ايه الاسباب 2024.

إيه ألآسباب ياحبيبى إللى خلتنا عن بعض أغراب
الزمن ده سبب فيهم ولا ألسبب هما الخُطاب
ولا الفراق ضحك علينا قول ياحبيبى إيه ألآسباب

أنا هاكتب كل كلمه هاقولها وهاحكيها لكل ألعُذاب
عشان يعرفوا إيه السبب وإن الفراق مش من الباب للباب
هاحكى أنا ع الحيره وكلامى كله هادونه ف كتاب
يقراه كل حبيب وياخدوا بالهم قوى العُذاب　

حبيبى سابنى ف يوم ومن غير مايقولى إيه ألآسباب
وقالولى إنه ع الفراق بيبكى والدموع ع الخدود منه بتنساب
ولما سألت عن السبب جاوبونى الناس إن فيه خُطاب
كله يتمنى نظره منه والكل واقف طابور ع الباب
لكن هو بس بيحبك وعشان كدا بيبكى ويشكى للآحباب

إفتكرت دموعه حقيقى أتاريه مش سادىْ كداب
وأنا إللى فضلت أحبه وعملت كمان قصته ف كتاب
كل يوم أقراه عشان قلبى مايقفل عليهم مليون باب
لحد ماكتشفت الحقيقه.. حقيقة الدموع اللى ع الخد بتنساب
لا كان بيبكى على ولا حتى فاكر أنا مين يا أحباب

عشان كدا سألت الناس طب إيه ألأسباب
قالوا يمكن دلع ويمكن بيتقل على الخُطاب
وفيه ناس قالوا هو كدا فى حقيقته أصله كداب
بقيت لا قادر أنسه حبه ولا حتى أقرب عنده من الباب
وما بقتش عارف هو لى ولا مقسوم لواحد غيرى من العُزال أو ألآحباب
　
لو سألته مايقولش الحقيقه مش عارف إيه ألآسباب
ومش عارف اذا كان بيحبنى ولا نسانى ف لحظة عتاب
ياحبيبى فين الحقيقه جاوبنى واوعاك تكون زى ما الناس بتقول كداب
إنته لمين بالظبط مخطوب ولا لسه مصيرك منساب
أنا حبيبك وانت ليك غيرى حبيب قوللى سبب البُعد إيه ألآسباب

إيــه ألآســباب

مارس /1994