| تدْرِي وِشْ اللّي لْسِهْر اللّيل حادِيني؟ | |
| وجْد ٍ بقلْبي بعدْ فرْقاك لاعِبْ به | |
| إيْ والله انّه ملمْلِمْنِي وطاويني | |
| ومِنْ لِي زِمان ٍ وانا مسْجون في عِبّه | |
| واليوم اسائِلْك تكْفى لاتخلّيني | |
| حالِي فبحْر الأسى غاصتْ الى الغِبّه | |
| والدّمْع جدْواي الِين ازْرا على عيني | |
| معْ آآآهة ٍ نارها في مِعْلِقِي شبّه | |
| والنّبْض لامنْ نثرْته في دواويني | |
| ودْموع هِذْياني اللّي طالتْ اللّبّه | |
| يامرْتجاي اقْرب وطالِبْك تِئْوِيني | |
| خايف نِهاية حياتي وانْت له سِبّه | |
| اِرْحمْ رحمْك الولِي لاتقْصِرْ سنيني | |
| بِيْدِيك بعْد الوِلِي جرْح العنا طِبّه | |
| وبْلدّتكْ لِي ثياب السّعْد تكْسيني | |
| وبْرجْعتكْ لي حروف الوجْد مانبّه | |
| هيهات لو قسْوِتكْ يالرّاحلْ تْلِيني | |
| وآآآروق يوم انْ فنْجالك لي تْصبّه | |
| بقلمي | |
وبْلدّتكْ لِي ثياب السّعْد تكْسيني = وبْرجْعتكْ لي حروف الوجْد مانبّه
هيهات لو قسْوِتكْ يالرّاحلْ تْلِيني = وآآآروق يوم انْ فنْجالك لي تْصبّه
ابيات جزله
استمتعت بها كثيراااااااا
نتظر جديدك
ابداع من اصغر حرف لاكبرها
ومن اول شطر لاخره
لاهنت ولاهان قلمك
وصح لسانك واعتلا شانك
تقبل مرور اختك
بنت عتيبه
صح لسانك على هالجزله
انت جزل ولايجي منك الا القصيد الجزل وهذا اللي اعرفه عنك من زمان
قبل اربع سنوات كنت انا وياك في احد المنتديات واسندت عليك قصيده ورديت عليها وكان ردك رائع جدا
تقبل تواجدي هنا في متصفحك الرائع وتقبل تحياتي
اخوك نايف العتيبي
معْ آآآهة ٍ نارها في مِعْلِقِي شبّه
والنّبْض لامنْ نثرْته في دواويني
ودْموع هِذْياني اللّي طالتْ اللّبّه
صح لسانك
وبارك الله فيك
وبنتظاار نور قلمك
تقبل مروري
قصيده راق لي وبلهآ ،وطآب ارتشافهآ
طُبت وطآب طرحك
لآهنت شأعرهآ ،
تحيتي ../~
صح لسانك على بوحكـ الراقي
قصيده جزله ورائعه
كل شخص قابلته يكتب باسم بـــرق يكون مميز
مادري وش السبب
دمت بكل الود
ساهر
و كل بيتٍ يسابق سابقه بروح الابداع
كثير من الأبيات إن لم تكن بأكملها قد
أسرتني ..
أحسنت
و لكن وددت منك تذييل النص قادما بـ
" قلمي "
وفق قوانين القسم ..
و لك الشكر الجزيل
أرق نسمات صبا مني
إيمان
عمومآ صح السانك يابرق<<فشلتنا حسبي على بليسك ليش ماكتبت بقلمي او منقول؟؟
طيب صح السانك مقدمآ وان شالله مايخيب ظني وعندي نسبة 99% انها لك
بس ياليت تقطع الشك باليقين وتوضح المصدر بردك على اي تعليق وانا اخوك
تقبل تحياتي وتقديري
اخوووووووووووك
أســــ الغنج ــــير
صح لسآنك اخوي و اعتلا شانك
ولا هنت ولا هان حرفك الوافي
نص يفيض عذوبهـ
يعطيك ربي العافيهـ
ـآرق ـآلتحآيآ
آسيـــر نآيـــف