خل دموعك في عيونك و أنا أبكيك خل الحزن لي و إنسى الحزن تكفى 2024.

اف وينهاااا هااااي ,,,,,,مليت وانا اتصل فيها ولاترد ,,,مادري ليش مسوويه تلفوون
الوقت الي احد يبيهااا فيه ماا يحصلهاااااا,,,,اف اخيراااا ردت ,
مريم : الووو
الفن : اخيرااا كان ما رديتي فديتج ,,ليش عبلتي على عمرك الغاليه
مريم :حشى شو فيك لبقه كذيه
الفن : من عمايك السودء يالسووووودااااء
مريم :اناا السووودااء يالانجليزيه
الفن : المهم خلي عنك هالسووالف المااصخه الحين ,,وقولي لي انتي وين ؟؟
مريم : انا في العين
الفن :صدق حلفي ,متى وصلتي ولا تخبريني
مريم : توني واصله والله ال من ساعه
الفن : وانااا اشوف العين منووره الليله ما عرفت من شوووو اثااريج انتي فيهاااا
مريم :هههه منوره باا اهلهااا فديتج
الفن :عاااد اونه انتي مب من اهل العين وال اهل ابووظبي نسوج دااااارج
مريم : لا فديتج انا ما انسى داري واهلي
الفن : فديتج والله ,,,والله مشتاااقتلج موووووت من زمااان مااا شفتج ,,
مريم : وانا بعد مشتااااقه لج وااايد
الفن : خااطري اشووفج الحين
مريم : وانا بعد ,,,تعالي زوريني
الفن : ويه الحين ,,لا الحين الوقت متاخر ان شااء الله بااكر ,,,من بعد صلاه الصبح بتحصليني قدااامج
مريم : لا اعوذ بالله خليني انااااام قالووا اشتيااق بس مب كيه
الفن : مش منج من الي يباا يشووفج ,,,خلاص خلاص ما بيج
مريم : افا زعلتي
الفن : هيه زعلت
مريم : كله ولا زعلج ما تهونين علي فديت رووحج ,,اذا ما بتيني انا بيج
الفن : لا خلاص بيج كذيه على الساعه 10 الصبح ,,اوكيه حبووووووبه
مريم : اوكيه
الفن : اوكي ,,,سيووووو
مريم : سيووووو

الفـــــــــــن : بنت حبووبه وطيووبه وعمرها 25 سنه وخريجه بكلريوس من جامعه الامارت تخصص اداره ,,,,وهي ترتيبها رقم3 بين اخووانهاا ,,,عندها اخ اكبر عنها ب6 سنووات اسمه سالم وهو متزوج من بنت عمته لطيفه وعنده ولد سيف وبنت فاطمه ,,واخت اكبر منها عمرها 27 اسمها شمسه وهي متزوجه واحد
من قرابتم اسمه ماجد وعندهاا بنتين تواام ريم ومريم ولا ياابت غيرهم لانه صار لها شوويه مشاكل ,,
وبعدهم الفن ,,وبعدها خالد 22 وهو وااايد قريب من اخته الفن ويشبهاااا بعد و يدرس في كليه زايد العسكريه , وبعده ولد اسمه حمد عمره 15 سنه ويدرس صف اول ثاانوي وهو وايد مشااغب الله يهديه ,,

مريــــم : هي بنت جيران الفن و صديقتهااا درسووا مع بعض من صف الاول لحد ما اتخرجووا مع بعض من الجامعه ,,,بس للاسف افترقوواا لانه مريم تزوجت واحد من ابوظبي وساافرت معه يكمل درااسته في بريطانيا

)))))))))))))))))))))))))))))))))))))))

ثاني يوم الصبح الساعة 10 وربع كانت الفن في بيت مريم …ومريم كانت في سااابع نومة ههههههولا تدري شي عن الفن اللي وصلت وحصلت أم مريم أسمها عايشه واسم الشهرة أم محمد وابو محمد متوفي من 6 سنين بحادث هو و ولده عمر… كانوااا رااايحين أبو ظبي لخطبت بنت اسمها المها لمحمد بس العمر قصير وتأثر محمد بالحادث وقرر يسافر يكمل دراستة في الخارج طبعا هذا هروب من الواقع المر ,والحزن اللي سيطر عليه عقب الحادث وعمره 29 و اهو بجر ام محمد وعقب عمر اللي توفى وهو عمره 20 و عقبه سلطان وعمره 22 وهو يدرس عند خالد في كلية زااايد العسكرية
وأخيرااا مريم وعقب مريم مهرة وعمرها 19 و تدرس في ثاني سنة جامعة الامارات كلية علوم وهي مخطوبة لخالد أخو الفن >>>>بسبب سلطان تمت الخطبة عقب بتعرفون ليش؟؟؟ وهذا منجز عن عائلة الصديقة مريم؟؟

ونرجع لفن وهي معصبة من مريم وأم مريم تهديها ههههه…

أم مريم : خلاص اماية الفن الحين بتنزل لج أنا طرشت الخدامة وتقومها من الراااقد
الفن : أخ منها البارحة مكلمتنها و متفقة معها ع الموعد …
أم مريم : البنت ومن ردت وهي متغيرة عن مريم بنتي اللي أعرفها أول كله ترمس وتضحك و الحين احسها كبرت 20 سنة قااادمة … كل ما أكلمها ع سبب تغيرها تقول عقلت ههههههه
والحين انا حرمة معرسة ومب انتي الي تقولين لي كوني حرمة عاااقل
الفن: هيه خالتي أم محمد البنت تغيرت واااااااااايد وكل ما اكلمها احس بنبرت الحزن في صوتها
يمكن عندها مشاكل وياااا ريلها سعيد وماااتريد تخبرنااا
أم مريم : حتى أنا شاااكة في ها الشي
الفن: الله يستر
أم مريم : المهم أخبار أمج القاطعة
الفن: ههههههههههههه يسرج حالها
أم مريم: خبريها اني زعلانة عليها
الفن: الله لا يجيب الزعل بينكم
أم مريم : فديتج يالفن
الفن: خالوووووة أخيرا بنتج حنت علي وقاامت
مريم: هلا وغلا بالشيخة الفن
الفن: مرحبااا مليون بشيخة الحريم مريم أم الفن
مريم: ههههههههههههه فديتج والله لج وحشه
الفن: وانتي أكثر ياغلا
أم مريم: زين عيل أنا برووح الجمعيه ايب لكم شي ؟؟
الفن ومريم:لا سلامتج ,,
أم مريم :الله يسلمكم ,,مع السلامه
مريم والفن : الله يحفظج يالغالية مع السلامه .

وعقب ما تروح أم محمد الجمعيه تقوم مريم وتقوم الفن

الفن: وين تبين ؟؟
مريم: نروح فوق علشان نأخذ راحتنااا أكثر
الفن : هههههههههه اول عطيني الهدايا
مريم: الحين أنا اقول البنت مشتاقه لي طلعتي تبغين الهدايا ما تبيني
الفن: ههههههههههههههه شفتي عاااد
مريم: خلاص أنا زعلت
الفن : لا فديتج لاتزعلين علينا ههههههههه
مريم: أفااا ياغالية منج مستحيل أزعل

….. في غرفة مريم>>>

الفن أول ما فتحت باب الحجرة
الفن: الله يا مريم غرفتج نفس ماهي ما تغيرت من سنتين
مريم:انا قلت لأمي لا تغير فيها شي .. اريدها مثل ما هي أحب كل شي يذكرني فيها احس اني مريم البنت البسيطة المرحة هههههههه بتستغربين مني يالفن حياتي تغيرت من عقب العرس والسفر أه لو يرجع الزمان لكنت اخترت اني ما اعرس ولا اسافر
الفن : خير يا مريم شو بلاج ….احس انج مب سعيدة وياااا سعيد
مريم: اه يالفن بس لو خبرتج بتستغربين من اللي صار لي
الفن : شووو السالفة خبريني….
مريم: السالفة طويلة ….يالفن
الفن: حرااام عليج خبريني
مريم: خلاص بخبرج بس لا تخبريني أحد
الفن: وانا متى أخبر عن أسرارج يا مريم ولا نستيتي الصداقة والثقة اللي بيناا

>>>>>>>>>>>>>>>>>>>>>>>>>>>>>>>

انتهى الجزء الاول من قصتنا
خل دموعك في عيونك وانا ابكيك ,,, خل الحزن لي وانسى الحزن تكفى

شووووو رأيكم في القصة بصراااحة
وهل اكملها او لا

وشو توقعتاكم بالنسبة لفن ومريم ؟؟؟؟؟؟

وشو اللي صار لمريم عقب العرس والسفر ؟؟؟؟؟

وهل السبب هو زوجها سعيد أم في سبب ثاني غيره ؟؟؟؟

وشو قصة الفن … هل لها دور مهم في القصة ؟؟؟