كيف حالكم .. ؟ طيبييين ؟
المهم .. هاذي روايتي الاولى .. ماحددت متى انزل البارتات ..
الروايه راح تكون سعوديه ..
اتمنى تدعموني .gif "Msn (2)")
وتشجعوني ..
والا يريد ينقل الروايه .. ينقلها بأسمي *لا تعذب قلبي فأنت فيه*
والبارت الاول راح ينزل بعد شوييي ..
في الرياض وتحديدا في دار الايتام ..
المشرفه : شنو ؟
شيخه : الا سمعتيه .. ولدي اعجب في بنت من الدار .. وانا الصراحه ماريد احط فخاطره ..
المشرفه : مهما صار نحن مانقدر نغصب البنت ..
شيخه : اسأليها ..!
المشرفه : طيب .. قامت وراحت تحديدا غرفه ندى ..
المشرفه : السلام عليكم يا حلوه ..
ندى : وعليكم السلام ..
المشرفه : الحلو بشنو يفكر ؟
ندى : ولا شي ..
المشرفه : طيب عندي لك خبر ..
ندى : شنو ؟
المشرفه : في واحد تقدم لك .. والصراحه باين عليه ولد ناس وفلوسه تغطي الارض ..
ندى تمسك ايد المشرفه : يعني راح اطلع من هنا .. راح اطلع ..
المشرفه : ايه حبيبتي .. طول عمرج تتمنين تطلعين .. موافقه والا مو موافقه ؟
ندى : ايه موافقه .. بس ..
المشرفه : بس شنو ؟
ندى : ما عرف .. ابي اروح وما ابي اروح عن صديقاتي ..
المشرفه : انتي صلي صلاه الاستخاره .. وبعدين صديقاتك كل وحده راح يجيها نصيبها ..
ندى : ما اعرف ..
المشرفه : انتي فكري وصلي وباجر عطيني خبر ..
ندى هزت راسها : اوكي ..
المشرفه : صرنا نخجل ..
ندى : يووووو .. انا بروح عند البنات .. احس لو جلست معك ابكي من الخجل ..
المشرفه : ههههههه .. طيب انا بروح ..
راحت ندى عند البنات ..
ندى : السلام عليكم ..
البنات : وعليكم السلام ..
ندى : بنات ابيكم بموضوع ..!
الهنوف : شنو ؟!
ندى : هممم ..
لين : ياخي تكلمي خبصتيني ..
ندى : طيب طيب .. انا انخطبت ..
الهنوف : صج !!
ندى هوت راسها بايه ..
الهنوف تحضن ندى : حضج !!
ندى : خنقتيني .. انا لسى ما وافقت ..
الهنوف : ليه ليه حبيبتي ؟!
ندى : بصلي صلاه الاستخاره وبعدين ارد عليهم ..
لين : ومن ها سعيد الحظ ..
ندى : الصراحه انا ما اعرف عنه ولا حاجه .. بس الا عرفته من المشرفه انه محترم .. وغني ..
سارا : صججج !!
ندى : ما ابي اخليكم ..
الهنوف : يا بابا روحي تزوجي .. كلنا نصيبنا جاي ..
لين : من متى وانا خاطري اروح لزواج ..
سارا : قريب قريبب ان شاء الله ..
جات الخدامه : ندوو .. المشرفه تبيك ..!
ندى : تبيني ..!
الخدامه : ايه .. هذا مناك حرمه مال رجال ..
البنات : هااااااااااااااااا ..!
ندى غصت : كحح كحححح ..
قامت الهنوف وضربتها على ظهرها ..
ندى : كح .. مو كذا يضربون ..
الهنوف : ياخي خوفتيني ..
ندى : ام المعرس عند المشرفه ..؟
الخدامه : ايه .. سرعه ..
ندى : جاك الموت يا تارك الصلاه ..
لين : ندووش .. عادي دخلي وكأنك ما عرفتي انها موجوده ..
سارا : صحيح كلام لين .. ولا تحطين ولا حاجه على وجهك .. ما شاء الله جمالك رباني ..
ندى : اهممم .. يالله يا بنات وصلوني ..
الهنوف : ندووو ..!
ندى : عيونها
الهنوف : وافقي ..
ندى : يصير خيير ..
وصلن البنات عند غرفه المشرفه ..
ندى : خلاص مابي ادخل ..
سارا : ندو يالله ..
ندى : اخاف ..
لين : ترا افتح الباب ونركض عنك ..
ندى : لا لا ..
الهنوف : يالله افتحيه ..
ندى : الهنوف .. انتي الوحيده الا تفهميني ..
الهنوف : يالله ندوو .. مافيها شي ..
سارا : وبعدين هي حرمه حالنا من حالها ..
لين طقت الباب ومسكت ايد سارا والهنوف وركضت ..
المشرفه : تفضلي ندى ..
ندى ما رفت شنو تسوي دخلت وعيونها تشوف الارض : نعم طلبتيني ..
المشرفه : ايه .. تعالي سلمي على ام خطيبك ..
ندى في خاطرها : يالله يا ارض انشقي وابلعيني يالله ..
المشرفه : ندى .. تسمعيني ..
ندى : ايه .. تقدمت من شيخه وسلمت عليها وجلست بالكرسي الا امام شيخه ..
شيخه : تعالي يا بنتي جلسي جنبي ..
راحت ندى بكل خجل وجلست جنب شيخه ..
شيخه : كم عمرك يا ندووش !
ندى : 17 سنه ..
شيخه : آخر سنه بالمدرسه ؟
ندى : ايه ..
بعد مرور 5 دقايق ..
ندى : خالتي ؟
شيخه : نعم ..
ندى : همممم .. انا موافقه ..
شيخه : صج !! وحضنت ندى ..
ندى صارت عصير طمام من الخجل ..
ندى : انا استأذن ..
دخلت ندى غرفتها وهي طايره من الفرحه ..
شافت عمرها بالمرآيه ..
ندى : وين راحن الخاينات ..
طلعت من غرفتها وراحت لغرفه سارا بس ما كانت موجوده طلعت وراحت لغرفه الهنوف هم مافي احد ..
ندى : اكيد فالحديقه ..
شافتهن جالسات فالحديقه ..
ندى : انا زعلانه ..
لين : يا قلبي ..!
ندى : ايه .. ومن الزعل وافقت ..
سارا : صج وحضنت ندى بقووو ..
الهنوف : تبعد سارا من ندى وتحضنها : ندووو .. لا تنسينااا ..
ندى تحضن الهنوف : انسى نفسي ولا انساكم ..
من بعيد كانت عيون تراقبهم .. المشرفه وشيخه ..
شيخه : شكلها تحبهم ..
المشرفه : ايه .. كثير ..
شيخه : الله يخليهم لبعض ..
المشرفه : آمين ..
شيخه تسلم على المشرفه : مثل ما قلت لج .. بعد اسبوع الملكه وبعد اسبوعين الزواج ..
المشرفه : طيب .. راح اقولها ..
شيخه : وفلوس العروس راح تكون اليوم عندكم ..
المشرفه : طيب .. من اليوم نبدا بالتجهيزات ..
شيخه : مانبي حفله كبيرة وطقطقه .. كذا نبيها تكون عاائليه ..
المشرفه : ان شاء الله .. وطبعن ما بتمانعون من صديقتها ..
شيخه : طبعن لا ..
المشرفه : طيب ..
راحت شيخه لبيتهم .. وتوجهت المشرفه عند البنات ..
المشرفه : السلام عليكم ..
البنات : وعليكم السلام ..
المشرفه : وافقتي ..
ندى : ايه ..
المشرفه : الله يوفقج ..
البنات : آمين ..
المشرفه : طيب اسمعيني زين .. الاسبوع الجاي الملكه والا بعده راح يكون الزواج ..
البنات : هااااااااااا ..
سارا : لا شنو .. مايمدينا ..
المشرفه : اليوم راح يعطونا الفلوس .. يالله روحن غيرن ملابسكن .. عشان نبدا من اليوم ..
الهنوف : طيب ..
المشرفه : راح اتصل على المشرفه الثانيه تجلس بدالي ..
ندى : والله مايكفي ..
لين تغمز لندى : مستعجل عليك …
الكل : هههههههههههههه ..
ندى : والله ؟
لين : انتي ما تعرفين ب الرومانسيه .. انا اعلمك بس نرجع ..
الهنوف : طيب انا وسارا صديقاتكم .. علمونا ..
لين : لما تنخطبن اعلمكن ..
سارا : لا نبي نتعلم اليوم حالنا من حال ندووو ..
لين : طيب طيب .. بس من دون ازعاج ..
الهنوف : طيب ..
سارا : راح نسهر اليوم بغرفه ندوو .. والا شنو قلتي ..
ندى : طيييب ..
………………………………………….. ..
يسعدني أكون اول من يرد
رواية جميله وبدايه حلوه
بس لاتعتمدي على الحوار استخدمي السرد والوصف
تسلم يديك على الإبداع
سجليني من متابعيك
أتمنى ما تطولي علينا و تحطي بارت
تقبلي مروري ❤
.gif "Graaam (185)")
بدايه روعه وموفقه.gif "Graaam (301)")
يارب وننتظرج بفااارغ الصبر .gif "Graaam (216)")
وتقبلي
.gif "Graaam (89)")
من متابعينج ……… سلااامـــــم 🙂
ومششكورة
وان شاء الله اكون من متابعينك
ثاني شي الحبكة وهي اهم نقطة في في الرواية يعني اي حدث ينطرح بالرواية لازم يكون محبوك كويس حتى يكون مقنع للقارئ يعني مثلا شيخة قالت انو ولدها يبغي ندى زوجة له على اي اساس اختارها والمفروض انو البنات في الدار مايطلعون الا نادرا ولا ماكن معينة وبيكونو اكيد بكامل غطاهم من وين عرف ندى واختارها هي بالذات
ذكرتي انو الولد من عائلة معروفة وغنية يعني معقولة واحد بمكانته امه بسهولة بترضى تجي تخطب له بنت من دار الايتام بدل ماتختار بنت من نفس طبقتهم ومن عائلة معروفة …
وخصوصا انك ماوضحتي هل ندى معروف نسبها او مجهولة النسب …. الا اذا في خدعة بالموضوع والولد فيه عيب كبير مستحيل بيلاقو له عروس من وسطهم ترضى فيه
وفي هالحالة علشان تكون الكبكة مقنعة تكون شيخة جاية للدار تختار عروس لولدها يعني هي الي تختارها اما انو هو الي اختارها ومحددها والام موافقة هنا الفكرة مومقنعة
النقطة الثانية من وين مديرة الدار حكمت على الولد انو كويس وهي ماراحت سألت عنه ولا تدري عن حقيقته وين مسؤليتها تجاه هالشي وكيف ندى ببساطة توافق على الزواج من واحد حتى اسمه ماتعرفه بس لانه غني يعني في المستقبل مالها حق تلوم اي احد لو طاحت بمطب لانها هي الي ارخصت عمرها حتى استخارة مااستخارت ولا طلبت معلومات عن العريس
حبوبة لازم تنتبهي لاحداث الرواية لانه لها دور كبير في نجاحها او لا
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
بس لاتستخدامي الالوان الفاتحه
تسلم يديك على الإبداع
سجليني من متابعيك
أتمنى ما تطولي علينا و تحطي بارت
تقبلي مروري
بداية وااااااااااوو..
ننتظر الإذن من سيادة الأميرة * لا تعذب قلبي فأنت فيه*
بأن تسمح لنا بالتسجيل في قائمة المتابعين. ^—–*
روعه وحطي صور اذا كنتي ماتبين توصفين..
بيطلع واااوو وخاصة انا احب الصور..
ننتظر البارت الجاي
لك ودي