يا ليت البشر ما فات منهم يردونه
يعل كل ما فاتك من الوقت زين وشين
رجوعه عليك اصعب من السيل لمزونه
انا حد علمي بالغلا يوم طبعه زين
قبل لايطيع الي عن الحب ينهونه
سمع سالفتهم وش ورى الحب وش بعدين
ومن يومها يا قل ما القى تلفونه
أجي وافتح الMiss ll يامال فرقى العين
ولا أشوف رقمه جعل الارقام يفدونه
أخيل الجهاز اقول بيتصل هالحين
وأثره اقتنع في فكرة جته مجنونه
من العاذل الي شغلته تفرغة قلبين
أنا اوحيت قبلي واجد الي يسبونه
عذول المحبه جعل شرواه يعطى الشين
حرمني من الي رغبتي فيه مرهونه
تغير علي وأذا أتصل وما سمعت أهلين
أخذ ثقل جعل مغيره تثقل ديووووونه
مثل ما ثقل ديني من مقاصد التموين
هاك يا البنك الاقشرجعلكم ما تمرونه
ذبحني غلاه وحط وسط الحشى جرحين
الاول من الصده والاخر من ظنونه
وانا من هذاك اليوم ومعايد الثنتين
يا صعب الوصال وصدة عنه ملعونه
تمكن غلاه بوسط قلبي بعام الفين
ومن يومها والحب يكبر على هونه
ويقولون خله يا معود وأقول انزين
ابي فكة منهم وانا اموت بعيونه
هذاك ان ضحكلي رحت كلي ولا ادري وين
وكم واحد قد راح لعيون مظنونه
وهذاك ان طرالي كنه يقصني نصين
معاه نص وابقى نص ما أعيش من دونه
وهذاك ان طلع رقمه وانا مشغل الخطين
يروحون فدوة لنمرته وتلفونه
عسى يرده الي رد ركان ابن حثلين
من الترك لدياره وللي يتحرونه
هذاك الرجى عقب البطى ناذر نذرين
ابسامحه واني مع الوقت ما اخونه
انتقاء موفق وذآئقه عذبه تشكرين عليها
ابيات فاقت الروعه للشاعر المتميز حمد السعيد
والسموحه يالغلا لابد من نقلها للقسم الانسب ~ المنقولات ~
عوآآآفي ~
كلمات جميله وذوق راقي
وفقت بنقلك
//
رعاكِ الله وتسلم ايديك ِ
وننتظر منكِ مزيداً من التواجد المثمر
دمتِ بخير
شكرا لكِ
وأهلاً وسهلاً بكِ نورتي المنتدى
تقديري
وكم واحد قد راح لعيون مظنونه
يسلموووووووووووو
يعطيك العافيه غناتي
انتقاء موفق وذآئقه عذبه تشكرين عليها ابيات فاقت الروعه للشاعر المتميز حمد السعيد والسموحه يالغلا لابد من نقلها للقسم الانسب ~ المنقولات ~ عوآآآفي ~ |
الله يسلمك خيتوووو
اخوكي حكي السكوت
الله يعافيك
شكرا ع التواجد
نقل جميل وموفق
رعاكِ الله وتسلم ايديك ِ وننتظر منكِ مزيداً من التواجد المثمر دمتِ بخير |
شكرا لك خيتوووو ع التواجد
اخوكِ حكي السكوت