أبي اطلق مواويل الحزن وبطرح كل دواويني
أبي أشكي أبي احكي ابوصف للبشر حرمان
أبيهم كلهم يدرون أبيهم يشعروا فيني
أبي لا من طرى اسمي بكى من لوعتي شيبان
أبي لامن طرى"عاشق" ذكر من كان يغليني
أبيهم يذكرون أني صرت بدمعتي غرقان
أبيهم يعرفون الهم هواللي صار يخاويني
أبي أصرخ وأبلغهم وأقول أن الفرح خوّان
يجي مرة معاي و هو طول العمر ناسيني
أبي اترك لهم قصة وأخيّرهم على العنوان
يسمّوا "حزن "يحطوا "دمع" ..ما عاد يعنيني
أبي لامن وصل صوتي يحس بضيقتي إنسان
أبي لامن نزف جرحي لقيت اللي يداويني
أبي شخص يجي يمي و يقفل للعنا بيبان
أبيه يكون لي خلٍ وعلى حزني يواسيني
أبيه لمركبي مرسى وأبيه لغربتي أوطان
أبي لامن ذرفت الدمع لقيته لي يعزّيني
أنا ما أبيه يصبح ضلع أبيه يكون لي ضلعان
أبي لا من مشيت وطحت يحط يديه في يديني
إلامن خانني التعبير أبيه يكون لي لسان
أبي لامن سكتْ ألقاه ..يفهم من نظر عيني
أبي لا من تعبت وضقت يلم الروح بالأحضان
أبيه يكون لي كتاب إذا ضاعت عناويني
أبي أعشق وأبي أغرم وببني للهوى بنيان
أبيه يكون مبنى ضخم ويسكن فيه مغليني
أبي واحد يسكن بي وابطرد لأجله السكّان
أبي يسكن وسط قلبي وعمره ما يخليني
أبي أشعل شموع الحب وبأعطي من الغلا بستان
أبي أهديه باقة ورد ..مسقيها شراييني .
استمري وأتمنى لك مزيد من التقدم
تحياتي
بس ياليت تحديد مصدر مشاركتك
بقلمك ام منقولة ؟.ْ~
كفايه غربله وهمــــــــــوم يادنيـــــا ظلمتينـــي
تقول ان الفرح خاين واقول ان الشقى عنوان
عزف نزف الجروح وصفقت لــه كل شراييني
كفايه يازمـــــــان الحزن انا انسان انا انسان
اشوف الفرح ذا كذبه لان الهـــــــــــم كاسيني
واشوفك تقهر الدمعه بضحكه والالم برهـــان
غريبه كل هالدنيا والاغرب لوعــــــــه سنيني
بصراحه اعجبتني القصيده فكتبت هالابيات المتواضعه00
واتمنى ان تنال اعجابك00
اقهر دمعتي بضحكه
يعطيك العافيه
وياهلا ومرحبا والله بك وبمشاركتك وانظمامك والله يحييك
بس ياليت يالغالي ولاعليك امر توضح مصدر مشاركتك يعني هل هي بقلمك او منقوله لأن هذا شرط اساسي بالقسم
تقبل تحياتي ولي عوده باذن الله
اخووووووووووك
أســــ الغنج ــــير
الوفى ابياتك رووعه يسلموو
يجي مرة معاي و هو طول العمر ناسيني
قمـــــه وشاعره متمكنه صحيح يعطيك ألف ألف عافيه على هالنص الأكثر من رائع
وانا بصراحه أعجبتني كل ابياتك ولكن هالبيت لحاله شد انتباهـــــي
تسلم يمنـــــــــــــــــــــآك على هالنص الجميل
ولاتحرمينا من جديدك يالغلاااااااااا
تقبلي تحياتـــــــــــي
وصح لسانكـ ملاييين
تقبل مروري/
أسيـــر