السلام عليكم كيفكم ؟
بدايه هذي القصه تتكلم عن صداقه شخصين حمد وفارس اللي هم مره يحبون بعض من الصغر وانهم اكثر من اخوان وان الصداقه اللي بينهم تعدت مرحله الصداقه وصارت شي اكبر ..
كانت بدايه صداقتهم في الصف الرابع ابتدائي لمى فارس فزع لحمد في هوشه صارت في المدرسه
وسبب فزعه فارس انه حاضر موضوع الهوشه هذي من البدايه وكان متأكد وميقن ان حمد مضلوم في القصه كلها من بعدها حمد شكر فارس
وبدت العلاقه تكبر بينهم يوم عن يوم !!
حمد عايش مع اسرته واللي هي : اخته اللي اصغر منه ب3 سنوات واسمها ساره وعنده اخوه الصغير اللي يحبه مره مره اللي اسمه محمد
وله اخو بعد اصغر منه بتقريبا 6 سنوات وكلهم طبعا عايشين مع امهم وابوهم وكان حمد دايم ماينادي امه الا حصوص وابوه يناديه يا ابو حمد
وفارس هو الولد الوحيد بالبيت وابوه ميت وعنده ثلاث خوات وامه وهو اللي مسؤال عنهم ومتولي أمرهم..
اخواته عنده اخته التوأم مها..واخته اللي اصغر منهم بسنتين ماجده ….واخته اصغرهم واخر العقود منى وكان مايسميها الا منوووش..وكان مره يحبها وكان بقام الابو لها مو بس الاخ الكبير وماكان يدخل البيت الا لازم جايب لها شي..
………………………………………….. .
مره من المرات جا فارس لحمد للبيت ومره مره كان متضااااااايق..وعيونه مره متنفخه من كثر البكي
وجا لحمد اخوه اللي ماجابته امه وجلس وياه وكذ1 وقال له اني جيتك ابيك توسع صدري لاني متضايق بس شوي وحاول حمد يعرف وش فيه لاكن ما بلا جدوى
رد عليه بعد كذ1 محاوله قال لا بس متضايق شوي لان اختي منوش امس طاحت وديتها المستشفى بس..وعاد حاول انه يواسيه حمد
ويقوله ان شاء الله مافيها الا العااااااااافيه
حمد: وش رايك يافويرس بس نروح لنا اي كوفي ونوسع صدرنا
فارس:لا خلينا جالسين هنا مع بعض اليوم مالي خلق لطلعه ابد
حمد : ياحليلك والله يافويرس تراني ما اشاورك مصدق عمرك انت
فارس:ههههه<<من دون نفس
حمد : اقول قم قم يالله مشينا نطلع ندوج لنا شوي ونرجع ماراح نطول
سحبه حمد غصب من يده وركبو السياره بالسياره عاد انواع التعليقات
من حمد يقالك يبي يووسع صدر فارس
ومر اليوم عادي ورجع فارس للبيت .. دخل على اخته منوووش
فارس:منووووش ياقمر تخيلي وش جبت لك اليوم
منوووش: امممم شكلاته..صح
فارس: لالا شي احلى
منوووش: امممم مصاصه كبيره مثل حقت امس
فارس: لالا فكري شي تحبينه مره
منوش :مررره مررره
اممممممممممممم اكيييييد شبسي .. صح علي
حمد وهو حاط يده ورى ظهره
فارس: خلاص خلصت محاولاتك الثلاثه
خوذي وافتحيها بنفسك وشوفيها
منووووش : اللللللللللله كبيره الهديه
فارس : افتحيها
منووووش : وهي تفتحها متحمسه لقتها عروسه << تموت بالعرايس
قامت تنقز من الفرحه وضمت اخوها
منوووش: شكرا يا اخوي والله اني احوووبك مره << بدلع عز الله كله علشان اللعبه هههه
طبعا طفله اكبر همها العبه
ويضمها بقوووووووووه ويبوس راسها.
فارس: اي شي تبينه قوليلي طيب اجيبه لك
منوووش: طيب
اليوم الثاني
حمد : الو فارس اخبارك
فارس: بخير
حمد: هاه اليوم ان شاء الله احسن
فارس: ايه الحمد لله احسن
حمد: ياخوك وش رايك بسفره طرت ع بالي
فارس : لوين ؟
حمد: مو بعيد قريب لبيروت اسبوع اسبوعين بالكثير.. شرايك ؟
فارس : والله مدري بشوف اهلي وكذ1 وارد لك خبر
حمد : اوكيه اجل انتظر ردك
فارس : اوكي يالله اجل فمان الله
………………..
فارس: باس راس امه .. كيفك يمه
امه : تمام والله ياولدي
فارس: مدري يمه افكر بسفره مع حمد بس مدري متردد
امه : وليه وانا امك لا تجي تقول خواتي وانتي
حنا ان شاء الله يعني ندبر امورنا ومحنا ضايعين.. واخوي اكيد موب مقصر معنا انت بس روح ووسع صدرق واستانس شكلك متضايق هاليومين
فارس: !! والله مدري بشوف
فكر !! فكر !!
فارس : الو حمد هلا كيفك
حمد : تمام .. هاه وش قلت ؟
فارس : والله ياخوك لو الود ودي اروح معك واخاويك بس اني ماراح اقدر
حمد : وليه ؟!
فارس: ابد مشغول بس.. ولا راح اقدر اسافر
حمد : والله انك غريب ياخوك هاليومين مدري وش فيك
فارس : لاتحط في بالك روح انت ووسع صدرك
حمد :لا وليه اروح نأجلها لبعدين حلاه الروحه معاك
فارس: لا ابد لا تجلس روح ووسع صدرك شف لك احد يخاويك
حمد : اشوف ع العموم .
فارس: اوكي اجل يالله انا بسكر الحين بروح اجلس مع الاهل..
حمد : اوكي بس بقولك أقدر اجيك اليله ؟؟
فارس: حياك والله
حمد : اوكي طيب يالله مع السلامه
فارس : سلام
…………..
فارس : مها مهااااا
مها : هاااااااااه وجععوه اذني افقعت شوي شوي وانت تنادي<<والله النعومه اللي تسمعين بها
فارس: وشو هاه انتي؟؟ متى تعرفين تتحكين مثل البنات صح
مها : يمه بسم الله علي ليه انا مو بنت ؟ مامليت عينك
فارس : ماليتها ونص بس لو تغيرين طرقتك بالكلام .. ياسلاااام تصيرين اوكيه
مها : اخلص اخلص وش عندك ؟
فارس: والله انك حبوبه وبنت سنعه
مها : ياليل المصلحه
فارس: هههههههه
مها : طابختك اجل توأم على الفاضي..
فارس: لا جد جد اليوم بيجي حمد بالله من يدينك الحلوه سويلنا حلويات وحركتات
مها: هاهاهاهاي مانيب فاضيه لك ولخويك اللي طلعلنا بالبخت
فارس : مهوووي وش دعوى عاد
مها : اوكي اوكي . بس عندي شررط
فارس : ياحول ذ1 البنت ماتسوي شي الا لازم مقابل
مها : الحياه كذ1 علشان تعطي لازم تاخذ ههههه
فارس: المهم وش تبين ؟
مها : الخميس تودييني السسوق والله من زمان عن السوق ابي اشتريلي كم غرض كذ1
فارس : اوكي طيب عيوني
مها : ياشيخ لو تبي اسويلكم مفطح مو حلى بس
فارس: لا شكرا انتي سوي الحلا ويكثر خيرك ههههه
مها : طيب يالله بروح اسويه من الحين
فارس : اوكي
……………..
حمد : يمممممممممه
امه : يالبيه يايمه
حمد : يمه تبون شي منا منا وانا راجع اجيبه
امه : ايه والله ياليت
حمد : مقاطعه لامه طبعا غير الصامولي هاللي تبلعونه مدري وين يروح
وكرتون عصير لحميييد
وش بعد ؟
امه : هههههه ابد هذ1 هو
حمد : اوكي يا الغاليه يالله انا طالع سلام
امه : سلام
جايك محممممممممممممد يركض محمد : حمد حمد
حمد: هلاا
محمد : حمد والله العظيم مرره طفشااان ياخي بطلع معك
حمد : انا بروح مشوار مايصلح تروح له معي اخذك بكرا
محمد : لا منيب يا اليوم يا تراني بزعل عليك
امه : خذه معك وش بيضرك مسكين مره مال اليوم
حمد : ليه ماتروح تلعب في سونيك
محمد: يوووه كل يوم سوني كل يوم سوني << ودموعه بعينه
حمد : خلاص خلاص يالله قوه معي
طااار من الفرحه محمد علطول خذ جزمته بيده حتى مالبسها الا بالسياره
حمد : اسمه بروح عند خويي خلك مؤدب طيب
محمد : طيب طيب اوف الحين ستين مره قلتها لي
حمد : ههههه عساه فيه فايده عاد
………
وصل حمد لبيت فارس ودخل وسلم وجلسو بالملحق
………….
حمد : والله طنت على محمد الا يجي معي اليوم وجبته عاد
فارس : هذي الساعه المباركه
فارس : حمودي تبي تدخل جوا تلعب مع منووووش
محمد : لا والله العب مع بنت
فارس : هههههههه عادي وش فيهم البنات
حمد : محمد وش قايلك انا
محمد : طيب طيب ياربييييييييه فارس من وين اروح
فارس : ههههه اي باب تلقاه بوجهك ادخل معه
محمد : تنكت بعد .. يزحلقوني وينكتون علي
فارس : لالا جاي معك يالله
راح فارس يودي محمد لاخته الصغيره منوووش دخل ع منوش
فارس : منوووش خلي محمد يلعب معك
منوووش : منهو ذ1
محمد : انا اخوي خوي اخوك
فارس : هههههه
منووش : طييب
……..
مها : انت خايف من روموشي يجرحو مابيجرحوشي دول حبيبك ياحبيبي << انواع النشاز طبعا
وهي شايله صنيه الحلا والقهوه .. يقالك من السنع بتحطه بالملحق
مها: ولا اقولك طب وحبك .. زنبك ايه زنبك بحبك
وهي خلاص حول الملحق كل هاغنا طبعا وهي بالطريق متجهه للملحق بشهابها ولهابها
دخلت للملحق
مها : من يقول اني لغيرك انا لك ماني لغيرك انا متعلق مصيري ياحبيبي في مصيرك
من التناحه الزايده ما انتبهت لحمد لان حمد جالس باليمين وهي دخلت الملحق وسيدت قدام ودنقت تحت الصنيه
هي دنقت ولا مادنقت
حمد : احم احم
مها : يمممه وجعوه فرس هبلتنـــ ..<< ماقدرت تكمل من الصدمه
وتنحاش ماتشووفون الا غببرتها
حمد : ههههههههههههههههه
مها : وهي تركض صقعت بفارس برا بالسيب
مها: يالله والله انك سخيف ومالك داعي ياخي طاح وجهي يع وش ذ1 الموقف
حرام عليك وربي سببتلي احراج موب طبيعي وه منك بس ياخي تنبيه شي
فارس : بسم الله شوي شوي وش ذ1 الهذره وش فيك انتي يامخبوله
مها : والله أسأل نفسك .. منوينك ياخي تنبيه والله صح وجهي مع شهابي ولهابي
فارس : هيه انتي وش فيك بالضبط
مها : ليه تقولي اذ1 خلصتي من الحلا وديه للملحق
فارس : هههههههههه لايكون رحتي
مها : لا والله
فارس: وش يدريني انك بتروحين اذ1 منه جا على بالي بتخلصين قبل يالله يالله روحي
فارس : دخل الملحق
حمد : مرره منقلب وجهه متغيره ملامحه هههههه
فارس : على باله مايدري :: وش فيك انت ورا وجهك مصفوق
حمد : هاه لالا ولا شي
فارس : اوكي
وسوالف وضحك كالعاده .. بس هالمره حمد متغير كل شوي يهوجس
يترى في مين … هههههه
بالسياره !! حمد : هاه استانست يا حمودي
محمد : اييييييييه والله يا عنده اخط طللللللقه <<ياعوبه ذ1 الولد
حمد : هاه من وش اسمها <<التبخ علباله يقصد مها هههههه
محمد الصغيره منى والله انها حلللللللوه ياخي
حمد : ههههه << ضحكه بهدوووء وهو يفكر بهالبنت اللي دخلت عليه
مرررت الايام يوم والثاني
حمد : الو فارس..
فارس : هلا فيك
حمد : بالله هاه وش رايك بسفره لا تكنسل مثل اللي قبلها
فارس : الا والله بكنسل ماراح اخلي اهلي
حمد : ياخي وش فيك تغيرت لاعاد تسافر معي ولا شي
فارس : هاه لا بس مااعاد لي خلق لسفرات برا السعوديه
حمد : اوكي نروح داخلها اي مكان نغير جو ياخوك
فارس: لالا دور احد يخاويك
حمد : طيب وش اخبار الاهل ؟
فارس : بخير كلهم الحمد لله
حمد اجل اخليك .. بروح ادور لي احد يخاويني والله اني مره ودي اغير جو بس براحتك لو ماتبي
عاد اذ1 غيرت رايك قولي اوكيه ..
فارس : طيب
حمد : يالله سلام
فارس : سلام
سافر حمد ورجع وكلم فارس ولاحض انه متغير مره وانه فيه شي
مو فارس اللي يعرفه اللي كل مره يسافر معه ويجي معه
مو فارس اللي دايم يضحك ودايم يطلع ويوسع صدره
حاول يتقرب اكثر واكثر .. لاكن مالقى اي سبب يخلي ان فارس يتغير
……………
حمد : لالا اكيد فارس فيه شي ليه متغير كذ1 من دون سبب
اكيد يبي يبتعد ولا وش سبب انه كذ1 يحاول يبتعد عني ولا يسافر معي ع العموم انا لازم اقطع الشك باليقين
حمد : الو فارس
فارس : هلا هلا
حمد : كيفك
فارس: الامور زينه انت وش ااخبارك ؟
حمد : اليوم اقدر ازورك انا والوالد
فارس : اكيد بس وش فيه ؟؟
حمد : والله ياخوك حبيت اني اخطب اختك
فارس : ووشو
حمد : وش فيك استغربت ؟ واذ1 قلت بخطب اختك وين الغريب ؟
فارس : لالا بس ….وسكت
حمد : بس ايش؟ كمل
فارس : لا ولا شي بس وش رايك تأجل الموضوع ياحمد
حمد : وليه ؟ خير البر عاجله
فارس: ياخي وش فيك قلت لك اجل الموضوع
حمد : وهو مستغرب بسم الله فارس ترا ماغلطت بشي وش فيك عصبت خلاص ياخي ع العموم انا كنت حاب اتزوج قلت مافي احسن منكم نناسبه
فارس: مشكور بس زي ماقلت اجل الموضوع
حمد : الا متى طيب
فارس : ما ادري الين يجي وقته
حمد : ومتى يجي وقته ؟
فارس : ياخي وش فيك ياحمد قلت لك خلاص اجله مو قادر تأجل انسى الموضوع كله
حمد : كذ1 يعني؟
فارس : ايه كذ1
حمد: مع السلامه طيب
فارس : سلام
قام يتذكر حمد كل حاجه صارت بينه وبين فارس والمواقف اللي صارت بينهم وكأنه شريت تسجيل
تذكرلمى …سافرو مره للهند هههه
حمد : ياشين اللي تفلسف ويجي ديرتن مهيب له
فارس : ههههه صدقت والله توبه
حمد : اي بالله توبه لعن ابوهم وش ذ1 الاكل كله حار هههههه
فارس : <يهز راسه مثل الهنود
حمد : ههههههههههه
فارس : بس كذ1 ياخي اطبخ لك انا وش رايك
حمد : والله مهيب شينه مع هالفرقا حقتك تقول كأنك من هنودهم
فارس: ههههههه افا عليك مايمديك
تجي ذاك الهنديه تطالع بفارس من بعيد وهي تمشي
فارس : لا يفوتك هاللي خاقه مع فرقتي بس
حمد : ماتنلام احلى فرقا هنديه حتى الان ههههههههه
وتجي ذ1 الهنديه :اتشا نهي ها نوكاها سنم
فارس: عاشت الاسامي والله
حمد : ههههههههههههه
حمد : شكلها تحسبك هندي ياخخوك هههههههه
فارس : والله يمكن ههههههههه اقول بس مشينا اروح اطبخ لك
حمد : وهو يضحك ههه مشينا مشينا
وراحو وطبخو وكلو واستانسو …
وقام يتذكر حمد الطبخ اللي طبخه فارس له
وتذكر يوم انهم بالصف الثنوي
فارس : استاذ ماجبت الكتاب نسيته
الاستاذ : أنت انسان مهمل واصلا متى تعودت منك انك تهتم
فارس : وش اسوي جبته معي بس مالقيته
الاستاذ : طار مثلا
الفصل : كلللهم ضحكو
الحصه اللي قبل مو منبهك انك اذ1 نسيت اي شي بحصتي ماراح تحضرلي
فارس : انا سويت اللي علي جبته بس مالقيته
الاستاذ : يرجع يقول جايبه اطلع برا اشوف
حمد : فارس خذ خذ كتابي بسرعه وانا باقف ماراح يطردني
فارس: شكرا
فارس : اصبر ادوره اخر مره
الاستاذ : لا تقعد تمثل علي
فارس: لقيته يا استاذ
الاستاذ ورني؟ تعال واذ1 مالقيت عليه اسمك فهو موب لك
حمد : قام من مكانه وقال : استاذ انا مالقيت كتابي ناسيه شكلي
الاستاذ: ايوا بدت تبان الخطه
فارس: اي خطه ؟
الاستاذ :هات كتابك اشوف
راح فارس للمدرس وهو يقول خلاص انكشفت يالله ومد الكتاب للمدرس
فتح المدرس الكتاب لقى مكتوب عليه ………….
………….. فارس بن عبد الله
فارس : ماصدق ابدن وهو مندهش يقول .. هاه يا استاذ صدقت الحين واتمنى ماعاد تقول خطط وكذب ومن هالكلام لاني موب راعي هالحركات
حمد : هههه << بصوت خافت
ومن ضمن اللمواقف اللي ذكرها بعد ….يوم ان فارس سوا الحادث ودخل المستشفى ورجله كانت مجبصه
………………..
بالمستشفى,,
حمد : سلامات والله ياخوك ماتشوف شر
فارس: الله يسلمك والله .. وهو مرره تعبان
حمد : يحاول طبعا يخفف عليه وينكت علشان يضحك حمد وش رايك اخذك ع الكرسي وامشيك بالمستشفى وافحط فيك هههه
فارس : لا والله وين وش يقولون الناس
حمد : وش علينا من الناس
فارس : << يقولها وهو يتألم
حمد : فارس شي يعورك تحس بشي؟
فارس: لالا الم بسيط بس ااااااه <<وصرخ
حمد : انهبل ..فارس وش فيك ؟
فارس : اااه ياحمد والله الكسر مره عذاااب
حمد : خانقته العبره لانه يشوف فارس قدامه وهو يتألم ويقول ياليتها فيني ولا فيك
فارس : لا ان شاء الله بعدوك
حمد :دنق وحب راس فارس
فارس: يطاع حمد بعينه وهو متألم ياجعلنا مانفترق ياخوي قول امين
حمد : امين << وهو يقولها طاحت دمعته
فارس : وش فيك الحين ترا مافيني الا العافيه دليل يالله وش رايك نفذ اللي قلته
حمد : وش قلت ؟
فارس : ااه يناكار ممدى نسيت .. وين اللي يقول بيفحط فيني ههه <<ضحكه بألم
حمد: هههه اوكي يالله لو تبي اطير فيك مو افحط
راح حمد وجاب الكرسي وجلس فيه فارس وقام يمشي من مكان لمكان بالمستشفى ويفحط فيه وانواع الضحك هو وياه والممرضه تلاحقهم علشان المرضى الثانين
وحمد مستمر يفحط وضحك
وهم راجعين للغرفه بيفحط تفحيطه قويه ويلف للغرفه وينقلب فارس ههههههههه
فارس : ااااه هههههه << يتألم بس يضحك من الموقف
حمد :ههههههههههه اح عسى ماجاك شي
فارس : بالله ياشيخ . والله شكله كسر ثاني وانت السبب
حمد: هههههههههه لالا ان شاء الله
فارس : جلسني جلسني خل ندخل فضحتنا
حمد : ههههه طيب يالله يالله
وتمر الايام يوم بعد يوم .. وحمد بس يذكر كل المواقف اللي صارت بينهم
ومنقهر وبنفس الوقت مايدري وش هالفجأه اللي صارت
وكان في كل يوم يدق فارس على حمد وحمد مايرد يدق ومايرد
في مره من المرات تذكر حمد موقف صار له مع فارس في مخيم كانو بالبر وكان وقتها ايام موضه الشعر الطويل
كان حمد مطول شعره شوي مو كثير
……..
كان فارس جالس ودخل حمد
حمد : سلام ياجماعه
كلهم : وعليكم السلام
واحد من اللي جالسين .
ابو فهد :وش ذ1 ياحمد وين الرجوله مطول شعرك ؟
حمد : سم << وهو منحرج مايدري وش يرد وجلس عاد
فارس: من القهر رد هو .. فارس: بس يا ابو فهد الرجوله بالافعال والمواقف ..موب بالشهر ولا انا غلطان يارجال
ابو فهد ماقدر يرد طبعا
حمد : ميتسم ويناظر فارس
فارس يطالع فيه ويهز راسه على تحت
بعد ماتذكر هالموقف حمد قال لازم ادق على فارس
دق وكان جواله مغلق
وجا من بكرا دق مره ثانيه برضو جواله مغلق
اذا شفت تفاعل با القصه راح انزل الجزء الثاني
.
يآهلآ فيك عزيزتي
آن شآء آلله تتصلح آلآوضآع بين فآرس وحمد
شغلتي بآلي على فآرس ليه مآيرد ..؟
آتمنى تكون آلنهآيه مفرحه مآ آبيهآ تصير مثل قصة بندر وخآلد 🙁
في آنتظآر آلتتمه
موفقه بآذن آلله
منوره آلقسم ^،^
.
.
وعليكم السلآم والرحمه
هلآوغلآ منوره
والله يعطيك العافيه
بـآنتظار الجزء الثاني
بســم الله
أحب قصص الأصدقـــآء بس تكون النهــآية سعيــدة 🙁
يعطيك العـــآفية
و أتمنـــى مآ تتـــأخرين بـ طرح الجزء الثــآني
موفقه إن شــــآء الله
,’
الاختبارات قربت
قطعتي مزاجي كنت في جو القصة مرة
ان شاء الله تكون نهاية القصة حلوة لاني اكره النهايات الحزينة
وتسلم يدك الله يعطيك العافية
يالله اخليكم مع الجزء الثانـي
وصل للبيت ودق الجرس فتجت الشغاله ..
حمد : وين فارس؟
الشغاله : مابي هدا رووح سفر
حمد :مستغرب ..وين سافر
الشغاله : مافي معلوم انا وين سافر بس هو روح بعيد
حمد مستغرب مره ذ1 اللي يقول انه مايحب يسافر انا قايل اكيد انه يبي يقطع العلاقه معي واكيد مسافر له مع واحد بس برضو خلني اقطع الشك باليقين يمكن مسافر مع اهله ؟
حمد : طيب هو راح مع ماما واخوات ولا لا
الشغاله : لا مابي روح ماما موجود وبنات موجود
حمد : مستغرب (اااه يافارس ماهقيت صداقتنا كذ1 نهايتها )؟
وراح حمد لبيتهم وقطع العلاقع تماما مع فارس
وبعد فتررررره طويله دق فارس على حمد
حمد يطالع بالجوال ومايبي يرد طبعا ويقول : ههه وش ذكره فيني ذ1 وش يبي؟
مارد طبعا
حاول فارس بكذ1 طريقه يوصل لحمد بس بلا جدوى
ساره احت حمد : حمد معليش سؤال؟ محيرني مالقيت له اجابه
حمد : وش عندك
ساره: صديقك ذاك فارس وينه ؟ لا عاد انك تجيب طاريه ولا عاد هو يجي؟ وش صاير
حمد : ولا شي << وهو متضايق
ساره : علي ؟ انا عارفه انو فيه شي قول خلني اعرف وش صاير؟
حمد : وش تبين انتي وليه مهتمه يهمك تعرفين عنه شي ؟؟ << وهو معصب مره
ساره : ايه يهمني مو نانت اخوي .. وهذ1 صديق عمرك ودي اعرف وش اللي مخليك كل هالفتره متغير علينا
ومتضايق دايم ومالك خلق احد ؟
حمد : خلاص هو بطريق وانا بطرق .ارتحتي كذ1؟
ساره : اووووف ليش طييب؟
حمد : ولا شي هذ1 هو صار وخلصنا
ساره : لا اكيد فيه شي .. << وهي مره متضايقه من سمعت الخبر
حمد : تقدرين تسكرين الموضوع وتوريني مقفاك ؟؟
ساره : طيب طيب لاتعصب
ودق جوال حمد ..
حمد : ياليييييييييييييل وش يبي ذ1 اوف ماخلصنا منه عاد
وقتها كان معصب
رد………..الو << معصب
فارس: هلا
حمد : ياخي انت وراك تدق علي لا عاد تدق خلاص ياخي صداقتك ومابيها
فارس : مره مره مستغرب وش فيك ؟
حمد : فيني انه موب عاجبني اشوف رقمك عندي بالجوال ولا ابي اسسمع صوتك ثاني ولا عاد تدق فاهم وقفل الجوال بوجهه
ساره : مره مره متضايقه من هالموقف اللي صار .. ليش سويت كذ1حمد؟ هانت عليك العشره اللي بينكم
حمد: وانتي بعد وش خصك خلاص فكينا وروحي
ساره : اوووف منك الواحد مايصلح يتفاهم معك ؟
حمد : لا
راحت ساره وقام يدور في بالها انها تكلم (فارس)وحاولت انها تاخذ رقم فارس من جوال حمد لحد ماقدرت تحصل على اللي هي تبيه
وكل يوم تبي تدق ترجع وتهون ..وتقول (اااه لولا هالحب ماسويت كذ1 علشان كذ1 انا بدق )ودقت
ساره : الو
فارس: هلا
ساره : السلام عليكم
فارس : وعليكم السلام
ساره : لو سمحت هذ1 رقم خالد ؟
فارس : لا والله يا اختي غلطانه
ساره : اوكي اسفه اخوي
فارس : لا عادي مع السلامه
ساره : سلام
وجلست كم من يوم تنتظر انه يدق بس مادق ولا طق لها خبر
وش سوت راحت اصلت على الثابت ..
ساره : الو
ماجده :الو هلا
ساره : هذ1 مو بيت الفلان
ماجده : لا والله يا اختي غلطانه
ساره : الا انا متأكده انا مسيفه الرقم عندي
ماجده : لا والله غلطانه تأكدي من الرقم صح
ساره : طيب انتي مين ؟
ماجده : انتي طالبه بيت مين ؟
ساره : انا لي صديقه من ايام الابتدائي ومن جد ابي اوصل لها وهذ1 كان رقم بيتهم
ماجده : لا والله غلطانه مو بيتهم
ساره : يالله اكيف اوصل لها طيب
ماجده : ههه والله مدري يا اختي أقدر اساعدك بشي؟
ساره : هاه ايه ايه لو سمحتي؟
ماجده: وش بغيتي ؟
ساره : انتي بالرياض؟
ماجده : ايه نعم بالرياض
ساره : حلو انا بعد بالرياض
ماجده : ياهلا فيك
ساره : معليش انتي وش اسمك ؟
ماجده : اسمي ماجده وانتي؟
ساره: عاشت الاسامي والله يا ماجده انا ساره
ماجده : عاشت الاسامي
ماجده : هاه وش اقدر اساعدك فيه ساره ؟
ساره : شوفي انا يوم اني صغيره كان لي صديقه وعطتني اشياء لها كثيره وقالت خليهم عندك باخذهم منك بعدين
وانا اخذتهم عادي والى الان موجودين عندي وكنا اطفال يعني ماندري وش السالفه
بس الحين لما كبرت اكتشفت ان الاشياء هذي اللي عطتنياها ذهب كلها وصراحه ما ادري وش اسوي فيهم ومالقيت صاحبه هالذهب
ماجده : اهااا
ساره : ايه ولا ادري شلون احصلها وما ادري وش اسوي . قولتك وش اسوي بالله ؟
ماجده : والله ياساره مدري بس بما انك حاولتي تحصلينها ومالقيتيها بيعي الذهب وبفلوسه تصدقي لها
ساره : من جد من جد شكرا والله مدري شلون مافكرت كذ1 والله سهلتي علي تسلمين يا الغاليه ماتقصرين
ماجده : ابد اختي ماسويت شي والله يوفقك
ساره : مشكوره مشكوره .. ع العموم والله الله يعافيك واذ1 احتجتي شي تراني موجوده اعطيك رقمي
ماجده : اووكي مافيه مشاكل
ساره : اوكي اجل سجلي عندك0504…….الخ
ماجده : اوكي سيفته
ساره: اجل دقي علي دقه وسكري علشان اسسيفه انا بعد
وسيفت الرقم ساره وقالت اوكي اختي ماجده فرصه سعيده وان شاء الله ما اكون ازعجتك ؟
ماجده : وانا اسعد ولا بالعكس لا ازعاج ولا شي
ساره : اجل فمان الله وبينا اتصال ثاني ان شاء الله
ماجده : ان شاء الله وفمان الكريم
…………………
بعد كم يوم ..
رجعت ساره دقت على ماجده
ساره : الو
ماجده : هلا والله
ساره : يا هلا فيك كيفك ؟
ماجده : بخير انتي كيفك ؟
ساره : بخير والله
ماجده : هاه شسويتي بالذهب
ساره : والله انا داقه بشكرك صراحه لاني خلاص بعد الذهب وتصدقت بالفلوس
ماجده : زين زين ..
ساره : ماجده
ماجده :يا هلا
ساره : ما اقدر اشوفك؟ نطلع مطعم او شي؟
ماجده : لا والله ما اراح اطلع مطاعم بس اذ1 بغيتي تعالي البيت حياك
ساره : اوكي اللي يريحك واللي تبينه .. بس والله حبيتك وارتحت لك واتمنى تكونين صديقه يعني لي
ماجده : تسلمين والله . بس اوكي مافيه مشاكل حياك في بيتنا اي وقت تقدرين تجين بكرا لو تبين؟
ساره : الله يعافيك والله تسلمين اجل بجي بكرا منها تعرفيني واعرفك
ماجده : اوكي اجل انتظرك بكرا ان شاء الله
ساره : اوكي بس ممكن تعطيني وصف بيتكم ؟
ماجده : طيب … وعطتها الوصف
ساره :: مشكووره ياألبي وان شاء الله بكرا الوعد
ماجده : ان شاء الله
ساره : فمان الله اجل
ماجده : فمان الكريم
…………….
وجا بكرا وراحت ساره لماجده وتعرفو على بعض اكثر واكثر وكل وحده ارتاحت للثانيه
وصارت ساره تزور ماجده وماجده تزور ساره
وتقريبا يوميا ساره تتصل على الثابت اكثر شي علشان تتمنى ان فارس هو الللي يرد على مكالمتها
……………
في يوم دقت ساره على ماجده على الثابت
رد فارس
فارس:السلام عليكم
ساره : وعليكم السلام هذ1 بيت الفلان ؟.
فارس : ايه نعم
ساره : ماجده مشغوله ؟ <<تبي تطول معه بالكلام ههه حركات بنات
فارس : لا تبينها ؟
ساره : ايه ولا عليك امر
فارس : طيب ثواني اناديها لك
فارس : مااااااااااااجده ماااااااااااااجده مااااااااااااااااااااجده
ساره : الو الو
فارس : نعم
سااره : اذ1 كانت مشغوله عادي خلها وقت ثاني
فارس : لا بس هي بعيده وقاعد انا ديها خلاص من اقولها هي تتصل فيك ؟
ساره : قولها ساره
فارس : اوكي طيب يالله اجل سلام بقولها وهي تدق
ساره : فمان الله
راح فارس لماجده
فارس: هيه انتي ماتسمعين
ماجده :وش عندك ؟
فارس: وحده من زميلاتك دقت تبيك
ماجده : مين ؟
فارس : ساره
ماجده : اها اوكي بدق عليها الحين اكيد تبي تزورني ولا شي
فارس : هذي صديقتك اللي تجيك ديم ؟
ماجده : ايه
فارس : اها <<وهو تراه معجب بصوتها هههه
فارس : يعني بتجي اليوم ؟
مماجده : وش فيك مدري انا اقول يمكن اقول فارس
فارس : نعم ؟
ماجده : وش رايك اخطبها لك ترا البنت لؤطه على قوله المصريين سووكره
فارس : ههههه مافكر بالزواج
ماجده : علييييييييييييينا
فارس: انسي انسي وراح ..
ماجده : بسم الله وش فيه ذ1
………………
ومع زيارات ساره لماجده
مره من المرات كانت وهي داخله فارس طالع من الباب
وتناظره نظرات اعجاب وكان باين عليها مره وكان ملاحظ فارس نظرتها
وكان بالبدايه عادي يعني ماهمته مره مره
وفي مره من المرات ..بادلها نفس النظرات وكأنه حبها هههه
وصار فارس بين فتره وفتره يسال ماجده عن صديقتها ساره لدرجه انها حست ماجده انه معجب فيها
وكانت ساره نفس الشي تسأل ماجده وش اخبار خواتك واخوك << دايم تقول اخوك
وكل مره تقولها وش عندك انتي في اخوي شكلك خاقه معه <<هههه وتضحك وتقول لا والله بس مالك الا هو الاخ الوحيد لو عندك غيره كان عاي سألتك عن اخباره مثله مثل فارس
…………….
بعد مامرت الايام ..
فارس : ماجده
ماجده : يانعمين
فارس: صديقتك وش يقالهم وش اصلهم
ماجده : اهااا ههههه ليه ؟
فارس : اسال جاوبي
ماجده : ودك نخطبها لك فارس تراها والله ماتتفوت بسم الله عليها اخلاق وبنت حموله
فارس: بصراحه ايه والله ودي تخطبونها لي بس بسألك كم سؤال عنها قبل؟
ماجده : أسأل
فارس اول شي كم عمرها هي ؟
ماجده : هي اصغر مني بسنه
فارس : طيب كملت دراستها ولالا معك تدرس؟ ولا شلون
ماجده : هي الحين بالجامعه في مستوى ثاني
فارس : اها يعني هي مهي معك ؟
ماجده : لالا
فارس : شلون عرفتيها اجل؟
ماجده : يوه السالفه طويله
فارس : طيب منهي بنته هي؟
ماجده : بنت عبد العزيز الفلاني ..
فارس : سااااكت <<من هول الصدمه
فارس : وشو وش قلتي
ماجده : خير ماسمعت ؟
فارس: ماجده تتكلمين من جدك انتي؟
ماجده : يؤ انت وش فيك والله صدق ليه ؟تعرف البنت؟ فيها شي ؟
فارس قام على طووووول من مكانه راح لغرفته
ماجده : بسم الله وش فيه ذ1 وش السالفه ؟
فارس قفل ع الموضوع كل يوم تكلمه ماجده وهو يقفل الموضوع ويقولها مافيه شي
ماجده راودها شك تبي الا تعرف وش السالفه
بعد فتره قالت لساره انها بتجيها وقالت ساره حياك
بالبيت
ساره : هلا والله فيك
ماجده : هلا
ماجده : سوسو انا بقولك شي ومستغرب منه ؟
ساره : سمي وش عندك ؟
ماجده : فارس
ساره : وش فيه ؟ << بلهفه
ماجده : مافيه شي بس صار موقف كذ1 ورده الفعل كانت غريبه ؟
ساره : وش فيك هبلتيني تكلمي بسرعه وش السالفه؟
ماجده : قالي اخطبيلي
ساره : @!@ ايوه؟
ماجده : وحدد منهي بالضبط .. واختارك انتي
ساره : انا
ماجده : ايه
ساره : احلفي
ماجده : وش فيك الموضوع مافيه لعب
ساره ::@ استحت
ماجده : بس فيه شي
ساره : وشو ؟
ماجده : لما عرف اسمك سكر ع الموضوع وقام بسرعه ولاعاد فتح معي الموضوع ؟
ساره : هاه @!@ احم
ماجده : ايه ولا ادري وش فيه ؟ وش القصه ياساره ؟
ساره : وانا وش يدريني؟
ماجده : بس هو ما انهبل الا وهو فيه سالفه اكيد
ساره : تبين الصراحه ؟
ماجده : ايه ليه وش فيه ؟
ساره : انا اخوي حمد كان صديقه
ماجده : @!@ انتي اللي اخوك حمد.. وانا اقوووول وش فيه انهبل
ساره : ايه وصارت بينهم مشكله ولا اعــ …قاطعتها ماجده
ماجده : ايه ادري انه صارت بينهم مشكله ولو ادري انك اخوه ماكان في يوم كلمتك
ساره : بس انا وش ذنبي؟
ماجده : انك اخوه ..وش بعد ناوين تسون بأخوي؟
ساره : وش نسوي انا مادري وش صاير بينهم يا ماجده والله وانا احب فاااااااااااااااااارس والله احبه ياناس <<وخانقتها العبره
ماجده : بس اخوك ما قصر مع اخوي بالجروح والله كان محتاجه بأقوى مواقف صارت بحياته واخوك ولا هو هنا
ساره : ليه وش سوى اخوي؟
ماجده : اساليه
ساره : لا انا بسألك انتي تكفين قولي تكلمي <<<وكانت مره خانقتها العبره
ماجده : انا اختي منووش جاها مرض سرطان وبقى مكان ماراح ل سافر برا وراح كل مكان ولمى احتاج اخوك ويدق عليه ماكان يرد عليه كان محتاجه لدرجه انه راح لبيتكم وانطرد وانهانت كرامته علشان اخته اللي يغليها واللي يشوفها تموت بين يده كان يبي من يوقف معه ويساعده
كان محتاج فلوس ما قدر يلجأ لاحد غير اخوك بس للأسف….مافاده اخوك لحد ماماتت اختي <<وقامت تبكي ماجده
وساره : مرره منصدمه ::لالا مستحيل
ماجده : ع العموم انا الحين عرفت ليه اخوي قفل الموضوع
ساره : لا ياماجده تتكفين انا مالي دخل بالموضوع انا احب فارس والله احبه واخوي مايدري انك صديقتي واني ازوركم والله
ماجده : خلاص ساره قفلي ع الموضوعع الحين انا بروح للبيت مع السلامه
ساره : ماجده تكفين اسمعيني والله انا مالي ذنب بأي شي والله
ماجده : طيب بس بروح للبيت الحين
ساره :اوكي وهي الدمعه بعينها
……………………………
راحت ماجده للبيت ..
ماجده : فااااارس فاااارس
فارس : نعم
ماجده : تعال ابيك بموضوع ؟
فارس : وشو موضوعه ؟
ماجده: تعال بس غرفتي
فارس : طيب طيب اعصابك .
ماجده : ليه ماقلت لي ان ساره تصير اخو صديقك حمد يوم دريت ؟
فارس : عرفتي؟
ماجده : ايه عرفت ورحتلها وواجهتها بالكلام
فارس : وليه قلتي لها
ماجده :بس علشان اعرف السالفه مو كأني هبله مدري عن شي والاخت الحبيبه طلعت تحبك من زمان
وانا اقول ذاك اليوم داقه وألفت علي قصه كل هذ1 علشان تتقرب منك مو حب فيني
فارس : وش مألفه وش تقولين انتي؟
ماجده : المهم اني ما اعرفها ولا شي هي اللي تعرفت علي وهي اللي دقت ع الثابت وكلمتني وألفت علي قصه لين تقربنا من بعض الاخت طلعت تحبك من زمان وانا مدري؟
فارس : يؤيؤ
ماجده : والحــــل ؟
فارس : وش حله خلاص انسي بس الموضوع ..
ماجده : وش انسى وهي ماغير تبكي وتقول انه مايدري اخوها وانها تحبك ومن هالخرابيط اكيد بترجع تدق علي بتشوف وش صار وش ماصار
فارس: خلاص طيب نشوف بعدين هدي
ماجده : يالله انا وش جابني لهلمشاكل الحين ؟
………
كل يوم تدق ساره على ماجده ولا ترد ماجده .. وترسل لها مسجات تكفين ردي ولا ترد ..ابد
وتدق على الثابت مره ترد امها ومره ترد اختها ويصرفونها
في مره من المرات وهي تدق رد فارس ..
فارس: الو
ساره : الو هلا
فارس : !!!!!!!؟
ساره : الوووووووو
فارس : نعم ؟
ساره : ممكن اكلم ماجده ؟
فارس : بس هي موب موجوده
ساره : لا ادري انها موجوده بليز ابي اكلمها
فارس : طيب خلاص انا اكلمها مايصير خاطرك الا طيب
ساره : فارس والله انا مالي ذنب باللي صار كله والله
فارس: خلاص طيب انا بقولها تكلمك
ساره : فارس انا احبك والله احبك << وقامت تبكي
فارس: خلاص هدي هدي انا اكلمها لك<<وهو مرتبك مستغرب لما قالت احبكـ
ساره : اوكي
فارس: يالله باي
ساره : باي
…………………..
فارس : ماااااااااااااااجده ماجده
ماجده : نعم
فارس : تعالي اشوف ابيك بكلام
ماجده : هلا وش تبي ؟
فارس : ماجده انا بتزوج خلاص قررت … وماراح اتزوج الا ساره
ماجده : وشو ..@!@لا طبعا
فارس: اانا اللي بتزوج ولا انتي؟
ماجده :بســ
فارس: لا بس ولا مابس شوفي كلمي البنت وقولي لها كل شي وقولي اني بجي بكرا واخطبها ..
ماجده : فارس بســ ..بس اخوها ؟؟ ولا نسيت ؟
فارس : لا مانسيت بس انا بروح وخلصنا