يحبها ويعشقني
تابعوني حبايبي و اتمنى تعجبكم جميع و اطلب من الكل ترفيع للروآيه وماتصير في الاخير .gif "Graaam (151)")
نيرمين ببكا:سميحه خلاص لاتغلطين على امي بقوم اشتغل بقوم
سميحه وتمسك نيرمين من شعرها:وقمتي ترفعين صوتج بعد وعلى منو على سميحه يا قليله الادب
نيرمين بخوف:خلاص والله ماعيدها والله بقوم اشتغل الحين
نزلت من ع الدرج وراحت تمسح الارض بالماي و الصابون
وبدخول فرح من الباب و حامله بايدها اكياس شكلها راجعه من المول
فرح:وجع بقى بيني وبين الزلقه شعرة لو ما مسكت الباب حتى ماتعرفين وين تنظفين
نيرمين بهدوء:اوكي دخلي خليني اكمل شغلي
فرح وتمسك نيرمين من شعرها:ههييه انتي يا خدامه ماترفعين صوتج علي آنه فاهمه ولا اخلي امي تفهمج هالكلام احسن
سميحه :ها يمة انتي جيتي امم تعالي معاي الغرفه اشوف الاغراض وانتي يا نيرمينوو اذا جيت و ماكملتي مساح الصاله اليوم ماتتغدين ولا تتعشين بعد
…………………………….
الشخصيات في بيت نيرمين :
نيرمين: عمرها 19ابوها من كبار التجار تزوج امها المصريه اللي ماتت بالولاده وابوها توفى بحادث .بشرتها بيضه وعيونها واسعه وعسليه حواليها رموش كثيفه سودا شعرها بني فاتح طويل و خشمها سله سيف وجسمها مليان معطيها جمال انثوي حلو
سميحه:مرت ابو نيرمين عمرها 43 تزوجها ابو نيرمين لما توفت زوجته بسنتين عشان تربي نيرمين هيئتها ضخمه شعرها احمر حرير و بشرتها حنطيه
فرح:بنت سميحه واخت نيرمين عمرها 21سمرا وعيونها صغيرة وشفايفها وسط شعرها اسود قصير وجسمها نحيف
………………………………………….. ……………
هند:يمة يمة
ام خالد: ها يمة شفيج اذيتني وش تبين
هند:يمة اتصلتي لرفيجتج سميحه عشان العزومه
ام خالد: هووو هذي الحفله بيجونا فيها ضيوف كبار و من دول تبين اعزم سميحه
هند بلقافه : وليش يمة ؟
ام خالد:انتي تعرفينها بخيله وملقوفه بتأذي الناس و بيتكلمون عنها وانتي تدرين ابوج لو درى ان الناس تضايقوا بيوريني شغلي
هند:يمه اتصلي لها وعزميها مو عدله بحقنا لما تسمع من الناس وتأذيج و آنه خابرتج يمه مستقوية عليها هدديها
ام خالد: وش هالكلام بعد يا هندووة آنه مستقوية عليها آنه لو ما احبها ما كان شديت عليها وابي مصلحتها
هند باقتناع: اهآ آنه قلت لج يمة
طلعت هند لغرفتها وضلت ام خالد تفكر لنفسها : يعني ادق عليها واعزمها بس ياخوفي تفشلني قدام هالجماعات بس اففف ادق عليها وخلاص
………………………………………….. …….
عائله بو خالد:
بو خالد:رجل اعمال كويتي كل اشغاله ومناقصاته خارج الكويت وقليله جيته عمره 45 سنه
ام خالد:ربه منزل وعمرها 43 سنه تحب الكشخه والرزه و تحب سوالفها مع عيال العز و الاتكيت طيبه و اهم شي عندها عيالها براحه
هند: البنت الصغيرة وعمرها 19 سنه كانت مخطوبة لولد جيرانهم وتوفى بحادث طويله ورشيقه شعرها طويل لنهايه ظهرها اسود و بيضا وعيونها وساع ع الاخر
خالد: عمرة 25 سنه ويدرس في الخارج اسمر و طويل مغرور ويحب السيارات عيونه صغيره و حواجبه طريقتهم معقوده
جراح:عمره 22 سنه مسافر مع ابوة يكمل آخر سنه له دراسه من مجاله اسمر ومعضل طويل عيونه عسليه نعسانه و خشمه طويل سله سيف و مسوي له سكسوكه مفصوله عن الشنب بطريقه حلوة وسطهم شفايفه المليانين
………………………………………….. …….
فرح:شوفي يمة شوفي هالفستان عجبني واشتريته كآن آخر قطعه ومقاسي بعد آآخ لو يشوفونه البنات عليي بس
سميحه:يهبل يمه يهبل بس انشاءالله تقرب ذيك المناسبه وتلبسينه فيه قولي آمين
ويرن تلفون سميحه بنغمة قولي يا حلو من اين الله جابك
ترد على التلفون بسرعه: هلا والله يا هلا وغلا بام خالد شخبارج عساج بخير هالايام يا ام خالد
ام خالد:ويه عاد سميحه صبري عاد انطق
سميحه:هلا والله آمري يالغاليه
ام خالد: عندنا يوم الخميس هالاسبوع عزومة ببيتي وابيج تجين انتي وبنتج ونيريمين
حطت ايدها على قلبها سميحه لما سمعت اسم نيرمين :ها نن نيريمين ؟
ام خالد بحقد:ايه نيرمين عاد تصدقين ودي اشوفها من كثر ماتقولين مأذتج لاخلي البنات يأذونها بدقيقه وحده
سميحه:لا بس نيرمين مريضه وماتقدر تطلع بس تعرفين لو قلت لها ماني برايحه يمكن تطقني وتقولي روحي وآنتي خابرة هي مريضه ماقدر اخليها بس بجي يا ام خالد لاتسويلي سالفه هالنيرمين
ام خالد:اية ماوصيج يا سميحه هالله هالله بالذرب والسنع و مابيج تتليقفين ع المعازيم وخلج صاحبه عز مثلنا تقعدين وتاكلين وماتنطقين كلمة
سميحه:اي افا عليج يا ام خالد لا توصين حريص بس .
ام خالد : على خير الاقيج يوم الخميس بالبيت .
…………………………………………
بشاير: يمة يمة ام احمد وينج
ام احمد: ها بشرو يمه شتبين ؟
بشاير: يمة ابي فلوس
ام احمد :وجم تبين انشاءالله
بشاير:حوالي 300 دينار
ام احمد بشهقه :ووش تبين فيهم مو توي معطيتج امس 200
بشاير: باجر حفله بيت ام جراح تبيني اروح بخلاقيني يمه ترضنينها لبشورة حبيبتج يمة؟!
ام احمد:زين هذي البطاقه سحبي منها اللي تبين ورجعي قبل المغرب لا يسويلي ابوج سالفه
بشاير :انشاءالله يمة
طلعت بشاير من البيت وهي لابسه بنطلون جينز ازرق وتيشيرت وردي و شعرها مسويته ذيل حصان وعليها نظاره شمسيه
ام احمد : الله يحميج يمة من عيال الحرام . يالله اقوم اشوف وش مغبرة هالميري بالمطبخ
عائلة ابو احمد
ام احمد:عمرها 49 سنه ارملة وتربي عيالها بس
احمد:ولدها الكبير عمرة 29 سنه يحب بنت عمه امل ويبي يتزوجها وامه مو موافقه
بشاير:عمرها 19 سنه تحب جراح من وهي صغيرة مغرورة ومحد قدها بشرتها بيضا و عيونها بنيه فاتحه وشعرها بني لرقبتها طويلة ونحيفه
……………………………………
سميحه: فرح فروووووحه وينج يمة وينج
فرح بخرعه: نعم يمة شصاير شفيج
سميحه:العيد وصل يا يمة وباجر ام خالد عازمتنا على حفله ببيتها
فرح بوناسه:ها يمة من صجج باجر حفله يعني اللبس فستاني باجر
سميحه:ايه يمه بتلبسينه باجر والحين بنطلع اشتري لي آنه شي لا اتفشل عندهم وافشل ام خالد ويقولون عنا بخله .
فرح بكدر:وهالغبرة نيريمن شبتسوين فيها وين بتخلينها لا يكون بتجيبينها معانا لا يمة تكفين بتفشلنا وانتي خابرة عيال الاكابر كلها هناك
سميحه:لا يمة هي وين وهالحفلات وين ما بتجي لا تخافين
فرح بارتياح:ايه احسن افتكينها منها
………………………………………….. .
هند بفرحه وصراخ:يمةةةةةةة يمةةةةةةةةة يمة يمة يمةةةةةة
ام خالد وهي مخترعه:حسبي الله عليج شصاير شتبين
هند وهي تاخد زفير:جج جراح يمه جراح
ام خالد تضرب صدرها: يمه ولدي شفيه
هند تغمض عيونها وترفع ايدها تلوح بلا
ام خالد : خلصيني اخو شفيه شصاير ليش يايه ركيض وصريخ
هند:يمة جراح باجر بيرجع اتصل لي
ام خالد : ها ببيرجع جراح كلولولولولولولوووش وليش ماقلتي لي انه اتصل
هند:يمة انقطع انقطع ما مداني اقولج
ام خاالد: وابوج بيرجع معاه ولا مو راجع
هند:يمة ما ادري بيرجع ولا لا بس هو قاالي انه بيرجع
ام خالد وهي تبكي وترفع ايدها للسما:الحمدلله يارب الحمدلله بتكحل عيني بشوفه ولدي حبيبي جراح
…………………………………………..
بشاير:شرايج بالفستان الماروني اللي هناك
سعاد:لا لا بشاير شنو بتاخذين لج كلش هالفستان فاضح
بشاير:حفله حريم يا سعاد كبري عقلج مو رايحه كازنو آنه
سعاد: بس ولو يا بشورة بيستصغرونج على هاللبس
بشاير وهي تفكر: تهقين يعني اممم زين شرايج بالبنفسجي هذا
سعاد:ايه هذا حلو بس بكم سعره وعندج فلوس انتي ولا بس تعاينينهم .
بشاير بخبث : رصيد امي كله بهالبطاقه و لو اخلصها عشان اكون اجمل وحده فيهم بكرا عادي
سعاد:لو سمحتي هذا الفستان البنفسجي بكم؟
…: هذا الفستان ب 400 دينار ماركة وتوة واصل من بريطانيا
سعاد وتشهق : هذا ب 400 دينار ليش عاد وايد متضربين
…: والله هذي اسعارنا وماقدر اسويلج شي ثاني
بشاير وتدعس رجول سعاد بقوة وتقول للموظفه لا عادي حبيبتي لفي لي وياه وحطيه بالكيس بذرابه
…:انشاءالله حبيبتي الحين احطه لج بسرعه
سعاد بقرف:عيارة لما ماعندنا فلوس شوفي كلمتنا شلون
بشاير:هههههههههههه
…………………………………….
سميحه: ها يمة شرايج بهالدراعه حلوة اشتريها
فرح بقرف: لا يمة انتي توج شباب وتبين تلبسين هالدراعه الخايسه
سميحه بتعب :يمه هذا خامس محل ادخله ومايعجبج شي منه ودي اشتري واخلص وبعده اشوف شناقصج
فرح : يمه مو تبين تصيرين رزه انتي تعالي معاي بس
سميحه: هاااااا وين ساحبتني وين هذا فروووح
فرح: نقي لج اللي يعجبج من هذا المحل و على ضمانتي ان شنو بتختارين حلو
سميحه:شرايج بهذي والله مو حلوة ومعاها كل شي وفروا تعبي
فرح: لو سمحتي تعالي
…:اهلين مدام كيفك انشاءالله منيحه
فرح:الحمدلله بكم هذي الدراعه
…: والله مدام هذي الجلابيه ياللي عندك ب 200 دينار ومعاها الجزمة و الاكسسوارات ب 50 دينار و الطرحه مدام ب 30 دينار يعني كلن على بعضن ب 280 دينار
سميحه :هااااا 280 ليش امشي امشي يمة نروح مكان غير
فرح بعصبيه:يمه شفيج اشتريها ترى الدنيا يومين واحنا يمة مو فقارة اشتريها ولا تخلين هالغبيه تحتقرنا وتوج تقولين يمه انج تعبانة.
سميحه بغباء:الا هذي مثل ام نيرمينوووة من نوعها
فرح بملل: لا يمه هذيج مصريه تبع البلح البلح البلح
سميحه:زين يمه قولي لها تلفه و نروح نشوف شتبين تشترين وانه بقعد بالمطاعم تعبت ورجولاتي تكسرت
فرح:انشاءالله يمة
…………………………………………
كانت لابسه دراعه بيت حمرا طويله قطنيه ومسويه شعرها ذيل حصان ومكحله عيونها العسليه بكحل ازرق كان شكلها بريئ رغم بساطتها
نيرمين: شعندهم ذلين وليش سميحه تقول اني مريضه بالتلفون منو عازمني وآنه ماحد شايفني منهم كاني بسجن محكوم علي مؤبد.. اممم ياترى بتزوج ولا خالتي سميحه بتخليني طول عمري بنت ابوي و خدامه لها .. لا يا نيرمين شيلي فكرة الزواج من بالج سميحه كبرت وماتقدر تجيب لها خدامة عشان لفلوس آنه بمثابه خدامتها يعني راح اتم طول عمري بين هالكنبات الحمران و الجدران البنيه
فجأه صوت الباب ينفتح بقوة وتفز من مكانها
نيرمين:خالتي انتوا رجعتوا ؟
سميحه بشك: ايه ليش وش كنتي تسوين
نيرمين بخوف من نظراتها: ها كنت انظف خالتي واغسل الصحون
سميحه:ماسويتي شي ثاني ؟
فرح: يمه خليها وتعالي نشوف ثيابج ودراعتج
سميحه : لحقيني وآنه جايه لج
…………………………………..
رجعت بشاير البيت وتتلقاها امها عند الباب
بشاير:السلام عليكم
ام احمد:وعليكم السلام جان مارديتي
قعدت بقة على الكرسي وهي تفك شعرها : يمة انتي مو شايفه زحمه شوارع الكويت و هالمجمعات يالله تلاقين لج شي من هالاجانب اللي 24 ساعه بالمول مايخلون شي كان الكويت شي عود ومو مخلينه
ام احمد بثقه : ايه الكويت شي عود وكبير بعد ويلا عن العيارة
بشاير وهي قايمة بسرعه
ام احمد:على وين بشاير ماوريتيني شنو شريتي و بكم طلع لج
بشاير:الصبح يمه الصبح
ام احمد:بس باجر الحفله وبكون مستعجله مابيمديني
بشاير عيل بتشوفيني بالحفله باجر
…………………………………………..
فرح:نيرمييين نيرمين ووجع وينك
نيرمين:نعم شنو تبين ؟
فرح:لما اكلمج تقولي لي آمري مدام مو بلهجتج الخايسه ذي
فاهمممه
سميحه وتضرب نيرمين على راسها:وانتي دوم تتمشكلين مع بنتي دوم غيرانها منها ومن عزها و جمالها
نيرمين ببكا :عزها ودلالها هذا كله لي و ماتجيب بنتج نص جمالي
سميحه وكان احد كب عليها موية حارة: بعد ترادديني يا قليله الادب يا بنت المصرية تعالي اوريج شغلج
وتاخدها و تضربها على بطنها بقوة و تمسك راسها للجدار وتطق فيها لين طلع الدم من راسها
فرح بخوف:يمة خلاص خلاص تركيها
سميحه:قبل ما اربيها واموتها على ايدي ما بتتادب هالوقحه
فرح: خلاص يمه تركيها لا تدخلين السجن والسبب هي يمه لا
سميحه وتفك ايدها اللي امتلت بشعر نيرمين:الغبييييه
ركضت نيرمين لدارها وقعدت جنب الخزانه و حطت ايدها على صورة ابوها : يبة ليش خليتني و خليتني اتعذب يبه لييش اهئ اهئ يبه انت ماترضاها لي انذل في بيتك اللي هو بيتي
ونامت جنب الخزانه بدون ماتحس بنفسها
………………………………………….. ………
موفقه :$
يمة ام خالد وينج يا ام جراح انا رجعت
ام خالد كانت جالسه مع بنتها هند يرتبون شكل المنضده اللي بالصاله الخلفيه
ام خالد ويطيح من ايدها المقص:جراح هذا صوت جراح ولدي
هند:ايه يمه هذا صوته
ويركضون صوب الباب الرئيسي
ام خالد: جراااح..هلا يمة هلا حبيبي هلا بريحه الغالي انته وحشتني وفقدتك وفقدت ريحه الجنه من بعدك
جراح بفرحه ويبوس راس امه:هلا يمة هلا حبيبتي مشتاق لج وايد (وتطيح دموعه من عينه )
هند بزعل مصطنع:هوو وآنه مالي وحشتيني حضن مني مناك يعني
جراح: (يمسح دموعه )كل شي ولا هنودتي العسل وحشتيني يا اغلى وانحس اخت بالدنيا
ام خالد: هندوووة روحي ركضي بسرعه لميري وقولي لها تزهب دار اخوج بسرعه تشغل له المكيف و تجهز له الحمام اركضي بسرعه ولا اقولج ميرييييييييييي ميرييي وصمخ
هند بضحكه : يمة شفيج ما بيهرب خليه يقعد ع الكرسي اول
ام خالد:ها ايه ايه يمه اقعد استريح حبيبي انته
هند وجراح: ههههههههههههههههههه
جراح:الا يمة ليش البيت مزين و مكشخ كل هذا لاني رجعت
ام خالد باحراج:لايمة مادريت انك بتجي الا امس بالليل من صراخ هندووو خرعتني وهالحفله ابوك وصاني عليها و بستقبل فيها ضيوفه ونوصد العلاقات بينا وبين شركاتهم
جراح:بس الوالد ماقالي عنها بالمرة
ام خالد:والله مادري
جراح:يالله يمة انا رايح اسبح و انام لي شوي ع الساعه 6:00 قعديني بنفسج عشان ناوي اشوف الربع واخليكم تاخدون حريتكم
ام خالد:على خير يمة
…………………………………………..
بشاير:سمعي ابيج تضبطين شعري مثل هالممثله وايد عاجبتني قصتها و تسريحتها
الكوافيرة:بس بضطر آخذ وايد من وقتج و اقص كثير من شعرج
بشاير:مو مهم حبيبتي بس ابيج تضبطينه لي مثلها واحلى طبعا
الكوافيرة:و اختي اللي بتحط لج الميك آب بتتأخر نصف ساعه عندها مشوار يعني ع السبع انتي خالصه
بشاير بدلع:مو مشكله قلبي انتي اشتغلي ولا عليج
الكوافيرة:اوكي
بشاير:اقول حبيبتي منو احلى آنه ولا هذي الممثله
الكوافيرة بتردد:الممثله حلوة ووايد بعد بس كلها تجميل بتجميل وانتي ماشاءالله عليج طبيعيه
بشاير بغرور:تصدقين عاد انه حبيتج ولج مني كل رفيجاتي اعلان و زباين وتستوين مو بس كوافيرة تجميل وشعر الا خبيرة شعر وتجميل
………………………………………….. ……….
لبست فستان برونزي بدون اكمام وفوق الركبه و مسدله شعرها وحاطه لها ميك آب ناعم
نيرمين:اقول فرح
عطت نيرمين نظره غرور و لفت : نعم شتبين يالملقوفه
نيرمين:انتو وين رايحين اللحين . معزومين على عرس ولا شنو
فرح بصراخ:وانتي شكو مو شغلج اروح عرس ولا اروح وين مو شغلج ولا متحسرة على قعدتج بالبيت مثل الخدم ولا ليش مثلهم انتي منهم وفيهم اقول كملي كناس وذلفي برا غرفتي وديري بالج تمسين شي منها
نيرمين بهمس: قطع يا مال الفقر يالحرامية
فرح وسمعتها:منو الحراميه منو شقلتي الحين توج
وتمسك شعر نيرمين مره ثانية وبقوة :عيدي اللي قلتيه قبل لا اخلي امييي تعلمج شلون تعيدين الشريط
نيرمين ببكاء:حرام عليج يا فرح آنه ماقلت شي صدقيني ماقلت شي انتي تتوهمين حرام علي
فرح وتدوس على ايد نيرمين بكعبها الزجاجي:يعني آنه مجنونة مو هذا قصدج آنه مجنووونة صح
نيرمين :لا والله لا ماقلت لج هالكلام آنه ماقلت
تركت شعرها و مشت عنها وهي تتلفظ عليها باللفاظ مايقدر اللسان ينطقها
………………………………………….. …..
لبست فستان بنفسجي طويل علاق وسوت لشعرها نفخه كبيرة من الخلف و لبست تراكي حلق كبيرة وحطت لها ميك آب بدرجات الفضي والاسود
ام احمد بشهقه : قمر لا اله الا الله سبحان من سواج
بشاير : من صدقج يمه تتكلمين ؟ حلفي حلفي زين
ام احمد:تعالي معاي ابخرج عن العين و ارقيج من الحسد والعين يمه
بشاير بغرور: لا يمة مايحتاج انه متأخره وايد لحقيني عقب لازم امشي
ام احمد:وليش ماتجين معانا مو احنا رايحين لبيت ام خالد كلنا
بشاير:لايمة آنه بمر سعاد صديقتي تعرفين وصلت لهم العزومة بعد
ام احمد:زين عيل سلمي عليها
بشاير وهي طالعه: بتشوفينها يمة بتشوفينها
………………………………………….. …….
دلال:وليد اصحى وقوم ودني الحفله
وليد بتعب: اووووه اي حفله تبين تروحين الحين ماتشبعين من حفلاتج
دلال بصراخ:حفله بيت اخوي وبسرعه تحرك يا وليد
وليد:دقي ع السايق اللي ببيت اخوج خليه يمرج
دلال: مو آنة تفشلت من اعذاري البايخه اللي كل مره اطلعها لهم يلا بسرعه قوم ووصلني قبل ما اقلب هذا البيت كله حطام
وليد:يا دلال انا دكتور اعالج الناس من اوجاعهم و آلامهم وتعبهم وآنه منو يعالجني ابي ارتاح امس لليل دوامي و كل حاله طوارئ تجيني اصعب من الثانيه
دلال بحده:بس آنه قلت لك بروح بيت اخوي الحين يعني الحين
ياخذ مفتاحه بعصبيه و ينزل للسيارة وهو يتمتم كلمات دل على انه معصب و كثير بعد
…..
دلال:اخت ابو خالد عمرها 25 سنه لها 4 سنوات متزوجه وماحملت وكل شي يقول انهم طبيعين بيضا ومتينه شوي عيونهاا خضرا و خشمها طويل وشعرها صابغته اشقر بخصل سودا
وليد:زوج دلال عمره 30 سنه دكتور و عصبي دلال متحكمة فيه بس تحبه طويل و ضعيف شعره لرقبته واسمر بسكسوكه صغيرة تحت الذقن
………………………………………….. …….
ام خالد: ياهلا بضيوفي يا هلا حياكم تو مانور البيت بوجودكم تفضلوا تفضلوا
هند:يمة آنه رايحه لبنات عمتي زمان ماشفتهم دقيقه وراجعه لج
ام خالد :اوكي بس مو تتاخرين لان الناس ماعرفهم ولا متذكرة اشكال بعضهم توهقيني معاهم تالي
هند : اوكي
قعدت ام خالد تفتر بالمكان وتسلم على الضيوف وتستقبلهم وتسالهم اذا محتاجيين شي او لا
دلال:هندو شفيج صايرة دبه حتى هالفستان اللي عليج شوي وينشق
هند باحراج:عمتي شنسوي بعد نغطني همنا بالاكل
دلال وحست بها:اي والله صادقه بس انتوا لو شفتوا الخيشه اللي عندي
الجميع:ههههههههههههههههههه
سمر:عاد تصدقون امي من كثر ماتزورني بغرفتي وتذكرني بالحفله شريت كل اغراضي ونسيت الفستان ومثل ما انتوا شايفين و(بهمس) هذا فستان اختي حصه ولاحد يدري
حصه:ديري بالج تهاوشيني عيل
سمر بزعل:يلا عاد حصه الحين بتاخدها علي فرصه
منيرة:اقول الا البوفيه هذا وين انا من امس ما اكلت شي جوعانه
سمر:صحيح من امس ما اكلت شي المسكينه بس اكلت لها ورق عنب تعليب و باستا من المطعم اللي جنبنا
الجميع:هههههههههههههههههههههههه
شوي والا بشاير جايه من ناحيتهم وخشمها وعيونها مو متنزله تطالع احد
هند بهمس:يلا عاد الملاقه و السخف وصل برجله لعندنا
سمر بضحكه مخفيه:الا عنتر بن شداد بدون شنب وصل
منيره بصوت رفيع:الا شنو عنتر بن شداد بدون شنب عيديها مافهمت بس شكلها حلوة
هند :اسكتي بس لا تفضيحنا انتي
……………………………………..
عائلة ابو فهد (ايتام+بنات اخت بو خالد)
سمر:بيضا وطويله جسمها مثل عارضات الازياء وشعرها طويل لآخر ظهرها اشقر وعيونها بنيه فاتحه وخشمها مدبدب شوي عمرها 18 سنه
حصه:سمرا و عيونها بنيه شعرها طويل وجسمها حلو متناسق مع طولها تحب تكشخ وتبرز جمالها الاسمر عمرها 22 سنه
منيرة : دبدوبه و شعرها اسود قصير و طويله و طولها مخفي من وزنها توأم لحصه بس ماتشابهها
………………………………..
نيرمين:ياربي شنو هالحاله لي متى وآنه انتظر اللي بيخلصني من هالعذاب و المر لي متى وآنه بقاسي طول حياتي مع سميحه وبنتها
اخدت المسجل وشغلت لها اغنيتها المفضله واللي تعبر عن حزنها it’s not good bay ورآحت تفتح دفتر خواطرها وتتذكر احزانها اللي طافت وتهون على روحها ان اللي فات كان اقسى فجأه نطت من الصوفا و راحت للخزانه تدور في صندوق ابوها صور لامها وحصلت صورة لامها
كانت تشبهها بالحيل هاديه ورقيقه وعلى وجهها ملامح بريئه وناعمة كان شكلها يبكي نيرمين اكثر من فقدانها لها
رجعت الصندووق مكانه تخاف تهجم عليها سميحه باي لحظه تلاقيها تتعبث باغراضها وراحت تصلح لها عشا ونامت
………………………………………….. ………
ام خالد تتصنع قدام ضيوفها :ياهلا ام فرح تفضلي تفضلي قعدي
سميحه:يا هلا بيج يا ام خالد يا هلا بالطيب واصله
وحده من لضيوف بفضول:منو هاذي يا ام خالد ماعرفتينا عليها
سميحه:آنه رفيجتها واقرب وحده لها و من مستوآها قولي ماشاء الله
ام خالد بفشله:هذي من قرايبنا يا ام نواف
سميحه تعدل قعدتها بغرور و تحاول تلفت نظر الضيوف لدراعتها وكشختها
كانت فرح جالسه على الزاويه من الكرسي و حاطه رجول على رجول و تحرك في خصلات شعرها بدلع فجأه تنادي عليها وحده من بعيد
بشاير: تعالي قعدي معانا مو متملله بروحج
فرح و الفرحه بعيونها:ها اي بس شسوي ماعرف احد هني
هند بترويقه: عيل ماتعرفيني يا فرح
فرح : ها لا بس يعني مو وياج أوفر وما كلمتج مره الا برسميه
هند بهمس لسمر: وقمنا نتكلم بالأوفر بعد انتي بكبرج اوفر يالنحس
سمر تنغز هند : بسج عاد لا يسمعونا ههههه
كانت ام خالد واقفه عند الباب الرئيسي تودع وحده من رفيجاتها وتدخل بنت صغيرة بعمر بنتها هند او اكبر بشوي لابسه عبايه كتف فخمه مو مسكرة تحتها بنطلون سكني اسود و تي شيرت بناتي فخم و طرحتها على رقبتها وشعرها مرفوع بحركه حلوة
….:هلا ام خالد شخبارج
ام خالد: يا هلا حبيبتي منو معاي ماعرفتج (تنادي على بنتها هند بايدها )
….:آنه من معارف بو خالد و بالقريب انشاءالله بننظم لكم برابط قوي
ام خالد ومافهمت شي من كلامها بس اكتفت بالابتسامه وخلتها تدخل لداخل
كانت البنت طول الوقت تعض طرف شفايفها وتطالع البيت بنظرات غريبه اللي لاحظها اغلب البنات وخصوصا انها ما كلمت احد من الموجودين واكتفت بالاكل و الابتسامه
بشااير:يلا مع السلامه فروحه تونست (بتطويل في الكلمة)ويااااج
فرح:اي عطيني رقمج عشان اتواصل وياج حبيبتي
بشاير:اوكي*************
فرح:باي باي
بشاير:باي
هند:اف قطيعه افتكينا منها هاللغوة شكو رازه ويها ويانا قطيعه تعرف مانطيقها
سمر:ههههههه
منيره:سمعتوا عن حفله ام فرح بكرا
هند بملل:قصدج سميحه
منيرة:اي يسوى نروح لهم ولا
حصه وتكمل عن منيرة: البوفيه مو شي
الكل:هههههههههههههههههههههههه
سمر: بس مو كان قالو الخميس
حصه:لا سمعتها تقول بكرا افضل
منيرة وتبرطم:عيل مو شي حفلتهم متى بتسوي البوفيه و التزيين و شي
هند:عندها بنت ريلها مسويتها خدامه بس قدام امي تقول ان هي المسكينه والمظلومة
منيرة:اذا بترحون بروح
حصه:اي عاد متحمسه اشوف نيرمين اللي تقول عنها سميحه وحش قاتل
الكل:هههههههههههههههههههه
………………………………….. ………….
كانت بتطلع وفجأه تشوف في وجهها جراح
…:جراح متى رجعت الكويت
جراح بغضب:انتي ليش جايه بيت ابوي ناويه تفضحينا
…:شفيك انا معزومه ع الحفله
راح:انا مادري بالحفله اصلا شلون انعزمتي وابوي مستحيل يقولج
…:متى نرجع السعوديه
جراح:ياربي اطلعي انتي بالاول من البيت واتصل اتفاهم
…:اوكي
كانت بشاير تسمع كل كلامهم وهي منصدمه تمنت الارض تنشق وتبلعها وتروح تطق البنت بقوة
جراح:بشاير شلونج
بشاير وتطالع في عيونه وهي عيونها غرقانه دموع: زينه
جراح:بشاير شفيج
صدت عنه ومشت وهو مستغرب دخل البيت مو مهتم
ام خالد:ها يمه رديت سلم على خالتك ام احمد
ام احمد:هلا هلا بولد العشيرة هلا بولد اختي جراح
جراح باس راس خالته:الحمدلله بخير دامج بخير
ام احمد بمكر:يلا عاد تزوج وفرحنا وياك
جراح:قريب انشاءالله خالتي قريب
يرن تلفون جراح ويروح بعيد عنهم ويتكلم بهمس
جراح:هلا حبيبتي شخبارج
منال:ليش رجعت الكويت بدون علمي
جراح:حبيبتي انا قلت لج بس ماحددت الوقت وجيت مستعجل
منال بشك:وشنو اللي يخليك مستعجل وتجي بسرعه
جراح:منال عاد لا تكبرين الموضوع انا انشاءالله راجع وانتهينا
منال:ولا يكون انا خروفه اقعد انتظر وعلى مزاجك تجي وتروح
جراح بحده:منال اقولج اسكتي احسن
منال : وشنو بتسوي يعني
جراح بفشل:يا منوله يا حبيبتي انه بالكويت الحين خلاص اهلي قدامي وشنو تبين اطلع قدامهم وانا اطول معاج بالمكالمات
منال:قول افشلك يا جراح قول
جراح:تدرين الذنب مو ذنبج ذنبي انا الغبي اللي للحين اكلمج
منال : جراح ج …
طوط طوط طوط
………………………………………….. ……….
فرح:يمه نيرمين بكرا بتنزل للضيوف
سميحه بخوف : شسوي يا فرح انا قلت لهم مريضه قالو جايين عشانها و ماقدر اخليها محصورة مو انه قايله لهم انها صاحبة الكلمة والطاغيه
فرح:يمة تصدقين خايفه اتفشل لاني قلت لبشورة انها قبيحه و old fashion
سميحه بغضب:وشلون تجذبين على الناس ها يافرح آخ يا فضيحتي باجر بس
فرح:منج يمه انتي اللي فزعتي الحفله باجر الحفله باجر
سميحه بحقد:مو مني من ام احمد هالغبرة هي اللي اقترحت ولا انه شاللي بهالوهقه كلها
فرح:وشنو بتلبس انشاءالله لبرنسيسه
سميحه:دبريهاا وروحي السوق جيبي لها فستان فخم وديري بالج تجيبين واحد مخلقن ما ابي انفضح قدام صديقاتي واطلع الغلطانه والمكياج جيبي احسن وحده عندج تحط لها لا تفشلنا تسوي وجهها الوان مائيه
فرح بغرور:المكياج يلعب دور ولا هي ماتنافسني وبحطمها بجمالي بكرا
سميحه:ولازم ادربها انها ماتكون جبانه وخايفه مني جدام الناس
فرح:اي يمه وشنو بتسوين تالي
سميحه:بشرف على نيرمينوه تنظف البيت وبتصل اشتري الزينه واوصي البوفيه
فرح:وكم بيكلفنا هذا كامل
سميحه:كلها حفله وحده وما راح تنعاد يعني بتكلفنا بس لا تخافين كله بفلوس نيرمينو هههههههههههههههههه
فرح:هههههههههه
نزلت من على الدرج وعليها بجامه نوم بيضا و منقش فيها رسمه دورا من كل مكان وشعرها منسدل على كتفها
كان شكلها بريئ وكيوت
نيرمين ماتدري عن شنو يتكلمون:خالتي كملت شغل البيت كامل و بروح داري ارتاح وانام
سميحه: ومن قال بترتاحين باجر بيجوني ضيوف يا نيرمين و ديري بالج تبينين لهم انج تخافين مني و اني القاسيه والظالمه ولا بتشوفين شي مايسرج يا نيرمين والحين هذي اللسته كتبتها لج شنو بتسوين لاني طالعه داري اكمل باقي الاشغال
نيرمين بحزن:انشاءالله بس
سميحه:لا بس ولا شي اخذي اللسته وكملي شغلج
نيرمين:انشاءالله
……………………………………….
سمر:عبدالله اسمعني هذي آخر مره تتصل لي فيها مفهوم
عبدالله:يا سمر احبج والله العظيم احبج افهميني ليش رافضتني يا سسمر
سمر ببرود:قلت لك الف مليون مره ماقدر احبك انت مو مال حب وزواج
عبدالله :عيل منو اللي يستاهل حبج وزواجش شنو سوى لج عشان استاهل كل هذا
سمر:للحين ماشفته ولا اعرفه بس اكيد بيكون مثل ما ابي
عبدالله بصوت حزين:وآنه شناقصني يا سمر عشان ماتبيني
سمر:اشياء وايد يا عبدالله واسمعني اذا دقيت علي او طرشت مسجات مرة ثانيه الا دواك على ايدي
عبدالله بتوعد:رآح آخذج وراح تحبيني يا سمر وقولي عبدالله ماقال
سمر:حامض على بوزك اصير زوجتك ولا باحلامك انساني
سكرت التلفون بوججهه وضل يتوعد ودموعه نزلت على خده و راح عند المنظرة يطالع نفسه واخذ اللي على الميز وكسر الاغراض كامل
ام عبدالله:عبدالله يمه شفيك عسى ماشر حبيبي
عبدالله:يمة ماتبيني سمر يمه ماتحبني
ام عبدالله:انت فارس احلام كل البنات ياولدي مابغتك سمر في الف سمر غيرها واحلى منها
عبدالله بصراخ:بس آنه احبها يمة احبها وما ابي غيرها
فجآه طاح من طوله واغمي عليه
ام عبدالله:عبداللهههههههه يمه ولديييييييييييييي
…………………………………….
هند:بكرا بتوصلنا بيت سميحه لحفلتهم
جراح ويحك راسه:ليش مابتقولون للسواق يوديكم
ام خالد:بلى بنقوله بس اذا تودينا افضل ياولدي بعد تعرف كل رفيجاتي يا عيالهم يا ريايلهم بيودونهم وفشله اروح ويا السواق وولدي موجود اذا تقدر
جراح:انا لو الدنيا كلها تشغلني افضى لعيونج يالغاليه
ام خالد بغرور:تسلم عيونك يالغالي يا ولد الغالي
فجأه يرن تلفون جراح وكان قلبه ناغزة من هالمكالمه
جراح:آلو عبدالله
ام عبدالله:جراح يمه الحقني
جراح بخوف:شصاير خالتي شصاير عبدالله فيه شي
ام عبدالله:مآدري ياولدي مادري الحقني بيموت ولدي عبدالله الحقنيييي
جراح:خلاص مسافه الطريق وانا جاي لكم
قطع المكالمه وحمل مفاتيحه
ام خالد:عسى ماشر يمه شفيه خويك
جراح:والله مادري يمة بس شكله شي جايد وانا بسرعه لازم اروح
هند :جراح طمني لما توصل
جراح:اشاءالله بس ادعوله
قامت هند وركبت دارها ومسكت التيلفون وسوت شبك لمنيرة وسمر و حصه
هند:آلو يا حلوات ها وينكم وصلتكم فساتينكم
حصه:وين توصلنا و تو طالعين من عندكم وباجر حفلتهم
منيرة:اي وانه مقاسي مو سهل احصله عشان جذي طلعنا واحنا الحين بالمول نشتري
حصه:انه و منيرة حصلنا بس الست هانم سمر ماحصلت شي يعجبها
هند:اي سمور خلصيهم واشتري عشان تنامون من وقت و تمروني الصبح لكوافيرة اتفقت تجي بيتنا
حصه:بس احنا عددنا اكثر المفروض عندنا تجي
هند:يلا عاد تعالو وتغدوا عندنا والليل نسير لحفلتهم
حصه باقتناع:اممم اوكي
هند:الا ماقلت لكم من نص ساعه تقريبا اخوي جراح راح المستشفى وللحين مارد
منيرة:هوو وليش للحين مارد شفيه عسى ماشر
هند:لا حبيبتي ماشر بس عبدالله رفيجه يقول طايح عليهم بالبيت و امه فقيرة ماعندها الا هو وماتعرف تسوق دقت على جراح يوديهم المستشفى
منيرة:جان دقت ع الاسعاف
هند:فقيرة هالمرة ماتعرف للتليفون و الارقام يالله دقت عليه جافته اول رقم
سمر:ها اي عبدالله اللي طايح عليهم؟
هند:عبدالله اللي شفناه بالمول لابس اصفر وانكبت عليه القهوه وهو يطالعنا
منيرة:هههههههههههههههه المملوح اللي شعره طويل يمة بس يخبل
سمر:ايييي اي عرفته وشنو قال جراح شفيه؟
هند :مادري للحين مادق جراح
سمر:ها اي طمنينا لما يدق عليج
هند:اوكي يلا الحين استاذن واقطعه بقوم انام عشان اقعد من وقت
الكل:اوكي
…………………………………………………………
في المستشفى:
جراح:ها دكتور طمني شفيه عبدالله وليش تعبان عسى ماشر
الدكتور:لا يا استاذ جراح مافيش اي حاجه بس الواد ده تعبان و الظاهر انو كان معصب او حاجه عشان كذا ارتفع ضغطو و انهار على الست والدته
ام عبدالله ببكا:يمه جراح وش يقول الدكتور وش فيه ولدي
جراح:لا خالتي مافيه عبود شي وعادي ندخل له بس يقول انه كان معصب
ام عبدالله:يالله ندخل لولدي يالله بشوفه
جراح:اوكي خالتي دخلي له وانا رايح اشتري له اكل من الكافتيريا مثل ماقال الدكتور جسمه تعبان ويحتاج يتنشط
دخلت الغرفه ام عبدالله وجراح راح للكافتيريا يشتري اكل لعبدالله
صلاح:هلا جراحو شخبارك عسى ماشر ليش انت هني
جراح:هلا هلا يالولد زمان ماشفناك
صلاح:تعرف بعد مشاغل هالدنيا و دوامي بالليل هني و بالعصر بعيادتي الخاصه
جراح باستغراب فتحت لك عياده
صلاح:ايه بورث الوالده اللي بقالي فتحت لي العياده والحمدلله طلعته دبل
جراح:موفق حبيبي صلاح موفق
صلاح:وانت الحين تشتغل ولا بطالي مثل زمان
جراح بثقه:لا والله الحين ماسك اداره مجموعتنا و مثل ما انت شايف كلشي على راسي
صلاح:يالله حبيبي جراح استاذنك رايح لغرفتني بتصل لك الليل لان في موضوع ابيك تساعدني فيه
جراح بابتسامه: اوكي حبيبي مع السلامه
………………………………………….. ..
نيرمين:خالتي انه شنو بلبس باجر
سميحه : بتلبسين خيشه
نيرمين وفاتحه حلقها:هاااا
سميحه:ووجع انشاءالله اذلفي غرفتك بس
فرح بابتسامه وضحكه بعد ما مشت نيرمين لدارها :يمه جاتني فكره تسكت همك وتريحك
سميحه:شنو اكبر من هالهم اللي عندي ولا بينزاح
فرح:لا يمه عندي لج فكرة راح تفكج من انج تخلين نيرمين الخايسه تنزل وتكشخ
سميحه عاقده حواجبها:هااا وشنو بتسوين
فرح:آنه اقولج يمه #########
سميحه بفرحه:ايي وآنه اقول من وين طالعه ذكيه طالعه على امج
فرح:اعجبج يمه عاد كلشي ولا اشوف هالوجه الحلو زعلان
سميحه:عفيه على بنتي الباره و المطيعه
اخذت تليفونها وراحت لدارها وفتحت تليفونها وبصوت انوثي جريئ
:هلا حبيبي
مشعل:هلا بفروحتي هلا بقمرتي ودنيتي انتي
فرح بدلع :وحشتني وماقدرت اصبر الا ادق عليك
مشعل بخبث:ها حبيبتي عاد سكري الباب عدل لا امج تقرب منه
فرح:حبيبي لو امي تدري اصلا ما بتخاف علي لانك كفو ولو تكلمك راح تحبك وتأمن علي
مشعل:يا بعد قلبي انتي يالورده
فرح:ماتبي تشوف صورتي بالفستان اللي قلت لك عليه
مشعل:اللي ماسك الصدر و فوق الركبه
فرح:اي حبيبي الفستآن التايغر
مشعل:اوكي عمري طرشيه لي بالواتساب و اقولج رايي فيه عاد تكفين حبيبتي وجهج خليه طبيعي ماحب المكياج يشوهه
فرح:انشاءالله حبيبي مع السلامه
………………………………………….. ………
الساعه 12:00 الظهر يوم حفله بيت سميحه
هند بانزعاج:اووووف من يطق الباب كانه وحش جراح تكفى لا تطقه جذي ادخل
سمر وهي داخله:هذا انه يالبومة قومي قعدي الكوافيرة وصلت وانتي بعدج
هند :ها الساعه كم الحين
سمر:الساعه 12 الحين
هند:اووف يا سمر تو الناس جايه من الحين ماشبعت نوم
منيرة و تاكل بيتزا:اي تو الناس شفيج انتي نسيتي ان احنا اربع و امج خامستنا
هند:لا امي جابت لها وحده غير
سمر ومنيرة و حصه:بس احنا اربعععععععع
هند بغباء وتحك راسها:انزين بقوم اسبح
سمر:بسج يا منيرة الفستان اللي اخذتيه امس شكله اليوم مابيدخل عليج
حصه :عاد صج منور بسج من الاكل مانبي نخسر فساتين انتي بس جوفي دولابج كله فساتين ومن اكشخ الفساتين تلبسينه يوم بعد اسبوع مايجي قدج
سمر بترويقه:عاد تصدقين مرتبين من الاصغر للاكبر في السايزات
منيرة بعصبيه : قامت تاكل في البيتزا ووجها صوب ثاني
سمر تقول لحصه:خليها ما ينفع معاها شي صار لنا جم ننصحها
منيرة:اذا وصلت المئه افكر اسوي رجيمكم
سمر باستغراب:يعني تفكرين توصلين له بعد ياربيييي
هند من داخل الحمام وبصوت رفيع :شصاير شسالفتكم صراخكم لآخر الدنيا
سمر:لا ولا شي اسبحي اسبحي اقول
………………………………………….. ………
بشاير: يه اللبس بدله عاديه ولا فستان
ام احمد:لا اكيد بتلبسين فستان رايحين حفله احنا مو راحين شركه تقدمين طلب
بشاير:يمه انتي شفتي آخر مرة لبست فستان ببيت خالتي شلون قاموا يناظرون فيني
ام احمد:يتراوى لج يمه انتي اصلا ماشفتي لعيون كلها طايحه عليج من الحريم منبهرين بجمالج و البنات محترين و غيرانين
بشاير:زين آنه بعدل نفسي ماله داعي جايبه الكوافيرة .. شكلها تعودت تجي من وقت تتغدى ويانا
ام احمد:اسكتي الله يقطع بليسج المرة يالله انها تجي وتخلصص منج كل شوي وقايله لها تغير تسريحه لو ماكياج تجي من وقت عشان تراعي وقتج
بشاير:زين خليها تزينج انتي بحط لي آنه بنفسي
احمد وهو نازل من الدرج و لابس شورت ازرق و بدي ابيض
ام احمد: ها قعدت من النوم
احمد ويقعد ع الكرسي بقوة:اي قعدت شبعت نوم
ام احمد:لمتى بتضل على هالحركات يا احمد وانت نايم برا البيت و هايت مع هالربع اللي جوف كل واحد فيهم وصل وين وانت عطالي بطالي بالبيت
احمد:يمه توني قاعد من النوم بسج قرقه من الصبح
ام احمد:جذاب من عيونك وانه شايفتك راجع البيت الساعه سبع متى مداك تنام وهالاغاني ماذيتنا وماذيه الجيران واعليه
احمد:يمه انتي قاعده تحاتين راحه الجيران على حساب راحتنا
ام احمد :شوف ولد خالتك جراح وين وصل وانت وين
احمد:انا الى الله وانا اليه راجعون بدينا بشغل شوف جراح وشوف فلان انا قايم اصلي و اسبح وطالع
ام احمد بقهر:وش هالحظ يوم انك صرت ولدي ما ادري اي غبيه بتقبل فيك زوج بس
………………………………..