I ♥ korean Food ||~
ادري بحوم كبودكم ب الاكل الكوري 
بس الدرامات الكوريه و المحبه وماتسوي 
و حلو الواحد يكتشف اكلاتهم الغريبه و يجربها
فـ اتمنى يعجبكم الموضوع
لكم 
عباره عن ملعقتين صويا صوص + ملعقه صغيره خل + بصل اخضر + حبوب السمسم "حسب الرغبه"
هالصوص يستخدم مع أغلب اكلات موضوعنا اليوم
—
fried bean curd
المقآدير + الطريقه ,
اول حاجه التوفو المقلي تشترونه جاهز وهذي صورته ^^
بعدها تفتحونه من أي جهه عشان نحشيه
انا حشيته رز أبيض شوحته مع بصل وثوم وبصل اخضر
لما نحشيه نحاول نقفله بـ البصل الاخضر ,
مثل الصوره اللي فوق
تآكلونه مع صوص الصويا اللي ب أول الموضوع
و بالعافيه
—
Green onion pancake
المقآدير + الطريقه
نقطّع البصل الاخضر بشكل طولي ,
الحين نخلط نص كاس طحين + نص كاس مويه + ملعقه صغيره ملح + رشه سكر ثم نخلطه زيييين
بيكون معنا شبه سائل ,
بعدها ب المقلاه نضيف شويه زيت .. ونصف البصل الاخضر جمب بعض
بشكل طولي ,
بعدها ناخذ الطحين ونحطه فوق البصل الاخضر لين نغطيه
" لاتوزعونه على المقلاه , بس امشوا فوق البصل الاخضر لين يتغطى "
وقلبوه لين يصير لونه بني فاتح و يقدم مع صوص الصويا اللي بأول الموضوع
وبالعافيه
—
(Tuna pancakes (Chamchijeon
المقادير + الطريقه :
نص بصله نقطعها صغار .. و ناخذ علبه تونه ونصفيها
الحين نخلط التونه مع البصل مع فصين ثوم مقطع صغيير + شوي ملح
وفلفل اسود + بيضه + ملعقتين طحين + ملعقه زيت السمسم ونخلطهم سوا زييين
الحين ب المقلاه نحط شوي زيت , نبدا ناخذ بالملعقه من خليط التونه
ونحطه ب المقلاه ونضغطهم شووي عشان يكون الشكل قريب للدائره
ونقلبهم ع الجهتين لين يصير اللون ذهبي + يقدم مع صوص الصويا برضو
وبالعافيه
Mandu
المقادير + الطريقه
طبعا هو يشبه المنتو بشكل كبير
اول شيء ناخذ لحم مفروم ونحط عليه ملعقه زيت السمسم
نقطع :
ربع بصله + فطر + بصل اخضر + ملعقه صويا صوص + 3 فصوص ثوم مقطعه صغار
ونخلطهم مع اللحم المفروم ,
الحين نبدا نحشيهم ب العجينه , انا اخذتها جاهزه
ونسويها نفس شكل المنتو
بعدها نحطهم ب قدر البخار ..
انا بعد ماطلعتهم من القدر قليت نصهم , تصير مقرمشه واحسها احلى
والباقي غلفوه وحطوه ب الفريزر
و بالعافيه
المقادير والطريقه :
نخلط لحم مفروم + ملعقه صويا صوص + ربع ملعقه سكر بني + ملعقه ثوم مدقوق ناعم
و شوي بصل اخضر + ملعقه زيت السمسم + شوي فلفل اسود + ملح .. نخلطهم زيين
الحين نقطع الخضار وعلى حسب مزاجكم ,
انا حطيت شوي جزر وشوي خيار و بصله .. تقطعونهم صغاااااار
عشان يكون اسهل عليكم لما تخلطونه مع الرز
نسلق الرز الكوري او المصري .. ونخليه ع جمب
الحين ب المقلاه , نحط اللحم المفروم , لين يتغير لونه بعدها الخضار والبصل
ونحركهم شوي ,
الحين نحط الرز ونضيف عليه اللحم والخضار + حبوب سمسم+ ملح
ونخلطهم سوا
بعدا نبدآ نسويه على شكل كور صغيره
وب العافيه
Kimchi RaMyeon
المقادير و الطريقه :
نغلي شوي مويه + نضيف ملعقتين من الكيمتشي " انا اشتريه جاهز ^^ "
نضيف بهارات الرامن , وانصحكم ب هالنوع وهذي صورته اضغطوا هنا , الذ شيء بس حآر شوي ..
نضيف الرامن و نخليه يطبخ لمده 3 دقايق
بعدها نضيف بيضه " حسب الرغبه "
اخر شيء اضيفوا بصل اخضر وبعدها قدموه
تقدرون تضيفون اعشاب بحريه اذا حابين ,
وب العافيه
japchae
المقادير والطريقه :
نسلق المكرونه .. ولازم هالنوع وهذي صورتها ^^
نخليها 4 او 5 دقايق .. رآح تعرفون انها استوت لما تذوقونها وتحصلونها طريّه
بعدها تصفونها وتغسلونها بمويه بارده وتضيفون ملعقه صويا صوص وملعقه زيت السمسم
واخلطوها وخلوها ع جمب شوي
بعدها تقلون بعض الخضار وعلى حسب مزاجكم ,
عني حطيت المفرزه اسرع و مشكّله
تشوحونها ع النار مع بصله مقطعه شرايح و 3 فصوص ثوم مدقوقه ناعم
وقطع لحم – حسب الرغبه –
بعدها تضيفون المكرونه عليهم وتحطون ملعقه صويا صوص و ملعقتين سكر و ملعقه زيت السمسم
وتحركونهم سوا .. و تقدمونها لحالها او مع رز ابيض ,
و بالعافيه
Korean Mini Fried Chicken
المقادير و الطريقه :
ناخذ صدر دجاج ونقطعه مربعات ونتبله ب فلفل اسود ونحط عليه ملعقه طحين
ونحركه ,
الحين نخلط 4 ملاعق طحين + بياض بيضه + وشوي مويه
راح يكون الخليط شبه سائل
نحط الدجاج عليه ونخلط زييين
نقلى الدجاج لأول مره لين يكون لونه فاتح ونطلعه ينشف شوي
بعدها نرجع نقليه لين يصير لونه اغمق ,
الحين نجهز الصوص
ملعقتين كاتشب + ملعقه صلصه حاره + ملعقه مايونيز + ملعقه سكر
نص ملعقه زيت سمسم + نص ملعقه زيت زيتون + نص ملعقه ثوم مدقوق ناعم + ملعقه بصل مقطع صغار
نحرك الصوص على النار شوي وبعدها نضيف له الدجاج
لين يتمزج الدجاج كله بالصوص
وب العافيه
و بكذا أكون إنتهيت من الموضوع ^^
منقول لعيونكم