الجوري طفلة صغيرة تسرج للصبح ألف وطن :
عذْتك برب الحسن ياحسْن هالكون .. عذْتك برب النور يالنور كلّه
عذْتك برب اللون يافاتن اللون .. ياللي خذت من أجمل الشي جلّه
يا( الجوري ) مهما قارنوا فيك يبطون .. لك داخلي منزال محدٍ يحلّه
حرفي بذكرك جاك منساق مفتون .. يحمل جفافه كود ديمك يبلّه
إنصبّي بشعري خضارات ومزون .. بك تنبت زهوره وشيحه وفلّه
الليل وهروبه بطلّتك مرهون .. والصبح وجهك من غماده يسلّه
ياللي بطهْر الأرض مملي ومسكون .. من شاف وجهك يالنقا مايملّه
عذْتك برب الفرْح ويافرحة الكون .. عذْتك برب النور ياكلّ كلّه
أنا
سعد العوجان
أو
ليل النديم
[/BACKGROUND][/QUOTE]