مبارك عليكم الشهر ،، والله يعينا على صيامه وقيامه يارب ،،
أول مره ادخل هــ القسم ،، .gif "Graaam (24)")
هذا مو معناه اني ما احب الطبخ ،،!!
بالعكس أنا احب الطبخ وايد ،،! لكن ما اتفيج أصور ..!!
اليوم سويت الكم المجبوس وحبيت انزل لكم الطريقه ان شاء الله تعيبكم ،،
نبدأ بسم الله ،، وان شاء الله تكون طريقة العرض مفيده ومفهومه وسهله ،،
بصل وفلفل حار،،
تقريبا نص ديايه ،،
خضار زي ما تحبون ،، انا عندي(فليفله ، وكوسا ، وفاصوليا ، وطماط ، وبطاطا)
بهارات ناعمه ( كركم ، كمون ، كزبره ، وبزار عربي )
بهارات خشنه( لومي يابس، هيل، وقرفه، وورق غار، وشوية كمون )
نبهر الدياي شوية كركم وكمون وملح طبعا وشوية ثوم مدقوق ،،
وفي المقلاه نحط شوية كمون خشن وفلفل حار يابس قبل لا نحط الزيت ،
ونحمسه لحد ما تطلع ريحته شوي وعقب نحط الزيت،،
عقب نحط الزيت ونقلي الدياي مثل الصوره ،،
الزيت اللي قلينا فيه الدياي نحطه في الجدر ،،
نحط البصل ونبدا نقليه لحد ما يذبل البصل ،،
لما يذبل البصل نضيف مجموعة الخضراوات بعد ما قطعناهن
قطع متوسطه ونحمسه مع البصل لحد ما تذبل الخضراوات ،،
عقب نحط الطماط والأعشاب الخضره
(شوية بقدونس ، شوية كزبره ، ممكن شوية شبت وممكن ورق الصالونه يعطي ريحه للاكل حلوه)،،،
بعد ما نحط الطماط نحط البهارات الناعمه والخشنه عليه
ونقلبه ونغطي عليه لحد ما يختلط الكل ويصير مزيج جميل
عقب نحط الدياي المقلاي فوقه ونحركه كله مع بعض ،،
عقب نذوب شوية صبار(تمر هندي) في ماي دافي ،،، ونصبه ع الخليط ،،
وهذا شكل الخليط بعد ما صبينا التمر هندي عليه ،،ريحته رووعه ،،
عقب نزيد ماي دافي فوق الخليط كله ,وما ننسى الملح يعني ثلاث قفش صغار وشويه
ونخليه ع النار لحد ما يستوي الدياي وتصير كمية الماي مناسبة اني اطبخ فيها العيش (الأرز) ،،
عقب طبعا أضيف العيش فوقه (الأرز) ،،
اتريا لما يستوي العيش تقريبا مثل ما شايفين بالصورة،،،
آخر شي لما يستوي العيش تقريبا يعني نص استوى
أسكر علي العيش بالقصدير وأقصر على الغاز وأخليه شوية وعقب اسكر ،،
وأخيرا أدري طولت عليكم بالهنى والعافيه ،،
اتمنى تكون الطبخه عجبتكم ،،
تحياتي للجميع ،،،
تسلم الأيادي وصفه شهيه
ما ننحرم من آكلات
ودي لك
ندري أنه كشخه بس لو مكبره الصور عشان نشوف الأكله زين كان أحسن
< شوي وأدخل مطبخكم أحسن خخخخخخخ
نفس الكبسه بس كلها خضار
صحتين
بس ماوريتينا الشكل النهائي
يلا صحتين ، حدي يوعااااانة خخخخخ
تسلم يدك
سلمت يداك ياعسل
ويعطيك العافيه
|
المشاركة الأساسية كتبها أمــــل
 مسائك راحة بال
تسلم الأيادي وصفه شهيه ما ننحرم من آكلات ودي لك |
هلا وغلا بأمووله ،،
مساج رضا ورحمه حبيبتي ،،
تسلمين حبيبتي ربي يسعدج ،،
ودي،،،
عهود
صباحك ورد و عسل
مشاء الله تبارك الرحمن
حححلوه كثير
يعطيكِ العافية
و تسلم يدك مآقصرتي
يُنقل لتميز
لايو و و قف
–
|
المشاركة الأساسية كتبها أثاآريني فقيـدهـ !
ندري أنه كشخه بس لو مكبره الصور عشان نشوف الأكله زين كان أحسن
< شوي وأدخل مطبخكم أحسن خخخخخخخ نفس الكبسه بس كلها خضار صحتين |
هلا حبيبتي شرفتيني ،،
السمووحه منج اختي ،،
صغرت الصور لاني خفت الموضوع يطلع طويل ؟؟ ما عليه المرات اليايه أبشري
أكبر لج الصور على خاطرج ،،
مشكوره على مرورج الغاليه ،،
وصحتين على قلبج ان شاء الله ،،
تحياتي ،،
اللهم آمين ..
اسال الله ان يجعلنا ممن يصومونه وان يتقبل اعمالنا ويحعلنا من عتقائه
اممممم
تسلم يداك ، ويعطيك ألف عافيه
شكلها لذيذ جدا
واتوقع طعهما رائع
تسلمي لنا
’،
انا اطبخ المجبوس لكن ما اسوي كل هالخطوات
الدياي يتبهر ثم يتحمر بالدهن
و بجدر احط بصل و فلفل و لومي يابس و احمسهم
و كزبرة و شوي بقدونس معاه
احط حبات الهيل بعد و ورق الغار
اضيف الدياي و البطاط .. احمسه مع البصل و غيره
اخليه ياخذ الريحة و عقب اضيف البهارات و الملح
و اسكر الجدر شوي .. عشان ياخذ ريحة البهار
احط الطماط المعلب .. اقلبه شوي ..
و اضيف الماي .. اخليه يطبخ ربع ساعه
و عقب احط الطماط الاحمر و اليزر احركه شوي و اخليه يطبخ
لين ما يلين اليزر ..
اضيف العيش .. اضرب الملاس فيه ( مرة وحدة بس ) .. و اخلي الضو عالية
يوم اشوف الصالونه صارت بمستوي العيش اهدي الضو ع الاخر
و اخليه ينضى ع ضو هادية
( تختلف الطرق و الهدف واحد .. مجبوس )
تسلم يدينج يا رب
لا خلا