جيه تعرفين طول عمري حلمت برجال يحبني نعيش في بيت صغير مع عيالنا هذيل ناس اغنياء وعايشين في قصور انا ما اتوقع بقدر اتاقلم ..
ريم :هبله لانك وغبيه يعني عايبنك التحمل والتعب والفقر ليش انتي متواضعه لهي الدرجه خلاص صرنا ٢٠١٠ يعني لازم كل شي كون علي حسب ارقي المعايير افهمها ..

ريم اعز صديقات نوره مع الكم الهايل من الاختلافات في التفكير والشخصيات بس جمعت بينهم نفس الظروف الاسريه والطموحات الجامعية نوره وريم صديقات من الثانويه ومن يومها ما يستغنون عن بعض

نوره :نتفاهم بعدين يالله باي برجع البيت ..

ركبت سيارتها المرسيدس وهي بالها مشغول بمليون شي وشي .. قطع حبل افكارها رنين تلفونها ..
نوره :الو
المتصل :الو مرحبا
نوره :مرحبتين هلا المتصل انا محمد
نوره :اي محمد
المتصل: محمد ال … زوجك مستقبلا ..

لوهلت حست الموضوع مقلب وصارت تقلب بالتلفون تبي تتاكد من الوضع اللي هي فيه ..

محمد :الو الو وين رحتي الو
نوره :انت كيف متصل ؟؟ وين يبت رقمي ؟؟ وبكل عصبيه وصدمه لهي الدرجه الامور هذي عنده عادي اكيد هو الولد الصايع من عايلتهم اللي ريم تكلمت عنه ..

محمد: انا محمد ال .. اقدر ايب اي رقم وثانيا انتي مسجله السياره باسمك يعني اقدر ايب الرقم من لوحة السياره .. نوره :انا مو قصدي كيف يبته انا اعرف انت منو بس قصدي كيف سمحت لنفسك تتصل بوحده للحين ماصار بينك وبينها الا كلام لا وبكل وقاحه زوجك

محمد : ابي اعرف انتي ليش معصبه الحين
نوره : انا بسكر ..

محمد : لا واذا سكرتي بوصل لين عندج واللي يفكك مني عقبها
نوره وبكل خوف من تهديده: طيب انت شو تبغي ؟؟

محمد : ماشي راد من الدوام تعبان مافيني حيل قلت بتصل بتطمن عليك قبل لا انام ..
نوره بكل صدمه من صراحته: يابابا انت ما يستوي تكلمني الا بعد ما نملك هذا اذا ملكنا فالاصل ..

محمد :اوكي بيبي بس خليني انام وعقب ,صح انتي وينك ؟

نوره ساكته والموضوع واصل معاها

محمد : ما احب اخد يسفهني انتي وينك ؟
نوره :اذا تبيني احترمك واتكلم معاك سكر

محمد :اوكي اخر الاسبوع ملكتنا وبتشوفين علي اسلوبك هذا معاي انا لما ابي شي يصير قلت لك لا تسكري واسمعيني ما طلبت النجوم

نوره : لاني للحين في بيت اهلى ومو حلالك ولو انت تشوفه صح كيفك بس انا عندي تصرفي جدا طبيعي ..
محمد : طيب انتي مستحيل ترديني وترفضيني وكلها يومين ٣ وبتوافقين وانا بطلب الملكه في اقرب وقت نهاية هذا الاسبوع مثلا وبتكونين زوجتي وحلالي يعني الموضوع كله في ظروف ايام يعني زوجتي اليوم وبعد اسبوع نفس الشي
نوره :ماهي قادره تتخيل ثقته الزايدة واصراره الغريب على تملكها والدخول في تفاصيل حياتها من الان
نوره( وبكل قوه) : اعلى ما بخيلك اركبه مو انا اللي ارتبط بانسان تافه مثلك يالله باي

بعد ٤ ايام ..

نوره نوره بكل قوة انفتح الباب يعلن عن دخولها بركان من الغضب وبكل قوه مسكها انا بعد كل هالثقه اللي عطيتج اياها تحطين راسي بالتراب انا يابنت يا عاقل يامحترمه .
نوره : يبه حرام عليك يبه اصبر افهمك

الاب :ما ابي اسمع شي من بكره تسوين الفحوصات والخميس ملكتك ..
بين الامها ودموعها وخوفها وقفت مصدمومه من الاعتراف او الامر اللي فرضه عليها احسن انسان على وجه الكره الارضيه (ابوها ) كيف هذا الحنون المتفهم يصير بركان شو صار ؟؟عن ايش يتكلم ؟؟ وأي فحص واي ملكه ؟؟

نوره: يبه فحص ايش وملكة ايش ؟؟ بس مارد عليها سواء الكف اللي رمها بعيد

الاب :مافي لا كليه ولا طلعات ومفتاح السياره معاي وما ابيها تطلع من البيت الا لبيت زوجها ..

طلع مثل ما دخل بكل عصبيه وترك نوره في دوامه عنيفه لا تعلم اسبابها

ماعرفت شو اللي ولا كيف وصل فيها الحال انها تكون في منصة الاتهام واي غلطه وسبب اللي يخلي ابوها يتصرف هالتصرف بس كل ها التسؤلات لقت لها اجوبه في وقت قياسي بعد مسج من محمد
( مبروك ياحبيبتي تبيني اقولها اليوم ولا بعد ٤ ايام )

محمد مستحيل ارتبط بالانسان هذا مجنون رسمي معقول شو قال لابوي كيف ابوي وافق عليه بدون لا ياخذ رأي مافي غيره هو اللي بيجاوب ..

بكل قوة تمسك التلفون وتتصل برقم لم تتوقع في يوم انها بتتصل عليه من بعد اخر مكالمه

نوره : شو قلت لابوي ??

محمد: هلا حبيبي بالاول سلمي

نوره بكل غضب :شو قلت لابوي??

محمد بهدوءه الغريب: بالاول سلمي ..

تأكدت نوره ان العناد مع هالانسان مب الطريق الصحيح وعشان تفك نفسها من هالمصيبه لازم تكون مثل ما يبي طيب يا محمد ولك اللي تبيه

نوره :السلام عليكم ورحمة الله وبركاته
محمد : وعليكم السلام امري ياقلبي
نوره :شو قلت لابوي ??

محمد :نوره انا ما كنت ابي حياتنا تبدا بهذي الطريقة بس ابيك تتاكدين اني ما احب العناد وانا تعودت اللي اقوله يصير غير جيه ما ابي

نوره : محمد ولي يرحم والديك شو قلت لابوي??

محمد بعصبيه : لمسك ضربك ؟؟ قولي الصدق ..

نور:بكل صدمه محمد انت ايش ابي افهم محمد ايش اللي قلته خلى ابوي يتصرف معاي هالتصرف يا محمد انا عمره ابوي مامد يده ومدها بسببك الله لا يسامحك يامحمد الله لا يسامحك

سكرت نوره وهي ضايعه شو هالمستقبل الغامض اللي راح تعيشه من هذا الانسان اللي دخل حياتها باسبوع وقلبها كلها من يكون ??..
بكت وبكت لين انهد حيلها ونامت

نوره حبيبتي نوره نوره

يمه :ابوي خليه يسامحني يمه مستحيل اكون سويت شي غلط يمه انا متاكده ..

الام بصدمه : محمد يقول انك كنت معاه بعلاقه وهو جاي يصلح غلطه

هل راح تكون نوره حلال محمد بعد اسبوع ؟
اما راح ترجع لحياتها اللي مستحيل ترجع مثل قبل ؟

كيف نوره عايشه مع محمد حاليا ؟؟
ومن زوجة محمد ومن يكون خالد ؟؟