الكلام اللي أقوله ماأعيده مرتين 2024.

اسكت الله يرحم امك مل سمعي يسمعك
واسمع ان كنت تبغى مني العلم اليقين !

ما أطول في كلامي بس مجبورن معك
اشرح الوضع واكمل قصتي للسامعين !

لا يغرك طيب قلبي كان عقلك ينفعك
الافاعي حيل تجذب في عيون الناظرين !

قبل تنطق يا حبيبي تدري إنته من معك ؟
تدري إنته من تحاكي في كلامك يا فطين !

إن كنت جاهل في الحقيقه هذا نُصحي وانصحك
لاتهور في كلامك ناس قبلك ضايعين !

ابتسامه من شفاتي حتى من باب الضحك
احتويها في مرادي في جمع الحالتين !

التفت لك يا عدوي بابتسامه واجرحك
وابتسم لك يا حبيبي بإلتفاته ثم تلين !

فاهم اطباع البشر من صغير ومن مَلـك
اعرف الطبع الحقد واعرف اصحاب اليمين !

اجمع اشيائك بلحظه أقسمك أو أطرحك
واكتب الباقي بكفك من شمال ومن يمين !

لا تحسب يوم اسأل كنت يمك أسألك ؟
كنت أقرى في عيونك تمتمات المستهين !

الميال وكنت مايل واجتهدت واعدلك
ثم عقلت وزران عقلك يعجبوني العاقلين !

اخرك يوصل لعندي قبل يوصل اولك
والحقيقه في كلامك او رموز الحاجبين !

ما أكابر في حياتي ،، إن مشيت الله معك
وإن جلست الله يسمح كل درب الجالسين !

المراد ولاتحايل لأني فعلآ أنتهك
الحقوق اللي عليها كل ربعي عارفين !

جا كلامي وانتهى لك حد غاية مسمعك
الكلام اللي أقولـه ما اعيده مرتيــــــن !

الله الله

قصيدهـ مترفـهـ

راااائعـهـ وأكثر

لكن أتمنى منك تحديد مصدرها

بـ قلمك / أو مما راق لك ؟؟

,,

مع جزيل الشكر

ان كان هالقصيدة لك برافوا عليك

مايهاب القصيد راح اتابع اسلوبك

ويلك لو طلعت مو لك

الا في حالة اعترافك بانها منقوله

تستاااااااااهل تاج ياقوتي على جبينك

رووعه يعطيك العافيه …

وماننحرم من جديدك..

لكـ ودي..

صراحه أكثر من روعه….
يعطيك العافيه….
ع قبال ماتطلعين بشاعر المليون..
تقبلي مروري