التصنيف: شعر – قصائد – قصايد – همس القوافي

انجــرح خــد الشعــور ومـبتلي
وسّم ولا يـمحي آلامه طبـيــب

اي نثرت الحـزن وردٍ يا هـلــي
دام مات اللي لأفراحي يجيب

وان ندهت الكل هو عني سلـي
وحدي و هالهم جالس لي رقيب

وين ما اقود الخُطَا ما ينْجـلـِي
رافق عيوني وصبت هي صبيب

والالم امطـار تـمـلاني ملـي
ما بقا صفون وهي له ماتصيب

يا علي لالي ويلالي ويا للي
ما تفيدك عـقـب فرقاه الحـبيب

لو ندهت بصوت من راسي وعلي
الصدى جاوبك خلّك مو قريب

الشروق آمــال وَكِّـلـْهَـا الـْـولـِي
والغروب رماح في القلب ولــهيب

والورودتـفـوح تـنــثر طيـب لي
والغصون تْجَــرح ايدي عقب طيب