تهديني الورد وانت الورد وزهوره وتقلي انساك وانت الذاكره فيني 2024.

السلام عليكم ورحمة الله وبركاته

لا تعاتب الشمس .. ليه الشمس ما غابت
الشمس غابت وهذا النور من لونك
شوف العجب كيف .. حتى عيونك ارتابت
ما بين ليلٍ وصبح أشرق من فتونك
وتظن للحين .. ما بك مهجتي ذابت
وانا على إمّا يقولوا صرت مجنونك
ما تدري ان الهوى له عين لو صابت
لا الطّب ينفع ولا خلان يرقونك
كم فارسٍ مِنْهْ .. ساحات الوغى هابت
أردته نظره .. وحسبي صرت مرهونك
شف وين قلبي .. رَمِيّتها .. ولا ثابت
مأسور ما بين .. سيف العشق .. وعيونك
واربع حواسي .. معك للحين ما آبت
يا دوب ردّ النظر .. لعيون مفتونك
هوّن عليَّ .. رموش العين قد شابت
من ليعة الشوق .. بين إلْقاك وظعونك
والدمعه اللي .. عليك أخفيتها رابت
في الموق خايف تطيح وتجرح شجونك
من يرحمك .. من ضميرك .. كانها ذابت
ومن لك يداوي .. وهي من يدّك اطعونك
تكفى جروحي .. نزيف اشواق ما طابت
تحتاج لمسة حنان وبارد مزونك

وادري انا بخافقك لي ود مكنوني .. في البعد طيفك يصوّر شوقك لعيني