بعد التحية
سعاد اسم مستعار
الشوق هيّض مهجتي وانتشابها |
| وهلت على بيض الصحايف سحابها |
| اسباب من ذكّر عليّه بقولها |
| وجاوبت في حلو القصايد خطابها |
| تقول ياليت الليالي تعوّد |
| وترجع عقاربها وعدة حسابها |
| ذكرت والذكرى تجر الحنينا |
| ثم زاد للنفس الشقيه عذابها |
| سعاد انا شوقي تجاوز حدوده |
| للديره اللي ماتغيّر شرابها |
| ذكرت ايام الصبا مع طفولتي |
| قبل الحضاره والمدن واكتئابها |
| لي ديرةٍ سعاد باوسط بلادي |
| اغلى من البترول عندي ترابها |
| ديره ولي فيها ربوع وقرايب |
| يسرني ساعة مشاهد هضابها |
| يانجد ياعلك من السيل سايله |
| مزنً من القبله يسيّل شعابها |
| يحق للنجدي تفاخر بديرته |
| لان الفرنجي ياعرب ما وطابها |
| فيها الكرم والطيب والعز كله |
| محداً سكن فيها وشاف الردابها |
| سعاد ياغض النهد ياجميله |
| نجديةٍ ماطوّحت بحجابها |
| مرجع(….) العز اصلك ومنسبك |
| النعم فالحسن الاصيل انتسابها |
| يافاتنه شعري بدعته عشانك |
| مثلك يهيّض لا تكلم جنابها |
| يام الجمال اللي خذيتيه كله |
| وصفك كما جمله صعيبٍ اعرابها |
| الزين في عينك وخدك ومبسمك |
| وذرعان مع كفً زهاها خضابها |
| شفايفك كالتوت واحلى من الشهد |
| على الردي ممنوع منها اقترابها |
| وشعراً يداعبه الهواء لا تجدل |
| ومن الضباء كنك خذيتي رقابها |
| وجسماً اليا منك مشيتي مفصل |
| اقلوب خلق الله تزايد صوابها |
| على الخصر والردف والصدر منكتب |
| انا جمال الكون فتنة شبابها |
| صدراً شمخ بالنهد فيه متجلي |
| غضه لطيفه شامخه بنتصابها |
| وخصراً كما الحلقه صغيراً ويشتكي |
| من ردفها اللي فتنته ينحكابها |
| والساق مبروماً تقاطر انوثته |
| تفرح بها ارض العرب لا مشابها |
| انثى جميله ساحره لا تكلمت |
| تسبي عقول اهل الهوى في جوابها |
| بيضاء كما الثلجه رقيقه وناعمه |
| زهره وراع الروض فيها اعتنابها |
| هاذي بيوت الشعر يمك تسابقن |
| تعلن على وجه الصحايف اعجابها |
| تعبير من شاعر تغنى بزينك |
| ساعة مشاعر مع هجوسً سرابها |
| وانا وانا طايل وربعي عتيبه |
| تاريخها محفوظ داخل كتابها |
| يشهد لها التاريخ مجداً وعزه |
| يفرح بها بالضيق منهو لجابها |
| و(…..) والمجد العظيم المخلد |
| على النقا والطيب حثت ركابها |
| وكل العرب والنعم مافيه شكه |
| يستاهل الامجاد منهو سعابها |
بقلمي
ودام عزك وشانك,,
ابداع من نبع الابداع نص رآق لي من مبتداه لمنتهاه
شرف لي بان اكون اول من عانق هذه الشامخه ,,
كما يكون شرف لي قراءتها واتعمق بجمالياتها
ننتظر جديدك
يسعدنـي اني اكون اول من رد ع القصيـدهـ الاكثر من رائعه
يحق للنجدي تفاخر بديرته
لان الفرنجي ياعرب ما وطابها
صح لســانــك يالبــى نــجد من جد كلمـات فاقـــت العــذووبـــه
وانا وانا طايل وربعي عتيبه
تاريخها محفوظ داخل كتابها
والنعم وسبـعه انــعام انــا اشهـد فديت عتيبــه
استمــر اخــوي من جد استمتعت بالقرءاهـ
لك منــي قلائـد من الجــوري
تقبل مروري من هنا اختك مجروحه
تراتيل الوجد
اينعت هنا
وكان ميزاجها ياسمين..!
لله درك
صح السانك
ابدعت وجدا وشعرا
حتى الامتاع
لك آجل التحايا
العذوب
اوصاف اذهلت مخيلتي
نص يفوق الروعه اهنيك عليه
آمله المزيد من هذا الفيض
تحيتي ~
تسلسل رائع لا يجيده إلّا طــــآيل ماشا الله وبارك ..
صح لسانك حتى ترضـــــآ ..
الله لايضرك ويزيدك
وانا وانا طايل وربعي عتيبه
تاريخها محفوظ داخل كتابها
يشهد لها التاريخ مجداً وعزه
يفرح بها بالضيق منهو لجابها
وأنا أشهد بعد ي حبني لعتيبه !
والحب بلوى والله بلاني بحبها 🙂
أختــــــــــــك
الجمــــــوح
ونعم بك وبربعك عتيبه
ابدعت وامتعت
ووالله لو بقتبس اقتبستها كلها
لاعدمتك اخوي وتقبل
تحيات وتقدير اخوك
أســــ الغنج ــــير
مساء الخير
ربي يحفظك ماشاء الله عليك كل شطر من القصيدة يجرح ويداوي قسم بالله انك مبدع
تقبل مني اجمل تحياتي
الزين الاصيل
اغلى من البترول عندي ترابها
ديره ولي فيها ربوع وقرايب
يسرني ساعة مشاهد هضابها
يانجد ياعلك من السيل سايله
مزنً من القبله يسيّل شعابها
لك الحق تفخر بنجد واهلها من منا مايحب نجد ؟
كلمات رائعة مبدعة من شاعر رائع ومبدع
صح السانك يافهد اجدت وابدعت في رسم الكلمات بصور شعرية قمة الروعة
إلى الامام وفالك المليون ان شاء الله
من قلم لم نتعوّد منـهـ إلا على كل ماهو جميل
صح لسانك ونبضك
دمت بـ حفظ المولى