إجلسي فـ الكرسي هذا
أو هذا
ولاّ اقول لك..
يمكن افضل ..
لو عطيتي الشمس ظهرك !
إنتي دايم عادتك..
كل مابديت وياك حديث
عطيتي للشمس ظهرك
واختفى صوتي بظلامك !
وشتبين أطلب لك: عصير..
ولاّ قهوه..
ولاّ يكفي دمعتي.. ومالح ملامك ؟!
لا..قهوه..
قهوه أحسن
عندهم قهوه لذيذه
تشبه البُّن بعيونك
وفيها من ريحة كلامك
قهوه وسط
توقظ احساس الصباح بمهجتك
وتصحّي في صدرك غمامك
جربيها.
لوسمحت: إثنين قهوه .
وين كنّا؟!
وين وصلنا بالسوالف ؟!
إيه.. ذكرت..
كنت اقول لك ليش ذبلنا ..
ليش صارت.. يابسه فينا العواطف؟!
ليش قلبك منطفي..؟!
وليش قلبي..
صار مدينه موحشه..
ليل.. وعواصف ؟!
ليش ايدينك بارده
وصبحي بين ايديني خايف ؟!
ليش صرتي ..وانا يمك..
ماتشوفيني بقربك
وانا في حضرة نهارك..ماني شايف ؟!
ليش……….
أنا أسف،إشربي القهوه قبل تبرد..
ويطغى.. مُرّها فوق الشفايف..
……..
………..
وين كنا؟!
إيه..ذكرت ..
كنت اقول…..
ولاّ .. خلّك من كلامي .
الكلام كرسي خشب !!
مايحضْنِك في حنان
أو ينسّيك التعب.
الكلام في أوّله .. بس أوّله..
عِشْب
وفـ الآخر لهب.
الكلام في أوّله..موال يطرِب
ومن قبل ماتحس.. تنـزف..
وينتشي جرحك طرَب
الكلام.. كرسي خشب !
وش فايدة كثر الكلام ..
قهوه أحسن
إشربي القهوه..بْرِدَت..
ولهفة الحب بردت..
واللقا.. وباقي العتب
إشربي القهوه..
أظن
موعد الفرقا قرَب !
للشاعر مسفر الدوسري
أو هذا
ولاّ اقول لك..
يمكن افضل ..
لو عطيتي الشمس ظهرك !
إنتي دايم عادتك..
كل مابديت وياك حديث
عطيتي للشمس ظهرك
واختفى صوتي بظلامك !
وشتبين أطلب لك: عصير..
ولاّ قهوه..
ولاّ يكفي دمعتي.. ومالح ملامك ؟!
لا..قهوه..
قهوه أحسن
عندهم قهوه لذيذه
تشبه البُّن بعيونك
وفيها من ريحة كلامك
قهوه وسط
توقظ احساس الصباح بمهجتك
وتصحّي في صدرك غمامك
جربيها.
لوسمحت: إثنين قهوه .
وين كنّا؟!
وين وصلنا بالسوالف ؟!
إيه.. ذكرت..
كنت اقول لك ليش ذبلنا ..
ليش صارت.. يابسه فينا العواطف؟!
ليش قلبك منطفي..؟!
وليش قلبي..
صار مدينه موحشه..
ليل.. وعواصف ؟!
ليش ايدينك بارده
وصبحي بين ايديني خايف ؟!
ليش صرتي ..وانا يمك..
ماتشوفيني بقربك
وانا في حضرة نهارك..ماني شايف ؟!
ليش……….
أنا أسف،إشربي القهوه قبل تبرد..
ويطغى.. مُرّها فوق الشفايف..
……..
………..
وين كنا؟!
إيه..ذكرت ..
كنت اقول…..
ولاّ .. خلّك من كلامي .
الكلام كرسي خشب !!
مايحضْنِك في حنان
أو ينسّيك التعب.
الكلام في أوّله .. بس أوّله..
عِشْب
وفـ الآخر لهب.
الكلام في أوّله..موال يطرِب
ومن قبل ماتحس.. تنـزف..
وينتشي جرحك طرَب
الكلام.. كرسي خشب !
وش فايدة كثر الكلام ..
قهوه أحسن
إشربي القهوه..بْرِدَت..
ولهفة الحب بردت..
واللقا.. وباقي العتب
إشربي القهوه..
أظن
موعد الفرقا قرَب !
للشاعر مسفر الدوسري
دمتم بحب
انتقااااااء راائع
يعطيك العااافية على النقل
ودي//جــــورريــــــــــة
يعطيك العااافية على النقل
ودي//جــــورريــــــــــة
رائعهــ جدا
//
سلمتـ يمينكـ على هذا [] النقل الرائعــ
يعطيك العافيه على روعه النقل
ننتظر جديدك…
لك ودي..
ننتظر جديدك…
لك ودي..
مشكورين على المرور والرد
دمتم بحب
دمتم بحب
.
اختيــار رااااائع
سلمت اناملكـ على هـذا النقــل
.gif "Graaam (276)")
.
.
مشكوره على المرور
دمتم بحب
دمتم بحب
يسعد صباحك / مسائك
تسلم إيدك على روعة النقل
تح ــيآاتي~
تسلمين على المرور والرد
دمتم بحب
دمتم بحب
انتقـــــــــــاء رائع
يعطيكــ العافيــــــــــة