جنون مشاعر 2024.

مساءالحنين المتدفق من صدري ..!

ومضه حنين اجتاحت كياني في هذاالمساء

ونزفت هذه المشاعر ..

/

/

يعني خلاص ابوي رحل …!!

ابي اكذب الواقع … واقول ابوي مامات ..!!

ابي اقول شمعه حياتي ماانطفت .. نور دربي مااختفى ..

ابوي تاج راسي …وبلسم جراحي …

حي مامات … ايه حي مامات ..

كل يووم في منامي هو معي …!!

اسولف له ..واضحك معه …

واخبره من ضيق الخاطر وكدره … من هو زعل الريم وصيحه …

اقول له عن حال دلوعته بعد ماغاب عن العين ..

وش صار لحبيبته بعد مارحل من دنياها ..

هم ونكد … حزن وألم .. ضيق وكدر ..

آهـ يابوي ..آهـ ..

ذبحني الحنين .. ذبحني الشووق ..

تكفى يابوي ارجع … تكفى يابوي تعال .

يابوي طولت الغياب ..يابوي تسع سنين فراق ..

ماعاد اقوى على بعادك ..ماعااد فيني اتحمل ..مل الصبر مني .!!

يابوي محتاجه حضنك ..محتاجه عطفك ..

محتاجه حنانك… محتاجه لمسه يدينك…

ودي ألمك ..ودي أضمك ..ودي أقبل يدينك ..

يابوي ماتعبت من النوم على الطين ..ماتعبت من البرد ..

ماتعبت من الوحدة .. ماتعبت من الظلمه ..

تكفى قوم وقلي هم يكذبون …!!

تكفى قوم وقل لهم انك حي مامت ..!!

تكفى يابوي قوووم .!!

ترى طفلتك حيييل مفتقدتك … ترى طفلتك تعبت وهي تنتظرك ..

ترى ابوي حي مااامات ..والله هو في قلبي مامات…!!

/

/

جنون هذه اللحظه ..

بقلم / الاميرهـ

5:20 مساءً

.

.

اقسى اللحظات وأشدها مرارة اذا خالج وجدانك شووق
وانت تقف عاجز ليس باستطاعتك مقاومته ..

والأشد و الأقسى عندما تتيقن ان من تشتاق اليه لن تراه عيناك ابداً ..
ولكن يبقى الدعاء هو الرابط الوحيد بينكم ~

غاليتي .. لا حرمك الله من عزيز آخر.. وأقر عينك بمن تحبين ..

شكراً لكـ من القلب ~

……. بداية لي الشرف ان اكون اول من يرد على هذه السمفونيه الرائعه ……….

قالو توفى واااافته المنيه ****** واصحى ترى اللي مات ماهو بعايد
الموت حق وخل نفسك قويه ****** ياما بهالدنيا بتشوف النـــــكايد
قلت العنا شي مااقدر عليه ****** والحزن صار عندي سلم وعوايد

ابدعتي باحرف ترتجف حزن على فقد اغلى من احتوته دنيا البشر ….

الم كلماتك وصراخ همساتك ونحيب عبراتك ليس لها الا رب كريم وبالحال عليم ,,,,,؛؛؛

الداعي لكم بالمسرات ………….. سعادة السفير

اميرة التميز :-

اي ابداع وامتاع تملك واي احرف ترسم واي كلمات تعزف

اي الخواطر تنثر هنا واي الاقلام تمتلك واي المشاعر تنزف

لقد راق لي كل الذي قراته وكان على لزام المكوث والاستمتاع

لما نزف قلمك من كلمات وجمل وعبارات نثرت عبيرها في غرام

لطلما قلت مرار وتكرارا بان قلمك من ابدع واجمل الاقلام صدقا

لقد رسمت لنا انموذج في الكتابة يحتذى به على مر الزمان والايام

سلمت اناملك على النص الراقي الجميل والمميز والمثير دوما

دمت بود اميرتي وغاليتي وسيدتي وانستي ومليكتي وكاتبتي واستاذتي

(( كـــــــــــــــــــــــــــــــبـــــــــــــــــ ـــــــ الملوك ـــــــــــــــــــــــــــــــــــــــــرياء ))

الله يرحمه ويرحم موتانا وجميع موتى المسلمين
غاليتي اشعر بمراره والم ما تشعرين به لاني مررت به ففي كل لحظه حزن او فرح نفتقدهم
رائع مانثرته بوح جميل واحساس صادق
لك ودي وتقديري
إنتظار

كلمات لامست جرحاُ لا زال ينزف من تسعة عشر عاما
رحل ابي وانا لم اتمكن حتى من وداعه

رحم الله والدي ووالدك واسكنهم فسيح جنانه

خاااطرتك جت ع الججججرح وربي
قلبت الموواجع ولامست مشااعري واوجعتها : (
ربي يررحم أبووي وأبووك ويجمعنا فيهم بالجنه

اقتباس:

يابوي ماتعبت من النوم على الطين ..ماتعبت من البرد .. ماتعبت من الوحدة .. ماتعبت من الظلمه ..

ااامممم كلامك هذا يجي بالي كل ما مريت م المقبره اللي بوي مدفون فيها
ربي يرررحمه ويسكنه الجنه

تقبلي مروري

ودي

يوه حزينه بقوه

الله يساعدك على فراق ابوك

والله فرق الاب موب سهل كلش

بأنتظار طرح مفرح

يسلمووووووووووووووووووووووو

ايتها الاميرة
كنتي اميرة بحق
ولازلتي
وستظلين

كنت معك لحظه بلحظه
كلمة بكلمه
حرف بحرف

نزف
وعزف

فكان ذاك الابداع
حتى الامتاع

خالجتني الذكريات

تذكرت وفاة والدي وانا في مقتبل عمري
كسر ظهري رحيله

ولكن هل توقفت الحياة … !

لالا
بل بذلت المستحيل لاارضيه في مماته

درست
تفوقت
ونجحت
وتوظفت
بنيت اسره
واليوم

اجده فخور بما حققته واحس بذلك

وانتي كذلك
لاتجعلي الماضي يكبلك
انسانه متدفقة المشاعر
بهذا الشكل

يقينا مني
انها تحمل بين طياتها
الكثير لتقدمه لمن حولها

اعجزتي كلماتي ان تنطق
ولكن بكل منطق

انتي ملكة
في كل شي
فكوني كذلك دوما وابدا

لاعدمت روحك

تحياتي

راكان

كلمات صادقه جدا اميره

وطرح مؤثر للغايه من الناحيه الانسانيه

وادبيا الكلمات جميله

خاطره أعجبتني

تحياتي لك