اصيح بالصوت اشتقتلك موت 2024.

مدخل} …
من قال لك أني نسيتك أو جفيتك ؟!
أنا أكثر أنسان يعشقك من بعيد ؟؟!

كان موقف ويناظر بالمنيو هو واخوه وكانوا يختارون العشاء لفته الاسم ماجد علي عبدالعزيز ال……. هذا صوت ماجد اخو أزهار لف يناظر وراه كان هو : ماجد
لف ماجد وانصدم من الشخص اللي موقف قدامه : أحمد
أحمد : أنت ماجد صح أنت
العامل : أخوي طلبك
ماجد : شكرا , الدنيا جد صغيرة من كان مصدق اني بها اليوم راح اشوفك يا أحمد
أحمد : ماجد
ماجد : اسف مقدر نتكلم الحين انا مره مشغول لف ومشى كان حاس بشعور فرحة بنفس الوقت شعور حزن لقى زوج اخته ركب السيارة وحرك
نرجع للمطعم
لف على اخوه : أنا لقيتهم يا فهد لقيتهم
فهد وهو يحضن اخوه : واخيرا
أحمد لف للعامل : لو سمحت ابي نفس طلب الزبون اللي كان قبلنا
العامل : ان شاء الله اخوي
مسك فهد يد اخوه وسحبه للغرفة اللي حجزوها جلس وجلس اخوه قدامه : فرحان لها الدرجة
أحمد : مرره فرحان اخيرا اقدر اشوف عيالي
فهد : ان شاء الله بس تتوقع انها راح توافق تخليك تشوفهم
أحمد : من حقي اني اشوفهم
فهد : عارف انه من حقك انكك تشوفهم بس
أحمد : بس أيش
فهد : ولا شيء
اندق الباب ودخل العامل وحط العشاء
فهد : يا الله بسم لله سم
أحمد : بسم لله

——————————————–

دخل البيت توجه للصالة ونادا بصوته : يا أهل البيت أنا جيت
غيداء وهي توقف قدامه : يا ماجبت الاشياء اللي طلبناها
ماجد : اسف بجيبها بكره
غيداء باستغراب : خالي فيك شيء
ماجد : لا وين أمك
غيداء وهي تصارخ بكل صوتها : أمي أمي خالي يبيك
أم مشاعل : وجعه على هالصوت شيلي الأكياس منه
غيداء : طيب هات عنك الاكياس
ماجد : بدري كان خليتيني ادخلها المطبخ بدالك
غيداء : فيك شده تدخلها أكون شاكرة لك
أم مشاعل وهي تضرب غيداء على كتفها : وجع نعم وجع
غيداء وهي تحط يدها على كتفها : آآآآه ليه تضربيني وش سويت بعدين هو قال يبي يوديها للمطبخ
ماجد وهو ينزل الاكياس من يده ويضم غيداء : أزهاري لا تمدين يدك عليها ما احب
ام مشاعل : ماحد خربها غير تدليعك لها
ماجد : وش اسوي احبها
غيداء وهي تبعد عنه : لو تحبني صدق كان جبت الاشياء الي انا طلبتها
ماجد : من عيوني بكره انزلك السوبر ماركت واخليك تشترين اللي نفسك فيه
غيداء وهي تمد اصبعها الخنصر له : وعد
ماجد وهو يلوي اصبعها ويختم بالابهام : وعد
غيداء : اتفقنا بروح انادي البنات
ام مشاعل : تعالي ومين بيودي الاكياس للمطبخ انا بنادي البنات ودي الا كياس للمطبخ
غيداء : طيب طيب بوديها

ملاحظه ( ام مشاعل هي أزهار اخت ماجد )

————————————–

انتهوا من العشاء وغسلوا اياديهم وطلبوا الحلو بعد العشاء
فهد كيف بتلقى ماجد الحين
أحمد : سهله بروح للشرطة واخليهم يتبعون جواله
فهد : طيب وبعد ما تلقاه وش بتسوي
أحمد : بقوله اني ابي ارجع أزهار وبناتي
فهد بأ تسامة : تتوقع بيوافق انك ترجع أزهار
أحمد وهو يدكي على الكرسي : مدري لو انت مكانه بتوافق
فهد وهو مازال مبتسم : طبعا لا
أحمد وهو يتكتف : وليه لا
فهد : يعني أنا مدري أنت تشوف اللي انت سويته هين
أحمد : ادري ان اللي سويته مره كبير لاكن المسامح كريم
فهد : روح قول ها الكلام لماجد مو لي
أحمد : طيب بقوله ها الكلام بس خلني القاه
اندق الباب ودخل العامل الايسكريم
أحمد : يا الله من زمان ما اكلت ايسكريم
فهد و بيده الملعقة اللي فيها الايسكريم : أي والله ما اجيبه البيت لانه لو شافوني اللي عندي بيقولون لي جبلنا معك وذي الايام اخاف يتعبون
أحمد : ههههههههههه تتوقع أزهار مانعتهم من أنهم يا كلون الاشياء الباردة الحين
فهد : مدري قالولك اني ساكن معها
أحمد : هههههههههه ودي اعرف مدري ليه صاير هالايام عندي لقافة غريبة
فهد وهو ياكل الايسكريم : انت دايم ملقوف جت على ها المره
أحمد وهو يناظر في فهد : قالولك جبهتي جاهزة للقصف
فهد : لا وين تبينا نروح الحين
أحمد : امممممممممممم خلنا نروح جده نقعد عند البحر شوي ونرجع
فهد : تم خلص اكل الايسكريم عشان نقوم
أحمد : لا تحسسني أني بزر عندك
فهد : وش قلت أنا طيب
أحمد : ولا شيء
فهد وهو يناظر بأحمد : مين فينا اللي بيسوق
أحمد : انت
فهد : وليه مو انت
أحمد : لانك طيب بتسوق بدالي
فهد : طيب يا الله ماقد خلصت أكل ايسكريم
أحمد وهو يمسح فمه بالفاين : خلصت يا الله
———————————————–

خلصوا أكل ولموا السفرة كانت جالسة جنبة وتسولف له في اذنه وهو ميل راسه لها ويضحك دخلت وشافتهم حبت تضايقهم شوي
غيداء : أزهار لا تلصقين بخالي كذا اغار
أزهار : كيفي أبوي
ماجد : فديت اللي يغارون علي تعالي هنا جنبي
أزهار : بابا لا تعطيها وجه أغار
ماجد وهو يبوس أزهار بخدها : أنا أحبك طيب وش اللي يخليك تغارين منها
أزهار : لأن يومك كله معها ولما أجلس معك وتجي هي تتركني عشانها
غيداء : ول حقوده
ماجد وهو يضم أزهار : ياعمري أنا خلاص ما خليك مره ثانيه عشانها أرتحتي
أزهار وهي تضم أبوها : ايه
غيداء : اصلا لو أبوي عايش كان ما احتجت خالي
استدرت ومشيت بس وقفني صوت خالي لما ناداني
ماجد : غيداء
غيداء : ابي انام تصبح على خير
ماجد : بتنامين الحين لسى الوقت بدري
غيداء : ايه فيني نوم تصبح على خير
كانوا داخلات وانا خارجة نادوني بس سويت نفسي ما سمعتهم وطلعت لغرفتي انسدحت وخليت دموعي تاخذ مجراها على خدي لو ابوي عايش ماكنت احتاج وجود خالي جنبي لو ابوي عايش كان في كثير اشياء بتتعدل في حياتي يا الله قد ايش محتاجتك بحياتي
في الصالة اللي تحت دخلوا وهي خارجة كانت مستغربة انها خرجت وخالها موجود بالعادة ماتطلع من الصالة الى بالغصب دخلت وسالته
أم مشاعل : وشفيها غيداء
ماجد : تقول تبي تنام
أم مشاعل وهي تناظر الساعة كانت 11:00 غريبة ماهي عادتها تنام بها الوقت : ما قلتوا شيء لها
ماجد : انا بطلع لها
أم مشاعل وهي تناظر بماجد : وش صار قلتلها شيء
ماجد : قالت انها فاقدة ابوها بطلع لها
أم مشاعل : طيب
طلعت من الصالة ورحت لغرفة غيداء دقيت الباب 3 مرات بس ما وصلني رد منها : غيداء أنا بدخل
فتحت الباب ودخلت كانت متلحفة زين توقعت اناها نايمه قربت منها وجلست على طرف السرير : غيداء ادري انك منتي نايمه
ما سمعت منها رد ميلت عليها وصرت حاضنها من ورى : زعلك كلام أزهار عشان كذا ما تردين علي
كانت ساكته وماردت لفيتها لي كانت مغمضة عيونها وتبكي كنت عارف أنها بتبكي لانها فاققده وجود أبوها : غيداء ما بتعلميني وش فيك
غيداء : خالي أبوي صدق ميت
ماجد بهدوء : ليش تسألين ها السؤال
غيداء وهي تبكي : لاني أبي أب أبي احس بوجوده في حياتي أنت ما تدري كيف شعور اليتم مره مو حلو
ماجد ضميتها بهدوء : لو لقيتي أبوك بتتخلين عنا
غيداء : لا بس أبوي صدق ميت
ماجد ما عرفت وش اقول : ما يصير أكون أنا أبوك
غيداء وهي تغطي وجها بيدها وتبكي : لا ما يصير أبي أبوي أبيه
ماجد وهو يحضنها بقوة لصدره : أنا أبيك أنتي ما تبيني
غيداء : ابي بابا وبس انت ما تشوف كيف البنات عندي بالمدرسة يتكلمون عن أبوهم حتى أنا أبي أب
ماجد : أنا ما أكفي
غيداء : لا انت ما تكفي أبي بابا
ماجد حسيت بأحد عند الباب رفعت نظري كانت موقفة وحاطة يدها على فمها كانت دموعها تنزل بهدوء وتناظر فيني ما عرفت وش اقول صرت ضام غيداء وامسح على شعرها عشان تنام انتظرتها لين ما نامت وغطيتها زين طلعت وضميت أزهار اللي كانت موقفة عند الباب وشكلها سمعت كل شيء ضميتها وصارت تبكي بحضني بقوة وديتها لغرفتها وخليتها لين ما هدأت : ما كنت أبي اقلك بس في النهاية انتي بتعرفين
أم مشاعل وهي تناظر فيني : ايش
ماجد : أنا شفت أحمد اليوم
أم مشاعل وهي تناظر فيني : متى شفته
ماجد : لما كنت بالمطعم اطلب
أم مشاعل : أحمد ما يقدر يعرف مكانا صح
ماجد : اتوقع يقدر ليه كرهتيه
أم مشاعل : لا ما كرهته بس
ماجد وهو يتكتف : بس ايش
أم مشاعل : اخاف ياخذهم مني
ماجد : لا تخافين ما بياخذهم منك صدقيني هو مازال يحبك
أم مشاعل وهي تبكي : أبيه وما أبيه
ماجد وهو يحضن أزهار : فكري في بناتك اللي انتي يتمتيهم
أم مشاعل وهي حاضنة ماجد : خايفة خايفة كثير يا ماجد
ماجد وهو يبوس راسها : أنا موجود ما يقدر يسويلك أي شيء وأنا موجود
ام مشاعل : كيف بنقول لهم ان أبوهم عايش
ماجد : مدري خليني افكر زين
أم مشاعل وهي تضم ماجد : ماجد لا تخليني
ماجد وهو يضمها بقوة : ما بخليك
—————————————-
نزلت مع الدرج مسرعة وتوجهت ناحية الصالة ركضت وتخبت وراه : أنا فوجهك ما تخليها تقرب علي
أبو محمد : وش مسويه انتي
دخلت وكانت معصبه : بثينة يا الكلبة
بثينة وهي متخبية ورى أبوها : تكفى ما تخليها تضربني
أبو محمد : ههههههه طيب بشرى
بشرى وهي تدخل الصالة : نعم يبه , ورب الكعبة ان تنضربين معليه خليك متخبيه هنا لا تطلعين
بثينة : أنا ما سويت شيء
بشرى : ولك عين تتكلمين معي بعد اللي سويتيه
أبو محمد : وش سوت أنا أرد لك حقك منها
بشرى : تخيل يبه دخلت غرفتي وطلعت كل ملابسي ورمتهم بالأرض غير اللي في التسريحة الحين من اللي بينظف غرفتي
أبو محمد : بثينة ليه كذا
بثينة وهي توقف جنب أبوها : كذابة يبه لا تصدقها غرفتها مخربة من قبل لا ادخل
بشرى : خليك متخبيه عند ابوي زين وبالمدرسة اعرف من يرجع لي حقي منك
بثينة : مين كل صديقاتك محد يتجرأ يمد يده علي
بشرى وهي تتكتف : بعلم غيداء عليك بخليها تضربك عشان تتوبين تسوين الحركه هذي معي
بثينة : ما يطاوعها قلبها تمد يدها علي لانها تحبني
بشرى : بتشوفين بكرة تدرين انها ما تحب أي أحد يزعلني فكيف لا درت انك انتي بتنضربين منها كثير
بثينة وهي تمشي وتوقف قدام بشرى : حتى أنا عندي صديقات بخليهم يضربون غيداء لو ضربتني
بشرى : والله والله لو أدري ان وحده منهم لمست غيداء وضربتها يا انه بيجيك مني ضرب قوي لاتقولين ما علمتك
أبو محمد : خلاص انتي وياها انا بضرب بثينة وانتهى الموضوع
بثينة وهي تلف على ابوها : وليه انا انضرب قلتلك هي غرفتها مخربة من قبل لا ادخل ليه مو مصدقني
أم محمد : وشفيه ليه اصواكم واصلتني للمطبخ
بشرى : يمه شوفي بثينة
بثينة : يمه شوفي بشرى
بشرى : أنا طالعه أكلم غيداء شيلوا نورة من عندي
بثينة : لا تطولين لان حتى أنا ابي اكلمها
بشرى وهي تتكلم بصوت مرتفع من اعلى الدرج : انتي ما عندك صديقات انقلعي كلميهم خلي صديقاتي لي
بثينة : كيفي ابي اكلمها
بشرى دخلت غرفتي وانسدحت على السرير مسكت جوالي واتصلت على غيداء ما ردت علي اتصلت مره ثانية برضوا ما ردت خفت يكون صار لها شيء ها الأيام صايره حساسة بقوة مع اللكل رجعت اتصلت برضوا ماردت قفلت جوالي وانسدحت بكره بشوفها في المدرسة اصلا طفيت النور ونمت
—————————————-
الساعة 6:00 الصباح
كنت ألبس ومستعد لدوامي اليوم بوصل غيداء معي ما بخليها تروح مع السواق كنت لا بس الثوب الابيض والشماغ الابيض الساعة والحذيان ( الله يكرمكم ) لونها اسود وقفت قدام المرايه بخيت من العطر اللي احبه خرجت من غرفتي نزلت تحت توجهت على غرفة الطعام خلوني اوصفلكم غرفة الاكل شوي (أول ما تدخل الفرغة الجدار اللي بيواجهك منقش بالأزرق والتفاحي والابيض والبني وباقي الجدران لونها أزرق في طاولة طعام مستطيلة وطويله عليها 11 كرسي لون المفرش أزرق ومنقش بالتفاحي والابيض والبني والكراسي باللون الازرق ) دخلت كانوا كلهم مجتمعين على الطاولة وينتظروني جلست مكاني اللي هو في بداية الطاولة وناظرت مكان غيداء كانت هادية مو من عوايدها : يا الله ناكل
أم مشاعل : وش حاب تاكل اليوم على الغداء
ماجد وبيده خبزه وفيها مربى : امممممممم أي شيء من يدك حلو سوو اللي نفسك فيه وبناكله
أم مشاعل : انت ما نفسك بشيء معين يعني
ماجد : امممممممم لا , غيداء اليوم انا بوصلك
غيداء كنت أكل بهدوء وقاعده افكر وشلون بجلس مع خالي بعد اللي قلته له امس نبهني صوته لما قالي انه يبيني اروح معه : ليه والسواق
ماجد : اليوم أنا بوديك وارجعي مع السواق
غيداء : طيب
أم مشاعل : ها يابنات نفسكم في شيء معين اليوم
غيداء : ايه نفسي بأيسكريم قولي للسواق يجيبه
أم مشاعل : طيب غيره
غيداء : بس , خالي يا الله تاخرت
ماجد وهو يشرب عصير برتقال : يا الله
خرجت من البيت وشغلت سيارتي انتظرتها تطلع ركبت السيارة وحركنا رايحين لمدرستها كانت هادية مرة : غيداء
غيداء : انا اسفة على الكلام اللي قلته لك امس
ماجد : عادي ما صار شيء
غيداء : بس انت ما جاوبتني امس
ماجد كنت خايف تسأل عن ابوها صرت اسرع بسواقتي حتى نوصل للمدرسة بسرعه : على ايش
غيداء : ابوي ميت صدق
ماجد : وصلنا المدرسة
غيداء : جاوبني أول
ماجد : اذا رجعتي جاوبتك في البيت الحين انزلي لانك تاخرتي
غيداء : جاوبني بصدق ولا تتهرب من الاجابة انت وامي هذي اجابتكم لي
ماجد : يا الله مع السلامة
غيداء وهي تنزل من السيارة : بحفظ الرحمن
دخلت المدرسة فسخت عبايتي ودخلتها شنطتي الرصاصية اللي تجي كتفين سويت شكلي وحطيت روجي اللحمي سويت شعري اللي كنت مسيحته سويت قصتي بخيت من عطري ودخلت الساحة مكان الطوابير كانوا قد صفوا الطوابير مشيت لحد صفي سلمت على صديقاتي وصفيت بالأخير طلعنا للفصل دخلت وجلست بمجموعتي اللي بالوسط سمعت اسمي من بعيد شوي و صار الصوت بالفصل
ميعاد : غيداء يا الكلبة وحشتيني
غيداء قمت من على الكرسي وضميتها : أهلين ميعاد
رويدا : غيداء وحشتيني
غيداء : انا كمان
جواهر : غيداء يا حيوانة متى جيتي ما شفتك
غيداء : من زمان ابله منال غايبة صح
جواهر : ايه غايبة يا الله نطلع نفر قبل لا أحد يجي يمسكنا
غيداء : ما فيني روحي فري مع ميعاد ورويدا شوفيهم توهم خرجوا
جواهر : وانتي
غيداء : فيني نوم ابي انام
جواهر : طيب سي يو
غيداء نزلت راسي على الطاولة وغمضت عيوني أمثل النوم مرت الحصة الاولى والثانية والثالثة بسرعة وصار وقت الفسحة نزلت للساحة اللي تحت ومعي جواهر ورويدا وميعاد راحت تشتري لنا من المقصف وقفت عند الدرج كنت انتظرها تنزل شفتها وهي تسولف مع صديقاتها ومتحمسة وهي تقولهم : بشرى
بشرى وهي تنزل الدرج بسرعة : غيداء
غيداء فتحت أيادي لها : وحشتيني
بشرى وهي تضم غيداء : وأنا أكثر
غيداء : تتمشين معي
بشرى : يب يب
غيداء مسكت يد بشرى ونزلت الدرج : ايه كيف العلمي معك
بشرى : حلو مو صعب
غيداء : حلو وين بثينة ما شفتها اليوم
بشرى : ايه صح اضربي بثينة امس ضايقتني كثير ونفشتلي غرفتي رديلي حقي منها
غيداء : ليه وش سوت
بشرى : تخيلي خربت غرفتي وتقول مو هي والله قهرتني امس
غيداء : طيب شفتيها وين هي
بشرى وهي تمسك ظهرها وهي تمشي : لا ما شفتها
غيداء : وشفيك جتك
بشرى : ايه اليوم الحصة الثانية
غيداء : طيب اجلسي بروح اجيبلك أكل واجي
بشرى : طيب تعالي هنا ابي اسوي رباط جزمتي
غيداء وقفنا جنب الكرسي ونزلت اسوي لها رباط الحذيان : بسويه لك
بشرى : لا انا بسويه بنفسي ما يحتاج
غيداء سويت الرباط زين : وظهرك ماله داعي تدنقين وانا موجودة تقدرين تطلبين اللي تبينه استنين هنا بجيبلك فطور واجي
ركضت على المقصف : ابي حلاوه مصاص وابي بطاطس وابي عصير
البياعة : بس
غيداء وانا اطلع الفلوس من جيبي : ايه كم
البياعة : 3 ريال
غيداء : كمان جيبي 2 موية
البياعة : طيب
غيداء اخذت الاغراض ومشيت ناحيت بشرى وصلت لعندها فتحت لها المويه وخليتها تشرب : تبين تاكلين الحين ولا بالفصل
بشرى : لا بالفصل الحين مالي نفس
غيداء انتبهت للمعلمات بدو يطلعونا على الفصول : طيب تعالي اوصلك لصديقاتك
بشرى : طيب
غيداء مشينا في السيب الين ما شفت بثينة قدامي ضربتها على ضهرها بشويش استدارت بخلعه : غيداء
غيداء : ايه غيداء خير مزعله بشرى
بشرى : اضربيها اقوى
غيداء مسكت يد بثينة وعضيتها : هذي عشان تتوبين تضايقينها
بثينة وهي تمسك يدها : آآآه تري بزعل منك هاه لا توقفين بصف بشرى بس
غيداء : بوصلها ولي كلام ثاني معك بس مو الحين
مسكت يد بشرى وشفت صديقاتها اللي معها بالعلمي : ملاك ملاك
ملاك : ايوه
غيداء وقفت حطيت يد بشرى بيد ملاك : خذيها بروح على فصلي
ملاك : طيب
ركضت على فصلي لاني تأخرت علينا قران الحين يوه وش احط لي عذر وصلت الين الفصل لقيت البنات برى يوه الحمد لله ما قد دخلت دخلت الفصل وجلست مكاني ما لقيت صديقاتي موجودات نزلت راسي على الطاولة الين ما يجون
———————————————–

الساعة 12:00 الظهر
وقفت قدام الشركة شركة أحمد محسن فهد ال…….. دخلت الشركة وطلبت اقابل أحمد دخلوني المكتب حقة كان لونه بني كل شيء في المكتب بني وتدرجاته جلست على الكرسي انتظره
————————————————-

كنت توني خارج من الاجتماع جاني السكرتير وقالي انه في واحد ينتظرني بمكتبي رحت لمكتبي اشوف من اللي بيجيني بها الوقت دخلت ولفتني الرجال اللي جالس على الكرسي ويقلب بأحد الملفات اللي على المكتب حقي حبيت أبين له اني موجود لانه شكله ما انتبه لي : السلام عليكم
ماجد اللي لف وناظر بأحمد : وعليكم السلام
أحمد حسيت بموية باردة تنصب علي ماجد واقف قدامي : ماجد
ماجد بأبتسامة : لنا مدة طويله ما شفنا بعض كيفك
أحمد مشيت بشويش لين ما صرت مواجهه ماجد : أنا بخير انت كيفك
ماجد جلست على الكرسي وأحمد موقف قدامي : أنا بخير
أحمد ناديت على السكرتير وسألت ماجد وش يحب : جيب 2 قهوه
ماجد : ايه أحمد كيف الشغل معك
احمد : الحمد لله زين
ماجد : اشوفك طول هالمده ما سألت عن عيالك ما تبي تشوفهم
أحمد : ماجد انا اسف على كل اللي صار انا انا
ماجد وهو يتكتف : انت ايش
أحمد : أنا أبي ارجع أزهار لي وابي بناتي
ماجد بضحكه : ههههه ليه وانت تحسب اللي انت سويته بحقي انا واختي قليل
أحمد : أنا أسف
ماجد : على ايش بالضبط على طردك لاختي وبناتها ولا على طردي انا
أحمد وهو منزل راسه : أنا اسف يا ماجد على كل اللي صار انا كنت فاهم غلط انا
ماجد : بما أنك تتذكر كل اللي صار اكيد انك باقي تتذكر الوعد اللي قلته لك
أحمد رفعت نظري وجت عيني بعين ماجد ما عرفت ارد عليه كل شيء صار ذاك الوقت كان يمر قدامي مثل الشريط : انا اتذكر
ماجد : انا بوفي بهذا الوعد
انتهى البارت