السلام عليكم ورحمة الله وبركاته
ما اعرف كيف ابدا.. اول شي انا احب شخص من 4 سنوات الله يعلم قد ايش انا احبه ومابي افقده
مو حب نت ولا مشاعر مراهقه كل شي صار صدفة كانت اجمل حياتي معه مع اني برضو عشت ايام حزينه وصعبه بفراقه قبل لا نترك بعض بسنه كنت اجرحه بالكلام من قهري لانه اوقات يسوي تصرفات تقهر واحيانا الشيطان يلعب بعقلي وأظلمه واروح اقوله كلام مو زين.. وربي اني احبه يمكن من كثر ما احبه اجيب الحزن لنفسي لما خاني من سنتين ويكلم بنات غيري وبصراحه ما الومه كنت اضايقه واقهره كثير ولما اقوله ليه انا اغار تحاكيهم يقول ان هم مو زيك وانا احبك وانتي غير ومن هالكلام ,, وطبعا انا مو غبيه اصدق اي كلام ينقال كذا بس حسيته صاادق وقلبي يرتاح لكلامه
بس تجيه تصرفات غريبة فجاة يتركني يومين ويجي ويكلمني باسلوب بارد كأنه مالي خلقي,, باختصار اوقات احسه يصرفني واحيانا يجيني مشتاق ويقولي كلام حلو كثير احس من قلبه جد
وصارت مشاااكل بينا كثيرة تهاوشنا
اكيد بتقولون انه يتلاعب بمشاعرك وانه لعاب و و و و و ومن هالكلام
بس ما ادري كيف اوضح اكثر.
هو يمكن يحبني بس يمل مني وأوقات تجيني افكار ان ما عندي كرامه احس اني مطفوقه وهو دايم ثقيل علي ويصير مع بنات غيري في الانستقرام
مقهوره مره ومابي اتركه اتمنى اكون كل شي بحياته نفس قبل بس مااعرف كيف أفوض امري لله دايم ومابي اتخلى عنه ابد
افترقنا سنه وتعذبت كثييير وما فكرت ابد ربي يعوضني بشخص غيره ولا اتمنى وقبل لا نرجع لبعض كانت امنيتي انه يرجع لي وادعي ربي دايم اننا نرجع لبعض ونكون من نصيب بعض في الدنيا والجنة وما يكون هذا الحب شر وحرام
وصبرت كثير ولما جا يوم صدفة رجعنا لبعض ما قدرت اقاوم شوقي اكبر من زعلي وغيرتي بالايام الي راحت مع ان صارت مشكلة من فترة طويله , غلط على امي وابوي,انا الي بديت عشاني دعيت على امه تموت يارب سامحني الله يحفظ جميع امهات المسلمين.الله يعلم بنيتي ويعلم بحبي ومشاعري وربي ندمانه اني سويت كل هذا احس الله عاقبني بكل الاحزان الي صارت .. بس يجي شيطان يقول يطقطق عليك نفس البنات الي عنده في الانستقرام واتعوذ منه ويرتاح بالي وبعد كم ساعة يضيق صدري ويستغلني الرجيم
عندي كرامه وعزة نفس بس انا غصب عني اسامحه واحبه وانتظره ما ادري اتوقع هو مو كذا او كذا بس كل شي غصب عني اصلي لربي وادعي ان كانه شر يبعد عني بس فجاة القى نفسي احن له واشتاق له..الحمدلله ان الححين رجعنا لبعض وحقق الله امنيتي من فضله
التجأت لله ثم لكم ساعدوني ما ادري ايش اسوي مابي اتركه وافقده … ادري ان كلامي حوسه وملخبط بس ارجوكم ساعدوني احنا نحب بعض بس ابي اصير كل شي جميل في حياته واكون مليانه في قلبه او حل ثاني غير اني اتركه لاني ما صدقت يرجع لي ويقولي حبيبتي. يمكن بتقولون هذا مو حب عارفه ما كان حب من المشاكل لكن زي ماقلت اننا رجعنا الحمدلله وقالي نفتح صفحة جديده ويجي الشيطان يلعب بعقلي ساعدوني حبايبي
ثآني شي آنتي آلمآسه كيف ترضين آنك تكلمين وآحد مآيحل عليك
أذآ هو شاريك يدل بآب بيتك يطلبك من أبوك
وذآ الحزن من الذنوب
وبس
،
اجل اسألي الشباب بنت تكلمك بتحبها ؟
بيقول لك لا لان لو كلمتني أكيد بتكلم غيري صح ولا لا ؟
وانتي 4 سنوات يلعب عليك !! لو يحبك من جد كان خطبك من البداية
وتقولين ادعي ربي اننا نرجع لبعض ! خخخيير ترا حرام تدعين الله ترجعين لمعصيةة !؟؟
فكري بعقلك ولا تخلين العواطف تغلبك !! في الأمور هذي فكري بعقلك وحتى لو تحبينه ادعسي على حبك
والله يعوضك بداله خيير وحلال ، وحزنك ذا بسبب المعصيةة الي تسوينهاا
ومو تقولين الشيطان يلعب بعقلي وتجيني افكار انه يلعب علي ! ذا ضميرك مو الشيطان !!
احمدي ربك ان ضميرك باقي حي لان بعضهم يسوون معاصي وهم مبسوطين ذولا الضمير عندهم مات !
استغفري ربك واقطعي علاقتك معاه لان لو هو يحبك بيجيك ويخطبك !~
الله يوفقك ويسعدك ، معليش طوولت ححييل
اهلين وسهلين ومرحبتين فيك اختي
بالنسبة للسالفه
ماعندي تعليق والله
أختي أنتي في كارثه حقيقيه كيف تقولي حبيبي وهو ليس محرم لك تخيلي نفسك بعد وقت تتزوجي غيره ما هو شعورك ؟مصيبه……. والمصيبه الأكبر عصيان الخالق……….نصيحتي توقفي عن التحدث معه ولا تجعلي قلبك يلين له استعيني ب الخالق بالصلاة والصوم والدعاء …. لو يريدك زوجة له سيأتي من باب البيت ………… صدقني أغلب شباب اليوم يتسلى ……….الله يرزقك الزوج الصالح
عزيزتي هل حقآ دعيتِ ربي آلعبآد بأن يعيد ذآك آلرجل لحيآتك ؟
هل يمكنني سؤآلك ببسآطه هل فكرتِ يومآ بدعآئكِ حقآ ؟
ي رفيقه أنتِ تعصين الله فـ كيف تنآجينه في معصيتك ؟
أني والله أحبكَ فيه فَ أدعي الله أن يبعده عنك ويثبت قلبك على دينه
" ذآك آلحزن هو معرفة لـ معصيتك , هل تعتقدين ي رفيقة أنكِ حينمآ تعصين الله س تسعدين ؟ "
آلجوآب بدآخلك ي ملآك , لآتكوني عميآء آلبصيره
كلنآ خطآئون و خير آلخطآئون آلتوآبون ()
ريـنَ
ماراح ازِيدك اكثر من إللي انقال لكِ ^
بس بقولك عبآره تختصر كل الكلام ،
" لو يحبك صدق مارضى تكلمينِه بالحرامّ "
|
المشاركة الأساسية كتبها عزة نفس :$
 تقولين يكلم غيرك ؟
اجل اسألي الشباب بنت تكلمك بتحبها ؟ بيقول لك لا لان لو كلمتني أكيد بتكلم غيري صح ولا لا ؟ وانتي 4 سنوات يلعب عليك !! لو يحبك من جد كان خطبك من البداية وتقولين ادعي ربي اننا نرجع لبعض ! خخخيير ترا حرام تدعين الله ترجعين لمعصيةة !؟؟ فكري بعقلك ولا تخلين العواطف تغلبك !! في الأمور هذي فكري بعقلك وحتى لو تحبينه ادعسي على حبك والله يعوضك بداله خيير وحلال ، وحزنك ذا بسبب المعصيةة الي تسوينهاا ومو تقولين الشيطان يلعب بعقلي وتجيني افكار انه يلعب علي ! ذا ضميرك مو الشيطان !! احمدي ربك ان ضميرك باقي حي لان بعضهم يسوون معاصي وهم مبسوطين ذولا الضمير عندهم مات ! استغفري ربك واقطعي علاقتك معاه لان لو هو يحبك بيجيك ويخطبك !~ الله يوفقك ويسعدك ، معليش طوولت ححييل |
قالـت كِل اللي بخاطري وكان ودي اقوله لكِ ..
الله يهديكِ
.
بس عندي سؤال
من فين يجيبن بنات اليوم الجرأة في انهن يقولن لشخص حبيبي و يجاهرن بالموضوع و كأنه شي عادي جدا و روتيني و ما حرام و لا عيب
أهم شي فين الحياء و الخجل
نزين خلنا نقول يحبن و ما بيدهن هذا الموضوع بس شئ اسمه ستري على نفسش و لا تجاهري خليها في فؤادش و إذا ربنا كتب و تزوجتيه
عتي بايه تعلني للعالم كله ما شئ مانع
يعني بالعقل كيف تشوفي تفكير الولد أيكون ؟!
بنت و راضيه تكلمه من ورى أهلها و أهم شئ مخالفة دينها
يعني هان عليها أبوها انه ينهان و يستنقص من قدره بسبب تصرفها التافه
و هان عليها إنها تطعنه في ظهره
نزين و كل ذك الثقه العمياء اللي معطنش إياها هذا جزاها ؟!!!
الله يرحم الآباء و يصبرهم
قولي لنفسك دا الكلام
كيف حيكون شكل أهلك لو عرفوا أمك و ابوك اللي تعبوا في ترتبيك . اخوك عضدك ايش حيكون وضعو . اخواتك سندك كيف حيكون شكلهم فكري في اهلك من كل النواحي ؟
لو متي لا سمح الله هل راح يجي دا الشخص يقول لا ي رب انا اخد عنها دا الزنب و انا لعبت بعقلها و الا حيتبرى منك قبلها و فكري فيهم كلهم ربنآ
دا الشي ربنا ما احلو لانو في معصيه لو لانو دا الشي بيسبب لنا اذى احنا البنات لاننا بنفكر كتير بعواطفنا و مشاعرنا
تعتقدي لو كان في خير لك كان ربي ما سخرلو لك و كان ما جاك من الباب و اتقدملك خصوصا انكم كتير مع بعض
4 سنين شي مو هين
اسمعيني ي قمر
احنا كلنا ايام معدوده و نروح لربنا و حسناتنا حتوقف معانا عند ربنا و حتدافع عنا و حنتحمل زنوبنا اللي سويناها
و كل ضلع من جسمك حيشهد عليك انك عملتي المعصيه دي تتوقعي انك تقدري تتحملي المعصيه و النار فكري فيها مزبوط ..
احنا للاسف اتلهينا في الدنيا و نسينا الاخرة ترى دا الكلام ما ينفع
و كل ما حن قلبك لو قولي يا رب و اللهم اغنني بحلالك عن حرامك و اغنني بفضلك عمن سوآك
صدقيني دا اللي تحبي ما في خير لك انا عارفه انك محا تستوعبي كلامي
بس اباك تسوي تجربه كل ما افتكرتي و حنيتيلو اباك تقومي تتوضي و تصلي ركعتين ادعي كل اللي في نفسك و
ازا ما عندك شي تقولي قولي ي رب و ربي حيسخرلك كل خير في الدنيا
و قولي ي رب تركتو لاجلك فعوضني باللي احسن منو و حتلاقي العوض العظيم عند ربنا
و ازا عندك وقت فراغ حاولي تلهي نفسك في شي تحبي مثلا قراءة كتابه تتفرجي افلام اقري قران استغفري
نمي مواهبك لوني سوي كل شي يفيدك
و اخيرا اختم قولي بـ استغفري في اليوم 100 مرة بنيه انو ربي ينسيك هو و حتشوفي بعد فترة كيف حتطالعي في الادمي و حتقولي دا انا كيف كنت احبو =)
الله يسعدك دنيآ و آخرة و يفرج همك ي رب