زاد الـــــغلا واللي ذبحنا سعيره
زاد الغلا يـــارب ويش السواتي
العــــين تـبصر والايادي قصيره
يارب ترحمـــــنا من اللي بيأتي
معاشنا يقـضي على اللي صغيره
والأ الكبـــــيره سمِيت معجزاتي
صار العجز معنا عــلان وسريره
ماخذ علينا من سلفــــنا وصاتي
نقضي الحـوايج والنواظر كسيره
ناخذ ولكن ناقــــــصه مشتراتي
غصبــــــــن علينا مانبدي اخيـره
نشوف مانبغى ويصبــــح مناتي
سداد صار العمر واشـــياء كبيره
مديون كل الوقت ونفسك تحاتي
من امرنــــا صرنا حسافه بحيره
نبغى ولكــــن مانـبيـــــه بغلاتي
صرنا ندور بحلقــــــتن مستديره
سنـيـنـنا تمضــــي بلا معطياتي
البيت يبغى والمقاضـــــــي كثيره
والطفل والحرمه تبي مسـعفاتي
حياتنا صعـــــبه وصارت عسيره
يالله دعيتك يارحـــــــيم بصلاتي
اعطف على عبادن تعيش المريره
من صبحــهـا بالهم حتى المباتي
روف بحياتي اللي غدا ذا مصيره
راحت حيـــــاته كل ابوها شقاتي
يالله عسى تجعل لنـــا الامر خيره
وتجعـل لنــا جناتك اعظم غناتي
بقلمي (الخافق) يوسف الخلف
من الأبيات التي تجعل الخيال حاضرا
والجمال موجودا
صح لسانك ياشاعرنا
صح نبضك شاعرنا
ودام هتانك
يعطيك ألف عافية
,
إحترامي وتقديري
تسلم ها الاياااااااادي
..يااااااااااااعسل….خااطره روووووووووووعه