الرنج وخط الكويت 2024.

[poem font="Simplified Arabic,6,blue,normal,normal" bkcolor="transparent" bkimage="" border="solid,4," type=1 line=0 align=center use=ex num="0,black"]
سريت رنجي عقب ماراح ثلثيـن=الليل ..قفـى مابقـى فيـه باقـي
وشيكت زيت الرنج عند ابو عينين=محطـةٍ تلقـا بهـا مـا يـلاقـي
ومريت أمن الطرق قالو على وين=جاوبتهم شاعـر و زاد اشتيااقـي
ناوي لدار الطيـب دار المياميـن=دار الصباح اليوم فيهـا طراقـي
قال البطاقـه..و استماره..وتأميـن=ورخصه قياده تنعطى من هو ساقي
قلت الصراحه ما معي غير بيتيـن=بقولها وللطيـب ياخـوك هاقـي
الله بلاني وصرت ضمن المحبيـن=وما بيننا ذا الليـل وعـد وتلاقـي
ميعادنا قبل الصبـح للمـلا يبيـن=لا تحرم المشتاق عقـب الفراقـي
قال افتحو خطه زعيـم المجانيـن=هذا ما يفعل به حليـب النياااقـي
وقابلتها والناس هجعـا وممسيـن=واخذت معها وقت والوقت راقـي
ودعتها والدمع مـن فـوق خديـن=يا نعنبوها فرقـا عقـب التلاقـي
وسريت رنجي ماشين فوق ميتيـن=ابا الخبر ضيعت رحت العراقـي[/poem]

صح لسانك وعلا شانك اخوي ب_الزيادي
اول شي يشرفني ان اكون اول شخص يفتخر بالتعليق على قصيدة اخو شاعر وغالي على قلبي
<< عاد يالله بنبدأ في التعليق وبنخذ راحتنا ترى خخخخخخخخخ
الله الله
عرفت ان الحب يسوي المستحيل ياناصحني ههههههههههههههه
صح لسانك وعلاشانك
قصيده وافيه ومن رجال وافي
بس يااخوك والله الحب اللي تكلف ياخوي في الكويت خخخخخخخخخخخخخ
<< خلني احط عليك اللي مايتقاضى وهو حي مايتقاضى الى مات فرصه وماني مخليها تفوت
صح لسانك يااخوي الغالي
الزيادي
ومتى مابغيتنا نتخاوى ترى انا جاهز
لاتفهمني غلط لك وجهي مااخرب عليك انا ترى رايح حمايه شخصيه لك خخخخخخخخخخخخخخخخخ والايمكن لها اخت بعد ماينقال على الدنيا
خلنا نغير الوجهه من المقناص للبر والجوف الى المقناص البلدي تراه شي هههههههههههههـ
عالعموم لاعدمتك وانااخوك
وتقبل تحيات اخوك
ومتابع قلمك الراقي
اخوووووووووووك
أســــ الغنج ــــير

؛

ب_الزيادي

صح لســــآنكــ آخوي

وآلله يعينك على خط آلكويت ههههه

بس انتبه ثاني مره جهز البطاقه والرخصه والإستماره

مشكوور اخوي وننتظر طرحك آلجميل

…

لكــ., ودي

؛

الله الله صح لسانك

ياشاعر المعاني الجزلة

اسمح لي بان اهديك هذا اللقب

اثبت جدارتك ووجودك اخوي الزيادي

تفوقت بمقدرتك الشعرية واصبحت الشاعر الذي ننتظر قصائده بفارغ الصبر

نتذوق فيك شاعرية فذا وجميلة قليل من يملكها هنا

يعطيك الف عافية

الزيادي

ابدااااااع

صح لسانك يالجزل وعلا شانك

قال افتحو خطه زعيـم المجانيـن
هذا ما يفعل به حليـب النياااقـي

هذا اللي يسويه الحب والله والا حليب الخلفات ماله دخل

وسريت رنجي ماشين فوق ميتيـن
ابا الخبر ضيعت رحت العراقـي

هالبيت يجمع بين الطرافة .. وقوة التعبير عن انشغال الفكر بالحبيب

الزيادي

كلمة حق
أنت مبدع .. ولا تحتاج لشهادتي

ننتظر منك المزيد
دمت بخير

مرحبا
الزيادي
يعطيك ألف عافيه
صح لسانك وعلا شانك
قصيده رائعه
ننتظر جديدك

<><>سراب الصمت<><>