هكذا كانت البداية ..
مشوار طوييييييييل ..
مشوار الم ..
مشوار جراح ماليها عد ..
مشوار عذاب ..
وفرحه ما تصدق تكتمل ..
يجيها هاجس من بعيد ..
فرح؟..
لي شنو الفرح ؟؟؟
لي شنو الفرح ودموعك بتبتهل الاله ..
لي راحه من مشوار دموع ..
لي راحه من كتر النشيج ..
سكة عذاب ما ليها حد ..
اول طريقا ..
فقدان امل ..
لي شنو الامل ..
بى شنو الامل ..
بنهاية الجراح ؟؟؟
املا بعييييييييد ..
بعد السما ..
ما الجراح ماليها حد ..
وخلاص بقيت في حالة ملل ..
مليت منك يا زمن ..
مليت منك يا دموع ..
مليت منك يا جراح ..
خلينى في الدنيا البراح ..
يادنياي لا تجوري ..
شيليها آهات القلب ..
وبدلي القلب الحزين ..
ادينى لحظة من العمر ..
ادينى راحه من التعب ..
ادينى حبة فرح ..
ثم ..
خليك معاي ..
خليك معاي شعاع نور ..
جايي من عمق الخيال ..
جاية من عبر العصور ..
تهزم الخوف المستكين ..
خوفي من الفرح ..
خوفي حتي من الامل ..
الخوف من دمعه تانية ..
تنهي أحلام السنين ..
خليك معاي ..
انشودة بتضوى الطريق ..
انشودة فرح ..
معقوله بس ..
في لحظه تتغير حياه ..
في لحظة بنبع امل ..
في لحظه ارتاح من شجون ..
كانت معاي طول العمر ..
النهاية ..
معقوله بس ..
معقوله برتاح منك يا سهر ..
وارتاح منك يا شجون ..
مشوار طويل …
تنهيهو بارقه من الامل ..
مشواري ما كنت بقول في يوم يقيف ..
اتاريهو راجى منك بس اشارة ..
يمحى كل الكان زمان ..
ينسي حرمانو الطويل ..
يبعد الآهات بابتسامه ..
يمشي من دنيا الكآبه ..
لي دنيا اشبه بالجنان ..
معقوله بس ؟؟ !!
بقلمي ..
ومداد أحلامي :
أحلام عادية
ملحوظة : الخاطرة مكتوبة باللهجة السودانية
ما يسطره القلب
يستقر مباشرة بالقلب
جميل قلمك
لكِ إحترامي
وقبائل من الزهور الوردية
دمتِ بخير
تحاياي
lolozz
|
المشاركة الأساسية كتبها tornado soon
 أحلام عادية
ما يسطره القلب جميل قلمك لكِ إحترامي دمتِ بخير تحاياي |
tornado soon :
ما يسطره حضورك داخل النفس ..
جحافل وردية من الامتنان ..
واحساس لا حدود له بالسعادة ..
…
شرفي جداً حضورك المتميز …
دمت بخير ..